【Apple新店】apm第六店吸內地客？送橙Tee你又鍾唔鍾意？
1 :
GS(14)@2016-09-23 08:10:52觀塘apm的新Apple Store跟沙田店一樣用了新風格設計，用上更多木材打造產品展示架，並用上暖色系的燈光，令整體感覺更舒適。
估唔到地方細細的香港，竟然開到第六間Apple Store，說的就是在9月22號早上11點正式開幕的觀塘apm Apple Store。雖然已是第六間店，但同樣吸引到不少果粉晨早到場排隊等入場，人龍堆滿apm的大堂層，而最早到的董先生早上六點已到達，雖不是排通宵，但早五個鐘到場也是誠意可嘉，另亦有慈母（唔係警察，係真慈母）五點幾就由上水撲出來觀塘排隊，其實都是為了拿每次開新店都會送出的特別版紀念Tee。
今次紀念Tee顏色頗獨特，以橙色為主配上銀色字和logo，講真記者覺得不太靚，但亦有果粉大讚，唔知你又點睇呢？再講番今次新店，不少果粉認為新店較細兼較少特色，莫講話兩層和玻璃樓梯，就連沙田店的大型落地玻璃大門都欠奉，在眾多香港Apple Store之中，的確有點失色。其實這新店跟沙田店一樣用了新風格設計，用上更多木材打造產品展示架，並用上暖色系的燈光，令整體感覺更舒適。而店的正中間The Forum上的巨型屏幕更是店中焦點，會播宣傳片外，更會用作開設講座。另外，新店亦是九龍東的第一店，貼近附近商業區和住宅區，應該方便到不少附近果粉，不過同時亦有人擔心Apple Store會帶來更多內地人入區，現場就有果粉說：「這商場樓下便有皇崗巴士直達，唔使講大家都明喇。」記者：韓繼聰攝影：鄧鴻欣
新店的正中間The Forum上的巨型屏幕更是店中焦點，會播宣傳片外，更會用作下開設講座。
不少果粉認為新店較細兼較少特色。（觀塘apm商場大堂層C19至C27號店）
新店早上11點才正式開幕，但未夠10點已吸引到大批果粉排隊。
莫講話兩層和玻璃樓梯，就連沙田店的大型落地玻璃大門都欠奉，在眾多香港Apple Store之中，的確有點失色。
開新店當然例牌要攞紀念Tee，連可愛BB都唔執輸。
今次紀念Tee顏色頗獨特，以橙色為主配上銀色字和logo，講真記者覺得不太靚，但呢位肥哥哥睇嚟好愛。
最早到排頭位的董先生早在早上六點已到達，雖不用排通宵，但早五個鐘到場也是誠意可嘉。
展示機殼的木架原來全都是抽屜，想買邊一款，拉開自己攞就得。
來源:
http://hk.apple.nextmedia.com/su ... t/20160923/19779511