江若琳幫男友搵生意
1 :
GS(14)@2017-05-18 02:14:17■江若琳不用開工便到Oscar的新店幫手。DV圖片
江若琳日前宣佈與「九舖生煎王」蕭潤邦（Oscar）拍拖，日前下午3時多，江若琳被影到去男友於大埔的新店幫手，其間Oscar不時輕摸女友頭髮傳情，羨煞旁人。江若琳逗留數小時後，便與Oscar拖手離開，與一男一女駕車去一間學校送外賣。事後江若琳在電話中表示：「其實我冇乜貢獻，我經理人住大埔，好多朋友住嗰頭，佢哋都話想試，我只識食唔識幫手。」問到Oscar是否去學校送外賣？江若琳說：「嗰間學校係我經理人母校，老師想試，佢哋食完咪一齊送過去。」Oscar則回覆：「佢（江若琳）同班friend嚟食嘢咋。」採訪、攝影：梁繼光、黃曉程
來源:
http://hk.apple.nextmedia.com/entertainment/art/20170515/20021328
江若琳唔抗拒同居
1 :
GS(14)@2017-05-21 13:17:36江若琳及Yuki Lovey昨日到尖沙嘴為JOOX音樂會擔任表演嘉賓，早前公開與「九舖生煎王」蕭潤邦（Oscar）拍拖，江若琳收到不少朋友祝福，她說：「最開心係可以過番最正常、簡單嘅生活，行街睇戲食飯，真係好多年冇試過。」問會否到Oscar的食店幫忙？江若琳笑謂：「唔會啦，食嘢唔做嘢㗎我。我都唔會入股，工作上分開好啲。」兩人是否已發展至同居關係？她笑謂：「唔係，不過想爭取多啲時間相處，我都唔排斥同居，可以喺生活小事上了解大家。」至於有指Oscar資助她打官司？她表示自己仍有能力處理。採訪：盧妹攝影：仇志德
來源:
http://hk.apple.nextmedia.com/entertainment/art/20170521/20027832
江若琳獲指點隨時出嫁
1 :
GS(14)@2017-06-10 12:23:03江若琳、麥玲玲師傅前晚在尖沙嘴文化中心出席「維特健靈慶回歸20周年音樂會」，江若琳男友「生煎包王子」蕭潤邦（Oscar）最近再開兩間分店，變成「十舖生煎王」，不過她笑言沒有到新店幫手：「我唔係做生意材料。」男友開新舖，江若琳被指旺夫，她即把時辰八字給身邊的玲玲師傅，經師傅合指一算後說：「OK喎！係咪打算結婚？今年沖太歲，下年合太歲，好年份，佢嫁畀邊個都唔差。」問到江若琳是否打算結婚？她說：「順其自然，可能叮一聲就做，隨緣啦。」此外，陳曦齡透露將舉行講座，屆時妹妹陳美齡也會出席。採訪、攝影：羅慧敏
來源:
http://hk.apple.nextmedia.com/entertainment/art/20170605/20044282
【馮仁昭四圍超】蕭潤邦愛的紋身向江若琳求婚
1 :
GS(14)@2017-06-16 01:47:55江若琳（Elanne）同生煎包王子蕭潤邦（Oscar）公開戀情後，不停晒恩愛，Oscar為咗?女友，更加喺左手紋咗個愛的紋身，係一個皇冠配E字嘅圖案，意思係女友就係女王。Oscar經營嘅正宗上海生煎皇噚日喺大埔開分店，Elanne以「老闆娘」姿態同男友一齊出席開張儀式。Oscar講到愛的紋身：「我都係第一次紋呢啲嘢，個紋身師傅話紋英文字好叻，梗係紋個E字，媽咪唔會呷醋，媽咪係紋喺個心入面。」冧到爆嘅Elanne就話：「好開心，佢自己有份設計，佢係一個好浪漫嘅人。」
■蕭潤邦將代表Elanne的「E」字紋在左手上。
未來奶奶勁讚
講到Elanne好「旺夫」，男友最近連開多舖擴充生意，佢哋即刻合拍地扯開話題。問有冇分股畀女友，佢哋即一齊話工作要分得清楚。問到Oscar幾時求婚？Oscar承認有安排：「會啦﹗到時會通知大家。」Elanne話未幻想過男友求婚嘅情景：「等驚喜，佢咁鍾意畀驚喜我。」會唔會趁旅行造人？Oscar即話好忙，要做好間舖先。Elanne以內地形容詞回應：「嘩﹗你哋打黃槍（講有味笑話）！」另外，Elanne嘅未來奶奶好怕醜，唔肯出鏡，不過Oscar話媽咪大讚女友又靚、又好、又孝順。撰文：馮仁昭
來源:
http://hk.apple.nextmedia.com/entertainment/art/20170614/20054845
江若琳拍拖食平民車仔麵
1 :
GS(14)@2017-07-05 03:42:29■Oscar日前帶女友江若琳去鳳凰邨食車仔麵。讀者提供圖片
【爆相爆片】江若琳和「生煎包王子」蕭潤邦（Oscar）公開拍拖後更恩愛，前晚結伴賀陳柏宇結婚。讀者黃小姐日前透過本報「爆相爆片」分享江若琳和Oscar現身黃大仙鳳凰邨一間小店食車仔麵的照片，黃小姐說：「Oscar係咁講嘢，食完就起身走，Oscar遞紙巾畀江若琳，佢幾細心，離開時Oscar又幫女朋友開車門。」黃小姐謂聽到食肆老闆稱Oscar做蕭公子，食肆老闆向黃小姐稱Oscar是熟客。
■江若琳當日素顏出動。讀者提供圖片
江若琳日前在電話中說：「嗰日我冇化妝，車仔麵店係老字號，好有人情味，佢（Oscar）幫襯咗好耐，佢話帶我嚟試吓，好味呀，咁都俾人撞到。」採訪：楊定
來源:
http://hk.apple.nextmedia.com/entertainment/art/20170704/20077753
江若琳呻男友唔浪漫
1 :
GS(14)@2017-07-29 03:40:58江若琳昨日在商台宣傳新歌《思念的宵夜》及音樂會，找來杜汶澤做導演拍MV兼做埋男主角，杜汶澤出名敢言，所以有好多人怕受牽連，拒絕跟他合作，江若琳說：「黐線，我哋係兄弟！以前我哋拍《高舉愛》，好多人都鍾意，戲中阿澤死既，呢個MV當係套戲延續。」江若琳還大讚阿澤好認真，第一時間答應，還即刻去睇景，拍出來效果好詩情畫意。為了準備個唱，江若琳積極減肥，還要戒食消夜，連男友蕭潤邦的招牌食物也吃不得。談到之前啤梨求婚大陣仗，江若琳說：「佢（男友）叫我唔好睇咁多，話會教壞人，朋友分享求婚經歷，佢都叫我唔好聽。」她指自己要求不多，而男友又不懂浪漫，或許會自製驚喜。採訪、攝影：王連連
來源:
http://hk.apple.nextmedia.com/entertainment/art/20170728/20103623
Next Page