ZKIZ Archives


【馮仁昭四圍超】霆鋒打邊爐假戲真食

1 : GS(14)@2016-07-12 22:08:18

謝霆鋒瘋狂愛上煮嘢食,連早排佢同劉青雲合作拍新戲《驚心破》時,都成日整好嘢慰勞劇組,而戲中有幕佢同范曉萱一齊打邊爐,雖然只係做戲,但霆鋒都好認真,親自揀食材,結果拍完嗰場戲,所有人都停晒手埋位打邊爐,嘆完當然要讚番霆鋒兩句,大家封佢做「鋒味神探」。不過青雲就懷疑霆鋒只係請女唔請男食,因為每次都冇佢份食。撰文:馮仁昭





來源: http://hk.apple.nextmedia.com/entertainment/art/20160712/19690707
PermaLink: https://articles.zkiz.com/?id=303440

假戲真做都要做得漂亮 方卓如

1 : GS(14)@2017-02-11 23:48:39

2016-02-07 HJ

選舉可以係假,但質素高低係真。特首選舉就算係假戲真做,你都睇得出邊個做得投入、做得漂亮。好多嘢未必係參選人自己嘅主意,但最後拍板嘅一定係參選人自己。

物以類聚,什麼參選人就引來什麼競選團隊,品味個性唔係淨係用錢可以搞掂。當然,香港人5年前被騙過一次,競選漂亮,執政可以醜陋。講過嘅說話可以唔算數,競選時候嘅笑樣,當選後可以變成惡相。

特朗普應該係破紀錄最遵守競選承諾嘅候選人,當選之後每星期(若非每日)都有行政命令,落實佢競選時候講過嘅說話。政綱?唔使一定係寫幾版紙、長篇大論先叫做政綱,集會講得興起、台下拍爛手掌嘅,都可以係政綱。

乜嘢係政綱?只不過係總結所有講過嘅承諾。而家4個特首參選人,都喺唔同場合講過某些承諾, 有實有虛。唔可以話參選人政綱未出,只可以話等緊佢哋白紙黑字寫晒出嚟,方便比較同未來追數。

金融市場 零和遊戲

最新嘅特朗普命令就係要檢視金融規管,包括Dodd-Frank法案。金融海嘯之後嘅Dodd-Frank改革,就係要避免金融危機再次發生,減低金融機構炒得太勁而令市場崩潰,要政府負責。特朗普上場,息口上升,金融鬆綁,大利銀行券商再發大財,同時亦都埋下另一次爆發金融危機嘅炸彈。

金融市場係零和遊戲,你輸我贏,但呢個零和遊戲係喺升降機入面進行。可以大家嘅資產價格一齊升到上天嚟財富轉移,亦可以大家跌到落地底先嚟資產大挪移。每次金融危機都係資產轉移嘅大機會,但同時間全部人都會經歷身家縮水。

3個月前全世界都牙痛咁聲,無晒計,唔知點樣先可以帶領世界走出經濟不景氣,同埋拆解人人掛在口邊嘅潛伏大爆煲。

3個月後嘅今日,突然間全世界都開心得跳起,殺到雙眼通紅,迎接經濟強勁嘅勢頭重臨。原來解決經濟問題,就係要有個人夠膽不理世界同下一代死活,再借再使,以呢一代美國人開心為目標,隊冧別國亦在所不辭。好難令人相信纏擾咁多聰明人嘅難題,一個生意人上場就可以迎刃而解。

可以肯定,以往你成日聽見嘅問題並無消失,只係掃咗落地氈底。但唔緊要,一如以往所講,未爆嘅危機就等於冇,太早估中比估錯輸得更慘烈。

千祈唔好智者千慮,諗住世界搖搖欲墜而去保守行事,反而應該投入不理性亢奮,走入去賺埋一份。因為你要賺到夠,先可以捱到下一次全世界身家大縮水,同埋避免財富被轉移。

#方卓如 #港股分析 #方如玉帥 - 假戲真做都要做得漂亮
PermaLink: https://articles.zkiz.com/?id=326434

雙宋假戲真做《太陽》導演嚇一跳

1 : GS(14)@2017-07-09 12:16:16

韓國男神宋仲基上周認戀神劇《太陽的後裔》拍檔宋慧喬,同時宣佈將於10月31日結婚,二人因拍劇而戲假情真,連《太陽》導演金時亨受訪時都直認被雙宋結婚的消息嚇了一跳,他說:「比起剛開始,後半段二人確實親密了很多。剛開始只是前後輩關係,之後才慢慢變熟。因為二人變得親近,拍攝亦能順利地進行,但我真的沒想到他們會成為戀人。」而雙宋上月被目睹前後腳離開印尼峇里島,根據韓媒報道,喬妹是為了拍攝新寫真而去峇里,宋仲基做跟得男友一齊去,有傳兩人已於峇里舉行訂婚儀式。另外,正為CEO老公李英敦陀慈姑椗的韓劇《她很漂亮》女星黃靜茵,預計本月底生B,前日她跟朋友舉行Baby Shower,卞貞秀、車藝蓮、朴娜萊等女星亦有出席。撰文:梁雯迪


《太陽的後裔》導演金時亨

■預計月底生B的黃靜茵,前日跟朋友開Baby Shower。



來源: http://hk.apple.nextmedia.com/entertainment/art/20170709/20083306
PermaLink: https://articles.zkiz.com/?id=338763

Next Page

ZKIZ Archives @ 2019