ZKIZ Archives


雷曼產品外滙股票輸唔少 田少:有錢佬個個炒燶

2008-10-31  AppleDaily


【本 報訊】金融海嘯殺埋身,小市民固然遭殃,一眾有錢大戶傷得更深,當中不少更遭沒頂。自由黨前主席、身家至少50億元的田北俊坦言投資損手,除了「幾十萬美 元」雷曼投資產品變成廢紙外,最入肉的是炒燶accumulator(累計認購期權);但強調他的有錢朋友「個個都有買」,在友儕間,他已經是「輸得比較 少嗰個」。

田北俊昨日以旅遊發展局主席身份宴請傳媒,談及金融海嘯來勢洶洶,對旅遊業固然打擊甚大,他本人也難逃損手。他說自己並非雷曼苦主,因入市是當作投資,不算遭人誤導;至於accumulator,外滙與股票的都有買,結果當然慘不忍睹。

「根 本個個都有買,唔買嗰個一定有問題,即係唔識投資,淨係識將啲錢放晒做定期。舊年7月買(accumulator)時好吸引,係咁升,的確賺好多,但冇為 意只係得止升位冇止跌位,到o依家就梗係輸啦。」他沒有透露虧蝕總數,只表示不計accumulator,單是雷曼的投資產品已「幾十萬美金變咗零」,說 時語調顯得隱隱作痛。

同樣因炒燶股滙有切膚之痛的城中富豪大不乏人,恒基兆業主席李兆基早前透露其私人投資基金,由2,000億元大縮水至 1,500億元;榮智健旗下中信泰富炒外滙accumulator輸約155億元,李國寶的東亞銀行勁蝕35億元,「澳門李嘉誠」柯為湘的九龍建業,計數 後要蝕37億元,公司市值蒸發九成。

太太負責「自己買會輸得更慘」

田北俊形象一向精明,擅長計算,今次也難逃一劫。他說其實 從政已令他「輸少好多」,比較幸運,「因為我做緊立法會議員嗰陣,冇乜時間理財,全部由我太太負責買……如果我自己嚟,可能買得仲狼,會輸得更慘。」朋友 個個損手,問他誰輸得最「慘烈」,他說:「總之個個都有買,個個都輸。」立法會正討論是否運用《立法會(權力及特權)條例》調查雷曼迷債事件,田北俊指銀 行界甚為憂心,因一旦成事,便需向議會交出內部文件,尤其是跨國銀行,絕不想披露內部機密。雖則如此,但他認為政黨必須挺身而出為小市民發聲,所以「自由 黨一定支持(立法會)調查」。現時只是普通黨員的他隨即補充說:「係Miriam(黨主席劉健儀)話畀我聽嘅。」

未被嚇窒轉玩「低風險」產品

俗 語說:有賭未為輸。田北俊明顯未被嚇窒,認為只要挑選較穩陣的投資產品,也可在逆市賺錢,近期投資新寵是convertible bond(可換股債券),多數由大藍籌公司發行,他認為風險很低,除非有關公司破產執笠,否則不會變成廢紙。這種產品由投資銀行向富豪推銷,一般散戶無緣 沾手。田北俊出身紡織世家,多年前接掌家族生意後轉型投資地產,是本港中型發展商,名下萬泰製衣是投資旗艦,鍾情發展豪宅物業,包括南區 Manhattan Tower、The Manhattan,現時最大投資是九龍灣常怡道甲級商廈,去年以9.6億元投得屯門地皮興建洋房及分層住宅。田亦愛駕名車,四輛名車總值約800萬元。
可換股債券成富豪新寵



【本報訊】投資accumulator令城中富豪財富大蒸發,輸掉數十億,甚至過百億元,但身家大縮水並未嚇倒他們。近期富豪圈再玩一場富貴險中求的遊戲,新寵是可換股債券(convertible bond, CB)。

田北俊正是一例,雖然投資損手,但他明顯未被嚇窒,近日「愛上」的CB,是向投資銀行買入由上市公司發行的可換股債券。他說,有短至2010年便到期,也有長至2014年。

其 實,CB是上市公司經常採用的一種集資工具,上市公司向投資者發售CB,即可集資,投資者持有這些CB,一般均獲定期派息,部份則無派息,但發行價與面值 有折扣。CB到期時,投資者可售回予上市公司,或以之前協議的換股價,換取上市公司的股票。通常若股價遠高於換股價,投資者會換股,然後出售套現。投資者 面對的風險只是上市公司清盤,未能購回CB。

「CB真係好吸引」

田北俊說:「市面上好似得三、四隻convertible bond,嘉里、置地、新世界發展都有。因為啲i-bank(投資銀行)等錢使,所以原本值100萬元嘅貨,你畀70萬元就買到,長期啲嘅譬如2014年 到期嘅,可能50萬元已經買到,期間冇息收,但只要到期時,間公司冇執笠仲喺度,就可以攞足100萬。」他認為CB風險很低,「你信唔信嗰啲公司會執 笠?」另一名買入新世界發展、麗豐及路勁CB的富豪對本報說:「中環有邊個富豪唔使輸錢?問題係多抑或少,啲投資銀行要留住我哋,梗係要介紹番啲好投資 啦。」他續說:「今次玩嘅CB真係好吸引,七折或者用更低價,就可以買到藍籌股嘅CB,藍籌股又唔會執笠,兩年後收十幾厘息(以折讓價買入,面值售回給上 市公司等於收息),好過投資accumulator,真係可以殺死人。」該富豪透露,由於早前不少對冲基金無法在市場上借錢,盡售手上股票後仍「缺水」, 最終被逼以「斬頭」價(三至五折)出售手上CB,「摩根士丹利、美林、德意志等歐美投行購入大量CB,再向富豪狂sell。」
雷曼 產品 股票 輸唔 唔少 田少 有錢 個個
PermaLink: https://articles.zkiz.com/?id=2984

拔萃佬勸田少別再一王兩后

2016-12-01

689使出兩招——統戰兼分化,拉攏自由黨主席張宇人入行會,為自由黨製造內部矛盾,激到田少扎扎跳;一班拔萃仔喺舊生會聚會時,內部討論張宇人和田北俊兩位知名校友,爆響口謂田少以往貴為自由黨大佬,都扶持過張宇人,位於銅鑼灣新地旗下的世貿中心會(World Trade Centre Club),五、六年前就係由田北俊穿針引線,推薦張宇人嘅公司擔任會所飲食顧問,收三球一年㗎,如果唔係張宇人又點喺立法會飲食界別出線呢?

對此田少的回應是:「你繼續去了解吓。」仲俾個伸脷嘅emoji做反應。但班拔萃佬又謂,既然田北俊已退任自由黨主席,咪俾機會「後生」上位,唔好學得以往田少做自由黨主席咁,一王兩后(註:劉健儀及周梁淑怡任副主席)頂住啲位,搞到啲細嘅冇上位機會,畢竟年屆六十七歲嘅張宇人入到行會,可能係佢政治生涯嘅高峰。

大火船釣泥鯭闖禍

新加坡九架裝甲車由台灣返國途中「滯留」香港,引發諸般猜測;包括阿爺唔妥李顯龍手指拗出唔拗入,喺南海糾紛企錯位,撐海牙法庭裁決,非要懲戒不可,由是吩咐特區海關做嘢。是耶?非耶?當事人唔出聲,外人無從得知。但中環資深觀察家睇過隻船嘅航程,發覺佢由高雄開出,先去廈門再嚟香港,路線奇怪。按理隻船載住啲敏感軍事物資,冇理由唔兼程趕返新加坡啫。兜兜轉轉,直情慌死冇人發覺咁嘅款,何也?無他,生意淡薄,為咗維皮,即使係APL嘅大火船亦要學的士釣泥鯭咁,逐處埋站接貨,以致闖禍。照計新加坡大把儲備,專船送啲裝甲車返歸都得啦,何苦坐泥鯭船呢?有啲錢係唔慳得o架,李生!

中環寸嘴一雞三味冇得輸

同我識咗廿幾年嘅滙豐退休banker由溫哥華返咗香港,大家都喺番邦同洋鬼子外匯traders周旋過,一於去家全七福聚一聚,憶起洋鬼子banker好×寸,有錢搬去都仲要受氣,講明we are flooded with money,好似呢排外匯上落咁大,喺銀行佬面前要有台型先得!嗱,我作為精明投資者,揸住本位係美元,去做carry trade,借錢去short Yen,再long高息貨幣,咁就一注本錢做三單生意,氣勢都拋死銀行佬,佢哋都係見生意開眼!好似一雞三味咁,第三味係有雞雜內臟嘅,咁就保證係新鮮雞,唔係好似依家乜乜中學雞、大學雞,又專業小雞!家全七福梗係要搵招呼開「大劉」嘅大家姐「阿文」嚟同我點菜,徇女士要求,叫招牌薑米蛋白炒飯,吖,食落都唔係我平時食開嘅style,唔夠薑喎!不過我心情好唔彈佢鐘,即刻問個「阿文」究竟,啊原來要好似Facebook Like咁,打單時打三粒星——「加薑粒」,仲要話明乾身,好,咁就來多一碟;「阿文」不愧服侍慣大劉,我輕輕噏吓:「吖,對面枱嗰碟馬仔好似幾靚喎?」佢即刻同我去廚房撲碟出嚟!

楊國佳工廈大王楊耀松長子,八十年代往北美洲開山劈石,做一帶一路先頭部隊,自比為星仔變星爺前冇人懂欣賞其無厘頭文化,廿年後終於領略當中奧妙,與粉絲分享在北美洲各路人士交手經歷,絕不老點。

大劉個朵先夠響

以往有賣車仔推銷手頭二手七人車時,透露上手是「大劉」的,立即就賣得出,可見大劉魅力猶在,「梁英偉」名字未必人人識,但講係「大劉」愛美高舊拍檔就令人另眼相看。上月中,梁英偉發展的旺角希爾頓花園酒店開幕,焦點去晒來剪綵的香香公主岑麗香身上,主人家梁英偉伉儷恍似靠邊站;但最近「大劉」當紅,梁英偉以「大劉舊拍檔」身份再曝光接受訪問,才達到宣傳其新酒店公關效果。其實梁英偉在愛美高與大劉共事時都有其「小鱷」本色,八五年二月,有班基金佬以高價接咗大劉手頭愛美高股份,大劉辭去主席一職,由梁英偉接任愛美高主席,靈魂人物一起身,愛美高股價三個月狂插五成,大劉趁機以低價買回愛美高股票,初嘗做金融大鱷滋味,七個月之後重新入主愛美高,梁英偉亦退出董事局,二人其後分道揚鑣,但三十年後,梁英偉仍脫不掉「大劉舊拍檔」呢個朵。

拔萃 佬勸 勸田 田少 少別 別再 再一 一王 王兩 兩後
PermaLink: https://articles.zkiz.com/?id=226149

田少反擊葉劉:想選特首定議員?

1 : GS(14)@2016-06-06 02:49:38

【本報訊】自由黨榮譽主席田北俊日前宣佈有意分別在新界東、西兩區派人選立法會直選,勢必與新民黨正面競爭,新民黨主席葉劉淑儀前日怒轟田「周圍搞」。田北俊昨日在立會公開反擊葉劉,指她有意派人到新東參選才是真正「周圍搞」,又指有機會一定質問葉劉「想選特首,定港島區議員?究竟想做乜?」田北俊又指葉劉至今仍任行會成員,過去4年立會投票全部支持政府,包括支持在將軍澳、打鼓嶺興建堆填區,笑言若市民支持保皇黨,「可以投A隊民建聯,點解要投B隊新民黨?」直言政黨不能服侍市民及政府兩個老闆。





來源: http://hk.apple.nextmedia.com/news/art/20160603/19639150
田少 反擊 葉劉 想選 特首 議員
PermaLink: https://articles.zkiz.com/?id=301731

田少又爆料CY薯片「做場戲」假記招

1 : GS(14)@2016-09-28 04:51:35

自由黨榮譽主席田北俊接受《香港01》專訪,直指特首梁振英及財政司司長曾俊華日前召開橫洲事件記者會,據聞是由北京下令,要求二人「做場戲」,以消弰港府高層內部不和的形象,「唔係佢自己想開,係北京迫佢,仲迫埋鬍鬚(曾俊華)出席,你兩個做返場戲」。他指北京十分避忌將政府內部矛盾公開,「點可能最高領導一人一句?」他並預計中央可能遲至11月始就特首人選表態,因為若中央不挺梁連任,不會太早發放訊息,以免梁振英政府「跛早一個月」。田北俊亦估計商界至少150人是「ABC」(Anyone But CY),指商界主流是支持財政司司長曾俊華擔任特首,相反曾任社署署長的政務司司長林鄭月娥,商界怕她「太過民粹」。曾俊華與梁振英上周三一同出席記者會,為橫洲事件解畫,當時有指曾俊華是「被出席」。他在記者會上被問到是否跟梁振英「唱反調」時,指「You always agree with your boss. No question about that.(你總會認同你的上司,這是毋庸置疑的。)」




來源: http://hk.apple.nextmedia.com/news/art/20160928/19784561
田少 少又 爆料 CY 薯片 做場 場戲 假記 記招
PermaLink: https://articles.zkiz.com/?id=310350

田少:梁向西環求助 毀高度自治

1 : GS(14)@2016-10-30 12:39:37

田北俊



【本報訊】宣佈參選下屆特首的退休法官胡國興,炮轟梁振英令社會撕裂,自由黨榮譽主席田北俊昨也向梁開火,指梁因表現不濟向中聯辦求助,自行放棄高度自治,更爆料指港大任命副校事件中,因梁「搞唔掂」港大校委,竟尋求中聯辦介入。


求介入港大副校任命事件

田北俊昨早接受港台訪問,指香港近年變化如此大,源於梁施政手法問題,田批評近年中聯辦事事干預,「係因為行政長官廢廢哋之嘛」,又斥梁主動找中聯辦出手,等同自願放棄高度自治,「行政長官自己搞得掂,中聯辦呢三個字唔使提㗎喇」。田又爆料稱,在港大副校長任命事件,梁因「搞唔掂」,而校委中有多名人大、政協及立會議員,故梁尋求中聯辦協助,又指若梁連任特首,明年7.1大遊行或有100萬人上街。


談葉劉好處:恨到發慌

對於多名盛傳參選或表態出選特首人士,田形容盛傳參選的財政司司長曾俊華民望高,早前與曾通電話時,建議對方盡快宣佈參選,又指若不及早表態,或令一些商界人士放棄參選選委,又稱商界較希望曾俊華及曾鈺成參選特首。至於已宣佈參選的胡國興,田稱曾與對方食早餐,雙方在大理念上相同,又形容胡「好掂」,但胡起步較遲及未有班底,對其管治表現存疑;另一表態參選的葉劉淑儀,田形容其好處是對選特首「恨到發慌」,相信會有清晰政綱,但她朋友不多難以組班,「我唔覺得有人睇好佢」。另外,港大校委文灼非在一個論壇稱,近年大學生對政府大學政策及校委不信任,他曾向梁振英反映,但梁無正視問題,又指梁作為八大院校校監,卻不敢踏入大學一步,而年輕人抗拒到內地交流,除因未能推行國教外,亦與梁振英在施政報告批評港大學苑風波有關,令港獨思潮蔓延。■記者林俊謙




來源: http://hk.apple.nextmedia.com/news/art/20161030/19817027
田少 向西 求助 高度 自治
PermaLink: https://articles.zkiz.com/?id=314038

【花絮】田少唔啱聽

1 : GS(14)@2016-12-07 07:41:13

田北俊前晚睇完學友騷在fb貼相留言:「其實係張學友唱啲歌太新?定係我識啲歌太舊?」網友抵死回應:「佢話今次唱番晒經典歌曲喎!」




來源: http://hk.apple.nextmedia.com/entertainment/art/20161206/19856166
花絮 田少 少唔 唔啱 啱聽
PermaLink: https://articles.zkiz.com/?id=318507

胡官參選田少發仔都撐?同意書咩玩法

1 : GS(14)@2017-01-07 00:25:17

特首選舉提名下月中展開,熱門人選中,暫時只有新民黨主席葉劉淑儀與退休法官胡國興已宣佈參選。根據選舉事務處資料,胡官的競選辦過去一個多月,不斷向選舉事務處提交不同人士的「支持同意書」,包括建制派及泛民選委均在其中,泛民選委包括楊岳橋、陳淑莊、郭榮鏗、譚香文及梁耀忠等多人,建制派選委亦有自由黨榮譽主席田北俊及鄉議局主席劉業強等人。《明報》記者日前於網上及親身到選舉事務處統計過,最少有92人簽了支持同意書給胡官,另一名參選人葉劉淑儀亦獲22人簽署支持。本報周四晚再到選舉事務處網站統計,就發現胡官的支持同意書,最少有超過130份;葉劉的支持同意書則未有上載到網站。不過,本身是選委的劉業強回覆本報指,他個人不會選擇提名給胡官,而最終提名誰,要留待鄉議局內部商議後,才決定綑綁提名給哪位心水參選人。而田北俊回應《明報》稱,即使簽署了同意書,亦不會提名給胡官,他只會考慮提名給林鄭月娥、曾俊華或曾鈺成其中一人,但並不介意被人誤會是支持胡官參選。根據選舉事務處資料,支持同意書是讓公眾或組織同意候選人在其任何選舉廣告內使用某人或某組織的姓名、標識或某人的圖像,以用於候選人的選舉廣告或競選活動,以示支持在特首選舉中當選。但選委簽署支持同意書,並不代表提名給參選人。而事實上,胡官連日來拜會不同團體及選委時,均有要求對方簽署支持同意書,並有表明是因為想將參與活動的照片放到fb宣傳。




來源: http://hk.apple.nextmedia.com/news/art/20170106/19888430
胡官 參選 田少 少發 發仔 仔都 都撐 同意書 同意 玩法
PermaLink: https://articles.zkiz.com/?id=321568

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019