| ||||||
雷 曼倒閉，累慘香港嘅迷債苦主，但遠在非洲嘅旅遊天堂，塞席爾共和國（Seychelles）總統米歇爾（James Michel）就十分高興，仲喺9月寫咗封電郵畀雷曼倫敦嘅賓架。因為呢個人口只有八萬二嘅小島，兩年前就係俾雷曼嘅賓架游說，以超高利息借錢，搞到債務 纏國，要周圍問人科水。 害旅遊天堂孭重債 據彭博報道，封電郵最精警一句係話：「我是一個無神論者，但如今我知道真的有神。」 即係多得上帝主持公義！米歇爾咁嬲，據講係因為雷曼融資3.08億美金畀塞席爾，利息竟高達24厘，搞到小國巨債纏身。哥大諾貝爾經濟學獎得主施蒂格利茨 教授話，華爾街券商冇考慮佢哋嘅還款能力，簡直係「高息冷血融資」。塞席爾早兩個月已要求12%（約2000名）公務員辭職，又向國際貨幣基金組織 （IMF）申請2600萬美金，仲爭取喺1月時攞到非洲開發銀行嘅融資。 | ||||||