ZKIZ Archives


趁淡市再度檢視組合 PARTIPRAL 派得好

http://partipral-hk.blogspot.com/2011/06/blog-post.html

今日見震雄又跌多左, 趁市場氣氛甚差, 再次做一個組合小檢討.

雖然我股齡不深, 但都可以想像到2011年會係小投資者比較艱難既一年. 所持理據係一般公司09年盈利跌落谷底, 而10年回覆正常時就會形成超級反彈,  疑似增長但其實只係還原起步點. 公司股價表現亦類同 (貼近基本面), 往往係09年時極度低殘, 而當10年盈利反彈時股價亦會回歸正常估值. 能夠理解既係搏TURN AROUND STOCKS既時刻好大可能已經過去 (可能尚有個別例子), 此後公司能否再進一步, 若撇除外在因素, 就要視乎自身執行能力如何. 變相小投資者若要揀平貨買, 可能比2010年艱難得多.

檢視自己組合, 最重倉 (37%) 之聯亞(458), 正好係盈利反差巨大既好例子. 2010年正正係聯亞TURN AROUND既一年, 股價雖然已比9個月前翻一翻, 但估值上P/E 7倍仍然不貴. 當然賣得不貴既原因係在於市場顯然有多少懷疑聯亞既增長力, 否則以一隻具不俗內需概念既股份無理由10倍P/E唔夠, 但對呢一點市場目前究竟是對是錯, 仍然要等待8月既業績印證, 基於估值便宜既因素, 就算明年增長放緩, 受創程度也必不重, 仲未計股息回報, 所以對聯亞, 我係無咩好擔心的.

至於第2大重倉 (30%) 既大快活, 主流意見係認為響食材價格飛昇, 以及最低工資既年代下, 茶餐廳, 大快活, 大家樂等受創必深. 此等意見我係尊重的, 但我亦有一個比較主觀既概念, 兩大負面因素所影響既係整個行業生態, 而非個別公司. 大勢所至, 有危自有機, 按大快活中期業績推算, 全年較合理(或保守) 既每股核心盈利預測可能位於$0.94左右, 以自己買入價計12.5倍既P/E唔算特別便宜, 但亦唔係特別貴. 食材價格飛昇既因素上半年已經存在 (03/2010-09/2010), 當時毛利率仍然有能力擴闊, 比較合邏輯既推斷係管理層對此因素山人自有妙計, 不宜過份憂慮; 至於最低工資的影響, 今期業績未會完全反映, 但合理既想法係工資乃固定支出, 若然有辦法提升營業額, 實際影響可能比想像中細. 撇除本地業務面對既挑戰, 過去幾份業績其實亦顯示到大陸市場既盈利正在跳升中, 當然目前所佔整體盈利比重仍然較細, 但若然真係能夠將香港業務既特點成功複製, 亦不能排除他日有倍升既機會. 兩者取一個平衡點, 再結合其業務上穩定既特性, 大快活既基本面其實都頗為結實, 作為重心成員, 我都係睇得較樂觀. 當然一切都要視乎6月尾既全年業績表現如何, 若然基本因素有變, 形勢當然會重新審視, 此乃後話.

第3大重倉 (13.5%) 成員震雄, 近日走勢非常差, 將其表現放緒其他大大小小工業股例如偉易達 (303), ASM (522), 德昌 (179), 葉氏 (408), 亞倫 (684), 信星 (1170), 聯塑 (2128), 甚至同業既海天 (1882), 似乎震雄係異常走弱. 當然公司基本面有時未必係影響股價走勢既最重要因素, 但我有能力既亦只有從基本面去分析. 以一家中型SIZE (年營業額廿幾億) 既工業股來講, 預期22號公佈既全年業績每股核心盈利達 $0.47, 現價$3.62去計, 8倍 P/E都唔夠實在係太便宜. 當然, 戴倒後鏡睇野會好危險, 往績P/E不能過份依賴, 但事實上將來既事無人可以預測得好準確, 較低P/E可以為我地換來不俗既防守力, 都係講緊最初個理念 - 睇錯時所受創既幅度. 所謂既公司執行能力, 業績上自然會反映, 雖然最近一入即蟹, 但呢隻艇我其實坐得頗心安理得.

至於兩隻持倉較細既股份, 龍記情況其實同震雄都頗相似, 中型工業股近來並不受市場擁護, 但其息高兼估值便宜既因素非常切合個人口味 (呢點帶多少主觀); 而新昌管理上年度份中期業績異常驚嚇, 但下半年己大幅改善, 可以預期今年度份中期業績亦應回歸正常 - 即比起上年度有很大反差, 屆時若有機會我反而有興趣加大倉位. 當然現時 P/E 達15倍以上肯定唔便宜, 甚至係倉內估值最貴既股份, 所以持倉比例不宜太高, 目前10%以下是適中的.

好抱歉, 整個組合檢討好多論據都係舊調重彈, 但事實上當我重新GO THROUGH一次組合時, 得出的結論的確同早前的無異, 分別可能只在於市場氣氛.

檢討既目的在於探討自己有無辦法做得更好, 例如組合成員變動或資金調配等等. 寶光(84), 經濟日報(423)呢D一直在我重點WATCH LIST既股其實股價一直都冇太大郁動, 前者甚至升得太多, 所以我根本無太大選擇的空間; 至於現金水平, 我過往半年一直都係全攻型的, 即全段時間都係近100%全倉股票. 此打法有辣有唔辣, 剛好過去半年所遇著既係大橫行市, 恆指點穴不動, 有人有能力24500沽, 22000渣, 食盡上落市入面幾個小浪; 亦有人有能力早早選中189, 3323等倍升股; 若然兩樣能力皆沒, 即類似我呢類人, 有幸會有聯亞呢類股點綴下, 但更大可能係過去半年來組合都係上落不大, 呢點大家可以自己問自己. 鬼唔知最起碼都要跑贏大市咩? 若然大市橫行仍可以力保不失, 其實已經算不錯了.

趁淡 淡市 再度 檢視 組合 PARTIPRAL 派得 得好
PermaLink: https://articles.zkiz.com/?id=25876

李福兆感言:十月淡市雪上加霜

2014-10-02  NM
 
 

 

呢幾日香港「佔中」嘅情況,係無人估計得到;真正如火如荼,股市大幅震盪。小宗本週一搵來「股壇教父」、見證過多次港股風浪嘅李福兆詢問,他直指對股市的影響「很大」。他表示,每年十月都多數是淡季,佔中啟動,可說是「雪上加霜」。

全世界人都有影響,唔單只我,除非完全不揸股票!」李福兆認為,反對佔中不會有成效。「普選唔到你講,《基本法》、人大定咗,中央實唔會變,你做乜嘢,都不會改。」他對梁振英應否下台不予置評,但指現時亂局會為香港帶來損失:「香港是金融中心,有國際市場,搞衰咗佢,全香港人都受害。」對於恒指後市,李福兆承認暫時睇唔通:「要睇耐啲先知,最好係以不變應萬變。」

Joyce Ma女婿好猛料

老牌百貨公司先施的第三代掌舵人馬景華月初逝世,並於本週二舉行安息禮拜。馬景華最為人熟悉嘅係佢喺七O年同老婆郭志清(即係Joyce Ma),創立時裝王國Joyce Boutique。Giorgio Armani、Dolce& Gabbana、Hugo Boss等國際一線名牌全部係由Joyce引入本地。兩公婆只得兩名女兒美域及美儀,其中長女嘅老公,原來就係何添細仔何厚鏘(Norman)。Norman活躍於金融界,唔係時裝圈人士,所以無乜人知Joyce Ma有個咁猛料嘅女婿。本身係會計師嘅Norman,同何厚鏵係堂兄弟,又係何添私人旗艦公司德鴻集團嘅揸弗人,睇住約百億資產之餘,近年同彤叔掌櫃魯連城及誠哥頭馬陳國強經常拍住搵食,蒙古能源、海通證券、第一視頻、德祥地產等殼股都曾留下腳毛,如今仍任執董嘅Vision Values,又係由魯連城任主席,年初炒作過一輪,近期又歸於平靜,不過,根據往績結局都會係賣殼喇。

《文匯報》記者處處都在

毛主席要超英趕美,強國貴為當今天下第二大經濟體,革命可謂成功咗一半矣。咁另一半又點呢?冇有怕。只要十三億同胞發揮黨的喉舌《文匯報》「記者杜法祖」無處不在、處處都在嘅本事,爬花旗頭指日可待也。何以見得?你睇,同一日,藍田躁翁淋鏹水由「記者杜法祖」跟,法庭審肥龍又係佢跟,此外審反東北滋事分子、警長英文差、大專生傷人、樊偉軍打假波、龕場告地政署都係佢跟,但咁都唔止喎,佢仲跟埋深水埗班南亞漢群毆,以一敵九。十三億人個個學得杜法祖呢位記者哥哥咁,強國真係經濟唔起飛都難也!

中環寸嘴

楊國佳K.K. Yeung工廈大王楊耀松大仔,家族的收租物業,遍布港九,屬正牌收租公。自認寸得起,謂「有我咁得閒,無我咁有錢;有我咁有錢,又無我咁得閒」,經常流連富豪飯堂品嘗美食,仲喜歡到新開食肆「踢竇」試新菜。

中藥港到善終一條龍

寸嘴楊我今期無心情搵食,週日落咗去金鐘感受吓學生嘅氣氛;香港真係不×知所謂,之前睇報紙話老董成立個智庫,為香港未來十年road map策劃,嘩!香港係咪無人呀?愈玩愈老,個榮譽顧問饒宗頤九十七歲,名單仲有八十五歲嘅楊鐵樑,最後生嗰件梁錦松都六十二歲啦,人民銀行行長周小川六張幾咋,都話要退休啦,我哋咪同中央對着幹?老董嗰時搞嘅中藥港拉咗柴,呢班智庫可以再搞個人瑞中心以及殯儀中心,善終服務一條龍吖,笨!嗱,人人話香港係福地,所謂福蔭子孫,吸引吓啲人葬喺香港,大時大節,清明、重陽等啲人來香港拜山,咁智庫班友得閒又搞吓「千歲宴」,刺激吓消費囉。當年霍英東帶團去佢南沙考察,去到睇到個開荒咁嘅環境,喺佢眼中,我仲係僆仔,同佢老前輩講:「呢度無雞叫,搞唔起喎!」佢聽到頭耷耷,老霍唔聽我點,南沙夢依家咪飲恨……。我最憎搵啲「老嘢」嚟壓住啲僆,我啲嘢,聽落戇×,嗒落有味。睇到班學生企出嚟感同身受,呢班係香港精英嚟o架!梁振英當人哋LuLu,侮辱人智慧話受到煽動;大學生而家可以講無前途,有嘢做儲唔到首期都供唔到樓,公屋又無資格攞,計我話邊個做特首都無問題,honour個八萬五就掂啦。今年九月閏月,古時重九登高係為避難,今鋪要避難兩次,後市不容樂觀。

金牙大狀講嘢朗尼陳夠晒市儈

超級梁粉朗尼‧陳啟宗繼續撐689(搵勻全香港冇第二個似得佢咁有正氣、咁有能力,end of quote),進而鞭撻佔中,話大陸「俾你發達你唔要,仲要踢人上下五寸。」三個手無寸鐵嘅書生有冇咁狼死呀?聽講朗尼係教徒,而且諗過做牧師,咁佢肯定聽過呢句馬太福音:「人若賺得全世界,賠上自己的生命,有什麼益處呢?人還能拿什麼換生命呢?」(16:26)佢兩兄弟一次過捐咗差唔多成三十億銀俾哈佛,點都唔似係發錢寒嘅人,但把口又何其市儈也。況且佔中為咗乜啫?極其量要班人說話要算數、做人要有口齒之嘛,請問《聖經》上邊度話咁樣做係有罪先?

中環人語迷你版

侫佔領中環正式啟動侫估中邊個中環人講呢句說話,送你JWatch J-33藍寶石鏡面限定版手錶一隻有意參加者,請於十月一日(星期三)下午一時後,將答案、姓名及聯絡電話電郵至centralman@nextmedia.com小宗只接受電郵,郵寄免問。

上週人語揭曉

侫即使你只是想來觀禮,也是無任歡迎。侫答案:戴耀廷得獎者:葉劍迅中獎時間:1:00pm 24/9/14本刊員工及直系親屬不得參加。為求公平及杜絕偷步搶答起見,請於每個星期三下午一時後來電郵競猜答案;在此之前發出之電郵作廢。超過一位讀者估中,先到先得,恕不接受上訴。答案及中獎者姓名將於下期本欄揭曉。

廣告時間

你有某財團嘅黑幕想爆?你知邊間上市公司造假?你仲想舉報地產霸權嘅不公?歡迎你將財金界嘅寃屈或過癮八卦事,爆俾《壹仔》財經組知,一切報料,均會保密!爆料熱線/whatsapp:6829 5929

 
李福 福兆 感言 十月 淡市 雪上 加霜
PermaLink: https://articles.zkiz.com/?id=113746

3 Jan 2017 - 投資講座:淡市/逆市下尋找賺錢機會 (紅猴 x Larry Hung) (17 Jan 2017)

紅猴以「個股估值區間」及「立體九宮格」策略於2016年發掘到不少股價大升的好股,為使投資更全面,並可於不同市況也能尋找到賺錢機會,是次聚會特意邀請有多年基金管理經驗的知名博客,基金操盤手Larry Hung作為嘉賓講者,分享基金公司絕密投資套利策略。

日 期:2017年1月17日(星期二) 19:30–21:00
費 用:全免(請預先留位)
地 點:尖沙咀金巴利道35號金巴利中心13樓 1303室

內   淡市/逆市下尋找賺錢機會

有興趣者請到 http://homebloggerhk.com/13379/ 報名,座位有限,先到先得!再次謝謝大家的支持!

2016年港股部份戰績
紅猴:吉利汽車(175) +110%、大快活(52) +60%、新意網(8008) +60%
Larry Hung:泰昇集團(687) +87%、紫光控股(365) +81%、奧普集團(477) +8% (4個月内成功完成私有化,年化回報高達24%)

嘉賓講者簡介
Larry Hung,特許財務分析師CFA
曾於亞洲最大對沖基金公司惠理基金擔任副基金經理,主力負責管理旗下一支長短倉基金,現爲某對沖基金之投資副總裁;曾出版多本投資書籍,當中以《一步步致富》系列最廣爲認識,合共賣出超過一萬本;曾於多份報章財經雜誌,如信報月刊等,撰寫財經文章
Jan 2017 投資 講座 淡市 逆市 尋找 賺錢 機會 紅猴 Larry Hung 17
PermaLink: https://articles.zkiz.com/?id=230479

20 Jan 2017 - 投資講座(首場反應熱烈,2月再加一場):淡市/逆市下尋找賺錢機會 (紅猴 x Larry Hung) (17 Feb 2017)

(1首場反應熱烈,2月再加一場)


紅猴以「個股估值區間」及「立體九宮格」策略於2016年發掘到不少股價大升的好股,為使投資更全面,並可於不同市況也能尋找到賺錢機會,是次聚會特意邀請有多年基金管理經驗的知名博客,基金操盤手Larry Hung作為嘉賓講者,分享基金公司絕密投資套利策略。

日 期:2017年2月17日(星期) 19:30–21:00
費 用:全免(請預先留位)
地 點:尖沙咀金巴利道35號金巴利中心13樓 1303室

內   淡市/逆市下尋找賺錢機會

有興趣者請到 http://homebloggerhk.com/13379/ 報名,座位有限,先到先得!再次謝謝大家的支持!

2016年港股部份戰績
紅猴:吉利汽車(175) +110%、大快活(52) +60%、新意網(8008) +60%
Larry Hung:泰昇集團(687) +87%、紫光控股(365) +81%、奧普集團(477) +8% (4個月内成功完成私有化,年化回報高達24%)

嘉賓講者簡介
Larry Hung,特許財務分析師CFA
曾於亞洲最大對沖基金公司惠理基金擔任副基金經理,主力負責管理旗下一支長短倉基金,現爲某對沖基金之投資副總裁;曾出版多本投資書籍,當中以《一步步致富》系列最廣爲認識,合共賣出超過一萬本;曾於多份報章財經雜誌,如信報月刊等,撰寫財經文章
20 Jan 2017 投資 講座 首場 反應 熱烈 月再 加一 淡市 逆市 尋找 賺錢 機會 紅猴 Larry Hung 17 Feb
PermaLink: https://articles.zkiz.com/?id=233233

16 Mar 2017 - 投資講座(首兩場反應熱烈,3月再加一場):無論旺市淡市,全天候尋找賺錢機會 (紅猴 x Larry Hung) (24 Mar 2017)

(2017場反應熱烈,3月再加一場)


紅猴以「個股估值區間」及「立體九宮格」策略於2016年發掘到不少股價大升的好股,為使投資更全面,並可於不同市況也能尋找到賺錢機會,是次聚會特意邀請有多年基金管理經驗的知名博客,基金操盤手Larry Hung作為嘉賓講者,分享基金公司絕密投資套利策略。

日 期:2017年3月24日(星期) 19:30–21:00
費 用:全免(請預先留位)
地 點:尖沙咀金巴利道35號金巴利中心13樓 1303室

內   無論旺市淡市,全天候尋找賺錢機會

有興趣者請到 http://homebloggerhk.com/13379/ 報名,座位有限,先先得!再次謝謝大家的支持!

2016年港股部份戰績
紅猴:吉利汽車(175) +110%、大快活(52) +60%、新意網(8008) +60%
Larry Hung:泰昇集團(687) +87%、紫光控股(365) +81%、奧普集團(477) +8% (4個月内成功完成私有化,年化回報高達24%)

嘉賓講者簡介
Larry Hung,特許財務分析師CFA
曾於亞洲最大對沖基金公司惠理基金擔任副基金經理,主力負責管理旗下一支長短倉基金,現爲某對沖基金之投資副總裁;曾出版多本投資書籍,當中以《一步步致富》系列最廣爲認識,合共賣出超過一萬本;曾於多份報章財經雜誌,如信報月刊等,撰寫財經文章
16 Mar 2017 投資 講座 首兩 兩場 反應 熱烈 月再 加一 無論 旺市 淡市 全天候 全天 尋找 賺錢 機會 紅猴 Larry Hung 24
PermaLink: https://articles.zkiz.com/?id=240941

全職投資者游耀林:公屋淡市最好炒 旺市變雞肋

1 : GS(14)@2010-09-20 23:00:39

2010-09-20 HT

  樓價持續急升,連公屋樓價也節節上升,各區先後誕生了多個公屋樓王,令社會各界意識到樓市炒風蔓延至公屋市場;可是,有公屋炒家卻認為,樓市淡靜公屋才最好炒,旺市則變成雞肋。

  投資公屋市場多年的資深投資者游耀林,接受本報訪問時表示,公屋交易流程相對緩慢,樓市淡靜時可以慢慢做,單從帳面上看,公屋升幅一定比私樓勁,他試過以約50萬元購入粉嶺華明邨一個500餘平方呎單位,短短數月後以100萬元售出,帳面升幅1倍。

  現年36歲的游耀林,早在96年開始投資物業市場,一直集中在新界東及北區投資,早年在沙田河畔花園賺到第一桶金後,轉移投資馬鞍山區,最高峰期手持逾 20個物業。近年一直在樓價偏低的粉嶺區投資,現時手持約10個單位,價值約2,000萬元,集中細價私樓、居屋及公屋為主。

質素遜私樓 全屋需大修

  對於公屋市場的投資情況,游耀林指出公屋買賣需投入3至4個月,因為賣方大部分為一手向政府買入,單位本身裝修肯定好差。要全屋大裝修,例如搭棚將舊式鐵窗換鋁窗,換全屋入牆電綫、水喉及地板,裝修費最保守要20萬元。

  「好多人以為炒家賣樓求求其其化粧後,便出售圖利,但這在公屋市場肯定無可能。因私樓基本設施穩固,還可以化粧,但是公屋根基太差,以水喉為例,根本不能只換水龍頭便算數,因為有些單位水喉漏水情況十分嚴重,更換水龍頭是治標不治本,所以在公屋市場不能賣化粧樓。」游說。

  游耀林又謂,公屋投入的資金遠比私樓多,因為銀行對公屋的估價嚴重偏低,有些銀行甚至不會承造二手公屋按揭,故投資者往往要全資購入,再加約20萬元的裝修費用,所以在樓市活躍的時間公屋絕對炒不過。

樓價升穿120萬 沒利潤可言

  「尤其是近日各大報章報道公屋樓價急升後,好多公屋業主放盤時都會以公屋王作參考,叫價急升,以粉嶺華明邨為例,現時最平入場費要80萬元,對投資者而言仍有利潤,若樓價升穿120萬元,連裝修費用,日後要賣150萬元,追上同區二手居屋,根本無人會買。」他形容現時的公屋市場有如雞肋。

冀政府搞活化 助居民換樓

  但他坦言,公屋市場也是一個具潛質的市場,只是過去政府一直沒有好好管理及開發,將單位賣給租戶後便一直不管,令公屋質素變差,應該把二手公屋市場和居屋市場一起活化,例如簡化補地價手續。

  他說︰「其實,不少過去購入公屋細單位的業主都想換樓,但是不能好似租戶般申請調遷,想賣樓又要補地價,出售後也未必可以轉買私樓,因為樓價相差太遠;想換購公屋大單位也未必如願,因公屋二手市場根本不活躍,若政府加以活化,便可以幫助到公屋居民換樓。」
2 : GS(14)@2010-09-20 23:00:48

五大秘訣 投資公屋市場   

  踏足物業市場逾13年的游耀林,近4、5年將不少精力投放在公屋市場,累積了不少經驗,他認為投資公屋市場有以下5大要素要注意。

  1.投入資金進行裝修︰由於公屋內籠裝修相當殘舊,不花錢裝修,根本找不到買家接貨。但不主張進行豪華裝修,因買家多數為公屋第二代;或是邨內做生意的小商販,以方便工作。

  他們對裝修的要求相對實際,例如加入基本廚具、洗衣機及冷氣機便可。這些基本傢電除有實用需要外,賣方會將它們計算入樓價一起借貸,對公屋買家也是一種方便。

訂金宜少於5萬

  2.與地膽細行打交道︰公屋市場一向放盤不多,加上樓價較細,大型地產代理公司很少染指,故多數盤源會流入地膽細行手中。投資者必須與地膽細行打交道,要私樓、居屋及公屋都與他們交易,當他們遇到公屋筍盤才會第一時間通知。游耀林甚至已預備數張支票給相熟細行,以便第一時間入貨。

  3.留意賣方財務狀況︰不少公屋住戶財務欠佳,游耀林遇過購入單位後,有財務公司上門收數,甚至在單位門外噴漆,結果要報警備案及在大門貼上律師信,證明單位已經轉讓才了事。

  4.訂金宜少於5萬元︰由於公屋業主購入公屋時只需10多萬元,若賣方立心不良,收取數萬元訂金後便失蹤,故落訂前宜到管理處查問單位有無人追數或落訂少於5萬元。

  5.小心銀行估價不足︰銀行一般不大熱衷為公屋業主承造按揭,故投資者可能要預備較多資金作全資購入。
3 : abbychau(1)@2010-09-21 00:55:11

雞犬升天
4 : 鄉下佬(3667)@2010-09-21 10:40:18

算把啦,10幾萬一間公屋又嫌三嫌四,依家又賴三賴四
投資哲學唔係人人識,哇哈哈(又發UP瘋)smiley
5 : 龍生(798)@2010-09-21 14:02:52

無眼睇, 根本買個的都唔係正常人!
6 : 鄉下佬(3667)@2010-09-21 18:16:42

凶宅搶7口價都可以未夠價收回既smiley
7 : 龍生(798)@2010-09-21 23:40:05

唯一解釋係, 買果的人係儍姐, 追到連拍賣官都儍埋, 真係有咩好講 smiley
8 : GS(14)@2010-09-22 22:21:49

7樓提及
唯一解釋係, 買果的人係儍姐, 追到連拍賣官都儍埋, 真係有咩好講 smiley


個樓市是咪shot左?
全職 投資者 投資 遊耀 耀林 公屋 淡市 最好 旺市 雞肋
PermaLink: https://articles.zkiz.com/?id=270831

蘇麗珍: 股權易手消息 未因淡市減

1 : GS(14)@2011-06-26 19:14:05

http://www.hket.com/eti/article/1bb15336-8802-432d-9902-9128367acd2e-102506?query=%E6%8A%95%E8%B3%87%E5%8D%9A%E5%AE%A2%20not%20%E6%8A%95%E8%B3%87%E5%8D%9A%E5%AE%A2%E5%AE%A4,P
蘇麗 麗珍 股權 易手 消息 未因 因淡 淡市 市減
PermaLink: https://articles.zkiz.com/?id=275058

淡市炒私有化股賺差價? 撰文:蘇麗珍

1 : GS(14)@2011-10-05 11:14:19

http://www.hket.com/eti/article/ ... e3a3044c29e9-702341
2 : 游浪潮(3792)@2011-10-05 12:18:18

1樓提及
http://www.hket.com/eti/article/4b2ab4a2-e001-490a-be95-e3a3044c29e9-702341


看起黎算係最穩陣賺錢方法...
3 : GS(14)@2011-10-05 16:39:50

我近排睇緊475
4 : 游浪潮(3792)@2011-10-05 16:49:07

1.6 仍是任買...

若投票通過應該好D
5 : GS(14)@2011-10-05 16:56:25

4樓提及
1.6 仍是任買...

若投票通過應該好D


就是這樣才有點怕
6 : 龍生(798)@2011-10-05 17:45:48

我之前仲用到孖展買....而家咁市況, 先被逼平倉咋....

如果唔係環球大插, 我真係用孖展HOLD 到佢投票呀....
7 : GS(14)@2011-10-05 17:50:51

我買一萬股都想了幾日
8 : 龍生(798)@2011-10-05 18:20:17

我都係咁上下姐...
9 : GS(14)@2011-10-05 18:21:18

就是驚呢樣
淡市 市炒 私有化 私有 股賺 差價 撰文 蘇麗 麗珍
PermaLink: https://articles.zkiz.com/?id=276172

時代集團:唔受經濟差打擊 淡市逆流推自家手袋

1 : GS(14)@2011-11-08 00:33:33

http://hk.apple.nextmedia.com/te ... 307&art_id=15777608
人物專訪
有二手名牌袋集團老闆曾表示,從顧客「放貨」情況評估,香港還未受金融海嘯影響,廠家的層次又如何呢?時代集團創辦人兼主席楊華強指出,當經濟出現問題時,像手袋般的可負擔奢侈品倒不會受影響,更會選擇此時推出自家品牌手袋。記者:陳健文

在手袋界有逾 40年經驗的楊華強說:「喺 74年石油危機,嗰個時代都係啱啱上咗軌道,突然有一排啲定單大跌,咁我當然好驚啦,但有個客就同我講,唔使擔心㗎,經濟差嘅時候,樓同車呢啲貴價嘢當然唔好賣,但係袋呢啲消費品,冇事嘅。」
楊華強不諱言,那時他對這個說法半信半疑,但當他與胞弟、即集團行政總裁楊和輝去美國觀察,發現當地消費者買手袋時喜歡「一款多色」地購買,便不得不信,當時更笑言「唔知佢哋係咪買嚟填海」。
由 40年前位於新蒲崗的山寨廠,做到上年度生產逾 1200萬件皮製產品的名牌手袋代工大廠,經歷過多場風風雨雨的楊華強說,其實公司很多發展都是順其自然地發生。
他說:「好似啱啱開始嘅時候,大約係 70年代初,嗰時我都係做緊工廠,有同事有日同我講,手袋有得做喎,我睇睇吓,又係喎,咪喺新蒲崗搞咗 4至 5個人嘅蚊型廠囉。」雖然初時每日產量大約 5至 6個,但仍然「賣唔晒」,還要給前來探班的胞兄取笑。
捱過創業初期的困難後,楊華強指出,為了擴大銷路,很自然地向當時負責採購的洋行供貨,其後發覺原來可以直接與商戶聯絡,又很自然地直接與本地商戶接洽。到後來,又發現海外市場很多機會,再很自然地透過貿發局與海外買家做生意,又在出口雜誌賣廣告。
楊華強說:「我哋每次都係 send成萬幾兩萬封信出去㗎,好在最後都有回報,就自然地開拓咗海外市場囉。」累積數十年生產名牌手袋經驗的時代集團,自然地希望推出自家品牌,去年便購入意大利手袋品牌 TUSCAN'S大中華經營權,並在今年 3月推出首個自家手袋。

瞄準內地中檔市場

楊和輝說:「做咗咁多年手袋,發現內地有好多極高檔嘅手袋,又有好多極廉價嘅手袋,但係喺中檔呢個市場,就冇乜出名品牌,所以決定自己去做呢個市場。」產品價格約介乎 500元(人民幣.下同)至 3000元,每月都會推出新產品。

時代集團大事表

1968年:楊氏兄弟在香港成立時代手袋廠
1980年:在內地首設廠房生產手袋
2007年:第二個內地廠房英德新廠奠基
2011年:以購自意大利的品牌 TUSCAN'S進軍零售界
2 : GS(14)@2011-11-08 00:34:01

http://hk.apple.nextmedia.com/te ... 307&art_id=15777608
作為全球名牌手袋 OEM(原設計生產)龍頭、市場佔有率達 5%的時代集團,市場消息指出,若果市況合適,將盡快開始上市前初步推介,並於本月開始路演及招股,爭取趕及年底前掛牌,最多集資約 11.7億元。時代的上市保薦人是美銀美林。

代工生產 Coach及 Prada

時代於 13年前已開始為 Coach代工生產,並於 7年前開始為 Prada( 1913)生產手袋,現亦有為 Fossil、 MICHAEL KORS、 Lacoste及 TUMI等品牌生產手袋、皮具與及旅行袋。集團在內地擁有兩個廠房,分別位於東莞及英德,現時聘有約 1.5萬名員工。
時代於去年尾購入意大利手袋品牌 TUSCAN'S的大中華經營權,並已於今年初推出產品,主攻中檔消費市場。
時代 集團 唔受 經濟 打擊 淡市 逆流 自家 手袋
PermaLink: https://articles.zkiz.com/?id=276514

淡市中搵食 首要戒怕悶 黃國英

1 : GS(14)@2012-05-01 11:32:16

http://eastweek.my-magazine.me/index.php?aid=19454
淡市 市中 中搵 搵食 首要 戒怕 怕悶 國英
PermaLink: https://articles.zkiz.com/?id=279064

淡市做好準備 旺市「食頭圍」 周顯

1 : GS(14)@2014-05-02 16:18:33

http://www.mpfinance.com/htm/fin ... mnist/en30_en30.htm

【明報專訊】那天同一位內地關係很好的上市公司主席,和一位內地駐港高官吃飯,席間還有一位民企老闆,識講廣東話的,都好友善,好好傾,不過口氣很大,好似同馬雲馬化騰的級數平起平坐,我心想﹕「有無咁誇呀!」


一談之下,原來他就是順風光電(1165)的老闆,據我所知,這家公司是去年升幅第一的股票(但據他說,升幅只是第二),我又想﹕「升到咁癲,點買呀?」

回到家後,不當是一回事,把他的名片也不知扔到什麼地方去了。星期二那天,和上海第一財經頻道的記者吃飯,講起了這件事,她說﹕「我和他也認識,是不是這一個?」她把手機拿了給我看照片。

我搖頭說﹕「這個是胖胖的,不是,我見過的那過是瘦瘦的。」(按﹕我連那位仁兄的名字也忘記了。)

她吃驚說﹕「那個瘦的才是真的大老闆,非常有實力,幾百億身家一定有!」

五窮六絕搵定潛力股 博七翻身

我二話不說,馬上致電負責研究工作的拍檔,把故事告訴了他,說﹕「你去研究熔盛重工(1101)和康臣藥業(1681)這兩隻股票,看看有什麼發現。」(按﹕這兩隻股票皆和「順風光電」有關係。)

拍檔問﹕「是不是如果有料到,便去購入?」

我說﹕「家風頭火勢,個個基金洗倉,什麼股票都不能入啦。不過五窮六絕七翻身,家研究定一些有潛力的股票,到了6月底時,便可以大舉出擊了。」

根據湯文亮的說法,這叫做「準備中」﹕當淡市時,仍然密密地工作,炒樓者睇樓盤,炒股者研究股票,當市場轉旺時,即時入市,便可以「食頭圍」,成第一批贏錢的人。

[周顯 投資二三事]
2 : Ghenea(42551)@2014-05-02 21:37:12

[去研究熔盛重工(1101)和康臣藥業(1681)這兩隻股票,看看有什麼發現...這兩隻股票皆和「順風光電」有關係。]

smiley, 周顯有好嘢都自己食喇, 那有甘好死公諸於世咩, 正如劉央說:「散戶永遠都是被吃掉」 smiley
淡市 做好 準備 旺市 食頭 頭圍 周顯
PermaLink: https://articles.zkiz.com/?id=284499

大媽歐美掃貨 帶挈LV 抵消中港淡市 純利增長3年最勁

1 : GS(14)@2015-07-30 11:07:58

http://www.mpfinance.com/htm/finance/20150730/news/eb_eba1.htm


【明報專訊】過去3年,中國官方打貪反腐重挫國際奢侈品牌的港澳銷售;惟近期歐元及日圓匯價下跌,吸引中國遊客紛紛外遊,令多個歐洲奢侈品牌抵消港澳跌幅,上半年業績亮麗。法國奢侈品集團LVMH昨公布截至6月底半年業績,受歐洲及美國帶動,盈利同比大增15%至33億美元,錄得自2012年以來最好業績,而中國及港澳市場依然錄得下跌。

據彭博報道,LVMH首席財務官Jean-Jacques Guiony昨電話會議稱,期內旗下品牌Louis Vuitton熱門消費地點轉移至日本和歐洲,補回中國及港澳地區的銷售下滑部分,令整體銷售在4至6月錄得10%增長。

受惠弱圓 日本市場同樣好賣

事實上,近一個季度Hermes、Gucci及Burberry等一眾歐洲大牌都錄得不錯銷售增長(見表),Hermes同比增幅更高達22% 。儘管弱勢歐元及日圓的雨露均霑,但LVMH業績仍較不少復蘇的奢侈品牌更勝一籌。匯豐銀行全球消費和零售部門主管Erwan Rambourg稱,LVMH旗下Louis Vuitton較其他奢侈品牌在增長迅猛的日本市場業務更多,近期推出的新設計產品也讓人眼前一亮,在市場上大受歡迎。

相反,過去增長強勁的港澳及中國市場依然沒有起色,Jean-Jacques Guiony表示,期內錄得約一成下跌,但相信香港依然是一個有利可圖的市場,稱已經開始與當地業主洽談續租,但租金是否會下調現在講還「為時太早」。

大品牌港續租趨謹慎

同樣在洽談租約的還有Burberry及Gucci,不過隨自由行光環不再,這些曾經的「豪客」對在香港續租謹慎不少。早前Burberry管理層就曾在電話會議上表示,會考慮通過降低租金成本來緩解香港銷售困境。Gucci首席財政官Jean-Marc Duplaix在電話會上更直接稱,香港業主若不減租,公司或會關閉部分零售店。

事實上,Chanel、Burberry及Cartier等一眾大牌上半年紛紛調低在港澳及中國售價,以打擊水貨及促進當地銷售。經濟學人智庫首席零售分析師 Jon Copestake 認為,現在海外市場的繁榮,從長期來講會激勵中國及港澳市場回暖。他稱,隨不利匯率因素影響慢慢消除,屆時本地市場在價格方面會更有競爭力,加之三四線城市消費者的財富亦穩步積累,一定會重現增長。不過,他強調,奢侈品牌不會再像過去十年那樣在中國迅速擴張,皆因市場已更加成熟。

明報記者 孫娜
大媽 歐美 掃貨 帶挈 LV 抵消 中港 淡市 純利 增長 年最 最勁
PermaLink: https://articles.zkiz.com/?id=291886

新地元朗YOHO MALL攻本地客抗淡市

1 : GS(14)@2015-10-07 01:46:53

■YOHO MALL力吸本地消費,食肆佔商戶比例近三成。 馮就康攝



【專訪】本港零售業繼續吹淡風,惟新地(016)位於元朗西鐵站上蓋、新界西北規模最大的YOHO MALL商場,卻選擇於逆市中開業。新地代理租務部助理總經理陳潔儀接受專訪時指出,YOHO MALL商場專攻香港人生意,商場內既沒有莎莎(178)也沒有周大福(1929),預料本土消費能夠撐起疲弱的市道。記者:鄭柏齡


位於元朗西鐵站上蓋的YOHO MALL(形點),由新元朗中心、YOHO Midtown及興建中Grand YOHO三部份合併而成;前兩部份上月初起「低調」開幕,配合明年底落成的Grand YOHO,商場總面積達110萬平方呎,規模可媲美系內旗艦沙田新城市廣場。


■陳潔儀指YOHO MALL靠元朗區消費已可撐起生意額。 馮就康攝

本地客佔九成

事實上,YOHO Midtown商場早於2010年落成,惟一直丟空。陳潔儀解釋指,選擇今年開業,與零售市道好壞無關,「要睇附近配套,交通同地區諮詢」,又認為現時開幕屬於「perfect timing(最佳時間)」,「業績可以說明一切」。商場開幕初期,平均每日人流約10萬人,假期增加至13萬人,約九成為本地客,好過集團預期。陳潔儀表示,餐廳、服裝店生意理想,「唔少晚市做到兩轉半枱」,場內一大型連鎖服飾店營業額,亦較預期高出一成。她認為,由於YOHO Town內已有8,000住戶,故爆發力比想像中強。不過,消費市道轉差,特別是訪港中國旅客增長大幅放緩,年初至8月僅增長0.8%。陳潔儀承認市況波動,為抗跌市,大打本土消費牌,「商場極力着重本地客」,料區內消費足以「撐起大市」。




無莎莎周大福

環顧近200個租戶,既無莎莎、亦無周大福,自由行最愛的連鎖化妝護膚品店,亦只得一間卡萊美;相反,人均消費達200至300元的優質餐廳比例甚高(詳見另文)。第三部份Grand YOHO落成後,YOHO MALL規模將媲美沙田新城市廣場;陳潔儀預告,第三期將引入全港最大IMAX,影院多達7個,化妝品店、珠寶商如太子珠寶鐘錶等亦會重新進駐。她強調,商場定位仍有別於新城市廣場,繼續走本地客路線。新界西北區內大型商場林立,除YOHO MALL外,屯門區近年有V City、領展(823)旗下的H.A.N.D.S先後開業,加上原有「樁腳」,競爭激烈。但陳潔儀指,市場未見飽和,「好多九龍、香港人搬入嚟」;新地執意在元朗開設巨型商場,主要看中區內發展潛力,她引述政府報告指,未來10年元朗將擁有全港最多工作年齡人口及最多年輕人口。





來源: http://hk.apple.nextmedia.com/financeestate/art/20151005/19320821
新地 元朗 YOHO MALL 本地 客抗 抗淡 淡市
PermaLink: https://articles.zkiz.com/?id=292786

湯文亮﹕淡市中擴張就是好租客

1 : GS(14)@2016-07-08 07:59:31

【明報專訊】現在零售業情况惡劣,那些以收取會員營運的健身會亦有機會出現大型結業退租潮,業主相當頭痛,有人話那些一定唔係好租客,我認為不能夠太武斷,現在經濟環境不佳,大型結業潮是很難避免,絕對不能夠說他們不是好租客,願意合作交回物業已經是合格,否則,繼續拖下去,對業主及租客都沒有好處。

同事問我,什麼是好租客?我對他們說,現時環境不佳,零售業更加是惡劣,如果有人有興趣租地方做生意的大多數是好租客,與旺市開業做生意的人不同,他們必定計算清楚,甚至作出最懷打算,根據我的經驗,他們的生存率最高,所以,更加要積極面對那些人。

已作最壞打算 生存率最高

有一些人或者唔同意我的見解。在市旺的時候,有些租客根本連所租用的物業也沒有睇,就願意付出高於市值的租金,不過,那些業主亦知道,當市道稍為轉壞,租客便會要求減租或者退租,因為他們在租用舖位時未必會考慮得很清楚,或者認為經濟環境仍然上升,面對市况逆轉時唯有結業,業主所得到高於市值租金亦只不過是暫時性的,現時這個現象相當普遍,亦令到不少業主相當沮喪。

新租客進駐 經濟才有望復蘇

但有不少生意人帶着賭仔性格,以贏咗就要谷的心態在市旺時增加據點,倘若市况逆轉,他們輸了就縮,馬上撤離,尤其是那些在同一地區或者同一條街有幾個據點的租客,做業主的亦知道那些事,所以開價必定會開到盡,多收了的租金是作為日後租客離開後空置的補貼。當大家見到同一條街有相當多同字號的舖頭,並不是一個好現象,甚至是經濟轉壞先兆,當有新租客進駐,環境回復正常,經濟才有機會復蘇。

紀惠集團行政總裁

[湯文亮 敢說亮話]


來源: http://www.mpfinance.com/fin/dai ... 3632&issue=20160707
湯文 文亮 淡市 市中 擴張 就是 好租 租客
PermaLink: https://articles.zkiz.com/?id=302770

湯文亮﹕名店淡市擴充的玄機

1 : GS(14)@2016-07-15 04:44:34

【明報專訊】公司在開會時,各位同事講及現在雖然經濟環境未如理想,較早前有幾個租客要結業,將舖位交回給我們,但很快便有新租客替補,而且,那些租客可以說是某個行業名店,究竟是什麼原因?

我對同事說,這就是危與機的問題,對於某些品牌租客來說,經濟環境不佳反而是他們擴充的好時機,因為在市道暢旺的時候,除了租金太貴之外,位置亦不佳,所以一般名店都不會趁市况熾熱時擴充。名店通常會等到市况下滑時擴充,可以覓得較佳位置的店面,以及較相宜租金,而且可以要求一張比較長的租約。與旺市開業的人不同,他們必定計算清楚,甚至已有最壞打算,根據我的經驗,他們生存機會普遍較高,所以同事們更加要積極面對現在入市的新租客,而以往事例證明,他們將會是好租客。

以相宜租金 進駐較佳位置

有一些人或者唔同意我見解,市旺的時候,他們有一些租客根本連所租用的物業也沒有睇,就願意付出高昂的租金。不過,那些業主亦知道,當市道稍為轉壞,租客就會要求減租或者退租,因為他們在租用舖位時未必會考慮得很清楚,或者認為經濟環境仍然上升,面對市况逆轉時唯有結業,業主所得到高於市值租金亦只不過是暫時的,現時這個現象相當普遍,亦令到不少業主相當沮喪,忽視了現在打算租樓做生意的租客。

此外,當大家見到同一條街有相當多同字號的舖頭,不是一個健康的現象,甚至是經濟轉壞先兆;因為,有不少生意人帶着賭仔性格,以贏咗就要谷的心態在市旺時增加據點,倘若市况逆轉,他們輸了就縮,馬上撤離,做業主的亦知道那些事,所以開價必定會開到盡,多收了的租金是作為日後租客離開後空置的補貼。所以,當大家見到有其他租客有能力進駐,店舖種類回復較多元化之時,經濟才算是正常。

紀惠集團行政總裁

[湯文亮 敢說亮話]


來源: http://www.mpfinance.com/fin/dai ... 2966&issue=20160715
湯文 文亮 名店 淡市 擴充 玄機
PermaLink: https://articles.zkiz.com/?id=303727

智取大市:淡市專搵長線強股

1 : GS(14)@2016-10-05 11:27:50

港股方向十分唔明確,論恒指小時圖呈下跌三角形,波幅逐步收窄之際,日線圖又連日出現陰燭,成交又減少,如果冇利好消息刺激,牌面向下機會大啲。不過,喺呢個時候,中資股高位出現派發迹象,資金再度流入舜宇(2382)為首嘅手機設備股,一個行業成為當頭起,想佢跑輸都難。互聯網世界明顯係贏家全取,硬件企業走嘅路明顯唔同。舜宇明顯受惠手機雙鏡頭帶動產業升級,至於競爭劇烈嘅界別,產品差異化就係一條血路,例如NVIDIA專做高端至打機、設計用嘅電腦圖像處理器,一樣做到龍頭。華虹半導體(1347)係8英寸晶圓代工廠,過往唔算行業強者,但產品差異化的確令佢佔有市場位置,未來點樣迎接電子行業發展趨勢係重點,本來主攻智能卡晶片,而功率半導體發展方向直指智能家居、智能汽車範疇,會否學似NVIDIA咁,憑差異化去殺出血路,當然要睇過先知。華虹半導體年度化市盈率大約10倍左右,股價走勢靚,證明市場buy buy哋其concept,半導體行業步入產業升級階段,華虹應該都係唔錯選擇。晉佳
http://fb.com/advanceguy1




來源: http://hk.apple.nextmedia.com/financeestate/art/20161004/19790092
智取 大市 淡市 市專 專搵 長線 強股
PermaLink: https://articles.zkiz.com/?id=311050

二五中環 萬南 韓妝企淡市心雄 誓將旺角變明洞

1 : GS(14)@2016-11-28 00:06:08

http://www.metrodaily.hk/metro_c ... %e6%98%8e%e6%b4%9e/



個個都話香港零售市道疲弱,連「佔領彌頓道」嘅周大福(1929),最近都話執咗6間租約到期分店。不過,逆市就梗係有奇葩,化妝護膚品集團Amorepacific今年竟然喺香港連開13間新店,營業額仲維持雙位數增長喎。
Amorepacific乃何方神聖?原來係嚟自韓國,近年美妝界大熱嘅氣墊產品(Cushion)就係由佢哋研發,2008年面世至今,呢款產品已經賣咗1億件。Amorepacific旗下雪花秀、Laneige、Etude House、Innisfree 5大品牌已引入香港,唔覺唔覺已經開咗63間舖,單單喺旺角西洋菜街就擁有8間,集團香港市務總監鄭載歡(圖左)直言,有意將條街變成香港「小明洞」。根據「唇膏效應」理論,經濟好,女士買化妝品自然會疏爽啲;至於經濟唔好咯喎,呢啲錢就更加唔可以慳啦,咁先可以增加「軟實力」提高競爭力嘛!所以Amorepacific咁有信心,都唔係冇道理喎。
當然,空有雄心壯志係唔夠嘅,營銷策略都相當重要,所以佢哋都好注重社交媒體宣傳,透過Facebook介紹新產品同發放試用裝,成功引導顧客「入店」,帶動線下銷售;個別品牌仲整埋手機App與用戶互動,據聞Laneige App喺香港已經累積50萬名活躍用戶,都咪話唔犀利。
二五 中環 萬南 韓妝 妝企 企淡 淡市 市心 心雄 誓將 旺角 明洞
PermaLink: https://articles.zkiz.com/?id=317261

鄧成波之子淡市開10酒店

1 : GS(14)@2017-01-06 02:05:40

■鄧耀昇認為,行2至4星酒店路線能夠吸引到客人。 周智堅攝



【專訪】舖王鄧成波之子鄧耀昇(Stan)在旅遊業走下坡之際,走去開10間酒店共1,800間房,規模相當於6間九龍半島酒店,有錢就是任性嗎?訪問劈頭就問呢點,80後的他淡定咁話:「我哋唔係睇咁短視,如果搞酒店集團,睇兩、三年唔掂就頂畀人,太兒戲!」圖殺出另一條生路。



■鄧耀昇旗下位於葵涌圳邊街15至19號的旭逸酒店。 王子俊攝

活化工廈辦廉價酒店

早年政府活化工廈政策,吸引舖王波叔由舖市短暫轉戰工廈,幾年前買入多幢工廈改裝,可改做酒店、寫字樓或零售,兩年前見到旅遊業風光,負責管理資產的孻仔Stan決定改做酒店,叫做幫物業升級,原本計劃翻新後出租,但反應差,心諗「人哋做,不如自己做」,結果踩隻腳落去,選擇做酒店,當時他忽發奇想:「香港房屋短缺,酒店可唔可以加快提供住宅畀市民呢?當然酒店同住宅係兩樣嘢,但係咪可以短期出租呢。就算酒店出租率唔係租爆,我哋都可以租畀市民……兩手準備,旅客得,本地客又得。」他旗下10間酒店在目前至2018年開業,級數由2至4星,合共1,800間房間,當中1,300間房間透過工廈活化得來,今年主要3間酒店位於葵涌,合共900間房,其中一間位於葵涌酒店房價每晚平均約500元,其餘酒店分佈屯門、灣仔、油麻地等地區。以九龍半島酒店有300間房計,即相當於6間半島酒店的規模。雖然是酒店業初哥,但心態一啲都唔似,反覺現在正是大展拳腳的時機,「我一路加人,其他集團一路減人……跌得最傷是5、6星酒店,自己行2至4星酒店路線,呢個筆直吸引到啲客,希係係呢浪,乘住咁上……之前房價太癲,好似尖沙嘴重慶大廈,一個床位,日租過千蚊,太離譜!」唱好前景之餘,亦不諱言:「要諗多啲蹺,填滿酒店!」除了旅客,再搞本地市場,初步構思學術交流團、本地商務團,「唔係旅遊性質嗰啲,有啲公司管理層好鍾意行開幾日,去做retreat,與世隔絕一陣,我哋提供酒店房間、活動場地,令佢哋呢幾日去做個人及業務計劃;又整啲卡通火車、公主等主題房,畀香港人一家大細,唔使飛去第二個國家。」呢一切都唔係亂噏廿四,暫時開咗兩間酒店,平均出租率逾九成,其中一間11月出租率達到100%,當中以日韓旅客為主。




來源: http://hk.apple.nextmedia.com/financeestate/art/20170105/19886871
鄧成 成波 之子 淡市 市開 10 酒店
PermaLink: https://articles.zkiz.com/?id=321441

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019