ZKIZ Archives


中環在線:方卓如唔撈CEO選議員 李華華

2008-07-25  AppleDaily



財 經專欄作家、以筆名方卓如行走江湖嘅龔耀輝(Ronald),由於要競逐今年立法會選舉會計界功能界別議席,噚日辭去中國金融租賃集團(2312)行政總 裁兼執行董事,專心為嚟緊立法會選舉拉票,公司通告指佢嘅職務仲未搵到人接手,暫時由執董陳志鴻做住署理行政總裁先。Ronald辭職唔難理解,事關04 年佢亦有參選會計界功能界別議席,對手同樣係今年有參選嘅譚香文同陳茂波,當年Ronald輸個馬鼻得第三,今次捲土重來,不容有失,佢出書自揭方卓如身 份都係為咗提高知名度。

棄15.3萬月薪

會計出身嘅Ronald舊年先放棄做咗十幾年嘅老本行,辭去均富會計職務,轉去中國 金融租賃做CEO,華華記得當時佢出席公司記者會時,對新工作雄心勃勃,將公司轉名(前稱金豐21投資),業務亦由證券投資,轉型主攻中國金融租賃市場, 估唔到家陣做唔夠1年就唔撈。華華睇番中國金融租賃07年年報,由於Ronald 10月先過檔,做得3個月,以月薪計袍金連薪津,1個月約15.3萬銀,同立法會出年嘅6.5萬蚊人工相比,真係差一大截,雖然話立法會議員有153.4 萬銀實報實銷津貼,但都只係用嚟畀議員請助理同租辦事處,今次Ronald放棄一切擁抱立法會,仲未必得緊,佢都算好大勇氣,睇嚟政治真係有莫大嘅魔力。 電郵:LiWaWa@AppleDaily.com
中環 在線 方卓 卓如 如唔 唔撈 CEO 議員 華華
PermaLink: https://articles.zkiz.com/?id=1490

中環在線:核數師唔撈聯康多嘢講 李華華

2008-08-29  AppleDaily

上 市公司更換核數師並唔係新聞,唔少公司隔三、四年就換一換,就算會計師對公司嘅財務報表有保留意見,甚至辭去公司核數師一職,一般都只喺通告上簡單交代就 算。噚日華華睇到聯康生物科技(690)更換核數師嘅通告,竟然水蛇春咁長,用幾段嚟解釋更換核數師嘅原因,都算少見。

已採取積極合理措施

通 告話,陳葉馮會計師事務所辭任集團核數師,原因係「在編製及審核末期業績之過程中,董事會已盡最大努力配合陳葉馮要求,以期盡快完成對末期業績之審核。」 既然董事會盡咗最大努力配合,咁應該好順利o格!不過,通告話,雙方「未能就陳葉馮就完成對末期業績之審核所要求之額外核數費用,同業績審核時限達成共 識。」聯康生物科技喺今個月1號已停牌,要等搵到新嘅核數師,出咗末期業績先復牌。你急我唔急,想急要加錢,唔加咪搵另一個幫手囉!
中環 在線 核數師 核數 唔撈 撈聯 聯康 康多 華華
PermaLink: https://articles.zkiz.com/?id=1931

中環在線:周凱旋契仔唔撈TOM 李華華

2008-09-04  AppleDaily



TOM 集團(2383)王雷雷唔撈傳聞,噚日終於變成事實。TOM集團出通告話,王雷雷一次過辭去副主席同執董、TOM在線首席執行官兼董事,仲有唐碼易趣中國 董事等職務,原因通告冇講明,只係話為咗個人事業發展。華華搵TOM仔問吓,回應只係話王雷雷係為咗「實踐個人抱負,再創事業另一高峯」。

人事又變散戶擔心

TOM 仔起初由張承勷揸fit,到最新話事人楊國猛,過去幾年,數度易帥。次次都引起市場唔少揣測。遠嘅唔講,先講新鮮滾熱辣呢單,王雷雷係超人紅顏知己周凱旋 嘅契仔,呢次劈炮,究竟係契媽叫嘅,定係契仔意思,華華要收吓風。不過,王雷雷一向負責集團最搵錢嗰瓣業務──TOM在線。據電訊界嘅朋友講,TOM在線 曾經喺mobile彩信上,同新浪、搜狐、QQ等,爭市場佔有率。佢一走,對TOM都唔可以話冇影響。睇番呢幾年TOM集團嘅人事變動,都唔到投資者唔擔 心,首先負責做刁、投資銀行家出身嘅王兟先走,跟住,最叻管數嘅湯美娟又話要湊仔唔做,家陣連銀嘅王雷雷都唔撈,咁TOM仔仲有乜搞作呢?

曾戲稱大股東做老頭

講 番王雷雷,佢長駐北京,好少落嚟香港。前年佢接受《北京晨報》嘅一篇訪問,可以反映王雷雷都幾快人快語,當時篇報道係有關盛傳TOM在線買起新浪,王雷雷 被問到TOM董事會有乜建議時,佢居然答:「大股東都是老頭兒老太太們,不知道TOM做的彩信彩鈴是甚麼玩意,他們只跟我聊些做人道理。」佢講嘅大股東係 邊個?大家心照。李華華電郵:LiWaWa@AppleDaily.com
中環 在線 周凱旋 契仔 仔唔 唔撈 TOM 華華
PermaLink: https://articles.zkiz.com/?id=2037

中環在線:黃奕鑑唔撈路訊通 李華華

2008-11-24  AppleDaily


 

路 訊通(888)又有人事變動。繼上月尾,一手湊路訊通上市嘅伍穎梅由執董轉任非執董後,代表最終控股公司新鴻基地產(016)嘅老臣子黃奕鑑亦唔撈。上個 禮拜五,路訊通發出通告,公司副主席兼非執董黃奕鑑因為有其他工作需要,已辭去路訊通副主席兼非執董,職位由容永忠補上。黃奕鑑喺路訊通做咗8年董事,算 係開國功臣,睇住路訊通上市發展。今次接替黃奕鑑入局嘅容永忠,都係新地人。容生今年61歲,係新地嘅顧問,同時亦擔任數碼通(315)非執董,佢亦係路 訊通阿媽載通(062)嘅代行董事。容永忠95年加入新地,之前喺美資銀行打工多年,今次佢出任路訊通非執董,每年可5.5萬銀董事袍金。
中環 在線 黃奕 鑑唔 唔撈 路訊通 華華
PermaLink: https://articles.zkiz.com/?id=4107

中環在線:陸恭蕙搞環保唔撈港交所 李華華


2009-03-05  AppleDaily





 

港 交所(388)董事會今年將會大換班,最意外係06年同「股壇長毛」David Webb雙雙入局、思匯政策研究所行政總裁陸恭蕙(Christine)忽然話唔再爭取連任。佢同華華講,唔係因為Webb舊年5月辭職覺得冇癮,而係董 事任期3年屆滿,自己原本只想玩一屆,適逢今明兩年又要搞環保大業,有好多時間唔喺香港,況且當初入港交所要實現嘅目標,已初步達到,好似今年會推嘅碳排 放期貨交易,就算未見產品「出世」,離開都冇乜遺憾。

戰友Webb轟管治跌watt

「恩人」Webb就唔評論 Christine點解棄權,但佢批評港交所嘅企業管治,喺前年9月政府增持股份後就開始勁跌watt,佢今年唔會再鼓勵好友競逐董事咁話。 Christine嘅空缺,提名委員會推薦東亞銀行(023)顧問、曾任花旗香港行長嘅陳子政出選。至於政府委任嘅3名董事張建東、范鴻齡同方俠,按例必 須退席,但實際只得做滿6年嘅方俠必須鬆人,而范生怕且亦因中信泰富(267)被調查而要講拜拜。Webb就「貼」行政會議新丁胡紅玉會補上、張建東會冧 莊,結果4月23日揭曉。

周文耀花紅佔人工一半

董事薪酬方面,港交所就話今年要凍薪,但初級僱員會發多半個月人工,紓緩08年通脹壓力喎,認真和味。雖然港股成交舊年江河日下,但行政總裁周文耀照390萬花紅,仍佔人工一半,整份年薪就跌10%至1273萬元。李華華



中環 在線 陸恭 恭蕙 蕙搞 環保 唔撈 港交所 華華
PermaLink: https://articles.zkiz.com/?id=6392

中環在線:主席唔撈嘆世界正興大插14%


2010-7-14  AD





 

子係咪一定要承 父業?似乎未必。好似原先做開製衣嘅正興(692)咁,噚日無啦啦出咗張公告,宣佈現年七十有四嘅主席姚正安,決定退休唔撈嘆世界。至於繼任人選?公司話 仲未搵到喎!不過就委任咗陳耀輝先生做執董,話佢有「20年扎實的投資背景」,但咩背景統統無講。

姚主席位公子、行年48歲嘅姚國銘,一直 係公司副主席兼董事總經理,點解唔搵佢接手坐老竇個位?係太子爺未夠班?定係公司之後會有後着?華華唔識估,不過呢隻變咗身做礦股嘅正興,股價就喺谷底再 插水,埋單跌14%,得番一仙二,睇怕好快連仙都唔仙吓o架嘞,陰功!

李華華



中環 在線 主席 唔撈 撈嘆 世界 正興 大插 14%
PermaLink: https://articles.zkiz.com/?id=16704

中環在線:恒隆大掌櫃吳士元唔撈 李華華

2010-7-22  AD






 

恒隆集團 (010)同恒隆地產(101)又有人事變動,噚日宣佈01年加盟嘅執行董事吳士元(圖)辭職唔撈,噚日起生效,原因係要「從事其私人事宜」,話同董事會 冇分歧。被視為恒隆掌櫃嘅吳士元鬆人,可算有迹可尋。首先係恒隆4月17日高薪請咗國泰(293)前任生招牌陳南祿,接替就嚟退休嘅董事總經理袁偉良。6 月初,吳士元沽咗啲恒隆股份,套現成億銀,當時已有人估佢走硬。唔通真係「一山不能藏二虎」?

李華華



中環 在線 隆大 掌櫃 吳士 士元 元唔 唔撈 華華
PermaLink: https://articles.zkiz.com/?id=16884

中環在線:陳振聰軍師劈炮唔撈 李華華


2010-10-05  AD





 

陳振聰(圖)年 頭輸咗官司,仲因為涉嫌偽造文件,被警方商罪科扣查,之後就無晒消息,原來最近宏霸數碼(802)管理層出現咗微妙變化。宏霸噚日宣佈,陳振聰嘅軍師,宏 霸主席朱偉民已經辭咗職,仲由執行董事調咗做非執行董事;陳振聰嘅另一愛將周白瑾連非執行董事都辭埋,即日生效。

查實朱氏今年二月已經辭去 行政總裁一職,只留任執行主席,上個月22日仲以平均價每股4個9賣咗500萬股宏霸畀一名機構投資者,持股量跌到得番4.77%,家陣連主席都唔做;朱 偉民09年薪金同花紅加咗4成,有4589萬,o依家放棄高薪厚祿,有乜啟示?唔使講得咁清楚吓嘩!

李華華


中環 在線 陳振 振聰 軍師 劈炮 炮唔 唔撈 華華
PermaLink: https://articles.zkiz.com/?id=18438

細價股揀股王唔撈細價股

1 : GS(14)@2011-12-12 21:57:17

發人深醒

http://hk.apple.nextmedia.com/te ... 320&art_id=15883303

市場被首季定單欺騙

他續稱:「勢估唔到呢個( 2010年中開始的升市)只係金融海嘯後嘅反彈,仲要咁快玩完…… 5月嗰陣我喺建滔化工( 148)度聽到,話啲定單唔得,就確定咗個市唔得嘅睇法。」他說, 5月時已開始出報告調低公司盈利預測,但現在看來仍覺得幅度「唔夠」。
劉紹文表示,就算如分析員及基金經理般可以「跟貼啲」,亦只可以早市場「少少」知道公司或市場開始有問題,要準確估計跌幅及何時開始下跌,連公司本身也不可能說得準,「轉角市從來都係好難估,無論係由好轉壞,抑或係由壞轉好。」
往者不可諫,來者猶可追,有甚麼指標可以預示熊市完結,再戰江湖?
劉紹文認為,較科學的方法,是看股份市盈率( PE)和市賬率( PB),以及中小型股份與大型股股價折讓,例如目前兩者折讓僅約 4%,與金融海嘯時約 14%相差甚遠,故他不認為中短期內熊市具有完結的條件。
不過,他個人喜歡較平民的預測方法,「我記得我講過,當通街都係股神,連中學生同師奶都可以做股神嗰陣,而悶到暈嘅財經雜誌銷量亦居然好過《壹週刊》時,個市應該就嚟見頂,反之亦然……若果有一日,發覺自己連財經版都唔想睇,輸到無眼睇,咁就差唔多時候可以買喇。」

散戶不宜買中小型股

有人說過,你越想知道是不是忘記,你反而記得更清楚。像劉紹文建議般不停問自己想不想看,那又怎知自己是否真的不想看?所以,劉紹文再次苦口婆心地表示,為免再糊裏糊塗又蝕錢,散戶是不適宜投資中小型股份。
「相對基金經理,散戶根本接觸唔到一啲貼市嘅行業資訊,只靠一年兩次業績,資訊好唔夠,最好都係唔好買細價股啦……若果要買,最好就睇實個 PB,因為較容易掌握,同埋無咁呃人, PE取決好多嘢,尤其係盈利跌嗰陣,唔係咁可靠。」劉紹文說。
2 : GS(14)@2011-12-12 21:58:43

http://hk.apple.nextmedia.com/te ... 320&art_id=15883304
在多家公司公佈遜預期的第三季業績後,各大券商均大幅下調今、明兩年盈利預測,但瑞信董事兼亞洲(不包日本)中小型證券研究部主管劉紹文直言幅度不夠,預料當大家掌握更多資訊後,將再掀起新一輪大規模盈利下調及降級潮。
他說:「從出口及內需領域企業得到嘅資訊顯示, 5月開始走下坡嘅出口定單固然仲係咁差,歐洲相關嘅定單完全無好轉之餘,內需定單亦開始唔得……由於出年農曆新年喺 1月,理論上應該喺家入貨,咁樣啲單都係唔得,好得人驚。」
他指根據統計,瑞信有研究的香港中小型股份明年平均盈利預測增幅為 15.3%,市場對中國中小型企業前景更樂觀,平均仍然預測明年盈利可錄得約 21.5%增長。他相信,按目前定單情況估計,明年整體盈利很難會有這樣理想的增長幅度。

現時情況差過海嘯

劉紹文更認為,由於現時內地生產成本較 3年前上升了不少,目前企業所面對的風險,較 08年金融海嘯時有增無減。
他說:「雖然廠家兩次同樣都係面對生意大減嘅難題,但因為上次各國好快聯手救市,所以上次啲定單只係好快咁大跌,但又好快咁回升番……今次就好唔同,好似溫水煮蛙咁,唔聲唔聲慢慢咁殺埋身,跌咗成半年,至弊又見唔到盡頭。」
「過去 3年內地人工每年升成十多個巴仙,雖然近排原材料價格跌咗唔少,但整體嚟講,家生產成本都高過 08年好多,生意跌,成本升,產能又多咗,結果咪係毛利率收縮囉……啲細廠喺年中開始執笠,情況可能會持續到出年 4、 5月。」劉紹文說。
3 : GS(14)@2011-12-12 22:00:07

http://hk.apple.nextmedia.com/te ... 320&art_id=15883305
熊市尚未見到完結一日,但瑞信上周已刊發報告,推介包括德昌電機( 179)及互太紡織( 1382)在內的 18隻亞洲中小型股份。瑞信董事兼亞洲(不包日本)中小型證券研究部主管劉紹文不諱言,該批股份只是用作防守,安全為上。

股份要有「故事」
他說︰「喺牛市,細價股可以跑贏大市好多,同樣道理,喺熊市,細價股就跑輸大市好多,若果唔係要做總結同展望,我都唔係好想喺家推細價股,所以今次揀嗰啲,都係要有息收,仲要係同歐洲唔關係密切,再加埋有 Turnaround(轉勢)古仔講。」
劉紹文舉例說,好像今次推介的中國電力( 2380),在明年還有加電費這個「故事」,德昌則是看中派息理想及美國經濟相對較歐洲好。 4月時推介的多隻消費股今次全部「無得留低」,他解釋,因感到內地消費力開始減弱,在現市況估值偏高。
4 : 龍生(798)@2011-12-13 00:08:39

佢都講得幾岩...但好顯, 佢的細價股不是我們的細價股...
5 : GS(14)@2011-12-13 21:54:08

4樓提及
佢都講得幾岩...但好顯, 佢的細價股不是我們的細價股...


但是是我的細價股
細價 價股 股揀 股王 唔撈 撈細
PermaLink: https://articles.zkiz.com/?id=276855

林鄭月娥約滿唔撈

1 : GS(14)@2012-01-19 22:41:20

http://www1.hk.apple.nextmedia.c ... 104&art_id=15998796


【蘋果專訪】一度被視為下屆政務司司長熱門人選的發展局局長林鄭月娥,接受本報專訪被問到留任政府與否時,表明「差唔多夠鐘」,暗示不效力下屆政府。對於特首參選人唐英年近日連番批評市建局建貴樓、丁屋「所謂僭建」言論,都是衝着其政策範圍而來,一向「好打得」的她只說:「公道自在人心。」記者:梁德倫、譚靜雯
2 : 草帽(1253)@2012-01-19 23:00:54

佢應該係梁營人. 唔怪之禿鷹同李少光0係新界拆潛建樓唔撑佢.
3 : GS(14)@2012-01-19 23:08:57

2樓提及
佢應該係梁營人. 唔怪之禿鷹同李少光0係新界拆潛建樓唔撑佢.


講多D
4 : 草帽(1253)@2012-01-20 09:23:45

冇架, 只是留意小動作, 之前林鄭高調拆新界潛建. 班村民話要殺左佢. 理論上禿鷹或李少光應該走出黎嚴重警告班村民. 但是佢地冇做到. 這是一件非常奇怪既事. 我想禿鷹或李少光一係就係唐營人, 一係就係世界仔睇定D先. 因為唔知邊個係新主嘛, 咪唔表態囉.

其實由唐英年宣佈出戰之前兩個月, 曾陰權講既政策都可以抹左去. 包括琴日既答問大會. 基本上巳經埋晒班, 曾陰權講既都冇人幫佢做. 完全冇人畀面舊主. 唐英年而家逐一擊破梁營人, 包括市建局, 林鄭. 其餘都係亦我者亡. 以後既政策都多數係地產霸權繼續千秋萬世了.
林鄭 月娥 約滿 滿唔 唔撈
PermaLink: https://articles.zkiz.com/?id=277342

金融人語: 袁天凡唔撈對冲基金

1 : GS(14)@2012-02-29 23:10:13

http://hk.apple.nextmedia.com/te ... 307&art_id=16112338
至於李慧敏的丈夫袁天凡,自從離開李澤楷的盈拓集團後,去年中出任香港最大型對冲基金之一泓策( Ortus)的主席,儘管係非執董,但十分投入,有說每日都上班,研究公司的投資策略和組合變化。
但有中環消息人士同我哋講,唔知乜嘢原因,只不過係半年光景,袁天凡就好似已經離開 Ortus。到 Ortus網站睇睇,之前有關袁天凡的介紹消失了,人事組織圖中也不再顯示主席一職,三人董事會中冇咗袁天凡的名字。
泓策由畢業於沃頓商學院的海歸精英周全, 2003年在香港創辦,擅長投資貨幣, 2010年以 23.1%的回報率,名列全球大型對冲基金(資產值最少 10億美元)的第 12位,係當年最威的大型香港對冲基金;去年回報 3%,全球排第 50名,資產值有 30億美元。
2 : GS(14)@2012-02-29 23:11:10

http://ortuscapital.com/team

金融 人語 袁天 天凡 凡唔 唔撈 對沖 基金
PermaLink: https://articles.zkiz.com/?id=278028

沙膽虹手記:唔撈就係最大籌碼 沙膽虹

1 : GS(14)@2013-05-10 01:44:11

http://www.sharpdaily.hk/supplem ... E7%B1%8C%E7%A2%BC/1
貨櫃碼頭工人罷工長達四十日,越搞越大鑊的原因,離不開資方不但沒有做降溫工夫,反而不斷撥火,先有HIT董事總經理嚴磊輝寸嘴,辣㷫工人把罷工行動由貨櫃碼頭變成佔領長江中心,接着和黃大班霍建寧出來護主,大放厥詞,滿口歪理,根本就不想談判和解。好不容易,阿爺關注,政府介入,資方在老大不願意下拋出個9.8%加薪方案,工人猶豫一輪後亦接受下台,怎料外判商擺和頭酒時又出事,不但指9.8%已包括拉纜錢和飯鐘錢,額外津貼免問,還乘機攞番個彩,指摘工人「呢鑊嘢係你哋搞出嚟」。死未?
沙膽虹老早就講,僱主態度如此凶神惡煞兼不顧情義,政府勉強斡旋,資方最後即使妥協,也未必十分情願,口頭上要攞彩不特止,以後還不知出甚麼招玩下去。所謂勉強冇幸福,若然資方日後繼續玩嘢,不願冰釋前嫌,工人最大的籌碼就是辭工,轉工唔撈就可以不用聽他們bullshit!
沙膽 膽虹 手記 唔撈 撈就 就係 最大 籌碼
PermaLink: https://articles.zkiz.com/?id=282773

專題:80後電波夫婦 劈炮唔撈苦遊世界

1 : GS(14)@2013-07-19 00:14:01

http://hk.apple.nextmedia.com/news/art/20130718/18339211

                              【本報訊】人生除了供樓外,還有沒有其他事可做?80後新婚夫婦Timothy和Ceci就斗膽炒老闆魷魚,新婚燕爾,蜜月之行卻以四海為家,趁年輕輸得起,何不轟轟烈烈地環遊世界一次。二人儲了超過30萬元作為半年遊歷費用,包括逾10萬元環球機票、10萬元旅費、半年供樓費、三個月回港後備資金等,便結伴出走去親身體驗世界18個國家,「道聽塗說係其他人嘅感覺,點都要親身走一趟去感受,You will never know until you are there!」 記者:羅鈺歡 攝影:受訪者提供

                                                                                                         在這一對80後小夫妻Facebook上的「闖世界」專頁,沒有五光十色美景,也沒有美酒佳餚,只有黃泥土地、零零碎碎的各地風土人情,他們在旅途上盡量吃得簡單,住最殘舊民宿,有時還被可疑的小偷及騙子跟蹤,為慳一角幾毫走半天路。
二人同是28歲,畢業於浸會大學,Timothy修讀統計學,畢業後在電訊公司任職高級客戶經理,而修讀數學系的Ceci則在銀行後勤部門擔任高級主任。二人月薪共五萬元,拍拖八年,未結婚已儲夠首期買樓。

先買樓結婚 再儲30萬出走

                                      當其他80後仍高叫無錢買樓時,這對小夫妻已開始進行第二個儲錢計劃——儲30萬元後去全世界流浪。當然,在出走前他們還要完成另一件重要事情,就是結婚。
今年1月結婚後,他們已籌備4月出發。「我哋趁後生、未有小朋友,仲有力氣走動,應該做自己喜歡嘅事,點解唔孭着背囊,嚟一次轟轟烈烈嘅環球之旅?睇吓呢個世界呢?」他們希望走遍亞洲、歐洲及南美洲等18個國家,包括越南、柬埔寨、德國、法國、西班牙、巴西、約旦、智利、澳洲及墨西哥等地。
為了慳錢,他們限定自己每日使費,「歐洲物價貴到喊,好彩平日慳住用,如果唔係打後的旅程就冇錢使」。他們每人只帶着一個大背囊及一個隨身袋,袋內只有衫、兩條牛仔褲、兩件褸及基本日用品,全部身家性命財產都隨身。
拖着新婚嫩妻跑勻全球,Timothy坦言吃盡苦頭,只好每日硬着頭皮走下去。「第一站去越南已經嚇死,去到旅館一打開門,一張張碌架床歪嚟歪斜,仲有好濃烈嘅臭味,床都極為污糟,張被肯定未洗過。入到公用洗手間幾乎想嘔,但都要沖涼!」這趟蜜月之旅的第一晚,兩夫婦已終生難忘。
專題 80 電波 夫婦 劈炮 炮唔 唔撈 撈苦 苦遊 世界
PermaLink: https://articles.zkiz.com/?id=283471

蘇慧恩唔撈亞視做歌手

1 : GS(14)@2016-02-15 02:20:13

樂壇新人蘇慧恩昨日在深水埗舉行新歌《愛到跌至谷底》MV發佈會,獲兩位同門師姐何晞兒及陳若嵐現身撐場。蘇慧恩自爆曾參加《超級巨聲》、《香港小姐》及《工展小姐》,並獲得工展小姐冠軍,現年29歲的她說:「之前參加《巨聲》輸咗係衰緊張,但學到好多嘢,入行係我嘅目標,希望30歲前達成呢個願望。」而蘇慧恩終於達成心願任職亞視,她說:「九個月前喺ATV報娛樂新聞,不過當時識嘅朋友,而家都差唔多走晒。屋企人都好支持我入行,爹哋、媽咪、細佬都有嚟捧場。」採訪、攝影:曹家誠





來源: http://hk.apple.nextmedia.com/entertainment/art/20160214/19490114
蘇慧 慧恩 恩唔 唔撈 亞視 歌手
PermaLink: https://articles.zkiz.com/?id=295912

【一年之計在於...】慶祝689被唔撈 2017目標:化悲憤為食好西

1 : GS(14)@2017-01-02 01:05:49

梁振英喺年尾宣佈不爭取連任特首,相信為唔少人帶來一刻歡愉。(資料圖片)



2016年經已落幕,有評選就以「亂」字為今年作總結,對於香港人嚟講又係點嘅一年?動主播表妹去到旺角街頭,同街坊齊齊回顧2016年。



唔少受訪者覺得梁頌恆、游蕙禎被DQ事件係個遺憾。(資料圖片)

2017年特首選戰你又點睇?(資料圖片)

黃先生話唔撐葉劉就梗。

先講喜事,唔少市民都因為689唔撈最開心,陳先生話:「佢落台點都值得慶祝嘅!」真係要多謝梁特首喺年尾為香港人送上苦中一點甜呀!另一邊廂,唔少受訪者對梁頌恆、游蕙禎被取消立法會議員資格一事覺得失望,好似Christian就話:「少咗兩個議員為香港出力。」邱小姐講到咬牙切齒:「畀人哋剝奪咗佢哋嘅議席,其實我覺得好憤怒!」既然咁多怒氣,一於喺新一年化悲憤為食......「好西」?問到2017年新願望,李先生諗都唔諗就答:「新一年食多啲好西!」咪心邪,人哋講緊嘢食咋。至於下屆特首選戰,唔知大家又有咩心水人選?自己香港自己講,即刻去片啦!



連小姐最希望下屆特首係一個「真」香港人呀!

問到2017年願望,李先生即刻話想食多啲「好西」......嗱,佢講緊嘢食咋,咪諗錯隔離!

邱小姐同陳先生鼓勵港人喺新一年多啲關心社會,遇到唔公義嘅事一定要企出嚟。

採訪:何宛珊(表妹)攝影:馮峰後期:Roy編審:仙




來源: http://hk.apple.nextmedia.com/entertainment/art/20170101/19883373
一年 年之 之計 在於 慶祝 689 被唔 唔撈 2017 目標 悲憤 為食 食好 好西
PermaLink: https://articles.zkiz.com/?id=320939

魚樂無窮:科網股撈唔撈?

1 : GS(14)@2017-06-16 01:55:27

科網股是否見頂,再度成為市場熱話,遭沽空風暴正面吹襲嘅股份如瑞聲(2018)及科通芯城(400),圖表明顯走樣,尤以後者為甚。部份則因股東減持令走勢逆轉,當中包括通達(698)、昂納科技(877)、ASM太平洋(522)。說穿了,最強一定係騰訊(700),然後搭多隻舜宇光學(2382),科網股係咪見頂一定係問呢兩隻。估值貴定平我唔識睇,但兩隻股份行咗幾年大浪,升幅數以百倍計,如今由高位回調唔夠一成,現時搬出見頂論絕對講唔通。「但呢排在香港呼風喚雨嘅北水,沽騰訊沽得好勁喎,驚唔驚先?」今次佢哋啱唔啱,要事後孔明先知,但根據過往經驗,強勢股絕對經得起北水考驗。滙控(005)就係一個好例子,年初因暫停回購,北水轉買為沽,股價一度跌至近60元大關,但最新季度業績交足功課,反過來挑戰70元水平。所以因為騰訊被北水狂沽而睇淡,未免太過武斷。至於係咪撈得過,就好視乎你信唔信科網股的故事,你信嘅,幾十倍PE可以係好平,唔信嘅,盈利增長五成或者更多都係泡沫。唐牛
https://www.facebook.com/tongcow88本欄逢周二、四刊出



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/financeestate/art/20170615/20056062
魚樂 無窮 科網 股撈 撈唔 唔撈
PermaLink: https://articles.zkiz.com/?id=335540

【離巢藝人】簡慕華陳琪唔撈

1 : GS(14)@2017-06-18 21:45:06

北上拍劇多機會,加上ViuTV及奇妙等新電視台成立,無綫已不是好遮蔭的地方,不少沒演出機會藝員都意興闌珊,今年離巢外闖。



陳琪

大專畢業後加入無綫,一做就做超過20年,由少女做到已成為人母,角色都是綠葉為主。3月尾拍完《深宮計》離巢,現轉做KOL。


蓋鳴暉

月前透露與無綫滿約,結束20多年賓主關係,現專心投放時間在粵劇事業上。


簡慕華

2000年選港姐入行,屬戚其義御用班底,多獲派演配角的她仍甚有發揮,演技獲網友大讚,離開原因是覺得在無綫無突破。


許亦妮

11年港姐季軍,多年不受無綫重用,今年5月完約,最後參演的劇集,是去年的《潮流教主》做配角。




來源: http://hk.apple.nextmedia.com/entertainment/art/20170616/20057287
離巢 藝人 簡慕 慕華 華陳 陳琪 琪唔 唔撈
PermaLink: https://articles.zkiz.com/?id=335895

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019