蘇麗珊南丫島火辣啜冰半裸游學修亂入放閃
1 :
GS(14)@2016-07-06 07:59:03無啦，無喇。點啫，顏卓靈已經有白只發展白靈戀。蘇麗珊同游學修呢Pair，等極佢哋都唔分手。兵一早已經唔收，估唔到就連FF機會都唔肯俾人。前日，蘇麗珊喺FB貼咗張南丫島嘅相…喺南丫島影嘅相。蘇麗珊寫道:「是次遠征南y島的原因是要看風車。原來是很很很大舊的！在山上食了一條吱吱冰，很爽皮噢！！—感到滿足。」蘇麗珊喺相中，著住白色Bra Top形上衣，露腰，超短熱褲仔。蘇麗珊喺相中，係得佢一人。係嘅，點會得佢一個去南丫島吖……但，阿游生唔使游出嚟㗎！有網民問蘇麗珊:「點解唔飲寶x力水特？」蘇麗珊回應係，貼一張圖…一張佢同半裸游學修嘅合照。兩個都係著軍綠色褲……夠了！……唉，更殘忍在後頭:游學修留言：她說我沒能拍到她的全身蘇麗珊回覆：然後有人在山上不作聲直至下山^_^有人搭爹：風車咁高，要影到全身，要趴地至得囉....亦有人話：個波好大……遊學修平常有做Gym嗎？點解連少少幻想空間都唔俾人……Sosad。
來源:
http://hk.apple.nextmedia.com/entertainment/art/20160705/19681706