ZKIZ Archives


反對規劃鄉郊地 新界原居民揚言: 「組織槍炮 同佢哋死過」

1 : GS(14)@2011-09-27 21:39:48

http://hk.apple.nextmedia.com/te ... 104&art_id=15650369

全港有 77幅鄰近郊野公園但不受《郊野公園條例》規管、被形容為發展冇王管的「黑洞地帶」,佔地約 2,000多公頃,當中有 54幅未納入分區計劃大綱圖規管。鄉議局昨與約 20多名旅居英國、荷蘭及澳洲等地的新界原居民舉行閉門會議,商討對策,居荷蘭逾 40年的新界原居民曾先生批評政府強搶民產,「完全冇諮詢過,我哋返到香港先知發生緊咩事,真喺好嬲。」
2 : 龍生(798)@2011-09-28 01:35:37

我真係想睇呀...

擔定登仔呀我
3 : pars(2406)@2011-09-28 10:50:05

我都好想睇,睇下佢地D特權幾時比人收返。
4 : 龍生(798)@2011-09-28 13:00:24

記得要買逼擊炮, 自走炮, 槍就唔駛講啦, 另外如果無坦克好難配合,步兵打地戰的

仲要有空軍作掩護 , 先可以守護到新界農地的

加油呀!! 我支持你地架
5 : calvinx(8907)@2011-09-28 13:21:02

陰謀論我會覺得政府係特登挑起公憤, 當有一日, 等到無特權果500萬人齊齊出聲反對既話, 就可以一句話大部份既民意係讚成點樣點樣, 收返佢的特權.

不過咁重成世界既? 新界傳統到時去左邊, 阿爺果時幫手打日本仔的戰績又吾講, 明明之前乜朝代封地比佢地架嗎. 咁重有皇法?

所以我都好讚成佢打多的交架, 爭取佢地應該有既權利, 我好支持佢地架, 千奇吾好怕事退下來. 抗戰到底呀, 沒有付出, 那有收獲, 吾係點可以著數到千秋萬載. :)
6 : dennis001(8614)@2011-09-28 14:19:27

xx派幾架坦克輾完就知味道

唔洗用豬黎試ge

用原居民就得啦

xx坦克,的確威,的確好洗
7 : GS(14)@2011-09-28 21:02:20

加油,武鬥就一舉搞掂晒佢地啦
8 : 亞力士(1473)@2011-09-28 23:23:07

居荷蘭逾 40年的新界原居民曾先生批評政府強搶民產<---- 都估到佢做邊行
9 : dennis001(8614)@2011-09-28 23:31:20

8樓提及
居荷蘭逾 40年的新界原居民曾先生批評政府強搶民產<---- 都估到佢做邊行


佢做開調理農務?
10 : 龍生(798)@2011-09-28 23:58:47

住荷蘭, 應該都係毒品多
11 : terryyim(13133)@2011-09-29 00:09:58

10樓提及
住荷蘭, 應該都係毒品多


唔好咁講,話唔定人地只係種鬱金香霸地
12 : dennis001(8614)@2011-09-29 08:47:39

11樓提及
10樓提及
住荷蘭, 應該都係毒品多


唔好咁講,話唔定人地只係種鬱金香霸地


荷蘭除左農務,藥物

養雞都好出名架啊
13 : GS(14)@2011-09-29 10:50:13

你講邊D?
14 : dennis001(8614)@2011-09-29 12:20:18

13樓提及
你講邊D?


你話呢smiley

不過荷蘭有安樂死

頂唔順政府可以幫襯下荷蘭醫生,醫下心病
反對 規劃 鄉郊 郊地 新界 居民 揚言 組織 槍炮 同佢 死過
PermaLink: https://articles.zkiz.com/?id=276070

向巴斯挑機湯文亮:我梗係同佢輸賭

1 : GS(14)@2016-05-19 02:30:06

曾發表細價樓爆煲論的紀惠集團行政總裁湯文亮,於社交網站以《香港樓市衰過97》為題發文,談及再有國際大鱷料本港樓市會衰過97,全文如下:人稱大鱷的著名基金經理巴斯Kyle Bass,在拉斯維加斯一個研討會上講香港樓市以free fall形式下跌,仲衰過97,類似情況在過去不少分析師、基金經理講過,但香港樓市的表現與他們的說話背道而馳,大家都見怪不怪,根本唔會有人提起,所以,久不久就會有分析員講香港樓市會大跌,就算已經講過的都會再講,佢哋唔悶,香港人都覺得悶,這些新聞亦早已不是新聞。如果一個分析員話香港現時樓市衰過97,只是證明了一件事,就是那人根本不懂得香港物業市場。在97年,一個業主隨隨便便持有幾個物業,負債比率最好的時候亦高達8成,當樓價下跌,那些人的總資產值遠低於他們的欠債,基本上是一個負資產者。那些資不抵債,又唔肯供款的業主,他們的物業最終會被銀行沒收,變成銀主盤在市場上出售,而售價又低於市價,做成骨牌效應,最後樓價大跌七成,到2003年才止跌回穩,如果物業不變成銀主盤,大跌的機會就會減少了很多,現在雖然有負資產出現,不但數量不多,而且那些負資產業主並没有停止供款,變成銀主盤的數量不多,沒有大量物業被銀主迫售,樓價就不會大跌,這是香港樓市是否會大跌的內在因素,雖然,能夠影響香港樓市大跌亦有其他世界因素,例如利息等,但那些因素除了影響香港之外,亦會影響其他地區,不能夠只說香港樓價會大跌,其他地區平穩,沒有理據的分析,是很難站得著腳,即使巴斯也不例外。外國評論員如果講香港樓市會大跌,大多數會以97為例子,但是他們知唔知道,樓市下跌超過一半,在大家記憶中只得97一次,但股市下跌一半就不計其數,講樓市衰過97的巴斯並不是第一個人,亦不會是最後一個人,我覺得今次巴斯攞嚟衰,無形中得罪香港政府以及金管局,如果他的講法是對,即是話香港政府以及金管局冇用,辣招同逆週期措施都不能夠阻樓飛插下跌,如果說法是錯,香港政府一定會反撃,大鱷都要收山。





來源: http://hk.apple.nextmedia.com/financeestate/art/20160517/19614726
巴斯 挑機 機湯 湯文 文亮 我梗 梗係 係同 同佢 佢輸 輸賭
PermaLink: https://articles.zkiz.com/?id=300330

志玲爸爸批陳冠希:同佢扯上關係都冇好事發生

1 : GS(14)@2016-08-07 02:13:43

陳冠希早前喺微博爆Seed鬧爆林志玲,話林志玲阻止佢女友秦舒培喺大陸節目《我的新衣》出鏡,事件沒完沒了,繼陳冠希嘅爸爸陳澤民幫阿仔搵咗唔同嘅疑點去反擊林志玲,叫佢唔好裝成受傷的小羔羊後,今次就到林志玲嘅爸爸林繁男代女出頭,以香港小男生形容陳冠希,話每個同佢扯上關係嘅藝人,都好似冇好事情發生。因為秦舒培冇得喺大陸節目《我的新衣》出鏡,而引發陳冠希爆Seed,雖然節目都澄清晒成件事,但都未能平息事件,繼三個當事人同陳父陳澤民先後發聲後,o依家又到林志玲嘅爸爸有嘢要講喇!據台灣傳媒報道,林父林繁男話:「節目放着25歲的小女生不用,用40幾歲的志玲,表示應該不只看外表,還看內在。大家都知道她是無端捲入,還好現在也捲出了。」對於整件事嘅睇法,林繁男表示:「他們(陳冠希同秦舒培)現在好像在做困獸之鬥,接下來還要靠觀眾喜歡,這樣弄得有點不好看,格局還要再訓練。」此外,林爸爸仲話:「香港的小男生(指陳冠希)說話顛顛倒倒,每個跟他牽扯到的藝人,好像都沒有很好的事情,大陸女生(指秦舒培)力爭上游結果交錯男朋友!」





來源: http://hk.apple.nextmedia.com/entertainment/art/20160806/19725082
誌玲 爸爸 陳冠希 同佢 佢扯 扯上 關係 都冇 好事 發生
PermaLink: https://articles.zkiz.com/?id=304692

爆杏兒做人唔識講嘢張學潤:同佢溝通係要啲時間瞭解

1 : GS(14)@2016-09-25 10:28:21

主力喺大陸搵人仔嘅胡杏兒,啱啱喺上海做完五場舞台劇《我和春天有個約會》,不過跟住喺巡迴演出,女主角換咗做楊怡,嗰陣話仲最大原因係因為杏兒有意出年生B,喺時間上難啲配合,另一個原因有傳係杏兒要求多多兼扮大牌,所以主辦單位決定換角。事後杏兒同主辦單位都否認呢件事,仲話大家一直合作愉快。昨日有周刊報道話有份參與《我》演出兼做形象統籌張學潤(Nel Nel)就話查實最初楊怡同萬綺雯已經喺名單上,只係佢哋檔期配合唔到推咗,跟住杏兒喺蜜月之後先落實演出,冇話邊個取代邊個,唔用原班人馬演出係希望有新鮮感。講到有傳話杏兒要求多多,Nel Nel就話唔可以話佢冇要求,但要求都算合理,佢只係一個唔識講嘢嘅人,同佢溝通係要啲時間瞭解,Nel Nel又指喺呢行撈咗咁耐,好多時藝人要求合理,都會盡力配合,佢又喺報道中講到杏兒同江美儀都有自備髮型師,而身為形象統籌嘅Nel Nel都唔抗拒,當係一個學嘢嘅機會。之後Nel Nel仲承認有演員為咗可以巡迴演出,而私下接觸主辦商,佢喺報道稱係唔介意佢哋忽略自己,不過冇開名講係邊個,只係話唔唔識得行規同尊重,唔會再有下次合作機會。




來源: http://hk.apple.nextmedia.com/entertainment/art/20160925/19781269
爆杏 杏兒 做人 唔識 識講 張學 學潤 同佢 溝通 係要 要啲 時間 瞭解
PermaLink: https://articles.zkiz.com/?id=309987

悍匪持「AK47」打劫女店員同佢隻揪唔怯

1 : GS(14)@2016-09-27 08:02:11

俄羅斯一名女店員面對「持械」打劫的賊人無有怕,奮不顧身與對方一併。事發於馬林斯克(Mariinsk)一間店舖。一名賊人入內飲霸王啤酒,並拿出類似AK47自動步槍物體指嚇女店員,企圖劫財。店員叫對方把槍放下,對方不理,還警告她若按警鐘就開槍。女店員「企硬」,要對方付錢,對方一怒之下,走到櫃位後搜掠,店員這時與他硬併,一手拿着槍管,試圖奪槍,二人糾纏,店員最終不敵對方,被對方用槍柄打了數下。賊人拿了一罐啤酒後離開。女店員在賊人走後按動警鐘,賊人在幾分鐘後落網。警方事後查明賊人所持的只是形似AK47的氣槍,但認為女店員當時不可能辨別到。警人指賊人有案底,如果這次打劫罪成,將面臨十年監禁。英國《每日郵報》




來源: http://hk.apple.nextmedia.com/international/art/20160927/19783428
悍匪 AK 47 打劫 店員 同佢 佢隻 隻揪 揪唔 唔怯
PermaLink: https://articles.zkiz.com/?id=310252

【你幫我同佢講...】林日曦元秋傳話人OO由繙譯榮升Producer

1 : GS(14)@2016-11-11 08:10:34

OO全名Viola,o依家唔做繙譯,轉行做公務員,喺首爾公營電台做英文節目監製。



【尋找首爾的香港】「OO...OO...OO...」一個林日曦曾經不停嗌嘅名字,一個站於林日曦同「政壇元秋」蔣麗芸之間嘅中間人,一個用廣東話譯廣東話嘅繙譯員,全名Viola!Viola係韓國人妻,三年前跟老公搬去韓國定居,花年半時間精通韓語。最近,Viola唔譯廣東話,改行做公務員,喺首爾TBS公營電台做英文節目監製(Producer)。
Viola做公務員唔係為咗高薪厚職求穩定,原來只係同林日曦一樣鍾意做試驗,佢笑住咁話,「申請原因真係好低能,我見韓國人細個讀書要補習,大個想入大公司,原來都要補習筆試同面試。有冇咁大件事呀?大學畢業唔係代表準備好出嚟社會做嘢咩?好慘呀!」所以Viola就身痕,去搵份工嚟申請吓,睇吓係咪真係咁難!



Viola話見工嗰陣有9個面試官,勁誇張!

結果得佢一個in到,榮升Producer,直播室嘅人都嗌佢:「PD님!」

Viola話Producer係乜都做,由揀歌、定主題,到主持講乜都要諗。

試過就知大陣仗,淨係份申請表就有23頁,Viola話好多要填嘅資料根本係私隱,「真係唔知點解要填,唔止填阿爸阿媽嘅資料,仲要填埋阿爺阿嫲嗰代,又要填銀行有幾錢,租樓定買樓,連血型都要填!」申請合格者先考筆試,然後再要面試。
Viola話面試就誇張,「有九個面試官!嘩!好chr!九個人不停問、不停問,問你如果製作節目,點可以肯定個節目喺韓國會受歡迎?喺韓國嘅外國人想聽啲咩節目,你了唔了解?」Viola形容好似打咗場仗!結果,呢場仗畀貪得意、無補習、冇大冇細嘅Viola取得勝利!換嚟電台直播室嘅工作人員嗌佢:「PD님!(韓國人對Producer嘅尊敬稱呼)」Viola話Producer係乜都做,「揀歌、定主題、主持講乜都要諗。」拍攝當日,喺直播室嘅幾位節目主持就特別同Viola開玩笑,喺大氣電波講佢好似大明星,有香港傳媒嚟採訪佢,仲對攝影機揮手交足戲!



鬼馬主持特登向攝影機揮手,交足戲!

班主持又細數Viola,話佢食嘢好快,令佢哋有壓力。

Steve(右)仲話Viola講嘢直接,叫嘉賓試咪,就嗌佢「Say Something」。

呢班鬼馬主持又細數Viola,先講啲門面嘢大讚佢為人好好、合作性高、畀自由度大...但係慢慢就數埋啲奇怪嘢!外籍主持Liam Lusk話同Viola食飯好有壓力,因為佢食得超快,另一位主持Steve Hatherly就爆Viola講嘢直接,「有次佢想一位嘉賓試咪,正常都會同嘉賓講『唔該你試咪』,但係Viola就嗌佢『Say Something!』」Steve自己講完都笑,不過就話明白Viola只係直率,唔係無禮貌。至於大老細點睇呢?TBS電台部局長Kim Yeong Sik就話,因為Viola係外國人,第一次見佢就「打咗個突」,「韓國人打招呼係鞠躬,但係Viola係舉起手『Hi』咁樣!」不過局長話o依家已經習慣咗喇!雖然同事好,不過打工制度點都比唔上香港,Viola話:「一定要朝九晚六,遲一秒鐘都畀人睥住你!」莫講話一秒,唔少韓國公司都不明文規定要早半個鐘返工,老細未走都無得放工,相信有睇韓劇《未生》嘅朋友都明白,不過Viola就懶理,「早起身真係好難!」



上司金先生都加把嘴,話韓國人打招呼會鞠躬,但係Viola就咁舉手say hi,不過o依家就慣咗喇!

Viola話喺韓國做嘢好忟憎,韓國人階級觀念重,唔識變通又唔敢表達意見。

所以佢都係用返香港人最叻嗰招,用自己方法,咁個人就會開心啲喇!

Viola又話韓國人好目標為本,唔理成效係咪理想,總之定咗目標就一定要達到,「好急o架喎,老細會話『聽日,你聽日要做畀我!』我心諗:『吓,我諗都未諗!』」最令Viola忟憎嘅,係韓國人唔夠膽向上司表達意見,甚至乎根本唔知有另一個方法做嘢,只係盲目跟前輩話點做就點做!Viola話一於少理,貫徹香港人用自己方法行事,「做到咪得囉!」至少,自己開心啲!記者:鄒倩婷(阿仙)攝影:陳家文、李錦鏵剪接:Roy編審:陳家文導演:陳家文




來源: http://hk.apple.nextmedia.com/entertainment/art/20161111/19829490
你幫 幫我 我同 同佢 佢講 林日 日曦 曦元 元秋 傳話人 傳話 OO 由繙 繙譯 榮升 Producer
PermaLink: https://articles.zkiz.com/?id=315082

溶晒50針玻尿酸蛇精男同佢撞樣臉皮鬆

1 : GS(14)@2017-04-09 10:49:28

一向言論出位、擁有超尖下巴的「蛇精男」劉梓晨,又有新聞。蛇精男近日在facebook表示做「微整形」,把之前注射臉上的50多支透明質酸溶掉,結果竟與台灣前總統馬英九撞臉。有疑似來自台灣的網友就留言:「雖然我討厭馬英九,但拿他跟你比,我突然覺得馬英九很可憐。」蛇精男在晒出的相片下寫道:「說到做到,全臉50多隻玻尿酸(透明質酸)全溶了。但是這不代表我不可以重新打,覺得還是之前好看的點讚,我可以考慮再次打80針。」有網友看過照片後,將馬英九與蛇精男的照片放在一起,還寫道「相似度99%」。蛇精男似乎並不滿意被網民指他撞臉馬英九,回應說:「怎麼可以說姐像馬英九」。其他網友反應更為激烈,紛紛留言:「我突然覺得馬英九很可憐」、「不要侮辱馬英九」,「他少了,塑膠味」。
Facebook




來源: http://hk.apple.nextmedia.com/international/art/20170409/19984845
溶曬 50 針玻 尿酸 蛇精 精男 男同 同佢 佢撞 撞樣 臉皮
PermaLink: https://articles.zkiz.com/?id=329794

【美圖晒晒】超清純跑步索女網友:好想同佢一齊練

1 : GS(14)@2017-04-28 00:54:26

台灣一名超清純的跑步女生林糖糖,在PTT表特板引起網友討論。該女生相當熱愛運動,在Instagram分享不少自己運動的過程以及減肥美食,她數張運動的照片和生活照被發至PTT,由於身材相當突出,令網友十分雀躍留言:「意圖使人跟跑」、「好想跟她約跑」、「一起跑步吧!」還有網友說:「明天去買跑步鞋」、「女生來說跑很快了,她本人真的很漂亮。」
Instagram/台灣《蘋果日報》




來源: http://hk.apple.nextmedia.com/international/art/20170427/20003474
美圖 曬曬 清純 跑步 索女 網友 好想 同佢 一齊
PermaLink: https://articles.zkiz.com/?id=331547

【未輪到陳德彰】蔣志光幫Raidas和音黃耀光:最先同佢傾

1 : GS(14)@2017-05-18 02:08:20

蔣志光係Ken口中唔算係影子成員,但同陳德彰都係唱得之人。(資料圖片)



80年代組合Raidas雖然出道兩年、只推出1張EP《吸煙的女人》,同2張大碟《傳說》《Raidas‘87》,但事隔30年仲有好多人搵番佢哋嘅經典歌嚟聽。而且有人仲會研究佢哋嘅歌、歌詞同成員,有說蔣志光係影子成員o添:「志光嗰陣時係我助手嚟o架,亦都係好朋友,我哋早前嘅工作係一齊做,係Raidas嘅時候佢冇一個主力嘅參與;編曲上,係我嘅idea但佢幫手做programme;而好多時候我哋兩個嘅聲音係比較協調,所以啲和音部份,全部都係我哋兩個唱o架。」而Raidas嘅大碟上面,蔣志光亦以「小光」之名擔任助理監製及混音工作。



Ken同阿蔣鮮有合照,除咗當年有一齊出席活動。(網上截圖)

呢張係《吸煙的女人》EP黑膠碟。呢首歌係黃耀光第一次作曲,林夕第一次填詞。(網上圖片)

到第二張大碟《Raidas'87》就見到小光擔任監製同混音工作。(網上圖片)

Ken又話當年好多歌曲上都會問阿蔣攞意見,甚至乎係第一個聽,佢話:「好似《別人的歌》,因為我哋都曾經唱過酒廊嘛。」既然咁friend,點解一開初唔係同阿蔣參加《亞太流行曲創作大賽》繼而入行?「係同阿志光傾先嘅,大家想有個機會將自己專長發揮出嚟,參加比賽就最好,不過究竟邊個作曲呢?都係分散投資比較好,是但一個贏都好嘛!」佢仲透露當年解散Raidas之後,阿蔣都有提議另組組合,只係Ken有另一啲想法,唔太想喺幕前演出而告吹。



Raidas首張大碟《傳說》都會見到蔣志光以「小光」之名擔任助理監製。(網上圖片)

最終阿蔣同Ken都組唔成組合。(資料圖片)

之後推出個人大碟。(網上圖片)

此外,林夕(夕爺)當年都係Raidas嘅鐵三角,皆因除咗黃凱芹填詞嘅《傾心》,全部歌曲都由夕爺填詞:「嗰陣時佢未叫夕爺啦,當初大家都唔認識,經朋友介紹,就寫咗我哋嘅第一隻歌《吸煙的女人》。我覺得個合作係好有聯系,有啲字佢覺得好嘅,但啲音唔係好夾嘅我會改音。」



蔣志光同韋綺姍合唱《相逢何必曾相識》仲唱到街知巷聞

林夕當年係Raidas嘅御用詞人,有人話林夕嘅身價就係《傳說》一曲。(資料圖片)



音樂曾經係黃耀光第一生命,但現時佢將心思放喺正念瑜伽上面

好多Raidas舊相都發現黃耀光(右)唔望鏡頭,原來佢望到強光會不停眨眼,所以寧願避開。(資料圖片)

場地:city oasis採訪:余燕儀、懷鈺攝錄:馮峰 Neo拍攝:沈健程




來源: http://hk.apple.nextmedia.com/entertainment/art/20170516/20022620
未輪 輪到 陳德 蔣誌 誌光 光幫 Raidas 和音 耀光 最先 同佢 佢傾
PermaLink: https://articles.zkiz.com/?id=333277

舉家旅行彌補單親缺憾吳啟華愧對女兒:冇同佢講父母離婚

1 : GS(14)@2017-06-18 22:07:08

■吳啟華未有向8歲女兒透露他與石洋子已離婚,亦因為沒有經常陪伴囡囡感慚愧。



【父親節嚟喇】現年53歲的吳啟華,與年輕21歲的內地太太石洋子在3前年離婚,二人的8歲囡囡吳熙兒現交由長春居住的外婆照顧。明日父親節,吳啟華為自己太少時間陪囡囡而覺得慚愧,他說:「作為一個爹哋,我覺得自己絕對唔及格!」並透露至今未有向女兒講解自己與石洋子離婚一事。



經歷過兩段失敗婚姻,令吳啟華對獨生女更加憐惜,有空就與前妻陪囡囡去旅行,又不時在社交網分享父女扮鬼臉相,甚至不時被影到兩父女sweet爆行街,令女兒感受到家庭溫暖。


「一年見幾次」


儘管處處為女兒着想,吳啟華接受本報電話訪問時卻自責說:「我根本唔係帶子洪郎,一年見得個女幾次,都係外母湊,作為一個爹哋,我覺得自己絕對唔及格!因為自己花喺囡囡身上時間太少,日日都要做嘢,唔得閒陪佢,多數都係佢放假同佢去旅行,或者佢嚟香港嗰幾次。」



■囡囡跟外婆在內地居住,一放假就來港與爸爸吳啟華團聚。資料圖片

■為給女兒完整家庭感覺,吳啟華與前妻石洋子會舉家去旅行。

8歲的吳熙兒越大越清秀,似足爸爸,問囡囡是否喜歡黐實爸爸時,吳啟華笑謂:「佢細個嘅時候就黐我,?家我見佢咁少,佢點黐我呢?由細到大都係外婆湊佢,佢就比較黐佢外婆,爹哋媽咪都唔喺佢身邊,外婆梗係特別錫佢。有時外婆搞佢唔掂,就要我做嚴厲嗰個,佢會比較怕我啲,我惡起上嚟好得人驚,哈哈!但當然唔會打佢,只會鬧佢。」稚子無辜,問到當初如何跟囡囡解釋父母要分開時,吳啟華坦言:「離婚嗰啲問題,我冇直接同佢講過,可能佢都唔知,亦唔明,因為放假我哋會一家人去旅行,我會帶埋外婆一齊去,每次幾乎都係四個人,除非洋子唔得閒,或者我要拍戲,就會三個人去,喺嗰個情況之下,佢唔係好明白分開係乜。」吳啟華希望盡力為囡囡維持完整家庭,他說:「雖然我哋住嘅城市唔同,但佢未必完全明白我哋離婚嘅嘢,我亦都唔想太過講得咁白畀佢聽,等佢慢慢大啲再了解,或者等佢問我先同佢解釋,反正我哋四個去旅行玩得好開心,畀佢保持一個好似完整家庭感覺,佢由細到大都未試過有爹哋媽咪一齊喺身邊住,由出世到?家,都係得外婆主要湊佢。」



■吳啟華女兒由外婆(左)照顧,四口子更會一起外遊。

■吳啟華於3年前與石洋子離婚,結束7年婚姻,甜蜜不再。資料圖片


只盼囡囡開心

問對囡囡有甚麼期望?吳啟華說:「其實主要係希望佢開心,譬如讀書寧願畀多啲錢,畀佢行國際學校呢條路,睇住朋友嘅細路讀傳統學校功課太多,小朋友太忙都唔係咁開心,囡囡?家都係忙,但佢會開心啲,因為有好多課外活動,好似學琴,運動又多,功課冇咁多,生活開心啲,我冇乜期望,只係希望佢開開心心成長。」採訪:皓騫




來源: http://hk.apple.nextmedia.com/entertainment/art/20170617/20058678
舉家 旅行 彌補 單親 缺憾 吳啟華 愧對 女兒 冇同 同佢 佢講 父母 離婚
PermaLink: https://articles.zkiz.com/?id=335997


ZKIZ Archives @ 2019