ZKIZ Archives


四叔中秋溫哥華上香

2013-09-26  NM
 

中秋佳節,人月兩團圓。四叔李兆基冇留喺香港同家人團圓,而坐咗佢架新私人飛機直飛溫哥華。所為者何?拜祭故人也。

該日佢去咗觀音寺為老友馮景禧上香,並簽咗大筆香油。二十八年前之中秋時候,馮景禧喺溫哥華過身。草創之初,四叔同新地之郭得勝、新鴻基證劵之馮景禧有三劍俠之稱。三劍俠現今只剩番四叔一人,而情義依舊,難得。除咗為故人上香,當晚四叔仲同故人之子湯馬士‧馮永發一家食飯賞月。臨別拎出五百蚊美金俾個侍應;唔係所有侍仔分五百蚊,而係人人五百蚊。真係唔想過個快樂中秋都難也。

本週人有相似

娛樂圈個個都係倒模Angelababy,「撞口撞面」都好正常,但原來政經界都有好多撞樣例子,你又覺得佢哋似唔似?「富豪飯堂」福臨門「五哥」徐沛鈞(左一),年輕時風流倜儻、身材瘦削,鵝蛋形的面上,一對濃眉細眼;驟眼睇,同無綫藝員黃長興(右下圖),又有幾分相似噃。

馬時亨幾時同純官(左二)行埋?呀,唔係,遠睇周大福嘅獨立非執董林健鋒(左一),憑着其向後Gel的髮型、雄偉的身形、圓潤的臉龐,加上一副幼框眼鏡,差啲認錯係人稱「肥馬」嘅前商務及經濟發展局局長馬時亨(右圖)添!

七十年代麥當勞中環分店「泡毛他」(右下圖),不知名不知姓,但見佢九一分界、面形修長、下巴兜兜、眼睛深邃,同前一哥鄧竟成(左下圖)簡直一個餅印!唔通……前一哥年輕時,喺老麥打過工?

金牙大狀講嘢程介南父出殯

小宗週一路經「大酒店」,發現好鬼熱鬧,眼見熟口熟面嘅政商界人士穿插。望一望水牌,地下係永亨銀行前董事長曾永康出殯,二樓則係前政界人程祖鉞。程祖鉞唔係咁多人識,但正是程介明及程介南爸爸。程祖鉞於七月底逝世,終年九十七,笑喪也。他是江蘇揚州人,份屬愛國一族,九九年曾擔任五十周年國慶籌委會執行委員,龍應台寫《大江大海》都訪問過程老先生。呢日老左派吳康民、民建聯譚耀宗、葉國謙、仲有吳克儉及劏房波都有嚟。程介南當年出監後,繼續做政治公關,去年立法會選舉,仲幫鍾樹根、何君堯等搞形象設計。哥哥程介明則係政府策發會委員,兩兄弟繼續撈得住。

Give me a break雪茄盒入門版

近期中環吹起一陣雪茄熱,就算不吸煙的,都買番幾支嚟儲吓,以示「級數」。要將雪茄保養得宜,當然要買番個靚盒收藏。做開上市公司IR(investor relations)嘅喬家熙,幾年前開咗公司Jurali,生產自家製嘅collector box,放响連卡佛寄賣,據佢講,西京投資嘅劉央都係佢客仔。咪以為劉央用得嘅,肯定係貴嘢,原來Jurali出品只係萬多兩萬銀,絕對係呢類收藏盒嘅入門版,坊間有啲盒可貴到幾十萬元。雖然話係入門版,之但係,小宗見啲盒手工相當唔錯,個個盒嘅鋼琴漆面都令立立,外面層木用非洲沙比利,雪茄盒裡面就用西班牙雪松木,打開個盒隔開一米都聞到陣木香,濕度計以及濕度控制裝置呢啲架生,當然亦唔少得。喬家熙話劉央之所以幫襯,全因盒面嘅胡永凱畫作。呢位北京畫家聽聞連朱玲玲都是其粉絲;而Jurali另一位合作嘅畫家,係馬來西亞嘅Eng Tay,喬家熙更將佢其中一幅畫作一分為二,變成一對紅及藍色嘅錶盒。盒上面嘅畫,係先將畫作scan落相紙,再貼上盒面,之後成個盒吊起噴鋼琴漆,再人手打磨。最近喬家熙仲同上年嚟過海港城搞展覽嘅日本畫家Riusuke Fukahori傾緊,睇吓點樣將佢世界聞名嘅立體金魚畫,crossover响收藏盒上。由來咩都可以收藏兼炒一番嘅香港人,又有新對象!

施政不前燒炮仗

林鄭個政助張秀麗劈砲,話「想多啲時間陪父母」。佢係繼幫茂波陳之何建宗,及幫張建宗之莫宜端後第三個辭職之政助。是否出現跳船潮,好難講,689政府有請人、留人之困(特首辦新聞統籌專員鄧惠鈞唔do,半年啦都仲未搵到人頂替)則是不辯之事實。有識之士話咁樣落去會打擊施政。果如此,就燒炮仗啦。咁講法唔係幸災樂禍,只不過自689掌權以來,佢標榜之「政策成熟一項即推出一項」,由改組司局架構到白表買居屋到發展新界東北、擴建堆填區,莫不是鑊鑊新鮮鑊鑊甘。若果佢老哥施政事事順遂,咁特區仲有得剩乎?故此為咗特區好(亦即係為咗國家好),求神拜佛都望689施政行不得也哥哥,否則香港遲早淪陷。君不見班港共唔係話2017冇政改都冇乜大不了,咁施政不前又算係乜呢?

四叔 中秋 溫哥華 上香
PermaLink: https://articles.zkiz.com/?id=75822

電視撈飯: 展鵬祥仔連環撞車 孖住上香

1 : GS(14)@2013-10-14 16:40:23

http://hk.apple.nextmedia.com/entertainment/art/20131014/18462453

                陳展鵬、鍾嘉欣同阮兆祥主演嘅電視劇《巨輪》而家晚晚播,套劇播出以嚟似乎唔係好順利,成日俾觀眾彈穿崩,出現時空穿梭。唔只咁,近日劇中主要演員仲接連出事,繼上月底嘉欣BB拍另一部劇受傷之後,展鵬同祥仔接連兩日都遇到交通意外,所以噚日去澳門媽閣廟宣傳,入廟拜神上香時佢哋三個都特別神心。

護送嘉欣BB

                噚日《巨》劇一班演員展鵬、祥仔、嘉欣BB同貝安琪等人坐船過澳門宣傳,展鵬揸住佢架百萬名車,載住嘉欣BB去緊上環信德碼頭,準備會合大隊時,同一架的士發生碰撞,最後展鵬要坐直升機過澳門至趕得切。稍後喺媽閣廟宣傳時,吸引咗唔少澳門fans到場舉牌支持,一班演員仲呼籲在場fans上網投票,參加「我至like角色」活動,之後一班演員入咗廟拜神上香。

                                                                                               
            ■展鵬架過百萬積架跑車同的士喺干諾道中發生意外。讀者提供照片            ■展鵬載住嘉欣去碼頭其間撞車,之後報警處理。
攝影:胡恩宏
          
                                                                                                                       嘉欣講到單意外話好在冇人受傷,仲讚展鵬好照顧自己,佢話:「意外發生之後展鵬叫我上船先,佢留低處理。」至於當事人展鵬就話自己架車只係花咗少少,佢話:「架車買咗全保,同的士司機有共識,返到香港會同佢聯絡。」另外,前晚同人撞車嘅祥仔話撞車剎那感覺好奇怪,佢話:「打完白鴿轉架車滑行,我心諗千祈唔好劃花塊面。」事後佢仲幫對方司機搵拖車,亦不忘宣傳送埋自己演唱會飛畀人。
電視 撈飯 展鵬 鵬祥 祥仔 連環 撞車 孖住 上香
PermaLink: https://articles.zkiz.com/?id=283926

受害人家屬上香︰審判公平

1 : GS(14)@2016-04-23 18:37:31

鄭捷殺人案最高法院駁回上訴,維持死刑判決,有受害者家屬上香告慰死者,亦希望鄭能盡快伏法,讓事件告一段落及停止對家屬的折磨。不過,就算死刑定讞能給社會一個交代,但對已被鄭摧毀的家庭來說,卻永遠無法彌補失去親人的悲痛。昨日到法院聆判的死者潘碧珠丈夫邱木森,對判決感到欣慰,返家第一件事,就是在老婆遺照面前向她說,「妳的不幸,司法已替妳爭取到公平審判」。邱感嘆,與妻子結婚40多年,現在回家只剩下自己一人,覺得空虛又落寞。他認為,案發後鄭捷、鄭捷家屬未有道歉,加上鄭開庭時一心求死,令他相信司法仍有正義。受害者張正翰父親獲知鄭捷被判死,與妻子上香告慰兒子,其妻仍因兒子遇害而情緒低落,回想兒子還是不停哭泣。張父說,希望政府能盡速執行死刑,讓整個事件告一段落,家屬的心情才不會一直綁在案子。另一名受害者解青雲的母親卻無法走出傷痛,每日下午5時多,也就是兒子事發當日生死交關的時刻,「還是會想哭……」她希望能在5年內執行死刑。台灣《蘋果日報》





來源: http://hk.apple.nextmedia.com/international/art/20160423/19582873
受害人 受害 家屬 上香 審判 公平
PermaLink: https://articles.zkiz.com/?id=299545

阿Sa拜山隔空上香

1 : GS(14)@2017-04-05 23:56:50

■戴上口罩的阿Sa昨與家人到澳門竹林寺拜山。讀者提供圖片



【爆相爆片】昨日清明節,蔡卓妍(阿Sa)和家人到澳門竹林寺拜祭外公外婆,被讀者Carmen透過「爆相爆片」直擊,Carmen昨在電話表示:「大約1點,見到阿Sa一行六個人,其中有兩個幫手攞嘢,佢哋先去拜觀音,之後再拜山,由於前面好多人,佢行唔到去上香,聽到阿Sa話:『估唔到今日咁熱鬧。』」當時寺內逾百多人拜祭,大家都要輪住上香,Carmen表示:「阿Sa逼唔到去香爐,只係揸住香鞠躬,之後交畀家人上香,跟住阿Sa攞紙紮品再鞠躬,由於好多人認到叫阿Sa,佢逗留15分鐘就急急腳走。」阿Sa的外公馮戒聞(馮萱泰)是著名畫家和雕塑家,生前是澳門竹林寺住持。採訪:皓騫




來源: http://hk.apple.nextmedia.com/entertainment/art/20170405/19979900
Sa 拜山 山隔 隔空 上香
PermaLink: https://articles.zkiz.com/?id=329282

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019