📖 ZKIZ Archives

中環在線：寶哥哥東亞坐艇中海補數 李華華

2008-08-27  AppleDaily




東 亞（023）今個月5號公佈中期業績，大幅倒退超過五成，拖累當日股價急挫逾8%，主席兼行政總裁李國寶見股價咁樣跌，梗要出手撐東亞。寶哥哥今個月已經 5度增持東亞，使咗8012萬銀，買入257萬股東亞。無奈東亞唔爭氣，股價每況愈下，以噚日30.4蚊收市價計，賬面損失189萬銀。噚日港交所 （388）公佈，身兼中國海外（688）獨立非執董嘅寶哥哥，8月20號以每股12.26蚊增持500萬股中國海外，涉資6130萬銀，持股量增至 0.07%。由於喺場外做，所以唔知係咪行使認股權。中國海外噚日收報12.56蚊，升0.64%，寶哥哥賬面賺150萬銀，雖然唔能夠完全抵銷今個月增 持東亞嘅189萬銀賬面損失，但總算幫補吓。

李國寶本月增持股權

中國海外（688）20日增持股數：500萬股涉 資：6130萬元19日增持股數：200萬股涉資：6160萬元11日增持股數：32萬股涉資：1043萬元東亞銀行（023） 8日增持股數：5萬股涉資：158萬元7日增持股數：10萬股涉資：327萬元5日增持股數：10萬股涉資：324萬元資料來源：港交所

中環在線：陳許多琳睇京奧唔見記者？ 李華華

2008-08-27  AppleDaily

北 京奧運係中國人嘅大事，好多上市公司高層都親身飛去北京睇比賽。華華收到料，中信國際金融（183）董事總經理兼替任行政總裁陳許多琳都被邀請上京睇奧運 比賽。陳太留咗差唔多成個禮拜，睇咗中國對古巴嗰場女排、女子體操，仲有捧咗羽毛球冠軍林丹嘅男子羽毛球賽。請陳太去睇奧運比賽嘅係宏利金融（945）， 宏利係京奧贊助商之一，所以攞到比賽門券，益吓業務拍檔，所以請咗銀行保險拍檔中信嘉華銀行幾位高層。身兼中信嘉華嘅總裁兼行政總裁陳太，當然係被邀請對 象。

華華奇怪，中信國金上個禮拜四公佈中期業績，咁大件事，佢哋竟然唔搞記招（舊年都有搞開o架！）只出業績通告，究竟係陳太心繫京奧冇mood，抑或煩 緊中信集團私有化中信國金，所以唔搞記招呢呵。

中環在線：龔方雄前言不對後語 李華華

2008-08-27  AppleDaily

近 排金融圈嘅熱門話題，相信除咗估股神畢菲特『目及』中邊隻中國股票，就輪到摩根大通首席經濟學家龔方雄上個禮拜二發表嘅「4000億救市報告」。報告唔單 止哄動大陸同香港金融界，仲惹嚟同行美林公開炮轟，連超人李嘉誠亦忍唔住話：「如果有人利用呢啲消息賺錢，就真係罪過！罪過！」噚日，主角龔方雄終於出嚟 回應，據外電報道，龔生話：「早前表示中央可能推出2000億至4000億刺激經濟方案，只是個人建議，並非政府觀點。」佢仲話個數已經好保守。不過，上 個禮拜龔生份報告明明寫住，政府高層正認真考慮一項刺激經濟方案，橫睇掂睇都唔似個人建議。

純個人意見非政府觀點

龔 生嘅原文如下，「The top leadership is carefully considering an economic stimulus package of at least RMB 200-400 billion.」唔通龔生識玩占卜，唔單止猜到中央會準備救市，連用幾多億都估到咁利害。不過，中央都仲未宣佈點樣出手救市，你就快人一步講咗出嚟，咁 分分鐘係「洩露國家機密」，你知「洩露國家機密」幾大罪，如果龔生因為一份報告要惹上「洩露國家機密」罪，你話幾唔抵。難怪要出嚟「沙個冧」，澄清話係個 人建議，並非政府觀點。李華華電郵：[email protected]

中環在線：核數師唔撈聯康多嘢講 李華華

2008-08-29  AppleDaily

上 市公司更換核數師並唔係新聞，唔少公司隔三、四年就換一換，就算會計師對公司嘅財務報表有保留意見，甚至辭去公司核數師一職，一般都只喺通告上簡單交代就 算。噚日華華睇到聯康生物科技（690）更換核數師嘅通告，竟然水蛇春咁長，用幾段嚟解釋更換核數師嘅原因，都算少見。

已採取積極合理措施

通 告話，陳葉馮會計師事務所辭任集團核數師，原因係「在編製及審核末期業績之過程中，董事會已盡最大努力配合陳葉馮要求，以期盡快完成對末期業績之審核。」 既然董事會盡咗最大努力配合，咁應該好順利o格！不過，通告話，雙方「未能就陳葉馮就完成對末期業績之審核所要求之額外核數費用，同業績審核時限達成共 識。」聯康生物科技喺今個月1號已停牌，要等搵到新嘅核數師，出咗末期業績先復牌。你急我唔急，想急要加錢，唔加咪搵另一個幫手囉！

中環在線黃光裕：我唔係優秀總裁 李華華

2008-08-29 AppleDaily

掛得總裁個title，壓力一啲都唔細，公司業務，事無大小都要攬上身，如果喺上市公司度做，交唔到數仲要向股東交代，所以呢份工一啲都唔易做。一向精明能幹嘅國美電器（493）主席黃光裕，喺內地嘅業務搞得有聲有色，但佢竟然好謙咁話：「我不是一個優秀的總裁。」

下放權力畀員工

據 《北京商報》報道，黃光裕解釋：「優秀的總裁，是在能力實施的範圍內，明確企業制度，顧及企業安全，然後給予員工一個授權的空間、事業的基礎，調動起他們 的激情、靈感，努力工作的狀態，促使他們創下一份個人的事業。」佢家吓仲向住呢個目標努力緊。不過，國美總裁好似係陳曉唔係黃光裕噃，唔通黃光裕覺得自己 唔係一個優秀嘅總裁，所以只係做主席？

中環在線：積華搵傳媒人入局 李華華

2008-08-29  AppleDaily




除 咗傳媒股，好似唔多聽聞行家出任上市公司董事。噚日，研發醫藥同保健產品嘅積華生物醫藥（2327）委任咗《文匯報》助理總編輯焦惠標做獨立非執行董事， 接替辭任嘅薛立財。

焦生今年61歲，喺新聞界做咗40幾年，佢跑港聞，曾經做過記者、港聞編輯、助理總編輯、報章社論作者同埋一國兩制研究中心高級研究主 任。家陣佢除咗係《文匯報》助理總編輯，仲出任香港新聞工作者聯會副秘書長同司庫。焦生喺積華生物嘅獨立非執董任期暫時一年，下個月1號生效，董事酬金每 年10萬。酬金算唔算吸引就見仁見智，但積華生物點解搵個傳媒人做非執董，原因先至吸引，有冇人話畀華華聽呢？

中環在線：股神揀股密碼最緊要大 李華華

2008-08-29 AppleDaily

股 神畢菲特5億美金買中國股票被拒，喺中環金融圈繼續係熱門話題，大家仲估緊究竟股神寵幸邊隻中國股票。本報專欄作家譚紹興噚日喺專欄話，雖然股神以 mind blankout大耍太極，唔答想入股邊隻股票同邊個行業，但就暗示：「It's bigger than……」由前文後理推測，股神睇中嘅股票市值同規模應該大過中石油（857）。

以噚日中石油H股收報9.96蚊計，市值為2101億 港銀，家吓比中石油市值高嘅國內企業，包括熱門目標，3隻大陸銀行股，中行（3988）、工行（1398）同建行（939），佢哋市值分別為2524億、 4435億同1.413萬億銀。電訊龍頭股中移動（941）市值亦高達1.813萬億，而多番傳聞股神入股嘅國壽（2628）亦有份入圍，市值為2191 億。

投資要有4個冧巴

至於唔知點解俾人話係股神目標嘅中信銀行（998）市值得嗰565.5億銀，可以話掹車邊嘅機會都冇。雖然中海油（883）嘅市值都達5342億銀，但華華相信，股神應該唔會番兜石油股啩。

仲未有頭緒？唔緊要，噚日內地《信息時報》報道，有人將股神嘅投資方法簡單歸納為一條算式：5+12+8+2，即指5項投資邏輯、12項投資要點、8項選股標準、2項投資方式，希望推測股神最愛。至於呢6「位」熱門佳麗，邊隻擁有埋呢4個數字，咁就要自己做吓功課喇！

Bigger than中石油

‧ 中移動（941）市值（億元）：18130‧建行（939）市值（億元）：14130‧中海油（883）市值（億元）：5342‧工行（1398）*市值 （億元）：4435‧中行（3988）*市值（億元）：2524‧國壽（2628）市值（億元）：2191‧中石油（857）*市值（億元）：2101* 市值只計H股

畢菲特投資方法

-5項投資邏輯-

1.將自己當成企業經營者；

2.好的企業比好的股價更重要；

3.追求消費壟斷企業；

4.公司股價反映公司實質價值；

5.好的股票任何時間都不應放售

-8項選股標準-

1.消費壟斷企業；

2.產品簡單易明，前景看好；

3.有穩定經營數據；

4.理性及忠誠管理層，以股東利益為先；

5.財務穩健；

6.經營效率高，收益好；

7.資本支出少，現金流量充裕；

8.股價合理

-2項投資方式-

1.長揸，每年分析公司數據一次：

A.起初的權益報酬率；B.營運毛利；C.負債水平；

D.資本支出；E.現金流量。

2.當市場對公司估值過高，可考慮短期套利

電郵：[email protected]

中環在線：馬化騰6800萬獎員工 李華華

2008-09-01  AppleDaily

為 咗刺激員工生產力挽留人才，新晉藍籌股騰訊（700）將授出101.605萬股新股，獎勵184個員工，以騰訊上個禮拜五收市價67蚊計，呢批新股市值 6807.5萬港銀。嗰184個好漢平均每人可分到市值約37萬銀嘅股份。不過，騰訊通告話明，會按受獎勵員工嘅職位、經驗同表現而定。

高管低層名額184個

咁 邊184個好漢咁好運呢？通告未有列出名單，只係話：「董事會可能不時全權酌情甄選參與該計劃的任何合資格人士」，所謂合資格人士，包括全職或兼職員工、 行政人員或高層、所有董事、集團成員公司的專家、顧問同代理等，只要對集團增長同發展有貢獻，都有機會入選。咁主席馬化騰都應該好有機會。呢招好多上市公 司用過，好似港交所（388）舊年尾公佈員工股份獎勵計劃，就批咗2600幾萬銀，買咗約11.35萬股獎勵合資格嘅中高層員工。

中環在線：稅控機成零售業殺手 李華華

2008-09-01 AppleDaily

今 年開始內地推行新稅制改革，企業所得稅由以往33%降至25%，唔少內地上市公司上半年盈利增長動力之一，就係受惠稅務支出減少。不過，大陸嘅服務零售尤 其係上市嘅食肆唔好開心得咁快，因為另一個隱形殺手正伸出魔掌，將大大加重佢哋嘅稅務支出。呢隻魔掌就係「稅控機」！

有份參與國內「稅控機」計劃嘅浪潮國 際（596）主席孫丕恕同華華講，為咗堵塞大陸零售服務業逃稅漏稅，當局陸續要求全國4300萬工商企業安裝稅控機。裝咗呢部稅控收銀機後，店舖嘅收入狀 況完全喺稅局掌握之中，因為稅控機直接跟稅局聯網。

家陣已經有幾十萬個商戶安裝咗部機。佢舉例話，北京一家食肆上半年因為裝咗部機，要畀成千萬人仔稅，比 舊年交嘅200萬稅多4倍，咁就知舊時食肆逃稅嘅情況幾嚴重。唔知呢個係個別事件，定係內地食肆同業「行規」，否則上市嘅食肆股就大件事。

中環在線：最強國企中石化賺錢能力五強不入 李華華

2008-09-01  AppleDaily


由 中國企業聯合會同中國企業家協會合作評選嘅《2008中國企業500強》名單出爐，中石化以1.23萬億人民幣營業收入，再蟬聯榜首，比第二位國家電網嘅 1.01萬億營業額高出逾兩成。舊年排第二嘅中石油，就跌落第三位。其他打入十強嘅企業，包括港人熟悉嘅內地銀行、電訊同保險龍頭，工行、中移動、國壽， 分別排名四至六。

生意多唔代表盈利高

營業額多，只係代表生意做得多，但唔代表賺錢最多，好似中石化雖然摘冠，但睇番上市公司 年報，中石化舊年盈利只有587億人仔，比排第三嘅中石油賺1552億，少近千億，原因係中石化盈利俾煉油業務虧損大幅拖低。至於工行同中移動舊年盈利亦 唔失禮，分別錄得823億同872億銀人仔。如果《中國企業500強》係以公司盈利高低計算，中石化連五甲都不入。錢賺得多定少，除咗同500強排位唔成 正比，連高層嘅人工都唔成正比。華華睇番呢十強國企，07年高層支出以中移動最高，董事支出達3473萬銀港銀，最低係中石油，舊年高層開支只有541萬 人仔，公司盈利過千億，並唔代表高層人工最高，而中石化高層開支就係608萬人仔。

中移動高層人工排第一

不過，喺國企打工應 該比喺民企或者外資企業好，據內地智聯招聘薪酬數據研究中心公佈最新嘅《2008年中薪酬調查》，上半年內地薪酬升幅，以國企最高，為14.5%，較民企 嘅13.9%，多出0.6個百分點，而外資企業更只有11.7%。當中高層人工嘅升幅最高，達16.02%，人工增長達雙位數字，揮低唔少香港人。

08中國企業500強頭十名

今 年名次：1名次去年：1公司：中國石化07年營業收入（億元）：12279 07年盈利（億元）*：58707年董事及監事支出（萬元）*：608今年名次：2名次去年：3公司：國家電網07年營業收入（億元）：1010707年 盈利（億元）*：－07年董事及監事支出（萬元）*：－今年名次：3名次去年：2公司：中國石油07年營業收入（億元）：1000707年盈利（億 元）*：155207年董事及監事支出（萬元）*：541今年名次：4名次去年：4公司：工商銀行07年營業收入（億元）：390007年盈利（億 元）*：82307年董事及監事支出（萬元）*：1211今年名次：5名次去年：5公司：中國移動07年營業收入（億元）：357907年盈利（億 元）*：87207年董事及監事支出（萬元）*：3473#今年名次：6名次去年：8公司：中國人壽07年營業收入（億元）：330407年盈利（億 元）*：38907年董事及監事支出（萬元）*：1092今年名次：7名次去年：14公司：建設銀行07年營業收入（億元）：314207年盈利（億 元）*：69107年董事及監事支出（萬元）*：1585今年名次：8名次去年：6公司：中國銀行07年營業收入（億元）：310007年盈利（億 元）*：62007年董事及監事支出（萬元）*：1272今年名次：9名次去年：10公司：農業銀行07年營業收入（億元）：259107年盈利（億 元）*：－07年董事及監事支出（萬元）*：－今年名次：10名次去年：7公司：南方電網07年營業收入（億元）：257607年盈利（億元）*：－07 年董事及監事支出（萬元）*：－註：*以旗下上市公司計；＃只計董事局，單位為港元，其他全為人民幣電郵：[email protected]