中環在線：馬化騰6800萬獎員工 李華華
2008-09-01 AppleDaily
為 咗刺激員工生產力挽留人才，新晉藍籌股騰訊（700）將授出101.605萬股新股，獎勵184個員工，以騰訊上個禮拜五收市價67蚊計，呢批新股市值 6807.5萬港銀。嗰184個好漢平均每人可分到市值約37萬銀嘅股份。不過，騰訊通告話明，會按受獎勵員工嘅職位、經驗同表現而定。
高管低層名額184個
咁 邊184個好漢咁好運呢？通告未有列出名單，只係話：「董事會可能不時全權酌情甄選參與該計劃的任何合資格人士」，所謂合資格人士，包括全職或兼職員工、 行政人員或高層、所有董事、集團成員公司的專家、顧問同代理等，只要對集團增長同發展有貢獻，都有機會入選。咁主席馬化騰都應該好有機會。呢招好多上市公 司用過，好似港交所（388）舊年尾公佈員工股份獎勵計劃，就批咗2600幾萬銀，買咗約11.35萬股獎勵合資格嘅中高層員工。