中環在線：寶哥哥東亞坐艇中海補數 李華華
2008-08-27 AppleDaily
東 亞（023）今個月5號公佈中期業績，大幅倒退超過五成，拖累當日股價急挫逾8%，主席兼行政總裁李國寶見股價咁樣跌，梗要出手撐東亞。寶哥哥今個月已經 5度增持東亞，使咗8012萬銀，買入257萬股東亞。無奈東亞唔爭氣，股價每況愈下，以噚日30.4蚊收市價計，賬面損失189萬銀。噚日港交所 （388）公佈，身兼中國海外（688）獨立非執董嘅寶哥哥，8月20號以每股12.26蚊增持500萬股中國海外，涉資6130萬銀，持股量增至 0.07%。由於喺場外做，所以唔知係咪行使認股權。中國海外噚日收報12.56蚊，升0.64%，寶哥哥賬面賺150萬銀，雖然唔能夠完全抵銷今個月增 持東亞嘅189萬銀賬面損失，但總算幫補吓。
李國寶本月增持股權
中國海外（688）20日增持股數：500萬股涉 資：6130萬元19日增持股數：200萬股涉資：6160萬元11日增持股數：32萬股涉資：1043萬元東亞銀行（023） 8日增持股數：5萬股涉資：158萬元7日增持股數：10萬股涉資：327萬元5日增持股數：10萬股涉資：324萬元資料來源：港交所