胡孟青：拉客可以很有道（上）
1 :
GS(14)@2012-02-29 22:39:21http://www.sharpdaily.hk/article/index/15307/20120229/60294
報載有歐資大行出動龍虎榜，要員工互相比併，形同地產與保險代理，股票行又何嘗不是？連鞋舖都老早有銷售龍虎榜，有幾出奇？
話說不少大行不時都有大把笑話，有行家早年已效法代理拉車門搶客，罔顧生命危險，追車拉門、搶開股票之戶口事件。
有心理準備被「問候」
因為進取，舊老闆視之如珠如寶，可惜未能帶佢過檔至自己新開檔口，只因來自對冲基金的夥伴強烈反對。
搵客門路，有人靠家底背景網絡，自然不費吹灰之力，撇除特殊因素，靠打仗自我升呢走入大行，自然要看有無高人為你開路，或者由客戶轉介，慢慢開天闢地，大行產品架上有人在高球場，也有來自骨場，女人亦未必輸蝕。
只是阿太名媛，早已被Mark到實，老牌家族後人大部份都已開齊戶口，就算肯幫襯你開多一個半個，到有IPO國際配售時，假如你一係無貨一係就畀見高唔見高都即沉之潛水股，要有心理準備隨時畀個客「問候」。
做得Private Bank客戶都非省油的燈，除非真係好彩到個客懵到任你舞，但一場金融海嘯之後，相當懵炳嘅客都已經唔係輸到怕就係學精了，肯開嘅，生意都唔慌大得去邊。
實實際際 單刀直入
假如不是上流社會圈子中人，要搵飛來蜢就形同等運到，今時今日，真係唔見得有幾多Old Rich還未有戶口，論曾經投資過嘅領域，比你更闊，起碼人家由細到大見慣食慣，我等凡夫俗子或許會顯得特別煞有介事，人家唔特登攞出嚟吹噓。
反而係因為對方見慣不怪，根本覺得好平常，你專登戴隻三卡五卡鑽戒見客，以為扮勁怕對方睇唔起，怕對方以為你都撈唔掂，點可以幫佢搵錢等等。
香港地雖然先敬羅衣，最終又係要睇你能否幫佢賺錢；可能係出於要平衡自卑，對方原來一向冇十卡八卡都睇唔上眼；打麻雀上千元上萬元一底，你又夠輸幾多底？
跟客戶鬥行頭，假如出身不一樣，你話邊有得鬥？
倒不如腳踏實地，看看貨架上有甚麼適合的產品，爽快單刀直入。
胡孟青
獨立股評人
胡孟青：拉客可以很有道（下）
1 :
GS(14)@2012-03-01 22:57:29http://www.sharpdaily.hk/article/index/15307/20120301/60882
前線唔肯返內地，好難搵新客，有家室有兒女者就要有所犧牲，對仔細老婆嫩者，每星期焗住北上兩、三日見客，都係一件苦差，尤其富貴新客多來自山西、浙江等地，就算儲埋儲埋飛一轉，都好唔得閒，且多數難以即日來回，不折不扣的跑生意。
曾經試過即日近近哋來回廣州開講座，大堆文件，電腦隨身，真正的公幹，非常辛苦，有賓架更形容自己係一隻「無腳小鳥」，終日留連赤鱲角機場，有時為咗趕飛去一些較「山旮旯」地點，更必須先取道深圳機場。
有時，個客講明想介紹多幾個富豪同胞給你開戶口，真係日夜兼程都要仆上去，然而好多時上到去，又係「柴娃娃」大圍食一餐，對方還會不時叫多幾個朋友及三幾個來自香港的律師同枱陪食飯，律師多數想博取一些例如做Trust的和味生意，惟有捨命陪君子，誰知同時成為內地客擺門晒身家、晒面子的工具。
有心機較有機心可取
靚非萬能，唔靚亦毋須整古作怪。有口才冇後台，惟有努力加把勁，世上無不勞而獲，更切忌守株待兔，有「心機」較有「機心」可取，前者反映遠見，後者未免短視。既欠缺天賦、卻欲把心一橫靠色誘、喪吹等下三檻旁門左道拉客，短裙加魚網絲襪配烈焰紅唇，以為走入富豪飯堂就係吸客之道，一切都太着迹和唯利是圖，每每因太煞有介事容易露底兼惹人疑竇。
過得自己過得人
自知醜人多八怪，倒不如正正經經、踏踏實實，如此犧牲色相，難道早已認定對方是色中餓鬼？假如，對方本身早已經係「識途老馬」大玩家，斷估Taste都有番咁上下，除非唔嫌「口味」重咗些少啦！唔夠生意，最後一樣要起身。個人經驗，假如老細見你有Potential，覺得你掂，話唔埋都會彈幾個好客畀你湊，有心機、有耐性跟得好好哋嘅話，隨時陸續有來、開枝散葉。
出身自Ivy League的富貴氣質少女，回港後，在歐資大行賣「阿Q」，一場金融海嘯之後，承受不少累客戶輸錢的感受，覺得對唔住班客，唔忍心眼見自己如此無良，情願出走法國，跑進藍帶廚藝學院，學成後回港，在廚房再展身手，感覺更過得自己過得人。
胡孟青
獨立股評人
「錢家有道」流動車 落區教理財
1 :
GS(14)@2016-07-08 07:59:15【明報專訊】投資者教育中心早排推出「錢家有道」教育平台教人理財，最近仲效法金管局整咗架「錢家有道」流動理財教育車，實行通街走，四出教人理財。
「錢家有道」流動理財教育車，即日起至8月2日會穿梭港九新界，同大家玩遊戲，亦會舉辦有獎急口令比賽，希望教導市民制定收支預算，踏出財務策劃的第一步。流動車亦會在校園出沒同各位學生哥見面。
載歌載舞 同街坊玩遊戲
聽講周末「錢家有道」各家庭成員仲會係街頭載歌載舞，順便誠邀大家同佢哋一家人影相
「錢家有道」辦深港通講座
1 :
GS(14)@2016-11-17 11:37:05【明報專訊】深港通就快殺到，雖然話滬港通已經行咗兩年，但相信好多散戶都仍然好奇，深港通究竟有咩投資機會，又有咩風險要注意？投資者教育中心「錢家有道」除咗晚晚唱歌畀大家聽之外，嚟緊下周六（26日）仲會舉辦講座，到時一班投資者可以聽吓深港通有咩要注意啦！
雖然而家深港通仲未知邊日會正式開通，不過「錢家有道」呢個深滬港股市互聯互通講座，就已經鐵定下周六喺北角海逸君綽酒店舉行，除咗有學者麥萃才、資深銀行家溫天納講吓投資機會，最重要係有港交所（0388）以及證監會代表，提醒一吓投資者有咩風險需要注意，有興趣嘅投資者，可以上「錢家有道」網站報名，小琴就希望到時「錢家」一家都喺度醒吓神啦！
[小琴密語]
來源:
http://www.mpfinance.com/fin/dai ... 1817&issue=20161117
收市閒情：盜亦有道撼Batman
1 :
GS(14)@2017-06-10 12:54:05江湖上正邪各路，陰謀不斷；往往為奪經搶劍，不擇手段，爾虞我詐。正當阿里、順豐為爭奪《九陰真經2017－大數據》一戰，以獎門人方式打和落幕之時。香港一邊廂，正展開一場「空軍大戰」，史稱「圍剿Batman」。一切都要數到上個月初，瑞聲（2018）堂堂藍籌新貴，股價平步青雲，又點會估到有一日走出一個Batman唐唐，大叫「你呃人！」喂藍籌呀，Blue Blood呀，你話我篤數？「你你你先呃人呀，我告你，各位『股來』，大家唔好信『虛假市場情情情侶』」眼見瑞聲嚇到當堂口窒窒，Batman滿意地笑了，「Oh！真的嗎？」然後揮一揮斗篷，不帶走一片雲彩，你以為啦。事隔半月，瑞聲已由110蚊水平，跌到去90蚊邊，戰況係慘烈，屍橫係遍野，但正謂一仗功成萬骨枯，戰場開始有聰明錢走入去，踐踏着骸骨搵食，而90蚊似乎跌定了，至於Batman亦認為時機成熟了：再出報告，仲要係詳細版！「瑞聲呀瑞聲唔好怪我不仁，我事前已出咗Preview版作警告，點知你又以為我冇料到，要怪就怪自己唔識趣，喺我出詳細版之前停牌咪冇咁傷囉。」結果呢？就是杰了。瑞聲再狠插到得返81蚊之後落閘但唔放狗，停牌吹雞完場。事隔半月，場外圍觀嘅戰友都屏息靜氣，食住花生等好戲。大家都知瑞聲一定反擊，但到底都估唔到佢使出江湖上最毒嘅一招，叫「以毒攻毒」。即係咁，你話有咩光環勁得過，畀一個出名毒舌嘅人讚呀？「Batman，我閱股無數，出名殺股於無形，但肯定瑞聲係好嘢，你插佢係因為你唔識嘢！行開啦，不入流！」有世界級Hacker組織背景嘅匿名分析，今日竟然擺出一幅盜亦有道嘅姿態，做瑞聲架兩，最勁嗰句係，「我嗰時同行家都夾埋想沽空瑞聲呀，但發現條數係堅勁！你唔知咩？Sorry呀，總之你睇跌到40蚊，我就睇升到110蚊。」。說時遲那時快，瑞聲出公告開記招，搵埋「行政總裁外婆兄弟的兒子」出來澄清，黑白兩道，同時夾擊，「Batman呀，聽日復牌仲唔挾死你。」一間瑞聲，掀起江湖一片腥風血雨。大家或者以為今次Batman棋差一着，但唔好忘記，Batman份沽空報告只係「Part1」。欲知後事如何，且看下回分解，難為正邪定分界。千頌C
http://www.fb.com/winbigwok本欄逢周三刊出
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170607/20046726
錢家有道派理財小錦囊
1 :
GS(14)@2018-02-12 07:14:55【明報專訊】距離農曆新年仲有一個星期，相信唔少讀者都開始辦年貨準備過年，近年成日喺電視唱歌嘅「錢家有道」都開始出動，換上新年裝扮四圍派揮春，其實每年新年後生仔女都收唔少利市，正好可以教育下佢哋好好咁管理呢筆新年財。
錢家有道一班家庭成員，上星期日首次出動就揀咗喺葵涌同市民見面，錢家一家之主錢生仲換上財神裝束，同市民拜早年。上次錯過咗嘅市民，可以留意吓佢哋嚟緊星期日（2月11日）會轉去銅鑼灣百德新街一帶，時間由當日下晝6點半到8點半，到時會派發3000套賀年揮春，派完就無㗎喇。
講番利市錢，查實新年理財仲有唔少嘢要注意。錢家有道網站就設立咗個「新春理財小錦囊」，入面有啲工具，好似「農曆新年家庭開支計算表」，畀用家估算唔同項目嘅花費同記錄實際開支，而「利市錢收支計算機」就可以幫家長教導小朋友點樣運用同管理利市錢。
[小琴密語]
來源:
http://www.mpfinance.com/fin/dai ... 2283&issue=20180208
Next Page