【馮仁昭四圍超】「閃婚控制唔到」郭嘉文勁冧李澤楷
1 :
GS(14)@2016-09-02 05:49:40■新一代「楷女郎」郭嘉文噚日大讚小小超紳士兼友善。
郭嘉文、何猷啟同外籍女友、關禮傑仲有劉丹等，噚日喺銅鑼灣皇室堡出席「東華三院慈善高爾夫球賽」記者會，早排跟小小超李澤楷蜜遊東京，兼忽然富貴嘅新一代「楷女郎」郭嘉文，近排雖然少出席公開活動，不過間唔中都會上網晒大大紮靚花同坐遊艇嘅相，問佢係咪忙住同小小超拍拖去旅行？郭嘉文初初話：「我有工作做緊，感情事順其自然，而家幾舒服，唔係單身。」但講到小小超係咪追緊佢時，佢又話大家係朋友，唔想講太多，唔想帶麻煩畀身邊人。
■郭嘉文同小小超蜜遊東京，爆出戀情。資料圖片
「結婚會公開」
講到似是而非咁，係咪想低調啲？郭嘉文又話：「呢樣你問番佢（李澤楷）啦！如果將來結婚一定會公開。」會唔會閃婚？佢話：「有時啲嘢控制唔到。」講到心水對象，佢就話鍾意成熟型男士，問到小小超係咪理想對象？佢再講多次唔想影響人之外，又講到小小超嘅為人：「我眼中嘅李生好gentleman，好friendly。」小小超係咪理想丈夫？郭嘉文即面紅兼口窒窒咁話：「我唔知，但係佢好成熟。」同場嘅關禮傑話會參加慈善高爾夫球賽，囡囡關楓馨嘅外籍男友充當佢私人教練，佢笑話：「加5分啦，加到第時結婚咪滿分囉。」撰文：馮仁昭
來源:
http://hk.apple.nextmedia.com/entertainment/art/20160902/19757143
【等入豪門】郭嘉文李澤楷打得火熱
1 :
GS(14)@2016-10-10 16:14:31郭嘉文
圈中不少女星都恨嫁富二代，入豪門做少奶奶。徐子淇在06年嫁給「四叔」李兆基幼子李家誠，榮升「千億新抱」，幫李家開枝散葉，生活無憂，讓不少人葡萄。
郭嘉文
港姐郭嘉文被揭今年情人節，與坐擁350億身家的超級筍盤李澤楷蜜遊東京，身價躍升，連無綫高層召「照肺」都可以不理。
苟芸慧
苟芸慧最近與馬來西亞錫礦大王陸佑後人陸漢洋打得火熱，日前陸漢洋公開讚苟姑娘是好女仔，默認兩人戀人關係。
熊黛林
熊黛林與郭可盈胞弟郭可頌近日入紙註冊結婚，據聞郭父郭達昌做塑膠廠起家，11年離世遺下過億資產。有指郭可頌向熊黛林送上2,000萬聯名愛巢。
吳千語
當年得19歲的吳千語，與比她年長14歲的林峯拍拖，眾所周知，林峰父親林華國是廈門最大的地產商之一，被稱「廈門李嘉誠」，吳千語從此曝光率及工作量倍增。
來源:
http://hk.apple.nextmedia.com/entertainment/art/20161010/19795876
傳購AIG富士生命 李澤楷進軍日本
1 :
GS(14)@2016-11-16 05:19:18【明報專訊】根據《華爾街日報》報道，電盈（0008）主席李澤楷透過私人持有的盈科拓展收購美國國際集團（AIG）於亞洲最後一項壽險業務，預期交易將在明年上半年完成，但仍待監管部門批准。一旦落實協議，將有助李澤楷旗下的富衛集團進軍日本保險業。
根據協議，李澤楷將收購日本AIG富士生命，現仍待監管部門批准，但未有披露合約條款。報道另引述富衛集團行政總裁黃清風（Huynh Thanh Phong）表示，AIG富士生命是富衛集團進軍日本的重要基礎。
富衛AIG多次交手
事實上，這次並非雙方首次交手。早於2009年李澤楷曾以5億美元（約39億港元）收購AIG的資產管理公司；其後李澤楷於2012年再以21.4億美元（約166.9億港元）向ING收購香港、澳門及泰國保險業務。目前富衛集團的業務範圍涵蓋香港、澳門、泰國、新加坡等。
此外，近年AIG亦頻頻出售資產，致力簡化集團業務，今年已經先後大手沽出財險（2328）持股，並以2.4億美元（約18.7億港元）出售拉丁美洲、中歐與東歐的物業承保與壽險業務予加拿大金融公司Fairfax。
來源:
http://www.mpfinance.com/fin/dai ... 1776&issue=20161116
選美冠軍 傳曾搭上李澤楷
1 :
GS(14)@2016-11-18 17:56:22■林丹趁妻子懷孕時，與選美冠軍趙雅淇爆婚外情。
「超級丹」林丹在妻子懷孕期間偷食，緋聞女主角趙雅淇一炮而紅，她昨日被內地傳媒及網民起底。她學歷不低，但棄文從藝，轉戰選美及娛樂圈，曾來港拍網劇《無間道》，跟羅嘉良、盧海鵬等合作。更有傳她曾介入李澤楷和梁洛施的婚姻。
法律系畢業
34歲的趙雅淇原名趙菲，比林丹大一歲，畢業於中山大學法律系、中央戲劇學院表演系，學歷不淺。她共參加不下14場選美，在2009年獲環球旅遊小姐國際大賽中國小姐冠軍，其後她轉戰娛樂圈，曾在電影《百合》中飾演女主角百合的老鄉胡金玲，該片獲第14屆電影華表獎優秀數字電影獎。趙雅淇緋聞多多，前男友是內地名演員高虎，兩人曾同居5年，2014年高虎吸毒被捕後，隨即斬纜分手。早年她亦被傳曾搭上香港富商「小超人」李澤楷，而當時李與名模梁洛施拍拖，且梁同樣是懷孕期間。傳聞曝光後一貫低調的李澤楷高調還擊，發佈梁洛施母子的照片。林丹被揭出軌前，趙雅淇上月11日在微博上載一張在廣州舉行的「2016年威克多杯全國羽毛球團體錦標賽」工作證，林丹也參加該賽事。內地媒體分析，林丹及李澤楷事件均有人存心放料炒作。新浪娛樂
來源:
http://hk.apple.nextmedia.com/international/art/20161118/19837682
【馮仁昭四圍超】李澤楷撇清趙雅淇發聲明「從不認識」
1 :
GS(14)@2016-11-22 00:24:46■有指當年梁洛施懷孕時，趙雅淇曾跟李澤楷傳緋聞。資料圖片
超級丹林丹日前被爆趁老婆謝杏芳大肚期間，背妻偷食內地女模兼演員趙雅淇，有報道更指趙雅淇多年前曾搭上「小小超」李澤楷，巧合地當時小小超嘅女友梁洛施（Isabella）又係大肚，網友仲揶揄趙雅淇「難道有勾搭準爸爸的嗜好？」平日對緋聞好低調嘅小小超，噚日卻高調透過公關公司發聲明澄清：「就日前有關趙雅淇小姐的媒體報道，在此特意澄清李澤楷先生從不認識報道中的趙小姐。有關報道完全沒有事實根據。」小小超自從同Isabella分手後，雖然身邊不時有女伴出現，最近盛傳撻着《東張西望》主持郭嘉文，兩人被爆今年情人節同遊日本，但依然冇確認對方女友地位。
■昨有疑似趙雅淇工作室表示林丹酒後失控。資料圖片
謝杏芳傷心
至於出軌嘅林丹獲老婆原諒，謝杏芳喺微博發文：「一家人風雨同舟」，不過，噚日有內地傳媒曝光幾張疑似係謝杏芳同朋友聊天紀錄，話謝杏芳曾經寫另一個回應：「別人別有用心的選擇在我坐月子的時候報道消息，我真的十分傷心痛苦。」另又有疑似趙雅淇工作室回應，話林丹係酒後失控，趙雅淇都係受害者。撰文：馮仁昭
來源:
http://hk.apple.nextmedia.com/entertainment/art/20161121/19840279
李澤鉅報酬縮水 打工皇帝也減薪
1 :
GS(14)@2017-04-06 07:31:06【明報專訊】長和（0001）同長實地產（1113）噚日齊齊上載2016年年報，身兼長實董事總經理同長和聯席董事總經理兼副主席嘅李澤鉅，係兩間公司嘅總報酬，合共只有1.43億，比上年少咗1200萬蚊，縮水約7.7%。
霍建寧去年「只得」2億
至於連任「打工皇帝」N年嘅長和董事總經理霍建寧，喺2016年度嘅總報酬，亦「只得」2億多啲，比上年減少咗971萬蚊，減咗4.6%。
分開兩間公司去睇番，李澤鉅喺長和及長實方面分別收取5898萬元同8403萬元酬勞，較去年同期減少25.11%及增加10.6%。
至於係唔係喺一間公司出少啲糧，另一間就出番多啲？小琴問過長實發言人，佢哋講其實兩間公司獨立運作同獨立出糧嘅。小琴諗番，上年大環境差，外圍又多黑天鵝事件，長和業績維持得到2015年水平，成績已有交代，唯有睇睇小股東收唔收貨囉！
[小琴密語]
來源:
http://www.mpfinance.com/fin/dai ... 8604&issue=20170406
戀情浮面 拍拖遊中環李澤楷揸舊波子 甜蜜蜜接郭嘉文
1 :
GS(14)@2017-04-22 10:22:27【2009年出廠Porsche911 Targa4S】■李澤楷日前親自做柴可夫，接新任「楷女郎」郭嘉文蜜遊中環。讀者提供圖片
【爆相爆片】現年50歲的富豪筍盤李澤楷坐擁逾340億元身家，自六年前跟舊愛梁洛施分手後，「楷女郎」停不了地排隊上場，去年情人節孖24歲港姐季軍郭嘉文蜜遊日本後，郭嘉文忽然富貴一炮過買逾億豪宅，日前更獲李澤楷紆尊降貴做柴可夫，揸舊波子甜蜜蜜接送拍拖遊中環，李澤楷被問到戀情浮面，他大方回覆：「今個周末難得可以不需要外地工作。」
在《福布斯》2017年香港富豪榜排名第15位的「小小超」李澤楷，自從跟梁洛施各走各路後，做回無腳雀仔的他不愁寂寞，身邊「楷女郎」車輪轉，先後被天水圍小花梁雯影、名媛葉梁美蘭的中歐混血姪女梁芳、銀行小花齊蔭女圍繞，去年情人節又有新任「楷女郎」上場，就是2015年港姐季軍郭嘉文，兩人被讀者「爆相爆片」影到遊東京玩模型車，想不到事隔一年多，日前兩人再被讀者「爆相爆片」，不過今次是坐跑車出巡中環。
【違泊等女】■李澤楷單拖揸舊波子在中環違泊等女，篤手機打發時間。
【青春露腿】■着短裙晒腿的郭嘉文自己開門上車，表現乖巧。
違例停路邊
當日約中午12時許，讀者林先生在中環畢打街見到李澤楷，林先生說：「我喺中建大廈門外見到佢，因為嗰度前面係的士站，我見到有架車停喺雙黃線，覺得好奇怪，望吓原來係李澤楷，等咗大約15分鐘，就見到郭嘉文上車，然後一支箭離去。」平日有司機接載兼保鑣貼身保護的李澤楷，這天竟然紆尊降貴做柴可夫，駕駛一輛2009年出廠、價值186萬元的Porsche911 Targa4S媾女戰車，想不到身為超級富豪的他，代步座駕已有八年歷史之久。獨個兒坐在駕駛座位的李澤楷，雖然違例泊車停在路邊等人，但就停車熄匙校低車窗，從相片所見，李澤楷等人期間表現得好有耐性，在車內不停篤手機打發時間，大約15分鐘後，着牛仔裙襯白波鞋的郭嘉文現身，露出一雙又長又白的腿，不知是否低調關係，李澤楷沒有落車幫女士開車門，而是郭嘉文自己開門坐在李澤楷身旁，表現乖巧。
■去年情人節，李澤楷和郭嘉文戴口罩同遊日本玩模型車，關係曝光。資料圖片
■有「城大校花」之稱的郭嘉文，獲2015年港姐季軍，輸給了麥明詩。資料圖片
■原住馬鞍山的郭嘉文，上月忽然富貴一炮過擲逾億購買九龍塘豪宅。
回覆度周末
《蘋果》記者向李澤楷求證是否拍拖？他以短訊回覆：「今個周末難得可以不需要外地工作，you have a good evening! Richard P.S. switching phone off now.」言下之意，李澤楷難得不用開工又在香港，就約郭嘉文甜蜜過二人世界，更講明要熄電話避打擾，似乎兩人戀情開始浮面了。年紀比李澤楷年輕26年的郭嘉文，自從認識富豪筍盤後似一夜富貴，上月底被揭一炮過購入價值逾億的九龍塘逸瓏天池屋豪宅，由李澤楷愛將李智康代表買家簽訂臨時買賣合約，早前更有報道指郭嘉文已約滿無綫，身形又較以前圓潤。不過，郭嘉文當日現身中環時，從背後看卻未見有發福迹象。採訪：皓騫
緊貼「蘋果VR」熱潮，打開雙眼隨意門，讓「蘋果VR」陪您探索新世界：
https://goo.gl/b5RQAB「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170420/19994976
梁洛施誕3子李澤楷女友國籍多籮籮
1 :
GS(14)@2017-04-22 10:22:28小小超李澤楷身為城中鑽石筍盤，想埋佢身嘅女性當然多過天上嘅星星，多年來，小小超嘅緋聞女友多到數唔晒，但獲佢公認嘅就唔係咁多。首位係因採訪結緣嘅日本記者真正加留奈，有指1992年，加留奈因訪問小小超而結緣，兩年後兩人正式拍拖。加留奈嘅爸爸係哲學教授，媽媽則喺東京某女子大學任教，加留奈本身係美國哥偷比亞大學新聞系碩士，成家都係知識份子。戀情於1998年告終。第二位獲小小超公認嘅女友，係喺佢公司電盈結織嘅「盈科之花」林慧儀（Karen），99年小小超被發現同Karen睇戲而揭發戀情。家中開製衣廠嘅Karen，喺澳洲讀書，學成歸來後入職電盈，可惜兩人聚少離多，小小超忙於工作，冇乜時間陪女友，Karen唔想一味等，決定斬纜分手。之後小小超喺06年左右戀上混血兒羅愛欣（Rachel），小小超對於呢段戀情，相對地高調，不時同女友齊齊出席公開活動。再之後就到影后梁洛施（Isabella），兩人戀情喺08年3月初曝光，同月Isabella發律師信畀當時經理人公司英皇娛樂，有傳係小小超幫佢解約續身。Isabella雖然學歷唔高（中一輟學），但佢同小小超嘅「進度」卻係最快嘅一位，Isabella幫小小超先後誕下三子，包括今個月底將滿8歲嘅李長治、以及現年6歲幾嘅雙胞胎囝囝H&N，不過兩人嘅感情到11年2月底劃上句號，梁洛施發聲明宣佈正式分手，再強調將同小小超共同撫養3個囝囝。其他曾同小小超傳過緋聞嘅仲有喺11年5月被拍到與26歲天水圍小花梁雯影（Kirsten）同遊新加坡，以及喺同年被發現於中環相約名媛好友葉梁美蘭嘅姪女梁芳（Ella）等，另外仲有已經泊咗「洗米華」周焯華碼頭嘅Mandy Lieu，惟小小超表示唔識對方。
緊貼「蘋果VR」熱潮，打開雙眼隨意門，讓「蘋果VR」陪您探索新世界：
https://goo.gl/b5RQAB「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170420/19995763
50歲李澤楷撻着港姐郭嘉文戀情全記錄
1 :
GS(14)@2017-05-27 00:06:50今年50歲嘅小小超李澤楷向來低調處理感情事，而且保密功夫做得好好。小小超自11年同梁洛施分手後，雖然身邊女伴不停轉，但係都少有高調公開。不過小小超最新一段戀情，同15港姐出身，24歲嘅郭嘉文經常被影到，似乎「疏於防範」。先係舊年嘅情人節，有讀者喺日本東京銀座博物館影到小小超同一名長髮黑絲口罩女一齊，二人平玩電動模型車，只係花咗45蚊就換取到20分鐘嘅快樂。當時都未知呢位長髮黑絲口罩女就係郭嘉文。到舊年7月，郭嘉文身份曝光，雖然記者多次追問小小超，都係換嚟：「Work has been very busy lately感情事暫不想提了，謝謝你關心。」更有指戀情曝光後，大台雪藏郭嘉文，過咗1個月後，郭嘉文終於「被解凍」，出現喺《東張西望》。到今年3月，有報道指郭嘉文以個人名義，購入九龍塘逸瓏天池屋，當時成交價1.068億元，呎價近5萬元。及後《蘋果》記者向李澤楷查詢係唔係同郭嘉文交往中，並送贈1億豪宅？李澤楷以短訊回覆：「Have a good evening!Richard!」到今年4月，小小超被影到現身中環，揸住架09年出廠、價值186萬元嘅保時捷戰車，親自做柴可夫接郭嘉文。當時《蘋果》向小小超查詢戀情會否公開時，小小超只回應：「今個週末難得可以不需要外地工作，you have a good evening! Richard P.S. switching phone off now.」難道言下之意係難得唔使開工，就同郭嘉文過二人世界，仲講明要熄電話避打擾？到本月14日，小小超被影到揸戰車，載住郭家文現身灣仔合和中心附近，期間小小超輕撫郭嘉文臉龐，真係冧到爆。之後二人到大潭黃泥涌峽道的香港木球會，二人落車後手拖手，又攬攬腰，真係sweet到爆，兩人之後進入木球會會所餐廳，直至個多小時後離開。
來源:
http://hk.apple.nextmedia.com/entertainment/art/20170526/20034009
Next Page