回到初戀嘅感覺 安志杰抱B女放閃
1 :
GS(14)@2016-06-20 05:45:21昨日父親節，一眾新手星爸，一朝早就po唔少同B仔B女嘅互動相，真係見到都心甜！好似同Jessica C.喺3月生咗囡囡Tessa嘅安志杰，昨日就貼咗唔少同囡囡嘅合照，人爸仲幫手餵奶，又單手抱BB，相中手瓜大過囡囡個頭的Andy，喺餵奶嗰陣，嗰個鐵漢柔情樣，真係彷彿回到初戀嘅感覺。同樣係啱啱做咗爸爸嘅周汶錡(Kathy)法籍有米老公Julien Lepeu，同樣係有B萬事足，舊年生完囝囝Jacques後，兩公婆日po夜po囝囝嘅精靈得意相。昨日Kathy老公第一時間喺ig放閃，短片中，Julien就對住本故仔書，好有心機咁講故仔俾囝囝聽，至於10個月大，牙牙學語嘅Jacques亦跟住吚吚呀呀學講嘢，真係cute到震！
來源:
http://hk.apple.nextmedia.com/entertainment/art/20160620/19661875
【馮仁昭四圍超】讚王宗堯用眼神交戲達哥：令我有感覺
1 :
GS(14)@2016-07-15 05:16:40王宗堯、周家怡、吳孟達（達哥）同楊淇早前喺新蒲崗一間酒店接受訪問，幫主演嘅電影《導火新聞線》宣傳。達哥話差不多有兩年冇拍港產片，對上一套係彭浩翔導演嘅《香港仔》。達哥大派高帽話估唔到呢幾位演員可以演得咁穩：「內地演員同我拍戲，佢哋都好有戒心、好緊張。反而佢哋（宗堯、家怡同楊淇）完全冇呢種心態，熟讀劇本個人信心大好多。」
■達哥已經差唔多有兩年冇拍港產片。
■王宗堯同周家怡周不時都會去片場向前輩偷師。
「張家輝唔敢望我」
達哥又大爆張家輝同張衞健嘅秘密，仲賣口乖讚宗堯：「有場戲喺街拍，有路人、有粗口，佢都拍得好穩，成個成熟嘅劉德華咁。印象特別深刻嘅係佢同我有眼神交流，唔容易做到，而且可以令到我有感覺，張家輝同張衞健都唔敢望我。」達哥話好多人唔敢同佢用眼神交戲，佢話：「真㗎家輝咁講呀，話『達哥你唔好畀呢啲眼神，我頂唔住呀』，佢唔敢要我啲眼神，佢哋會避開㗎。」宗堯話可能成日冇份拍都去現場睇達哥做戲，宗堯話：「可能係咁熟絡咗，冇咁怯場。」楊淇同家怡就話同達哥冇乜嘢對手戲，但係都成日去片場偷師。場地提供：香港九龍貝爾特酒店撰文：馮仁昭
來源:
http://hk.apple.nextmedia.com/entertainment/art/20160715/19695263
【爆相爆片】Cory擒李彩華舊愛李思捷：冇感覺
1 :
GS(14)@2016-08-14 14:29:20【哄到勁埋】■李思捷新女Cory日前在紅磡一私竇黐實李彩華舊愛Thomas兼摸大髀。讀者提供圖片
李思捷被指是「媾女王」，身邊一直女伴不絕，上月他便被拍得與34D歌手彭湘淇（Cory）於尖沙嘴撐枱腳，二人當街拉扯後再齊齊坐的士返李思捷何文田寓所。不過事隔一個月，Cory卻被指背李思捷與異性親熱。讀者黃先生前日透過本報「爆相爆片」報料，指日前在紅磡一私竇碰見Cory向一名男士狂送秋波攬攬抱抱，表現親暱，又指該男士是曾跟李彩華傳緋聞的Thomas Lee。在黃先生提供的短片中，見Cory表現熱情頻向Thomas獻吻兼抱抱，對方表現欲拒還迎。其後Cory跟Thomas咬耳仔後，Thomas指一指Cory說：「成日都除㗎啦，好彩冇事。」記者向黃先生查問Cory是到私竇耍樂還是上班，黃先生表示不清楚：「肯定唔係朋友落去玩。再豪放啲都見過。」黃先生表示該私竇為娛樂公司老闆張林雄所有，記者翻查資料，曾有報道指該私竇專門招待金融界和娛樂圈中人，並有女藝人坐枱，收費不菲，唱K連酒水起碼要9,000元，不過事後遭張林雄否認，揚言該處只招呼朋友。
【箍頸狼擒】■Cory向Thomas攬抱大送秋波。讀者提供圖片
■Thomas是汽車美容及銷售店高層，曾跟李彩華傳緋聞。資料圖片
■李思捷上月被拍到帶Cory返寓所。微博圖片
「寧願同思捷一齊」
記者昨致電Cory了解，她說：「Thomas係我朋友，識咗好耐，嗰晚係幫我慶祝生日，嗰陣我係整蠱話好鍾意佢，搞到佢好驚咪猛避我。」是否向Thomas求愛？Cory說：「我梗係唔會鍾意佢，佢都唔係鍾意我嗰類型，我寧願同李思捷一齊，不過有冇機會發展真係唔知，了解吓先。」至於李思捷昨到香港仔為劇集宣傳，對於Cory指在Thomas與他之間寧願揀跟他在一起，他回應說︰「我同佢係認識咗六、七年嘅朋友，佢係好女仔，我視佢為妹妹，冇感覺就係冇感覺。」採訪：嵐山
來源:
http://hk.apple.nextmedia.com/entertainment/art/20160814/19735289
何浩文認對麥明詩有感覺
1 :
GS(14)@2016-10-02 13:35:33何浩文（Dominic）、顏子菲、黃佩霞等前晚在尖沙嘴出席電影《斯諾登風暴》特別場，Dominic早前和麥明詩合作新戲《失戀日》而傳緋聞，如今電影煞科，緋聞亦告一段落，Dominic說：「又唔係我搞出嚟。」他否認力追女方：「我係想拍拖，都冇追過佢，大家覺得我係咩，我係咪好陰功呢？」
麥明詩 資料圖片
不過Dominic直言曾對麥明詩有感覺：「拍戲時有，要投入角色。佢係非常好嘅選擇，但而家要努力工作先，我係想有女友可以畀我呻吓，而家要對住cam拍片講嘢。」此外，顏子菲昨日到台灣拍廣告，她希望不要再打風影響行程。採訪、攝影：王連連
來源:
http://hk.apple.nextmedia.com/entertainment/art/20161002/19788163
【含劇透】《你的名字。》既熟悉又陌生的感覺 不就是Déjà vu？
1 :
GS(14)@2016-11-23 07:54:17在電影《你的名字。》中，瀧（男主角）和三葉（女主角）不停交換身體，但瀧最後發現原來兩人並不是存在於同一個時間點。站在瀧的角度，他回到過去，現今的科技的確未能達到，但站在三葉的角度，她在夢境中與三葉交換身體，並去到未來。如果排除電影中其他的科幻元素，電影中的情境的確可以在現實中發生。
Déjà vu是一個法文詞語，由法國心靈學家（parapsychologist）Émile Boirac在1876年提出，意指在事情發生之前，人在夢境中預知未來的現象，即夢境成真。雖然科學家到目前爲止，都未能找出這種現象的原理和發生的原因，但世界各地的人都有報告這種現象的發生，可見Déjà vu是一個神秘但的而且確存在的現象。事實上Déjà vu亦經常出現於電影之中，相信最爲人熟識的必定是《死神來了》系列的電影，主角在每次意外發生之前，都能夠預知未來，但景象往往都在一瞬間出現，故《死》並非精準的答案。將於2017年3月上映的電影《Before I Fall》（未有中文譯名），就完完全全套用了Déjà vu，女主角在夢境中經歷了一場車禍，然後一覺醒來，發現只是夢境，而非現實，但夢境的情節不斷在現實重現，到底女主角最後能否與瀧一樣，改變未來呢？相信要步入戲院方可知道。《你的名字。》之所以能夠在日本錄得過百億日圓票房，毫無疑問是源於電影加入不同的元素，繼而產生的火花，「Déjà vu」只是其中一項元素。電影結合日本傳統元素如「口嚼酒」和「結繩」、科幻元素如「彗星」、「穿越時空」和「靈魂互換」，使《你》變成獨一無二的愛情故事，他們缺一不可，否則《你》只會是普通、乏味、講述遠距離的愛情故事。後記︰記者亦曾經有Déjà vu的經歷，與大部份人的經歷相似，重要的資訊都會非常模糊，例如人物。在夢境中，我坐在實驗室，陽光從窗外照射到桌上的本生燈。就這麼短的畫面，夢境出現在現實中。或者你會質疑其可信性，但如果你曾經有Déjà vu的經歷，你就不會質疑夢境成真當下，熟悉又陌生的感覺。記者：盧逸文
來源:
http://hk.apple.nextmedia.com/su ... t/20161123/19842466
歐鎧淳戀胡子彤講感覺舒淇定退休大計生仔
1 :
GS(14)@2016-11-29 07:55:27■舒淇表示要調理好身體才計劃生B。
舒淇昨晚在又一城出席法國護膚品牌Clarins全球首間概念店開幕活動，今次是她和馮德倫結婚後首次在港出席活動，同場還有女飛魚歐鎧淳、謝婷婷、Amanda S.及楊洛婷夫婦等。
抱歉連累陶子
日前舒淇現身台灣金馬獎頒獎台時，陶子作狀踢爆她懷孕，舒淇謂：「講笑箒！如果有私人問題、家庭問題都不會公開講，只係典禮入面講吓笑。」對於陶子被網民狂鬧，舒淇即表示要跟陶子姐說一聲不好意思，也希望大家不要太在乎。前晚舒淇返港在機場避見傳媒，她解釋是因為不想影響到其他旅客，她說：「我知大家想我生個小寶寶，但順其自然，聽天由命。」她續謂：「大家成日問我係咪有咗，但係中國人未夠三個月係唔講得，說謊又唔好，所以大家懷疑我嘅時候就唔好問我喇，謝謝！」她又扮喊說：「過去20年來，身體沒有照顧非常好，要下一代有好好環境成長，要先調理好身體。」談到明年計劃，舒淇不諱言一直想退休，但未完全決定，如退休會好好生小孩。
婷婷忙到年尾
另外，最近爆出跟電影《點五步》新演員胡子彤拍拖的歐鎧淳，談及新戀情時說：「其係唔係識咗好耐，係感覺好似識咗好耐，係朋友介紹認識。」問她是否支持男友在娛樂圈發展？她表示會支持男友的決定。至於最近忙於為馬楚成電影《歐洲攻略》開工的謝婷婷，專程返港一日出席活動，她說：「電影拍到年尾，聖誕未知係咪開工，都鍾意節日開工，因為好熱鬧。」採訪：羅慧敏攝影：沈健程
■歐鎧淳昨表示支持男友胡子彤任何決定，但自問沒有當演員條件。
■謝婷婷由上海返港一日出席活動，之後繼續拍電影至年底。
■Amanda S.昨日亦有出席活動，分享護膚心得。
來源:
http://hk.apple.nextmedia.com/entertainment/art/20161129/19848458
被爆陪超蓮工廈錄音小方再見Stephy 「有番以前感覺」
1 :
GS(14)@2016-12-03 04:42:48■小方與Stephy昨應記者要求合照，兩人擠出生硬笑容。
方力申和鄧麗欣（Stephy）拍拖10年，於今年3月宣佈分手，昨日首度碰頭，出席在銅鑼灣舉行的「揹水一戰」啟動禮。兩人刻意前後腳現身，Stephy在活動前先做訪問，她否認專登避見小方。問會否趁機會做回朋友？她說：「唔會刻意，隨緣喇！見到面咪say hi囉，咁唔係點呀！」對於小方與何超蓮傳緋聞，Stephy表示不八卦，至於她與小方會否復合則要看緣份。
「回憶永遠抹唔走」
之後小方和Stephy上台獲頒探訪相，起初兩人好避忌，直到活動大使丁子高上台，兩人終於傾偈，Stephy擔心丁子高會尷尬。之後一對舊情人應要求合照，雖然擠出燦爛笑容，但明顯較生硬。儀式完畢後Stephy先行離開，接着大會播放超蓮和小方早前的探訪片段，小方亦有留心細看。
■小方和Stephy自分手後首度同台，起初好避忌各站一邊。
■Stephy與小方刻意讓歐鎧淳（右二）站在兩人中間，避免尷尬。
小方受訪時被問到有否尷尬？他說：「好似好耐冇見朋友，有傾偈，喺台上見有番以前感覺，畢竟合作十幾年。」Stephy早前表示想做回朋友，小方說：「冇話過唔係，可以之後聯絡，順其自然，聽天由命啦。」問是否已習慣分手？他說：「習慣咗，都8、9個月，回憶永遠抹唔走。」提到與超蓮發展機會？他說：「其他人嘢費事成日講。」採訪：王連連、唐如攝影：陳俊強、畢紹基
來源:
http://hk.apple.nextmedia.com/entertainment/art/20161203/19853226
胡官：感覺IT界支持我
1 :
GS(14)@2017-01-18 08:09:24【本報訊】特首參選人胡國興昨與資訊科技界（IT界）約20個選委會面，胡在會後稱席間沒有特別問他們取提名，但感覺到對方的支持。IT界選委，IT Vision吳其彥指，他們仍未決定提名及投票意向，除了界別的30名選委外，亦要與民主派300多名選委商討。
有信心獲足夠提名
會面發生小插曲，因會面地點需脫鞋，令胡官右腳的「穿窿襪」曝光（圖），但他不拘小節，未有影響會面。胡會後指，會面除討論IT界關心的問題，亦有談及政改及他提出就《基本法》22條立法，保障香港兩制的提議，「我冇特意問佢哋（提名），我感覺係佢哋支持我」，他強調有信心取得足夠提名，但拒透露目前已有多少提名及來自哪個界別。對於有指中聯辦要求建制派選委支持前政務司長林鄭月娥，甚至最後只有一個建制候選人可入閘等，胡指未聽到有此情況，又指林鄭參選對他無影響，反指「越多人參選就越多選擇」。
IT Vision吳其彥指，胡在會面時澄清政綱不清晰的地方，如首次與胡接觸時對方未有提及對人大8.31原來沒有前設，今次會面就提到，亦講到對《基本法》23條立法的看法，強調要對一國兩制有保護。至於胡是否符合民主派選委3大訴求，吳說：「即時冇睇到好大唔妥。」強調會與民主派商討提名及投票策略，加上有其他候選人，需了解各人政綱才決定。■記者陳雪玲
來源:
http://hk.apple.nextmedia.com/news/art/20170118/19900840
4千呎安樂窩徐淑敏：終於有家的感覺！
1 :
GS(14)@2017-02-12 15:38:442017-02-02 NM
婚後徐淑敏與老公黃浩住過凱旋門、清水灣，三年前落戶大埔比華利山，再由住客變業主，進駐近四千呎的排屋。由此刻開始，徐淑敏終於找到家的感覺！瓜分一屋構思
結婚踏入第八個年頭，孻女Isabella（沁誼）眨吓眼已經兩歲大，嫁雞隨雞，Suki徐淑敏與老公屋企人同住至今，由清水灣到大埔，都係住屋，不過，「之前兩間屋都冇乜歸屬感！」Suki說。直至一四年買下這個四千呎的安樂窩，即使一家七口，四個大人各自對新屋有意見，但Suki仍強烈覺得：「終於有家的感覺。」有個勁開明的奶奶和只對自己房間出意見的姑奶，這幢四層的安樂窩，內部裝潢完全任由Suki兩公婆隨意發揮。黃浩負責廚房、書房，至於客飯廳以及主人房，就由Suki話事。
名人豪宅
位於大埔三門仔的比華利山別墅，2002年建成，為新界區最大型洋房屋苑之一，分三期發展，全屋苑共535座洋房，由於風景宜人，私隱度極高，吸引不少名人業主及住客，除了黃浩徐淑敏，還有陳豪夫婦、謝安琪夫婦及陳芷菁等。14年，黃浩與徐淑敏以2800萬購入十四年樓齡的銀池道四千呎單位，設有豪華會所，佔地五十萬平方呎休憩園林外，還有全港首創小型賽車跑道及迪士尼式主題遊樂場；屋內四層連天台，每層約一千呎，間隔五房以上，自置獨立花園，洋房地下更設有車庫，車庫內置樓梯直上屋內，氣派顯赫。
長餐枱超出預期
一樓的開放式廚房以及可以容納供十二人的飯廳，是全屋的靈魂所在。做過飲食生意的Kenny識飲識食，亦會在家宴客親自下廚，更負責整個廚房設計，至於特別搵人訂造的十二人特長餐枱，則是Suki的得意傑作。「比我預計的還要做得好！」Suki說因為餐枱太長的關係，要分開兩截運到飯廳再組裝。飯廳的壁畫和壁枱上的玻璃擺設，以至餐枱的擺設，都是女主人親自搜羅，尤其每件擺設都只需幾百元港幣，已營造到雅致的效果，這是她最滿意的。餐枱旁有兩組入牆櫃，放了近二百隻不同類別的酒杯，包括十幾對Swarovski水晶酒杯。想當年，Kenny在品牌專門店見到這些酒杯曾暗忖：「嘩！三千幾蚊對酒杯咁貴，有冇人會買嚟用o架！」每次新居入伙，收到各方的入伙禮物，正是一對對水晶酒杯，幾年間儲落一堆名貴酒杯。牆櫃前安裝了電視機，後藏暗格，空間足以放置Suki同大女Vianna（心瑤）一起上堂學的豎琴，大、中、細三個size有齊，將來只要次女Renee（心柔）加入，三母女可一齊在家中開豎琴演奏會！
二百萬廚房
曾是蒲場常客的黃浩，婚後修心養性，愛招呼知己返屋企開飯。收樓後，Kenny已下定主意將廚房改成開放式，但對於擺位陳設，一直三心兩意，最終出動老友、囍宴老闆Jacky Yu（余健志）幫手策劃。因為空間夠，可選用愛下廚之人夢寐以求的island式廚房設計，中間既有電磁爐也有明火煮食，另外還有兩個蒸爐及兩台焗爐，bar枱位除了設置壽司櫃，更有家用的鐵板燒裝置。「只要相熟的海鮮檔有帆立貝或者大蝦返貨，我就會煮俾Vianna同Renee食，極之方便，所以個鐵板都用得密o架！」Kenny說。靚屋同名牌家電掛鈎，但萬萬聲的Sub-Zero雪櫃不見，全屋竟然一致地用較實惠的Siemens家電，真係估佢唔到！「冇計，open kitchen一定要用個特強嘅抽油煙機，Jacky同我睇過，Siemens係最強效，加上當時呢個品牌個雪櫃技術更勝Sub-Zero，為咗歸一啲，索性所有電器都用晒佢！」吧枱對出有一排四個酒櫃，相當壯觀！清酒、紅白酒、香檳、威士忌一應俱全，朋友到訪驚嘆存酒量，還會佩服Kenny捨得豪花幾十萬置酒櫃，結果，每次男主人都忍不住將自己得意的慳錢伎倆，公諸於世。「原裝買一組有四格嘅酒櫃，真係幾十萬走唔甩，但個冷凍系統一壞咗，成個櫃就無用！而一個獨立四層高嘅酒櫃，只是萬幾蚊，我買四個，再搵人做個鋼框入牆櫃，將四個酒櫃嵌入去，七、八萬已經搞掂！」Kenny沾沾自喜說！
一屋女人愛主人房
頂層主人房是Suki的得意傑作！這不僅是兩公婆的二人世界，同時亦是三個囡囡以及奶奶愛流連的地方之一。Suki將主人房的衣帽間跟洗手間劃分成兩個區域，衣帽間只要放一張按摩床，搖身一變成為spa房，可以安排按摩師上門，為超愛spa的自己和奶奶提供服務。旁邊的特大梳妝枱，是囡囡拉住媽咪玩化裝舞會的地方，Suki笑稱三個女逗留在這兒的時間，比平台花園還要多。一家七口的四千呎安樂窩，真真正正屬於男主人的，是書房那百多二百呎的小天地。房內放滿Kenny喜愛的figure，還收藏了一櫃自己出生年份的紅酒。書房還有另一個用途，可以變身一張單人床成為客房，Kenny坦言當初有這個構思，是方便外母來探望孫女留宿，但朋友卻笑稱Kenny早有預謀，方便日後同老婆鬧交，俾Suki趕出房，都不至於要踎街！
撰文、攝影、攝錄：娛樂組
Next Page