首富之子男女通殺？Add微信要睇樣咁揀擇？
1 :
GS(14)@2016-06-20 05:45:10中國首富王健林獨子王思聰，常在網上發表「偉論」，吸引不少網友追蹤，微博粉絲人數突破兩千萬。近日，他出席內地舉辦的「超級紅人節2016網紅盛典」，直言想要成為他通訊軟體上的好友，女生的唯一條件就是「長相」。王思聰接受《新浪娛樂》專訪毫不避忌，除了對近日強國鮮肉男星吳亦凡傳出約炮新聞，直說：「明星也好，有錢人也好，只要他沒有結婚的話，這都是無所謂的，我覺得每個人都是有自己支配自己身體的權利。」並表示若想在網上與他成為好友，「男的話，如果是大咖的話，大老闆甚麼的不大好不通過」，但若是女生則是「看長相，醜的通過率比較低」，同時大方承認「我這個人還是挺膚淺的」。網友看完專訪，有人嘲諷：「自己長成這種德行還好意思說」，酸他「有錢的人說出這些話就是金句」，還是「趕快閉嘴吧」。新浪網
來源:
http://hk.apple.nextmedia.com/international/art/20160620/19661894
【add】紅人主場：惠英紅 魔女重生
1 :
GS(14)@2016-07-09 06:36:10Dolce& Gabbana連身裙、耳環
美魔女氾濫的年代，52歲的惠英紅早前表示，介意無人賦予她一個美女之名。看似硬橋硬馬，其實自信骨子裏也是嗲人的細心女人，「我真係覺得自己OK！我其實係一隻小貓，不過外形就係一隻老虎咁。」4歲搵食，封過影后、患過抑鬱病，高山低谷走過，今日找到人生目標，「我在工作上搵到自己價值，我嘅存在係有意義嘅。」前望，又是新一天。撰文：林妙萍攝影：郭賢興攝錄：林德雄、葉君海化妝：諺瞳小白髮型：James Lee@ Hair Salon訪問惠英紅，正正緣起自她早前半開玩笑的「美魔女」投訴，爽直剛烈、強勢的惠英紅，原來也有一顆這樣的女人心，「是但囉，你哋話我唔係咪唔係囉，但我又真係覺得自己OK嘅。」
Etro織錦背心Amen Couture釘石牛仔褲/Harvey Nichols
Lanvin紅色連身裙
■新片《幸運是我》飾演腦退化病人。
自信鋼條型
多年來，外號也是勁man的「僆仔紅」、「英雄有型」，「其實我唔鍾意囉，我覺得我都好細心，好識照顧人，所以呢，你哋叫我美女紅啦，唔該，多謝！」女性化也前衞敢作，1988年自資去巴黎拍全裸寫真，哄動一時。惠英紅今日年過五十，騷腰、露肚、晒背一律無問題，隱約還見到腹肌輪廓，並非曲線玲瓏的美魔女典型，身形、樣貌其實自我要求極高，「我都好刻意保持，食嘢好節制，亦做好多運動，我覺得靚係令我自己舒服，所以朝住呢個方向去做。我做人就係咁，冇中間路線，一係我放任，一係我拉到緊，如果唔係咁，而家可能我係師奶一名。」瑜伽、游水、做Gym、打羽毛球，講得出的運動都做，除了武術，「以前做戲受過太多傷，除咗拍戲，我唔會打功夫。」惠英紅自評「古裝樣、鬼鬼哋」，最愛之一是聖羅蘭式有型smoky jacket，「我鋼條型，可以踩界少少，中性啲。」心目中的美魔女，是曾經型爆的張曼玉、及性感在骨子裏的鍾楚紅。
■2014年憑《殭屍》封最佳女配角。
心魔別煩我
40歲時曾患上抑鬱症，惠英紅十年前終克服心魔，重新出發拍劇拍片。無獨有偶，2010年一套《心魔》，連得金像獎影后、金馬獎、等多個獎，2014年《殭屍》再拎最佳女配角，為她打下無比信心。這幾年，連環拍，去年拍足七部，工作上被需要感認同，令一向介意別人眼光的她，擁有無比存在感，「響工作上搵到自己嘅價值，生存嘅一個價值，嗰個價值唔係錢唔錢、名譽唔名譽，而是自己嘅存在是有意義，而係人哋覺得我有價值。」當年折磨她的抑鬱病，原今可以回看、分析，前塵往事娓娓道來，接受過去，也不時警惕自己，「有時一感覺自己唔開心，或者好似有啲嘢，我就會提自己：嗱，夠喇，唔好再搞我喇。」下月有三部新片一齊上，包括演腦退化病人的《幸運是我》，惠英紅坦言從同樣患此病的91歲媽咪取經。
人生另一半
美魔女也可以找到第二春，鍾麗緹、羅霖，甚至當年60歲以上的劉曉慶。惠英紅對下半場人生的伴侶？「有就有，冇就冇啦，越大年紀就越冇得強求。」不強求，條件還是要有，不接受姊弟戀、不接受花女人錢、動手動粗的，一律免問，「最緊要有志氣，唔需要有錢，唔需要靚仔。我自己讀書少，聰明同讀書多嘅，可以蓋過我嘅自卑。」
■鍾楚紅及張曼玉（右）是惠英紅眼中真正的美魔女。
買樓必勝法
惠英紅去年拍七部電影，講笑卻被當真，指她一年賺了七層樓！不過，翻查資料，惠英紅雖在雷曼事件中過伏，輸了上百萬，但的確逢買樓必賺，「磚頭裏面我都賺唔少，係真嘅，我冇賭命，買磚頭起碼第一時間自己有樓住；第二，無人搵我拍戲，我都可以收租，或者賣咗佢，咁樣安全啲。」八卦問，必勝方法和現時應否入市？惠英紅大笑：「我唔知，我都要問吓人先知。」
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20160707/19684062
【add】名人時尚：Jessica完美女強人
1 :
GS(14)@2016-07-13 05:15:49■Jessica以時裝設計師的身份現身香港，展現女強人一面。
【獨家專訪】韓國女團少女時代前成員Jessica離隊後，早前推出個人專輯回歸樂壇，演藝事業上搏殺之外，她兩年前創立的時尚品牌亦做得有聲有色，在太陽眼鏡系列之外還發展出成衣系列。當日少女已蛻變成事業型女強人。撰文：趙潔恆 攝影：郭賢興
Jessica上星期專程到港，為自家品牌Blanc& Eclare的成衣系列宣傳，緊密行程中接受《add》的獨家專訪，全程以流利英語大談時尚經。
Jessica離隊後人氣不但未有下滑迹象，還不時現身內地真人騷如《全員加速中》，又與陳偉霆合演電影《那件瘋狂的小事叫愛情》，中韓兩邊飛，在百忙中同時兼顧品牌的設計工作殊不簡單，Jessica就表現得相當謙虛，「今時今日很多人都身兼多職，身為藝人都有歌手、演員、主持等不同的工作崗位，時裝設計是其中一部份，但好幸運我的品牌團隊一直幫助我，沒有他們我不會做得到的。每日做不同的工作，真的很有趣。」
■Jessica形容自家品牌是走摩登又有女人味的風格。
■妹妹Krystal是品牌的繆思。
獲妹妹啟發
Jessica的品牌風格固然有濃濃的韓系風，笑言是從妹妹Krystal身上得到啟發，「我的設計都幾受Krystal的影響，有時見她坐在梳化上，穿上牛仔褲與鬆身的T恤，就已經很chic很漂亮，所以我想設計完美的T恤給女生穿上。」她與妹妹感情要好，連時裝品味都十分相似，「我們都很喜歡穿基本服飾，還會交換牛仔褲來穿。」
■品牌在希慎道I.T設期間限定店至本月20日，服裝定價$570-$2,585。
太陽眼鏡$2,250
最講究剪裁
說起設計工作，身為新手的Jessica坦言遇上不少挑戰，「最大難題一定是布料與剪裁了，我對剪裁特別挑剔，尤其是牛仔褲，經過很多個樣品之後，才製成我要求的作品。參與過製作過程之後，知道設計有多難，每一件作品要放多少心力，真的欣賞時裝行業內的每一位。」
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20160713/19692167
【add】時尚Tips：顯瘦秘訣
1 :
GS(14)@2016-07-13 05:15:49一直都是時尚icon的Jessica，今次更提供了時尚貼士給各位女士！
記：記者 J：Jessica記：如何穿出個人風格？
J：你要清楚了解自己，應該要穿甚麼剪裁好看，我覺得越穿得簡單自然會越有時尚感。記：2016秋冬潮流？
J：秋冬要注意一些卡其色的服飾，tailor jacket與大褸會帶出女性silhouette，都會是流行的款式。記：如何可以穿得顯瘦一點？
J：通常我會穿鬆身的上衣，不太貼身的，再襯一條skinny jeans，看來就會更顯瘦。又可以選鬆身的summer dress，短裙可以露腿，看起來都會苗條。
來源:
http://hk.apple.nextmedia.com/entertainment/art/20160713/19692169
【add】紅人主場：王宗堯男神大無畏
1 :
GS(14)@2016-07-14 08:09:55Hugo Boss白色外套灰色西褲CK Jeans印圖T恤Salvatore Ferragamo格紋slip-on
言論自由，是香港的核心價值，但不是每個人都珍惜、捍衞這一塊瑰寶。37歲王宗堯是圈中少數勇於發言的一人，積極參與社運，望港人凡事有得揀，營造好環境予下一代，因而獲封男神。他從不擔憂發聲會招致飯碗不保，覺得每餐一杯奶茶、一碗雲吞麵足以餬口，渴望另一半共享價值觀，「一個限量版鞋或者手袋，唔值5、6位數。一個好作品，無論用幾百萬拍，影響力同價錢唔係用金錢計到。」言談間，隱隱表露早前與女模分手的玄機。統籌：林妙萍 撰文：林嘉慈造型：趙潔恆 攝影：周樂恒攝錄：林德雄、郭賢興化妝：Aster Phang髮型：Zap Tang of Queen's Private i由反國教、劉進圖被襲、港視不獲發牌，王宗堯一路走到雨傘運動，敢走在最前發聲，「對社會嘅危機感、意識，隨年紀增長，慢慢越嚟越覺得自己有個責任。」
Giorgio Armani格紋西裝褸T恤卡其色西褲
Versus Versace黑色皮背心Hugo Boss牛仔褲Giuseppe Zanotti皮靴
■王宗堯（中）是社運中堅分子，不怕敢言影響生計。
不擔心飯碗
焗搭服務欠佳的出租車、不斷加價但故障頻生的鐵路，連電視台選擇也不多，令他慨嘆：「某程度上香港人幾可憐。」生意人爸爸為生活而順從施政制度，王宗堯自認是家中的黑羊，公民意識是在台灣工作時浸淫的，「社會冇唔同聲音係好唔健康、好傾斜，當你見到市場有壟斷，甚至乎當呢個地方嘅市民，無論娛樂，或者佢對房屋、交通，生活、經濟上有壓力，冇得到滿足，久而久之會積壓怨氣，我最想做係行出嚟，支持想打破呢個格局嘅人，令事情多番唔同選擇。」身為製作公司老闆，他卻不怕敢言影響收入，「我嘅飯碗係每日飲到一杯奶茶，同埋食到一碗雲吞麵，我都OK，又唔需要咁貪心。」
■王宗堯與黎紀君拍拖不夠一年，性格不合而分手。
恨有人陪瞓
奈何另一半未必接受這個生活水平，「我好樂意由一杯奶茶、一碗雲吞麵，變成兩杯奶茶、兩碗雲吞麵，但條數複雜好多，每個人嘅要求唔同，所以我暫時冇另一半。」他續說：「一個限量版鞋或手袋，唔值5、6位數。但好作品，無論用50萬拍，或者10幾萬、幾百萬拍，影響力同價錢唔係用金錢計到。」價值觀分野是他與女模黎紀君分手的主因，分手兩個多月，暫無意追回舊愛，「除非入咗時間屋，如果唔係冇可能瞬間成長咁多。」他恨找到思想同步的另一半，表現小男孩一面，「通常可以熟睡，側邊係有個人，呼吸節奏又好，令你個人安心又好，可能係安全感，呢樣係我追求，有時可以令你完全放鬆，偶爾身份調換係好事，唔需要成日做大人角色。」
■王宗堯在探討社會議題的新片《導火新聞線》中飾記者。
捍衞港產片
甩拖後，王宗堯全心照顧愛貓，並瞓身撐港產片，「喺呢個budget拍到有心機嘅作品，係咪只係值8百、1千萬票房？點解大家覺得上網下載就OK、等佢出DVD先，咁嘅心態、數據係反映番喺老闆嘅投資上。」如是者，形成資源短缺，港人不買戲票的循環，刺激他將賺到的投資在有意義、但未必有回報的作品。主演新片《導火新聞線》充滿意義與本土特色，探討新聞空間收窄、紙媒式微等現象，「睇到最大難關係新聞自由，觀眾有幾多唔同空間去睇訊息，真正有幾多新聞係政治正確同資料正確。」如《十年》般預視香港將發生的大事，一同作出見證。
■王宗堯曾演出不少大膽床戲。
貼地男神認睇AV
不論在電影，還是尺度保守的電視劇，王宗堯都曾演裸露與情慾戲，他笑說：「我見到高登有個post，話王宗堯嘅功能性係喺電影電視提供觀感性滿足。」他沒有包袱，只是應拍攝需要而演出，「戲永遠係現實生活嘅反射，梗有呢啲事發生。」明星往往給人脫離現實的感覺，但王宗堯異常貼地，繼馬國明後，又一男星認有睇AV習慣，「點解唔會睇？ThisAV好熱血，喺大是大非嘅時候，佢會轉首頁版面，而且的而且確佢減低咗好多犯罪率。」真性情夠討好，男神當之無愧，他卻唱反調：「傳統男神要好靚仔，除咗靚仔就冇其他喇，我定界別畀自己，係做真正嘅香港人。」
來源:
http://hk.apple.nextmedia.com/entertainment/art/20160714/19693531
【add】紅人主場：梁詠琪 幸福20年
1 :
GS(14)@2016-08-07 01:48:23Burberry藍色連身短裙藍色軍褸
梁詠琪（GiGi)出道時曾是少男心目中的女神，今天已變為人妻兼人母，今年是她入娛樂圈20周年，過去曾經歷高低起伏，人生的下半段她希望將焦點放在家庭上，希望工作隨心而行，不再需要討好人，做最真實的自己。統籌：林妙萍撰文：顏英儀攝影：周樂恒攝錄：林德雄化妝：Circle Cheung of ndnco.co髮型：Nick Lam of Pi4.com.hk
GiGi去年升呢做人母，有女萬事足，訪問時話題總是離不開愛女Sofia，「囡囡出世後責任感重咗，而家做任何事都會以囡囡嘅福利行先，令我最開心嘅係家庭生活嘅融洽，同囡囡游水已經好開心，知足令我幸福，亦都係呢份幸福令我知足，物質對我嚟講已經冇乜意義。」GiGi現正與丈夫和囡囡身處西班牙，一家三口到巴塞隆拿探祖父母，享受家庭樂。
Paula Ka淡粉紅恤衫Dior黑色釘珠半截裙Jimmy Choo水晶涼鞋
Lanvin金線喱士裙
巡唱慶祝20年
回港後GiGi將要籌備「梁詠琪2016好時辰演唱會」，第一站將於深圳揭幕，香港站因紅館未排到期，要等到明年才舉行，「演唱會主要同歌迷分享入行20年，重溫好多舊歌，會先自彈自唱，仲要減肥，唔會減到好似以前未生咁瘦，有少少肉地會好睇啲。」生女後GiGi甚少離開囡囡，已跟家人傾好湊女安排，「同屋企人傾好晒湊女安排，一個城市最多去3、4日，唔會離開香港太耐。」
■新歌《B面第一首》代表了新階段的開始。
回憶教人回味
GiGi入行20年，最難忘入行時工作排得密麻麻非人生活，「諗番起以前嘅工作量都幾誇張，以前趕完通告嘅日子，拍完通宵戲第二日要飛去台灣錄音，之後又再飛去拍戲，喺飛機上先可以瞓覺，呢啲非人生活只能夠回憶，將來唔會畀自己忙成咁。」下月開演唱會又plug新歌，新歌會以卡式帶面世，復古當時興，「《B面第一首》係代表新階段嘅開始，之前搵Wyman填詞，我同佢講而家人生過咗一半，好多事情嘅睇法都唔同，好想寫一首歌講吓而家嘅心情，以前行過嘅路係值得嘅，不過未來係咪可以多啲跟自己嘅心去做嘢，唔需要再討好其他人，或者唔使睇住個市場做音樂，每一步都跟住自己個心去行。」
培養女兒德行
贏在起跑線已out，贏在射精前讓社會議論紛紛，身為港媽的GiGi又是如何安排囡囡的將來？「Sofia已開始上playgroup，屋企全部大人，想佢接觸其他小朋友，學識分享，其實我冇諗得太遠，將來可能返西班牙讀書，呢幾年想佢學呢好中文，學術上唔使太心急，反而我覺得囡囡嘅德行更緊要。」
GiGi在陀Sofia時曾說過想生三個，囡囡下月便歲半，現因巡唱要將追B大計押後，「之前都有諗過等囡囡歲幾就會追第二個，不過下半年要做巡唱，坊間話隔兩年半到三年先生第二個都OK，所以要等下年先考慮追B。」
■令GiGi最開心的是家庭生活融洽。
■GiGi去到巴塞隆拿都與囡囡穿母女裝。
囡囡趣事多籮籮
做母親後GiGi話題離不開囡囡，她更用手機拍下女兒的開心時刻，親手剪輯成短片，「囡囡嘅趣事日日都有，有一日我畀紙巾佢抹嘴，點知佢用嚟抹地，我同佢講唔係用嚟抹地，係用嚟抹嘴嘅，之後佢又用嚟抹嘴，真係畀佢激死！有時佢會發明手語，要估好耐先知佢想講乜，有次佢企喺門前，拉自己嘅手指，原來佢想我開門畀佢，日日同佢玩做動作估戲名，先估到佢想講乜嘢。」
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20160804/19721636
【add】紅人主場：劉青雲野蠻好老公
1 :
GS(14)@2016-08-11 06:08:40■劉青雲外表冷酷，其實是幽默風趣暖男。
劉青雲從影以來拍了過百套電影，是不少人心目中的平民影帝。和港姐冠軍郭藹明結婚18年，零緋聞，形象正面，兩公婆甜蜜恩愛，他笑言全靠老婆演技一流，原來甜蜜背後兩公婆經常因小事而耍花槍，自認天生野蠻的青雲，在多年的婚姻生活中學會了互相尊重，一句簡單的「Thank you」，氹太太開心，做個窩心暖男。統籌：林妙萍撰文：顏英儀攝影：郭賢興攝錄：林德雄、葉君海化妝：Jun Ho of Suave髮型：Monida Tse場地：The Mira Hong Kong
■青雲自言被稱為男神是一種不幸。
劉青雲同太太郭藹明結婚18年，零緋聞，兩公婆恩愛非常，在太太眼中青雲是她的黑馬王子，問到青雲是如何保持婚姻甜蜜新鮮？他幽默說：「佢係演員，演得好囉！其實我哋好似一般夫妻冇乜分別，只係我哋成日出街畀人影到，結婚近20年，我覺得真正嘅我係我太太最清楚，咁多年當然有唔少改變，都係一個挑戰，因為我太太係一個幾有禮貌嘅人．對我好客氣，成日講『唔該』、『麻煩晒』，有時會覺得生保咁，唔可以因為兩個人結咗婚而冇晒禮貌、又老奉，其實唔該吓、thank you，太太個心都會舒服啲。」
我係野蠻人
甜蜜背後，原來兩公婆經常為小事而耍花槍，他幽默說：「我哋成日都有爭執，因為我係一個野蠻人，你睇我個樣就知啦，我唔係一個講道理嘅人，因為大家對事物有唔同睇法，有時我覺得藍色好睇，佢就覺得白色好睇，你問我點解，其實冇道理講，亦都好難去解釋，有時同一樣嘢嗌咗十幾廿年，因為大家講完就算數。」婚後太太專心照顧家庭，青雲又是否支持她復出拍戲？「呢個係佢嘅選擇，我就冇所謂，相信每一個人都想自己可以嘅時候做自己想做嘅事，將來唔好後悔就得，我唔介意太太拍戲，純粹個人決定。」
■劉青雲在Facebook貼了與太太98年的婚紗照。
■跟太太郭藹明結婚18年，青雲自言多年的婚姻生活學會了互相尊重。
唔怕做甘草
雙料影帝劉青雲，由電視圈走到電影圈，從影30多年演繹過無數角色，可有想過一天執導演筒或做其他工作？「仲未諗到想拍乜，我相信當我諗到一個我想拍嘅故事我會嘗試做導演；其實我仲有好多嘢想做，我一路都希望將自己想做嘅事喺電影出現，好似揸飛機，如果拍戲做機師都應該幾好玩，我相信演員會係我嘅終身職業，我唔介意將來畀人話我係甘草演員，就算而家話我都會唔介意，因為把口生喺人哋度。」
男神是不幸
近年男神、女神當道，青雲也是不少女士心目中的男神，不過他一聽到男神二字就苦笑說：「大家稱呼我為男神其實係一種不幸，我點會係男神，老實講我都唔知男神係要有乜條件同質素，可能大家興咁稱呼，所以就被歸納為男神。」工作以外，青雲平時都喜歡閱讀不同書籍和行山放狗，選擇過自在的平民生活，「近期我睇緊一本關於咖啡同關於恐怖分子嘅書，平時放假就會行山放狗，都會行街市買餸，去街市買餸啲人都會認得我，都會搭多條葱畀我。」
■青雲於新片《危城》與古天樂有不少對手戲。
■為了拍戲，提早到肇慶練習長鞭。
長鞭訓練冇受傷
近年劉青雲一年拍3至4部電影，其餘時間就陪太太，早前他就去了肇慶拍攝新片《危城》，對手有古天樂、彭于晏和吳京，戲中青雲有不少動作戲份，要練習長鞭，「好耐冇拍過呢類動作片，之前去咗當地訓練一個禮拜，武指教我長鞭基本訓練，好易打中自己，訓練時身上要戴晒保護pad，練完之後件衫會花晒，幸好冇受傷。」更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20160811/19731177
【add】紅人主場：19歲Hilary 幸運星二代
1 :
GS(14)@2016-08-18 06:04:35Sea New York牛仔裙(Rue Madame)ViaTORY金色手鐲
近年「贏在起跑線」成為大家經常談論的話題，上山詩鈉的19歲囡囡Hilary，盡得媽咪的優良DNA，更被大家封為「最索星二代」，先天條件已經贏開巷，「我覺得自己好幸福好多機會，可能好多人搵工或者想做呢行係難少少，但我唔會覺得自己贏咗，只會覺得自己比其他人幸福。」現在於美國求學的Hilary，早前趁暑假回港時接受了《add》訪問，於拍攝期間盡現開朗直率性格，再加上其甜美可人笑容，絕對是「冇得輸」。統籌：林妙萍造型、撰文：陳蔚渝攝影：周樂恒攝錄：陳志嵐化妝：Angel Wong髮型：Ziv Lau of Queen's Private i Salon
Hilary與母兼父職的上山詩鈉一向感情要好，二人更經常都被拍到好像孖公仔一樣，問到有否因為去美國留學，與媽咪分隔兩地而感到不捨，「都有少少唔捨得，不過佢成日都會嚟探我，所以唔會特別覺得好唔開心，又或者好想返屋企。」
我不是ABC
雖然在美國波士頓的校園生活相當忙碌，不過Hilary表示因為將時間分配得非常好，既有時間做功課，也可以擁有私人時間，更會經常趁周末與朋友周圍去，「我覺得自己大個唔會住喺美國，我而家住喺嗰度係一個opportunity，如果日日匿喺房會覺得嘥咗，所以我得閒都會周圍行吓睇吓。」雖然自小在國際學校讀書，形象鬼妹仔，不過她否認自己是一名ABC，「有好多人認識我之後會覺得我嘅諗法有少少美式，其實我大部份時間都喺香港，就算而家喺美國返學，其實我好近唐人街，所以成日都會講中文。」相比香港與美國，Hilary對兩個地方的印象很不一樣，「香港有好多由細識到大嘅朋友，嘢食又多啲，比較modern，有啲似New York，不過因為我住喺Boston，有時會有少少悶，香港乜都快，Boston就好慢，所以你一去到就會覺得個life好放鬆。」
Alice McCall蕾絲jumpsuitJimmy Choo杏色短靴
Victoria Victoria Beckham白色裙Atelier Swarovski Core collection戒指、手鐲
半投身娛樂圈
Hilary雖然仍然是學生一名，不過都可以說她已是半投身娛樂圈，因為單單是回港放暑假期間，也經常獲邀出席品牌活動，又替品牌拍硬照，對於完成學業之後會否考慮全身投入娛樂圈，「其實都未知，仲要讀多3年書，可能讀完之後再睇定啲先。」從Hilary在Ig分享的日常生活當中，不難發現她是個愛打扮、愛時尚的人，「我都幾鍾意fashion，不過香港比較多focus喺beauty，所以我幾開心喺美國，咁近New York，咁近fashion嘅地方。」而且也可以見到她經常名牌袋揹上身，不過原來大部份手袋都來自媽咪，「佢有好多vintage手袋，佢而家好鍾意啲大袋，所以佢以前買落嘅細袋，我就可以全部攞晒嚟用。」
■Hilary早前曾被法國配飾品牌Roger Vivier邀請做model拍硬照。
■Hilary與媽咪上山詩鈉感情要好，IG經常上載二人合照。
屋企人第一位
之前與中東裔男友拍拖，不時在網上放閃的Hilary，回復單身已經一陣子，對於擇偶條例，她認為最重要是愛錫屋企人，「我好注重屋企人，要nice，唔係鍾意晚晚出街出去蒲。」揀男友亦沒有局限是外籍人士，「亞洲人都OK，不過最好近啲，如果同個香港男仔一齊，佢住喺香港，我住喺美國，咁好難㗎嘛。」問到對婚姻方面可有憧憬，「咁又冇嘅，24歲啦，最快都要嗰個年紀先會想結婚。」
香港潮語零概念
Hilary雖然在香港長大，不過自細在國際學校讀書，現在到美國升學，所以就對潮語一點都不熟悉，訪問期間我們刻意考她，「其實我唔係好識啲香港潮語，我淨係知道公主病、公主癌同埋港女，食好西即係好似foodie咁，我淨係聽過好多人話而家好多女仔有公主病，即係好奄尖，港女其實我都唔係好明，其實我唔係好識呢啲新潮詞語。」
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20160818/19740275
【add】紅人主場：古天樂快靚正精神
1 :
GS(14)@2016-09-01 06:24:35Alexander McQueen刺繡恤衫
古天樂在今年暑期檔成為「戲霸」，5部電影輪住上，九月繼續有來。拍得多又準，古天樂覺得投入最緊要，「必須要投入，先可以達到快捷。」一眾港產片鐵腳中，劉青雲、張家輝等是愛妻號，古天樂身邊就長期有空位，「有幻想過結婚，但冇乜時間去處理，只係見到面，係冇用嘅。」談戀愛，真的冇得快靚正。採訪：林妙萍造型：顏英儀攝影：郭賢興攝錄：林德雄、周樂恆髮型：Dan@ Pi4化妝：Carmen Man古天樂專訪在極速的25分鐘內，換了三套衫、完成訪問、影相、拍片，破了add四年來影過100個明星的最快紀錄。影完相，古天樂即時自己搬椅坐定夾咪，一秒鐘也冇浪費，全程冇滲水，和「唔使急，最緊要快！」的港產名句，完全脗合。
Dior Homme幾何圖案polo黑色長褲
Saint Laurent黑色皮褸牛仔褲、波鞋 Dior Homme白恤衫
鐵膽：投入達到快捷
歷年大大小小訪問，古天樂總不忘提倡團隊精神，他覺得做任何事，團隊投入度是最緊要！「你投入，就會了解到好多嘢，無論工種、創作，你投入就得！好慶幸我哋香港團隊係比較快捷，所以，必須要投入，先可以達到快捷。」常和中韓台不同地區演員、單位合作，古天樂好自豪港隊「快靚正」的優點，「佢哋話，你哋香港人真係快到呢~呢樣真係好難得。」古天樂暑期檔十套華語片有一半有份演出，《三人行》做督察、《使徒行者》做卧底，今次《S風暴》演廉政專員，港產片總見到他：「香港演員為數唔多，其實唔止我一個係鐵膽，好多個都係。」新片講警廉矛盾，主題圍繞賭波操盤案，他坦言少睇波亦不賭錢，電影主攻抽絲剝繭式查案，無飛車、跳樓等動作場面，「ICAC呢，第一件事，如果要領槍，係要申請；第二件事，佢係有特定程序查案；第三件事，ICAC查案，係以資料搜集為主，所以，題材已經賦予咗部戲嘅難度。」
■古天樂在《S風暴》演廉政專員，抽絲剝繭查案。
■古天樂直言不會跟媽媽（左）交待工作事。
家庭：我冇時間拍拖
電影、時裝可以任講，提到拍拖結婚，無點名傳出緋聞的陳喬恩、陳妍希或誰，古天樂都會自動閂閘。「有幻想過結婚，但冇乜時間去處理。你要有時間去相處先得，只見到面係無用嘅。仔女？就更加需要多啲時間啦，有另一半先再講啦。」家事少提，古天樂出名孝順，近月傷眼、傷腰，媽咪可會擔心、失眠？「阿媽唔知我出面做乜，唔係報喜不報憂，係我直情唔話佢聽我做緊乜，拍緊乜戲佢又唔知，明天飛去邊佢又唔知，同埋我阿媽比較忙，朋友多又要唱戲。」
鍾意買衫不是潮男
「好多品牌都鍾意，Givenchy、Balmain、嘩好多喎，近期買咗好多McQueen啦，真係好多牌子，講唔晒。我鍾意買衫，但唔覺得我係潮男。」買衫精古天樂愛出埠買、愛上網買，自命網購成功率奇高，皆因所有新衫都會改完才着上身，「上網最大問題係唔知乜size，不過我好少退，因為買完都會改，唔啱都唔緊要，反正改完先有得着。」衫最緊要要fit身型，銀包內最重要又是甚麼？「銀包最重要係身份證，其次信用卡，八達通我都有，不過我冇用。」
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20160901/19755742
Next Page