安琪蓮娜三周前租定屋撇夫
1 :
GS(14)@2016-09-25 10:28:27荷李活影星畢彼特（Brad Pitt）與老婆安琪蓮娜祖莉（Angelina Jolie）於上周二驚爆婚變，安琪蓮娜更單方面以家庭健康理由申請離婚，要求獨攬六子女撫養權，並於法庭文件上寫下9月15日是兩人分居日期。畢彼特則被指於9月14日在飛機上與養子Maddox爭執，導致安琪蓮娜決定離婚。目前畢佬住在洛杉磯寓所，而安琪蓮娜就與六子女去馬利布租屋住。
■安琪蓮娜昨日被揭三周前已租定大屋，準備帶子女走。
《每日郵報》昨日報道，原來早在發生飛機爭執事件前，安琪蓮娜於三星期前已在馬利布以月租約74.1萬港元租下4,409平方呎、擁有5間睡房的大宅。大宅周圍有好多大樹，方便小朋友在屋外玩都不會被狗仔隊偷影，證明安琪蓮娜為離婚已做足準備。另外，《Us Weekly》報道指機場有鏡頭影到畢佬鬧仔過程。」據悉片段隨時流出，還被指虐兒的畢佬一個清白。撰文：泰米
來源:
http://hk.apple.nextmedia.com/entertainment/art/20160925/19780780
安琪蓮娜被爆想做王妃
1 :
GS(14)@2016-09-27 07:14:46荷李活影星畢彼特（Brad Pitt）同老婆安琪蓮娜祖莉（Angelina Jolie）於上周二驚爆離婚，外界仍揣測婚變的真正原因，曾預言婚變的傳記作者Ian Halperin在英國《每日郵報》撰文，寫到41歲的安琪蓮娜想帶仔女搬到英國居住，發展其政治事業，更向畢彼特提出開放式婚姻，但遭畢佬拒絕。Ian寫到安琪蓮娜想在英國上議院取一席位，朋友透露她的野心是想嫁入英國皇室，而單身的安德魯王子（Prince Andrew）是她的目標。
安德魯王子
來源:
http://hk.apple.nextmedia.com/entertainment/art/20160926/19781556
貝安琪肚凸疑有喜
1 :
GS(14)@2016-09-27 08:02:24貝安琪和媽咪劉香萍、Shine、黃芷晴、唐貝詩和唐貝欣姊妹等，昨日在紅磡出席時裝活動，身材圓潤孕味濃的貝安琪被問到是否有喜時露出尷尬笑容，其母親即代解畫：「天氣熱着鬆身衫會較舒服，我都好想抱孫，等佢哋兩個多啲時間準備先。有好消息一定公佈。」貝安琪透露計劃和外籍未婚夫明年結婚，劉香萍即大爆囡囡會做5月新娘，貝安琪卻呻5月天氣太熱，怕屆時化妝會溶掉。此外，Shine兩子皆穿短褲現身，透露明年是組合入行15周年的紀念日，最近開會研究舉行演唱會，決定申請明年12月的紅館檔期，希望挑戰到開四面台。採訪、攝影：馬建華
來源:
http://hk.apple.nextmedia.com/entertainment/art/20160927/19782686
貝安琪陀B帶來歡樂
1 :
GS(14)@2016-10-10 00:43:56貝安琪（Ankie）今年8月開始穿鬆身衫，9月已經肚凸凸現身活動，被指肥了一圈。早前Ankie宣佈跟外籍男友Simon結婚，不過她多次出席活動都否認雙喜臨門，可見鬼妹仔十分傳統。不過昨日Ankie終於在社交網貼相，她身穿一件豹紋圖案tee，肚凸凸對着一個熊擺設髹油，她用英文留言：「非常榮幸被選中畫呢隻buddy bear，不過更感恩在我肚裏的，為我帶來喜悅，是一份天賜禮物，為我帶來歡樂。」本報昨日致電恭喜她有孕，問到她腹中BB性別及預產期時，她表示：「多謝，現正忙出席活動。」採訪：唐如
來源:
http://hk.apple.nextmedia.com/entertainment/art/20161008/19794444
貝安琪教孕婦瑜伽
1 :
GS(14)@2016-10-14 06:52:20■貝安琪（左）與媽媽劉香萍前晚到九龍灣睇電影《七俠蕩寇誌》。
貝安琪（Ankie）前晚跟未婚夫Simon及媽媽劉香萍到九龍灣欣賞《七俠蕩寇誌》優先場。Ankie日前在Instagram親口承認懷孕一事，她說：「係呀！好開心，而家我同BB都好健康，冇問題，係頭一個月唔慣，之後都冇唔舒服，成個life未試過咁有精力咁健康。所以我都係繼續我嘅工作，畫畫、教瑜伽。」工作排山倒海，Simon會否詐型？「佢冇反對，最緊要我開心，我嚟緊仲會計劃教孕婦瑜伽。」劉香萍為女兒有喜而高興，問到對未來女婿的評價：「我覺得Simon係一個非常優秀嘅男仔，佢係非常之有禮貌，個人好有修養。」採訪：非非
來源:
http://hk.apple.nextmedia.com/entertainment/art/20161014/19799915
謝安琪陀B搓腰紓痛
1 :
GS(14)@2016-11-11 08:10:30■Kay和老公張繼聰等電梯時，一直用手搓背。
謝安琪（Kay）和老公張繼聰育有9歲多囝囝張瞻，兩人一直想再追女，近日如願以償，Kay今年9月在facebook公佈陀女，現懷5個多月身孕的她，日前腹大便便與老公張繼聰拍拖到銅鑼灣濕平。
Kay
當日下午5時半，記者發現張繼聰拿着大袋戰利品到一間咖啡店，原來往會合老婆Kay，她以白衫黑裙戴闊邊帽的孕媽look出巡。兩人其後往等電梯，Kay因懷孕加重腰部負擔，見她等升降機時忍不住用手搓腰，以紓緩疲累。當兩人行到停車場，Kay看到記者都主動打招呼，張繼聰則全程傍實，更先安頓老婆上車，他才上司機位，臨開車時，Kay還脫帽與記者講再見，心情不錯。採訪、攝影：梁繼光
來源:
http://hk.apple.nextmedia.com/entertainment/art/20161111/19829812
同謝安琪指腹為婚蘇永康老來得子
1 :
GS(14)@2016-12-01 08:06:42■康仔與老婆結婚兩年，老婆成功懷孕，明年4月預產期。資料圖片
現年49歲的蘇永康宣佈老婆馮翠珊陀五個多月B仔，預產期是明年4月2日，康仔昨在電話開心說：「老來得子，試咗兩年仲以為冇，老婆都四條嘢，之前成年放假都試唔到，冇啦啦上天跌畀我，仔女都殺！」
幫老婆掃背
問到是否自然受孕？康仔說：「我哋其實係意外，佢嫁畀我都30有8，係高齡，我哋撞時辰計日子，等咗兩年終於中咗，過三個月話畀阿媽知堅有咗，我媽咪80歲，而家好似後生20年，每朝問老婆想食乜煲畀佢。」快為人父的康仔都好緊張，有感冒即衝去睇醫生：「如果孕婦感冒好麻煩，唔可以傳染佢，所以要工人戴晒口罩，真係要小心啲，而家屋企好似打仗。」老婆懷胎滿三個月，康仔陸續通知好友：「有日我飛東京，收到謝安琪嘅WhatsApp：『我搞掂啦，三個月！』我主動第一個同佢講：『我都有咗，你個女，我個仔嚟！』我同阿聰講笑，不如玩指腹為婚！好感謝朋友守口如瓶，原因老婆始終高齡產婦，驚有意外，呢胎頭幾個月幾舒服，但呢兩朝見佢食完早餐嘔番出嚟，自己盡老公責任幫佢掃背清理，女人洗完頭成地頭髮，以前呢啲我留工人做，而家我想屋企清潔啲，自己低頭執，唔等工人。」
■謝安琪與康仔的老婆差不多時候懷孕，一個陀女一個陀仔。資料圖片
■趙勁皓宣佈盧頌之有咗，等女友生完會結婚。資料圖片
盧頌之陀B
之前康仔還向狄波拉請教教兒之道，他說：「霆鋒係幾反叛僆仔，但佢見到前輩包括我九十度鞠躬，問佢點教到咁有禮貌。」他笑言對囝囝只有一個期望：「我唔想個仔似我，似我醜到阿媽都認唔到。而家必須要做嘅嘢，就係唔好為社會製造多個造反嘅人，我唔想生個梁頌恆，我唔想生個游蕙禎，你可以反叛，但絕對唔可以做啲背祖忘忠分裂國家嘅事情。」此外，趙勁皓都宣佈女友盧頌之懷胎五個月，等B女出世後才結婚，他在社交網向女友許諾：「如果你唔係預備好任何時間都講對唔住，千萬唔好諗住結婚，but I m ready@dadaloooo一生一世。」採訪：皓騫
來源:
http://hk.apple.nextmedia.com/entertainment/art/20161201/19850709
Next Page