財經CAREFREE - 順叔 大話東北遊(上) (2012年09月03日)
1 :
GS(14)@2012-09-03 09:30:58http://www.am730.com.hk/article.php?article=119729&d=1834
今期開恆基地產(012)，借呢間在舊樓重建及新界農地兩大土地供應來源的大地主，大話南西東北，就香港房屋規劃政策最近的熱門話題，提供一啲非主流的思考角度。
一個政權通常去到黃昏末日，先會變成跛腳鴨，做乜都被人鬧一餐，特首梁振英掉轉頭，甫開波已經大把人插佢，局長級人馬有人糧都未出過就要辭職落台，管治班子做又好唔做又好、向左走向右走一舉一動最後結果都係萬箭穿心，最新宣佈的「梁十招」，唔使問阿桂，又廣被批評冇料到兼整色整水。
房屋供應涉及長線規劃，大家試嚇走上財政司長曾俊華個人網誌望望，呢位兩朝財爺，由07年當奴年代開始，大時大節每年每季都發出「樓泡警告」，講你知政府有幾關注樓市供求，又話會「採取必要措施」，不過只停留在寫網誌階段，之前5年曾蔭權政府做咗乜嘢，有眼睇，講到要掘地窿鑿岩洞，臨尾先話復建居屋、檢討土地供應，未有新供應出現，已經拍拍屁股走人，當奴「做好呢份工」的「老闆」，究竟係邊個，畫公仔唔使畫出腸。
政府7月中宣佈白表免補地價購買二手居屋的試行計劃，仲有增加青年旅舍的計劃， 8月又宣佈「梁十招」，推出多項當奴拒絕採納的中短期措施，不難理解，梁振英家陣四面楚歌，唯一可以攞嚇彩，仲有幾分「民意」支持的，剩低房屋政策，得就得唔得就……唯有更加肉緊。
房屋政策得閒講兩咀，講得好聽啲，就係「政策成熟一項推出一項」，不過同時予人杯水車薪的感覺，缺乏長遠政策視野，暫時睇，梁振英可能吸取咗當年董伯伯的教訓，97年7月1日就掟出「八萬五」政策，就職當日已經露曬底，結果被人追住打足咁多年，梁振英新班子一開波已經進入跛腳鴨時代，選擇開牌曬冷的時機要更加小心，例如「港人港地」的政策。
「港人港地」呢個政策口號，聽落好順耳，亦配合部分香港人近來拒絕融合的心態，不過亦可能係梁振英最捉蟲的選舉期票。所謂「港人港地」，望文生義咁去瞭解，講緊在賣地條款裡面，加上限制「非港人」購買力的條款，香港的地契，依家一批通常50年，政治上的50年不變，都只係此一時彼一時的權宜之計，半個世紀，經濟週期都唔知幾多個周天(即循環)，在地契上將物業買賣限制訂得太死，萬一樓市大幅回落，想賣又搵唔到「港人」接貨，可能更加捉蟲。
如果將「港人港地」呢個政策，當成限制外國資金投資或炒賣香港物業，壓抑投機性的需求，又唔同講法，甚至唔需要在賣地條款搞咁多嘢，只需要透過行政措施或者稅務條例改變遊戲規則，好多國家都有類似的資本控制(Capital Controls)，內地樓市調控的「限購令」就係例子之一，香港將地產剔除於投資移民投資計劃亦係例子之一，當然啦，如果梁振英推出類似的措施，限制非本地資金進出香港樓市，不難想像，可能又會被唱通街，破壞香港自由經濟的光環。
香港另一個熱門的房屋話題，叫做「劏房」，呢個辭彙出現之前，私人住宅市場的「赤貧」象徵，包括「板間房」，仲有「籠屋」，幾年前梁振英在探訪深水埗居民時，講過籠屋及板間房的存在，是香港房屋政策的「污點」。劏房講緊將一個住宅單位，合法或非法地劏成幾個具獨立廚廁的細單位，即係話，劏房的存在，查實為咗滿足對私隱有更高要求的社會階層，如果籠屋及板間房代表香港房屋政策照顧唔到最草根階層的需要，劏房的出現，即是話今時今日的香港樓市，連中產都開始「赤貧化」，咁就更加係污點中的污點。梁振英提出增加青年旅舍，以及「梁十招」有關「活化」工廈的建議，其實就係針對呢個現象，下回再續。
http://caijingcarefree.blogspot.com/
逢週一至五刊出
財經CAREFREE - 順叔 大話東北遊(中) (2012年09月04日)
1 :
GS(14)@2012-09-04 10:21:47http://www.am730.com.hk/article.php?article=119909&d=1835
今期再講嚇香港房策地政的熱門話題辭彙——「劏房」，劏房的出現，查實反映今日中產開始貧窮化，特首梁振英上任兩個幾月，先話增加青年宿舍，上週的「梁十招」，再話要「活化」工業大廈做住宅，正正係針對呢個現象。
劏房有劏得合法與不合法之分，影響人命安全的，講乜都唔得，不過完全合乎法例的劏房，有價有市，要「Say Hi」的話，應該「Say hi to Uncle當奴」，要全面取締呢個香港樓市污點中的污點的話，應該先修改法例，准許在天橋底瞓街，或者在政府總部門口紮營露宿。
以前港英政府年代，寮仔部拆咗間木屋，會有徙置區或者臨時安置區呢類臨時房屋，順叔當年亦曾經住過，大部分粗口同埋性知識就喺當年公廁兩壁學識，不過，呢啲殖民地時代的貧窮圖騰，又點可以在回歸強國後的香港出現，所以最多好似前前朝董伯伯咁，「升呢」做「中轉房屋」，變相滿足對臨時房屋的需要。
到2012年的今日，更加唔可以同人講中產都被逼到冇瓦遮頭，唔通在曬咗太陽十幾年的西九乜乜文化區，搭幾萬個複式臨時安置區單位咩，所以依家見到好似石硤尾第一代公屋「活化」做青年宿舍，工業大廈「活化」成住宅，政策功能同當年的臨屋區冇乜分別，升咗呢咁解。
大眾住宅市場的房屋供應，需要時間規劃，例如學校及交通配套咁，住宅群唔係話變就變出嚟。如果純粹針對中產住屋貧窮化的現象，年輕單身人士流動性高、彈性亦高，好多人其實唔需要政府的長時間房屋資助，最多需要一、兩年有瓦遮頭的緩衝，香港搞到今時今日，政府查實都無謂咁要面，在新土地供應未能推出之前，應該在臨時房屋搞多啲新意思。
前朝當奴曾經放寬公屋的入息上限，將更多低收入家庭納入廉租屋的福利網，不過呢，復建居屋，好似係當奴「做好呢份工」的不成文「選舉承諾」咁，放寬居屋的入息限制，當然唔會出現在政策議題，「梁十招」最後一式「活化」工廈，隱約見到梁振英的居屋政策，將中產住屋貧窮化個波，擲向私人市場解決。
如果梁振英的房屋政策大幅左轉，照目前向左走向右走都被人鬧爆的討論邏輯嚟講，應該又會被人指佢搞福利主義，散盡儲備博取掌聲，如果「活化」工廈計劃，變相放寬法例容許大量合法劏房臨時性出租，唔知又有幾多人接受得到；如果係降低補地價要求，鼓勵工廈業主改建成為平價私人住宅，又唔知有幾多人會狂鬧政府又益地產商。
講咗咁多，查實想講一個最老土的道理，當年小學作文以及大學寫論文時老師教的，無論企邊一邊都好，正反論據都要諗嚇，好似新界東北的發展計劃，前日趕頭趕命趕稿，用咗呢個敏感話題，依家都有啲後悔，不過既然開咗頭，就繼續大話東北，提出咗啲非主流觀點。
其實最根本一點，如果增加供應係梳理樓市的王道正藥，開發新界土地，係增加供應的少數選擇之一，如果唔可以填海，又唔發展新界，唔通真係要好似當奴咁講，香港人要折墮到掘地窿鑿岩洞嚟住，市區土地就算仲有幾多公頃，終有用盡一日，始終要好似當年沙田及大埔咁，開發新住宅區域新市鎮，最正路睇，新界東北的問題，係點規劃，而唔係一切不變唔發展。
香港有正義傳媒話，開發新界東北係「割地」，如果純粹以陰謀論推算，順叔查實相信阿公諗住好似質澳門食咗橫琴咁，割幾忽深圳地俾香港，因為香港話五十年不變，不過冇講「香港」的地域不變，「割地」俾香港，之後仲一定有普選，因為唔係700萬人普選，而可能係1,400萬人普選，咁樣政治上仲實際，經濟上又可以為深圳土地增值，國際上仲可以同人講，香港一國兩制，拉動咗中國民主進程。
下回再續，繼續講陰謀論。
財經CAREFREE - 順叔 大話東北遊(下) (2012年09月05日)
1 :
GS(14)@2012-09-05 12:18:11http://www.am730.com.hk/article.php?article=120009&d=1836
繼續講陰謀論，查實仲可以話，將香港樓價炒得愈高，其實亦係港深融合的大方略，樓價愈高，愈有需要搵更多土地供應，相信發展新界東北及深圳河套等邊境區域亦愈少阻力。
深圳拉低香港樓價、地價，或有地產大孖沙一定唔會高興，所以好有可能在背後發功，鼓勵反陸情緒，豎起意識形態圍牆，借力守衞香港力場。國民教育及新界東北近期本港兩大熱門話題，幾年前已經開始諮詢，完全炒唔起，梁振英做咗特首之後，又可以即時反枱，香港好似變成冷戰戰場咁，用上面的陰謀論解釋亦講得通。
如果真係有呢啲陰謀方略，又實行得天衣無縫，坦白講，香港人都唯有講個服字，不過，中國規劃真係咁英明神武，唉，強國就唔會搞到一鑊粥啦。
講到新界東北發展，仲想講一個好殘酷的現實，香港地產市場好似好透明，一個個物業成交價，是但一個地產代理網可以免費任睇，不過，一旦涉及超巨型的土地轉換新城市規劃，就算所有嘢攤開曬俾你任睇，普通人可以掌握的資料，其實少之又少。
相對大型地產商的「物業資料庫」，更係999條牛對半條毛。所有人都認同規劃一個新城市，愈透明就愈好，諮詢更耐就更佳，不過，同時亦要有心理準備，有財力可以長坐、有線眼可以落寶的地產商，晨早打曬釘等收成。
好似恆基地產(012)咁，多年嚟同新界的收地公司鄉親父老合作無間，收收埋埋唔少農地，去到舊年底，新界土地儲備約4,190萬方呎，新界東北佔510萬方呎，講緊政府計劃動用400億元，買回大約2,852萬方呎土地，按比例粗略計算，恆地無需承擔樓市風險下，可以收回約70個億，當然啦，恆地買農地成本從來冇公佈。
動用公帑回收一個地區的所有私人土地，政府自己做整體規劃發展，查實仲有一個更大更具爭議先例，叫做天水圍。
七十年代尾，天水圍幾乎被長江實業(001)及華潤控股的地產公司買起咗，港英政府在1982年，實際用咗14億元，買返488公頃土地，但將最中心的近40公頃土地，留俾發展商發展，最神奇係，政府竟然加入賣地條款，限制附近的商舖供應，唔會導致發展商的商舖「在商業上不可行」。
「…some commercial accommodation for neighbourhood shops ...... being provided only to such extent as is calculated not to render the commercial accommodation to be provided by TSW (有關地產公司) on the 38.8 hectares NOT commercially viable.」
呢個「天水圍的中與港」的故事，同後來許鞍華導演拍嗰套「天水圍的夜與霧」有乜關係，得閒再講，不過可以一提，政府早兩日終於宣佈，天水圍可以有個合法平民墟市。
呢度只係想講，政府話想用400億元收回新界東北，只係自己估估嚇的數口，仲要同大地主恆地講數，最後要用幾多錢，恆地又開出乜嘢條件，相信最後仲有好多變數。
恆地主席李兆基(人稱四叔)做香港磚頭，近十幾年明顯比唔上新鴻基地產(016)幾個細姪，不過，斷估四叔同新界收地的「艇仔」，及市區收樓的田生集團(183)好熟，除咗幾千萬方呎農地，市區舊數重建項目樓面亦有143萬方呎，收地打釘愈做愈大。
至於最近另一間舊樓收買佬金朝陽(878)，亦泊埋四叔碼頭，做大坑重建項目， 政府要在舊樓重建，以及新界開闢新的住宅供應，四叔呢盤「磚頭收買佬」生意應該終於係時候收成。
四叔早幾個月，好罕有地咁上咗北京做善事，唔知同乜人見過面，不過，他接受記者訪問時，又好罕有咁，直接向政府提出梳理樓市的建議，其中包括動用部分儲備提供按揭俾市民買樓，貸富於民，仲有「年輕港人港地」，將部分單位只賣俾剛畢業的後生仔，又或者幫佢哋上車。
四叔最偉大的建議，當然唔少得免收農地補地價，等地產商可以興建低成本的小型單位，拍心口話如果農地免補地價，恆地兩年就可以推出約10,000伙，每伙約400方呎單位㖭。
三十幾年前，新界土地契約年期問題，成為英國人試探中國收回香港立場的突破口，天水圍計劃亦成為保證香港前途信心的代名詞，當年長實押咗買落呢塊奇貨可居的大魚塘，無論身邊合作股東點變，始終咬住冇放口，最後證明，就算唔計因為呢個項目而索到的政治風向，本身已經係天水圍發展的大贏家。
香港主權回歸15年的今天，政治又有變天之色，今次可以大展身手的，輪到恆地四叔？
http://caijingcarefree.blogspot.com/
逢週一至五刊出
2 :
GS(14)@2012-09-05 12:22:21http://caijingcarefree.blogspot. ... 1884714762838617842
匿名2012年9月4日 下午2:19
用人海戰術替香港洗腎換血不無可能，東北遊或許就是自由行的延續
不過好唔明政府房屋資源分配同流程搞唔好，仲要煲無米粥，挖地窿鑿工廈
其實唔少二三十年屋村，基本規劃齊全，交通網絡唔差，僅樓齡較高，但長期有單位空置
呢啲公屋間格四正實用，以往一個三四百呎單位夠一個五至八人家庭住
或者如今冇乜幾多「大家庭」合資格分配呢類單位，但就多咗衛星家庭同單身人士需求
如果可以將呢類吉房一拆二，有五六百呎的甚至拆三，俾單身或二人家庭住
點都好過住出面隨時火燭唔知瓜幾件的劏房啩？
肯住劏房的，冇理由又會嫌呢類改裝公屋屈側啩？
由細到大，板間房、徙置區、新界公屋、海景豪宅都住過
查實最開心係喺徙置區赤腳四圍走，出街握拳頭，無冷氣但可以大開水喉淋身淋屋頂的日子
要塊瓦遮頭，保生命財產安全，人性之本啫，何苦越搞越複雜？
回覆
小飛飛2012年9月4日 下午7:57
劏房 = 滿足市場需求的產品，一如超市霸權下的阿信屋。比之板間房有獨立的廚衞，算是升級的產品。更何況是先有需求才有供應，怎麼劏房變成了洪水猛獸？批判的人要不有政治目的、腦子進水被洗，便是「何不食肉糜」可悲認知。
回覆
PandaBear2012年9月5日 上午2:47
順叔，我相信好多香港人最擔心的系東北計劃中可容許同胞在港工作。人地住深圳，為左張身份證，可以白做貼車錢住籠屋。咁搶飯碗，等於黑工合法化要拉低香港人收入同生活質素，好多人會同佢地死過。
回覆
回覆
順叔2012年9月5日 上午9:51
禾冇睇曬所有大東北的政府文件（單嘢講咗最少十幾年），或有錯漏，但估計好多疑慮，來自一國兩制研究中心兩年前份報告《香港邊界禁區發展策略研究》，唔使問阿桂，張志剛條契弟入得ＥＸＣＯ，ＣＹ都諗住搞呢幾味
禾只係想講，力場代表的智經，之唔係一能樣講過無數深港一體化的乜東乜西，不過今日上位的唔係胡定旭，而係張志剛；唔係唐唐，而係ＣＹ而已。
禾好想睇嚇，智經今日對新界東北發展、港深融合會有乜嘢最新意見
3 :
GS(14)@2012-09-05 12:24:59
全片
毅行出哲學：大話精
1 :
GS(14)@2012-09-07 12:41:20http://hk.apple.nextmedia.com/financeestate/art/20120907/18010073
美國共和黨副總統候選人瑞安（Paul Ryan）42歲，年輕有內涵，體格弗到漏油，有料兼有型，被譽為羅姆尼最有威力武器。瑞安最近接受《Runner's World》雜誌訪問，指年輕時曾參加馬拉松，最佳成績是2小時50幾分鐘，記者翻查紀錄，發現瑞安的成績是4小時1分。瑞安承認記錯，指賽事是22年前，他弄錯了。這件事在政界和跑步界掀起滿城風雨，大家的疑問是，瑞安是記錯抑或講大話？
瑞安支持者指這是小事一宗，記錯22年前的事有何稀奇，他完成馬拉松，比大部份肚滿腸肥的政客積極得多，代表領袖最需要的毅力和行動。把記錯馬拉松成績上綱上線，是可恥行為。
我認為瑞安講大話。2小時50多分對任何業餘跑步者來說，都是了不起的成績，當事人不可能記不清楚時間，他的「50幾分鐘」已露出馬腳。2小時50幾分完成者不但記得分鐘，甚至可能記得秒鐘。對於未參加過馬拉松的讀者，我要解釋4小時和2小時50幾分的分別，不是數字上的20%，更貼切可能是100%，即分別是天與地。
馬拉松成績難記錯
《紐約客》記者找到多位參加同一個馬拉松的參賽者，他們成績跟瑞安差不多，每一個人都記得完成時間，記憶和實際時間出入最多是三兩分鐘。對於跑步者，馬拉松成績不是一個普通數字，瑞安把4小時和2小時50幾分弄錯，不管是22年前，對跑步者來說，是難以置信。
跑步者不會容易忘記馬拉松時間，因為時間代表了跑步者的身份，他怎看待跑步這回事，怎練習，怎面對比賽壓力，所有故事都藏在數字之中。跑步者跑步時想著時間，跟跑友談話內容圍繞著時間，時間在跑步者生活中無處不在。記錯22年前的事情不稀奇，把4小時和2小時50幾分弄錯，我不接受，我認為瑞安不是記錯，而是講大話。
我更想分析，是為何瑞安要講大話。在美國人眼中，瑞安形象健康至無人能及，他曾跑馬拉松已是了不起的成就，為何要作大？再者，吹水認叻這些事情所有人都做，不過重點是背景，在酒吧幾個男人鬥噴口水是一回事，接受記者訪問作大卻是另一回事。馬拉松風波後，瑞安最令人擔心的地方，可能是他的判斷。羅姆尼和奧巴馬選情勢均力敵，羅姆尼隨時勝出，他有甚麼三長兩短，瑞安將成為美國總統。
我認為瑞安是一個大話精。瑞安是政壇金童子，政途一帆風順，他一直被傳媒視為叻人，他習慣了其他人對他的說話照單全收，因為他是瑞安。政治環境容易製造自我沉醉的大話精，這些大話精講大話不一定是想搵錢、認叻、上位、脫險，他們講大話純粹是因為他們知道其他人無條件不相信他們，即使有人提出懷疑，他們總有辦法以他們的語言偽術過關。瑞安不幸的地方是，他走進跑步這不容大話精的地方。
蔡東豪
爭地風波升溫 立法會上踢爆 陳新滋轟兩局講大話
1 :
GS(14)@2013-03-12 23:54:43http://hk.apple.nextmedia.com/news/art/20130312/18192676
立法會教育事務委員會昨下午討論李惠利風波，涉及李惠利風波的教育局、食衞局及發展局局長均沒出席，教育局局長吳克儉外訪，由副局長楊潤雄署任。
200師生示威
約200名浸大師生和教職員會前帶同示威紙牌，到立法會外抗議發展局將李惠利南面地皮改為豪宅用地，無視浸大擬在該處興建中醫院。
眾人高呼「反對政府偏幫地產霸權」、又指教育局犯下「千秋罪」、發展局令「百姓憎」。浸大教職員工會理事陳士齊批評特首梁振英「向乞衣兜攞飯食。」
政府去年12月21日公佈將李惠利南面地皮改為住宅用地，工黨張超雄質問教育局事前有否徵詢浸大。楊潤雄解釋在大學每三年撥款期前，會查詢院校是否有新發展，是否有就李惠利地皮徵詢浸大，他一直拉扯；首席助理秘書長劉家麒指有用既有機制徵詢浸大。
批評官員兜圈
食衞局副秘書長謝小華指出，去年10月10日與浸大高層會面，當時校長表達與尖沙嘴街坊福利會合辦中醫院有困難，浸大提出改在李惠利發展，之後提供一頁大綱草圖。她稱，當時以為政府已批了整幅李惠利地皮予浸大興建學生宿舍，「當時話只要將就下，可以起埋中醫院」，她承認局方承諾向地政總署表達意向。
發展局副秘書長陳松青指，在決定改變地皮用途前，有諮詢相關部門，「大家都覺得冇問題，唔需要再留畀教育發展。」
陳新滋即時發火，批評官員不只兜圈，「呢件事由頭到尾，我哋係唔知道。就算特首（梁振英）喺電台話有同我哋諮詢，都係唔正確。」他指食衞局常秘袁銘輝未有履行承諾，「佢應承幫我哋去溝通其他部門，將李惠利（地皮）作為中醫院。」立法會昨通過無約束力動議，反對更改李惠利南面地皮用途。
因愛成恨爆大鑊？法總統舊愛出書揭大話
1 :
GS(14)@2014-09-07 12:03:25法國前第一女友、總統奧朗德的前女友特里耶維勒推出新書，指奧朗德是偽君子，表面想打擊有錢人，實質卻也嫌棄窮人，認為他們沒用；她又大爆分手後，奧朗德仍然死纏爛打，新書一出已成法國亞馬遜網站暢銷書榜冠軍，預計將對奧朗德政途投下震憾彈。新書《Merci Pour Ce Moment》（暫譯：謝謝這一刻）今日推出，全長320頁，封面註明「句句真言」。書中提到去年12月，奧朗德和女星茱莉加耶的緋聞傳出後，奧朗德曾向她發誓否認事件，結果一個月後便被傳媒登出二人幽會的照片，她一時難以接受現實，服食大量安服藥入院，但強調自己不是自殺，只是想睡一覺。奧朗德最終宣佈分手，但仍對特里耶維勒念念不忘，曾一天傳29個短訊，說「仍然需要你」、「如同今次選舉，我會把你贏回來」等；直至今年8月12日，奧朗德60歲生日當天，傳出他快將迎娶新歡的消息後，他仍再傳短訊說：「（消息是否屬實）由你決定。」美國《紐約每日新聞》
來源:
http://hk.apple.nextmedia.com/international/art/20140905/18856651
NBC大話主播停工對台成立小組捉痛腳
1 :
GS(14)@2015-02-10 01:06:52
美國全國廣播公司（NBC）《夜間新聞》主播威廉斯（Brian Williams圖），被踢爆吹噓伊拉克戰爭驚險經歷後，誠信破產，他前天宣佈暫時停工數天，工作由周末主持霍爾特（Lester Holt）暫代。「在職業生涯中，我採訪過許多新聞，但因為我的言行，令我捲入新聞中，實在令我感到痛苦。」威廉斯發聲明，揚言會重返工作崗位，「待我回來後，我會繼續努力，令信任我的人繼續相信我」。NBC拒絕回應威廉斯之後會否重返《夜間新聞》。
在節目公開道歉
消息指，威廉斯停工期間不會參與《夜間新聞》的編採工作，而除了NBC成立小組作內部調查外，對台美國廣播公司（ABC）亦成立秘密小組翻他舊賬，以便找到他更多痛腳。威廉斯被踢爆採訪伊拉克戰爭的驚險經歷全是謊話，他日前在節目中公開道歉。其後再有人質疑他二○○五年報道颶風「卡特里娜」風災時，自稱喝下洪水感染痢疾和看到死屍漂浮的報道都是謊話。美聯社
來源:
http://hk.apple.nextmedia.com/international/art/20150209/19034553
親建制前校長向政改三人組哭問：「政府講大話叫我點教下一代」
1 :
GS(14)@2015-03-08 12:49:18
■政改三人組在第二輪諮詢期最後一日出席教聯會論壇，由聯會主席鄧飛主持。張志華攝
【本報訊】政改三人組昨日出席由親建制團體教聯會舉辦的最後一場政改公開論壇，原本以為發言老師會一面倒支持政府，怎料先後遭中學前校長黃偉賢及小學老師王惠瑛，力斥人大八三一決定只為維護專制與篩選，與普選理念相違背，黃偉賢發言時更哽咽流淚，質問政改三人組：「政府帶頭講大話，你叫我哋點去教育下一代？」記者：林俊謙
政改第二輪諮詢昨日結束，而教聯會在諮詢期最後一日在旺角總部舉行政改論壇，政改三人組包括政務司司長林鄭月娥、律政司司長袁國強、政制及內地事務局局長譚志源、副局長劉江華均有出席，現場有約五十名教聯會成員參加。
■中學前校長黃偉賢昨發言時一度哽咽。
兩度被打斷發言
論壇主持、聯會主席鄧飛一開始點中台下舉手的中學前校長黃偉賢發問，黃開始發言強調自己是愛國愛港，但他一談及人大作出八三一決定，即突然激動哽咽，質問林鄭等官員：「局長、司長你哋要考慮，如果你畀唔到一個真普選香港人，香港教育係唔使做，因為……（哽咽）因為政府帶頭講大話……（激動流淚），你叫我哋點去教育下一代？」鄧飛眼見黃發言批評政改，即試圖打斷他繼續發言，稱可以提交書面意見，但黃未有理會，並批評人大政改決定明顯有篩選，「八三一決定明顯係維持篩選，篩選同普選根本係兩個相反嘅意念，我作為數學老師，唔會教同學有啲圓形係四方、有啲四方係圓形，我作為老師，係要教學生真嘢」，但鄧飛最終仍以要給其他人發言為由，終止黃的提問。
轟出閘門檻提高
台上的林鄭回應時則表示，對黃偉賢「作為教育工作者有使命感，我非常之受感動」，但指教育下一代認識《基本法》時，「教書應該由頭去教起」，又稱政府推動人大八三一框架下的普選，完全做到普及而平等，指出兩至三名候選人經提委會成員提名後，即可以交由全港選民投票。其後多名被點中發言的教聯會成員，均力挺人大決定，其中教聯會會長黃均瑜指，提委會篩走不愛國愛港人士合理。曾在立法會批評反對政改的泛民議員是垃圾的培青社主席陳志興，更批評黃偉賢作為教育工作者，應該保持中立，「激動啊、煽情啊、流淚啊呢啲，係無補於事，只會加劇社會分化」。這時鄧飛再點中台下一位小學老師王惠瑛發問，怎知王惠瑛也是反對人大決定，批評特首參選人雖然能以八分一門檻入閘，但出閘時則先經一千二百人小圈子提委會篩選，「咁就叫做普選？應該稱之為假普選」。譚志源回應時只重申，政改通過能為香港民主邁出一大步。黃偉賢及王惠瑛會後均批評，司局長在論壇上並無回應篩選是否與普選理念違背，黃偉賢指：「政府根本講大話，只強調普選有一人一票，但冇講出閘門檻會由八分一變成二分一」。
學者：政府難
Next Page