【又到三點三】三大連鎖快餐店比拼 邊間茶餐最抵最好味？
1 :
GS(14)@2016-09-17 16:16:53記者到大快活（左起）、大家樂、美心MX，購入兩款共六個茶餐作比較，包括西多士拼雞翼，以及迷你叉燒飯餐。
不少人為了慳錢，都會特意等到下午茶時間才醫肚，而連鎖快餐店提供的選擇多、速度快，加上總有一間喺左近，是不少人的下午茶之選。為找出最抵食、最好味的連鎖快餐店下午茶，記者到大快活、大家樂及美心MX，買了下午茶代表－－雞翼拼西多，以及較飽肚的迷你叉燒飯餐，比較他們的賣相、味道。
雞翼西多餐
大快活：
即煎西多士＋蜜味燒雞翼，配低糖凍綠茶/熱飲/汽水$29。西多約厚2cm，沒有餡料，三間入面唯一一份完整西多士。雞全翼以竹籤串起，方便客人拿着竹籤進食，感覺較整潔。記者評語（西多士）阿聰：「外貌冇問題，放入口就好大問題。唔脆之餘仲好厚實，好似食緊普通麵包咁，唔得。」
Daisy：「點解無花生醬嘅？有啲奇怪。好似單純將一塊麵包蘸蛋漿再拎去煎，同埋蛋漿好薄，唔係好覺自己食緊西多。」
Amy：「太淋，同埋有少少油膉味，入面係純粹白色嘅麵包，要浸好多糖漿先有味。個樣還好，唔係太燶，都係金黃色。」
大家樂：
特色雞翼．西多士（半份），配茶/咖啡/汽水$24，配至COOL冰冰$29.5。西多約厚2.5cm，為三款入面最厚，亦是唯一一款有花生醬作餡料。雞全翼長度與另外兩款相約，沒有以竹籤串起，較不方便，但亦避免了竹籤插口的可能性。記者評語（西多士）阿聰：「有啲花生醬喺中間。鬆化，花生醬惹味，係稍稍唔夠味。三個入面最合理嘅西多士。」
Daisy：「呢件終於有花生醬，似返平日喺茶記食到嘅西多。不過蛋漿好似唔夠，塊皮食落唔香口，無乜味。花生醬救咗佢。」
Amy：「中間有層花生醬，味道Rich好多，唔係死甜，因為西多如果只係靠糖漿就會死甜。花生醬係搽到成件西多都有，唔係得中間有，幾足料。」
美心MX：
蜜糖燒雞翼．西多士（半份），配奶茶/即磨咖啡/汽水$25。西多約厚2cm，雞全翼同樣以竹籤串起。記者評語（西多士）阿聰：「好淋，無乜味。唔好味。個色都好淡，我覺得炸得唔透。」
Daisy：「三個入面，佢個蛋香味最濃、最出。雖然佢無咗我最愛嘅花生醬，但係我覺得西多都應該要有蛋香，另外兩款食唔出蛋香，所以我最鍾意呢款。」
Amy：「呢個好似自己屋企整咁，因為佢本身係好普通嘅麵包，係大家平時買嗰種薄薄一塊嘅方包。」大快活的西多士最大件，但記者試食後覺得味道單調；而大家樂的西多士就有花生醬作餡料，味道較豐富，喜歡花生醬的不可錯過；至於美心MX的西多士就跟大快活差不多，但蛋香味更濃，想飽肚的可以選大快活，想輕嚐西多滋味，可以選美心MX。
迷你叉燒飯餐
由於三間快餐店的迷你叉燒飯套餐食品不盡相同，為公平起見，我們只比較三者的迷你叉燒飯。大快活：迷你叉燒飯配碗仔翅$29。飯盒重約395克，為三間之冠，但叉燒份量卻是最少，只有7件共重約58克。肚餓可以選這一款，夠多飯，但若一心想吃叉燒，可能會失望。記者評語（迷你叉燒飯）阿聰：「叉燒非常瘦，少少肥肉都冇，唔韌。飯望落好似好多，有少少痴埋一嚿，好肚餓就揀佢啦。」
Daisy：「叉燒睇落好乾，食落䊹口，冇乜叉燒味，感覺上係一嚿乾爭爭嘅肉。飯唔係好夠豉油。一個肚餓嘅女仔應該勉強可以食得晒。」
Amy：「因為佢淨係得瘦肉，所以有少少硬，味道OK，幾入味。飯煮得太濕，擺入口好黏。叉燒咁乾，配呢種咁黏嘅飯，其實都啱啱好。」
大家樂：
酸辣湯．細叉燒飯$29，加$3配茶/咖啡/汽水。飯盒重約379克，有6件叉燒，叉燒淨重約67克。記者評語（迷你叉燒飯）阿聰：「叉燒唔係乾爭爭，有些少肥肉，唔會好䊹，有少少肥膏。飯無大快活嗰個咁痴埋一嚿，爽口啲。呢盒係三盒入面最平衡。」
Daisy：「有返少少油脂，但叉燒味唔夠、唔香。三盒飯入面最夠豉油，飯粒粒分明，唔錯。三盒入面會揀呢盒，因為份量適中，豉油夠，叉燒不過不失。」
Amy：「叉燒稍為靚啲，見到有少少肥膏喺肉中間，但味道無大快活咁濃。飯係出色嘅，因為佢係大粒少少，唔會太濕同太硬。」
美心MX：
迷你叉燒飯．蜜糖燒雞翼，配奶茶/即磨咖啡/汽水$30.5。飯盒重約306克，為三間份量最少，但叉燒卻十分足料，有10件大小不一的叉燒，共重約75克。值得一提的，是這碗飯有幾塊青菜，較為清新。記者評語（迷你叉燒飯）阿聰：「三個之中最細盒。詭異之處係有條菜畀你，健康啲，得呢盒有。叉燒都有肥膏，唔係淨瘦。叉燒我覺得呢個係最好食、最鬆化、最淋。個飯好淋身，有少少一嚿嚿既感覺。」
Daisy：「叉燒有啲散，亦係三盒入面最油，好過另外兩間，但都係有少少䊹口。飯都係粒粒分明，但飯香唔夠。」
Amy：「雖然細兜啲，但佢係有菜。呢款叉燒肥瘦適中，而且個色唔會好假，味道亦啱啱好。飯都好食，唔會太乾或者太濕，所以呢碗係最好食嘅。」大快活的飯量最多，但叉燒最瘦、最少；美心MX的飯量雖然不多，但叉燒卻最足料；而大家樂的飯量及叉燒量就中規中矩。肚餓又對叉燒要求不高，可以選大快活；對叉燒有要求又不太肚餓，可以選大家樂；如果是叉燒癡，想在下午茶過口癮，可以選叉燒份量最多的美心MX。記者：李煒汯攝影：林栢鈞
左起：大快活即煎西多士＋蜜味燒雞翼（$29）、大家樂特色雞翼．西多士（半份）（$24）、美心MX蜜糖燒雞翼．西多士（半份）（$25）。大快活的西多為完整一件，其餘均為半份。
左起：大快活迷你叉燒飯配碗仔翅（$29）、大家樂酸辣湯．細叉燒飯（$29）、美心MX迷你叉燒飯．蜜糖燒雞翼（$30.5）。
大快活的叉燒是瘦叉，試食記者認為太乾身。
大家樂（上）、美心MX（下）的叉燒帶脂肪，較為香口。
三款西多中，只有大家樂的有花生醬作餡料，其餘兩款為白麵包。
三間快餐店的雞全翼（左起為大快活、大家樂、美心MX）大小相約。
來源:
http://hk.apple.nextmedia.com/su ... t/20160915/19771060
【又到三點三】時間選擇靈活度比拼 撇開味道繼續鬥
1 :
GS(14)@2016-09-17 16:16:53除了食物質素，下午茶的供應時間、選擇、加配食物的靈活度亦相當重要，滿足客人的不同需要。
供應時間：大家樂大快活到6點美心MX最短
想吃下午茶，其實不一定要等三點三。三間快餐店的下午茶時間都在下午2時開始，大家樂、大快活供應至下午6時，而美心MX則短30分鐘，至下午5時30分。想下午茶當晚餐食的朋友，到大家樂和大快活似乎較合適。
茶餐選擇：勢均力敵各有約30款
大快活現提供七大類茶餐，包括即煎西多士、至迷茶餐、粒粒紅豆冰、皇牌茶餐、蜜味燒雞髀、蜜味燒雞翼、特式包包．多士，共29款茶餐。大家樂則有八大類茶餐：美式熱狗、輕鬆Tea一Tea、天天超值選、香烤蜜糖雞翼茶餐、沙爹牛肉湯粉麵、酸辣湯茶餐、細碗叉燒飯茶餐、鐵板炒麵茶餐，一共27款。美心MX現提供七大類茶餐，包括Double滋味腸熱狗、蜜糖燒雞翼茶餐、精選茶餐、XO醬撈丁、特選便當、滋味常餐、迷你叉燒飯、肉絲碗仔素翅茶餐，共31款茶餐。三間快餐店的茶餐類別及款式相約，打和。
加配優惠：美心MX最多款囊括食物飲品
大快活：每惠顧一份茶餐，即可「自由升呢」，在七款食物如泡麵、魚蛋、雪糕、雞翼中加配其中一款，價錢由$3.5至$9.5不等，選擇數量中規中矩。大家樂：每惠顧任何茶餐一客，即可享加配優惠，以$6.5加配雪米肉絲湯米粉或火腿絲扭紋粉，選擇最少，靈活度最低。美心MX：凡惠顧茶餐，即可享「下午茶輕鬆任你配」，在八款食物及飲品如上湯浸時菜、酸奶油香蔥薯條中加配一款，價錢由$6.5至$10不等，亦可以加配或將餐飲轉成大話七等特飲，選擇及種類最多。記者：李煒汯
大快活的下午茶餐牌，提供7類共29款茶餐。
大家樂有8類共27款茶餐，如酸辣湯茶餐等。
美心MX提供7類共31款茶餐，如Double滋味腸熱狗等。
在大快活每惠顧一份茶餐，即可「自由升呢」，加配一款食品。
大家樂的加配選擇較少，只有兩款粉麵可選。
美心MX的加配選擇最多，有酸奶油香蔥薯條等較有特色的食品，亦讓客人加配或轉配大話七等特飲。
來源:
http://hk.apple.nextmedia.com/su ... t/20160915/19770980
港股七日飆逾千三點基金續看好 薦金融及科技股
1 :
GS(14)@2018-01-07 15:48:53■本報昨走訪證券行，不少散戶均指近日有所斬獲。黎樹雄攝
【本報訊】港股尋頂七連升。恒指紅盤報捷後昨續高開，雖然一度倒跌但收市仍力保七連升，累計七日狂飆1,326點，連續兩日創2007年11月後逾十年高，雖然升幅大收窄，但整體上升股份數目仍近千隻，強勢板塊內房、醫藥、科技及汽車等全部有份落鑊。基金對後市續保持信心，並相信金融及科技消費類板塊有機會跑出。記者：莫亦熙 余倩敏
恒指昨早段一度再升209點，至30724點的逾10年高後乏力，午後更一度倒跌58點，收市升幅大收窄至45點或0.2%，報30560點，騰訊（700）及友邦（1299）分別升1%及0.7%再成領頭羊，另吉利（175）大漲3.7%為表現最好藍籌；H指升0.2%或20點，報12088點，不過在連日升市下，恒指及H指的9日相對強弱指數（RSI）分別升至79.8及75.9的超買水平。另外，全日主板成交額1,308億元，沽空連續六個交易日低於一成，昨只有8.8%。至於A股亦造好，滬綜指及深成指分別升0.6%及0.9%。
藥股金斯瑞急升27%
多隻強勢股昨爆升，醫藥股金斯瑞（1548）狂飆26.7%，北水昨買賣活躍，買額高達2.6億元，沽額則達2.46億元，同業國藥（570）亦大升9.4%；科技股方面，科通（400）飆7.7%，IGG（799）亦大漲3%；內房亦未升夠，世房（813）大升6.6%。另外A股多隻雄安概念股漲停，港上市水泥股亦有資金追捧，金隅（2009）狂飆8.5%。摩根資產管理亞洲區首席市場策略師許長泰昨表示認為，科技股與金融股盈利仍有上升空間，前者勝在有內地消費需求支持，後者則受惠環球經濟改善及加息。惟對於科技股，貝萊德中國股票主管朱悅指，該行目前低配科技股，認為在去年大漲後估值已達歷史高位，加上環球智能手機需求或放緩，繼而令科技企業利潤空間出現壓力。朱悅補充，今年看好銀行及保險股份，指前者估值便宜，且受惠環球利率趨升，而後者基於新產品利潤率高，估值又算合理，故亦看好。
耀才：開戶人數大增
另外在近日大升市下，有證券行指散戶開戶情況變得熾熱，耀才證券（1428）行政總裁許繹彬表示，該行近日開戶人數有所增加，由去年底每分行每日平均約5人開戶大增至平均約10至15人。本報昨走訪證券行，不少散戶亦指他們近日有所斬獲，亦對後市看法樂觀，普遍未對恒指今年設特定目標。
市民意見：
梁先生：去年底買咗騰訊等有實力啲、唔會輸好多嘅股份，升多少少就會沽貨。
黃先生：主要day trade恒指同H指期貨，如果北韓冇咩壞消息，大市都可能繼續向上。
來源:
https://hk.finance.appledaily.co ... e/20180104/20264506