Miki為BB食營養早餐冧飲老公「迷湯」：清茶淡飯好幸福
1 :
GS(14)@2017-01-09 08:11:28楊愛瑾（Miki）上年十月底宣佈為永安太子爺郭永淳陀B，一向面尖瘦底嘅佢就喺貼相上Instagram，話自己塊面「福氣咗」，仲好「圓咕碌」。睇番Miki啲日常生活照，發現佢近排多咗好多食嘢相，其中有一碗生果乳酪，佢喺張相度留言話：「準備吃我的早餐，Raspberries+ Blueberries+ Yogurt，以前都不會每天吃早餐的我，現在每天都會吃，因為肚子裏的小東西要吃嘛。」至於郭永淳雖然貴為太子爺，但佢原來都係「愛妻號」，日前Miki po相上IG，話郭永淳煲湯畀朋友飲，而佢獲得其中一碗，睇落好似冇特別，但Miki寫嘅hashtag就露晒玄機，佢話：「我最鍾意湯飯」、「清茶淡飯好幸福」、「他說這是全世界最好飲嘅紅蘿蔔湯」，重點係最尾嗰個「我好贊成」嘅tag，郭太明顯冧到暈。
來源:
http://hk.apple.nextmedia.com/entertainment/art/20170109/19891283
香香盼幸福摸醒獅
1 :
GS(14)@2017-01-12 08:08:32■香香昨日到灣仔為咖啡店剪綵，興奮地摸獅子全身。
岑麗香婚後回港，近日頻頻出席活動，昨日她在灣仔為咖啡店剪綵，穿露膊裝露幸福「事業線」，而醒獅隊喊口號「摸獅子會連生貴子」，香香興奮摸獅子全身。她稱工作時得到很多人祝福，她說：「摸定先，佢哋話摸獅子由頭摸到尾會帶來幸福。」她透露不會太快造人，因下月要開劇。現場香香學整冬甩，笑言一個代表自己，一個代表老公強強，另一個則是二人愛情結晶，平時二人也會一起下廚。香香之前拍飲食節目學懂一些住家菜，問到可會煲補身湯水令老公強身健體，她笑說：「我哋煮嘅都係簡單餸菜，有時煲清熱、溫和嘅湯水。」採訪、攝影：王連連
來源:
http://hk.apple.nextmedia.com/entertainment/art/20170112/19893662
有線索主播做幸福人妻余思敏甘做鄭中基背後女人
1 :
GS(14)@2017-02-08 22:31:34講起劉明軒，就會聯想到一班有番咁上下質素嘅有線女主播，雖然當中有唔少人已經過檔，甚至轉行，但亦有好多人嫁咗人，生活得幾幸福咁㗎！余思敏啱啱喺上個月，喺老公鄭中基個唱中當眾咀嘴晒恩愛嘅余思敏，喺2011年同鄭中基奉子成婚，同年佢辭職並誕下囡囡Emma，佢再喺前年生埋囝囝Evan湊成「好」字，余思敏當日喺紅館台上發表有「愛的宣言」效果嘅說話：「我可以做到嘅嘢好少少，我只能夠喺佢後面畀佢最強大嘅後盾同支持，等佢可以冇任何後顧之憂可以做佢鍾意做、想做，同埋需要做嘅嘢。」陳貝兒貴為有線娛樂新聞台嘅開台主播，於03至09年期間活動於有線，其後離職及一度轉行，兜兜轉轉都係返番去娛樂圈，現為無綫主持及主攻司儀工作。佢喺2011年宣佈與拍拖兩年嘅圈外男友黃國棟結婚。婚後佢繼續幕前工作，亦有擔任綠色非牟利團體Green Monday嘅執行總監，致力推動綠色環保生活態度。鄭文同樣係有線娛樂台主播嘅鄭文，早於07年已跟男友李英傑喺丹麥註冊結婚，到2010年先喺香港補擺喜酒，其後鄭文分別於2010年及2015年先後誕下囡囡Sabrine及囝囝Sansone，而鄭文更為咗多啲時間照顧囡囡，於2011年毅然離開有線，跳槽到now，現時幫老公手，做賢妻良母。
來源:
http://hk.apple.nextmedia.com/entertainment/art/20170208/19921681
佐佐木希幸福肥賣Bra
1 :
GS(14)@2017-02-08 22:31:38■佐佐木希昨日出席代言品牌記招，不慎現雙下巴及麒麟臂。
日本女星佐佐木希為品牌UNIQLO拍了新一輯內衣廣告，並於昨日現身品牌於東京的記者會。希妹於廣告示範不同顏色的胸圍款色，她指拍攝時感到緊張，幸而現場大部份是女性工作人員，才能放鬆順利完成拍攝。
■傳將與渡部建（小圖）結婚的希妹，在內衣廣告中弗爆。
今日是希妹的29歲生日，早前她盛傳快做人妻，希妹前年被爆搭上諧星渡部建，報道指兩人已經同居，還將打算結婚，希妹似乎因太幸福甜蜜而心廣體胖，於活動上不慎露出雙下巴兼粗壯手臂。現場傳媒先祝希妹生日快樂，再追問她：「是不是有好消息宣佈？」與「是否已預約了著名餐廳慶祝？」，不過希妹只講「多謝。」未有直接回應婚訊便離開會場。撰文：程芬
來源:
http://hk.apple.nextmedia.com/entertainment/art/20170208/19920923
栢芝情人節dry到爆？茵媺陳豪圓方晒幸福！
1 :
GS(14)@2017-02-18 00:51:24三年抱三嘅陳豪同陳茵媺( Aimee)，先後咁生咗兩個小王子梓燁、浩鋒，同小公主凱婷後，雖然榮升咗做爸爸媽媽，但日前情人節，陳豪都好有情趣咁，約咗老婆去圓方睇戲戲，眼見產後仍未收晒身嘅Aimee，依然好饞嘴咁要買爆谷、熱狗，同老公邊食邊睇戲，認真sweet呢！情人節當日，4時許，發現帶住口罩嘅陳豪，喺圓方嘅女廁門外等人，等咗冇耐，就見到Aimee出嚟，跟住陳豪就搭住Aimee嘅膊頭，一齊行咗去戲院。唔知佢哋係咪驚情人節多人睇戲呢，驚去到冇飛賣掃興，所以陳豪BB一早已經喺網上訂咗票，去到戲院就一齊咁去咗自動取票機度攞戲票。攞完飛，佢哋就去咗小食部，買咗爆谷、熱狗同咖啡，而Amiee仲試食爆谷先買，攞咗熱狗後，陳豪就去幫熱狗「扮靚」，加茄汁、芥末等，其間有粉絲見到佢哋兩公婆，就好似見到利是咁開心，要求同佢哋合照留念，佢哋兩公婆當然好樂意同粉絲合照，之後就入場睇戲。另外，張栢芝就係情人節當日，撇低兩個囝囝，相約經理人Emily同兩個女性友人，去咗港麗酒店食自助餐。由於當晚係情人節，有好多情侶食自助餐，栢芝見到周圍都好多人，都有啲避忌，不時以手遮面，食到差唔多完嘅時候，佢哋四個女人就攞咗啲戰利品出嚟一齊分享，而柏芝就拆開咗一個粉盒，同姊妹們一齊研究，研究咗一陣就結賬離開。離開時，酒店預備咗玫瑰花，送俾在場女士，但栢芝就冇要到，送埋俾同行嘅朋友。
來源:
http://hk.apple.nextmedia.com/entertainment/art/20170217/19931151
混血名模婚後幸福肥Rosemary兩層腩肉玩瑜伽
1 :
GS(14)@2017-03-04 10:18:31【攀鐵鏈】■Rosemary（右）已考獲瑜伽導師牌，輕易在柱躉及鐵鏈上做高難度動作。
【淺水灣】混血名模Rosemary已經34歲，近年積極轉型，與老公Jason去外地搞音樂活動，同時亦迷上玩瑜伽，之前更與好姊妹貝安琪考獲瑜伽導師牌，她更做私人導師，以及推廣瑜伽運動工作。日前，Rosemary與兩名女友人現身淺水灣，同行還有兩名攝影師，原來眾人在拍攝瑜伽相。當日下午約3時許，身穿運動bra top及短褲性感運動裝束的Rosemary，在海灘附近出現，她趁未輪到她拍攝時，站在附近玩手機。Rosemary曾在行內以魔鬼身材取勝，現在愛上瑜伽的她反而身材有點走樣，目測她腰間出現「兩層腩」，未知是否因婚後太幸福，出現所謂的「幸福肥」。
【展功架】■影相時，Rosemary收腹擺瑜伽的蹲腿動作。
【睇效果】■Rosemary（右）相當緊張，每影完一個甫士即與攝影師商量。
【擠腩肉】■Rosemary彎腰玩手機，不小心擠出兩層腩肉。
搞養生活動
Rosemary玩完一輪手機消磨時間，等到她埋位拍攝時，即擺出不少瑜伽甫士，當中有「腿張開」，擒上柱躉等高難度動作，她對自己表現顯得緊張，不時影完一個甫士，即與攝影師研究，不愧是專業模特兒出身。記者昨日致電Rosemary，她透露近月忙為推廣健康生活的工作：「會在今個月中後，在峇里辦一個關於瑜伽養生的活動，現在很努力向這方面發展。」記者笑言她有少少「幸福肥」現腩肉，她就笑言：「情人眼裏出西施。」採訪、攝影：徐錦池、吳耀輝
來源:
http://hk.apple.nextmedia.com/entertainment/art/20170304/19946651
【舊愛幸福】熊黛林心急生仔
1 :
GS(14)@2017-03-26 15:38:18郭富城終於肯成家立室，其多位的前任女友都已嫁作人妻。
熊黛林
06年拍MV而相戀（圖），08年熊黛林生日，更在城城寓所33小時煙韌纏綿，但二人拍拖7年後分手。14年熊黛林戀上郭可盈弟弟郭可頌，兩人去年結婚並積極造人。
藤原紀香
00年拍《雷霆戰警》撻着，翌年紀香來港與城城補祝其30歲生日，城城被爆在紀香下榻酒店過夜。07年紀香與陣內智閃婚，兩年後離婚，去年再嫁片岡愛之助（圖）。
Amanda S.
00年得城城到Amanda香閨纏綿，女方穿內衣送城城出門。11年Amanda嫁意大利男友Christian，3年後離婚。日前她帶拍拖兩年半的男友出席活動（圖），揚言有意再婚。
鍾麗緹
93年為城城拍《希臘之旅》音樂特輯時撻着。鍾麗緹98年跟Glenn婚後生下女兒Yasmine，一年後與嚴錚再婚及生下兩女，11年離婚。去年鍾麗緹三嫁張倫碩（圖）。
姚正菁
城城曾自爆入行初期發展地下情，當時女友對他不忠，矛頭似指姚正菁。姚正菁早年結婚後生下兩女，惟去年傳她與老公分開多年。上年拍到姚正菁獲中年男陪行街（圖）。
來源:
http://hk.apple.nextmedia.com/entertainment/art/20170326/19970034
田北辰與6區議員退出新民黨稱理念有分歧 葉劉：勉強無幸福
1 :
GS(14)@2017-04-12 07:32:39■新民黨創黨成員田北辰昨宣佈退黨，結束近七年情。王心義攝
【本報訊】2011年有份創立新民黨的田北辰未待「七年之癢」，昨與該黨新西6名區議員一併退黨，田明言與葉劉淑儀理念有分歧而求退，強調「朋友唔一定做到政治上嘅好拍檔」，但退黨之時不會辭掉立法會議席。葉劉對田退黨表示惋惜，認為勉強無幸福，若對方認為做回「單身貴族」可獨立自由發表意見，會予尊重，並指相信留低的黨員會更團結，「對於我團結新民黨工作會更暢順」。記者：陳雪玲一直盛傳與葉劉不咬弦的田北辰終在昨日宣佈退黨，6名新西區議員包括鄭㨗彬、朱耀華、蘇嘉雯、陳思靜、吳家超及徐曉杰也隨他退黨，田強調與6人理念一致，否認拉隊走人，現階段未考慮另組政黨。
■黨主席葉劉淑儀稱田北辰離開，對她團結黨工作更暢順。
稱中聯辦未有阻止
田坦言早在2015年已因與葉劉在政策上意見不合，萌生退黨念頭，當時他提出的一簽多行封頂建議未獲葉劉接納，他承認組黨時對葉劉認識不夠深，長時間相處後發覺雙方難達共識，形容今次「因誤會而結合，因了解而分開」，指自己若續留在新民黨，雖然較易鞏固現有支持，「（但）我個人嘅理念恐怕要作出妥協」。他稱退黨前有知會中聯辦，對方未有阻止；被問到是否認為新民黨近年與中聯辦關係過於密切而求退？他說有關問題留給市民評論，但引述有地區聲音認為新民黨形象非常建制，但他重申自己是建制派，愛國愛港，「我肯定同中聯辦會保持友好關係，但亦保持適切嘅距離」，坦言會「say no」而不惜觸怒各方人士，又指若如李波事件，不可不發聲，有建制政黨背景或會尷尬。新民黨主席葉劉淑儀昨回應時意有所指，稱早於今屆立法會選舉後，田決定搬離原來在立法會大樓的房間與她保持距離，已知對方去意已決：「?家田先生選舉有成，佢想做返單身貴族，佢想有更大空間，獨立自由發表意見，我尊重佢決定。」她又指「男人都鍾意多啲空間」，稱過去6年來時而批評對方，「佢都話我好直率，係令佢唔開心，我對佢致歉。可能我的而且確太直率，傷害咗佢自尊心，我自己都要深刻反省，作為一個女性，如果我過去冒犯咗田先生，我向佢講對唔住」。
葉劉：團結工作更順
雖然田一拖六出走，但葉劉不諱言，「佢哋退黨係一個損失，但留低嘅會更團結，對於我團結新民黨工作會更暢順」，並隔空反駁田暗示新民黨與中聯辦關係太密切，直指對方是港區人大代表，「佢咪仲密切過我」，強調堅持原則非田北辰專利。田北辰未有如湯家驊當年退出公民黨時同時辭任立法會議員，田昨指市民投票予他多是認同其地區工作，指公道自在人心；葉劉則指西方有說法，退黨應辭議席，但自言不會對此太計較，只稱會培訓黨員下屆出戰新界西立法會選舉。
來源:
http://hk.apple.nextmedia.com/news/art/20170411/19986949
原諒老公走下去李心潔誕孖仔組幸福家庭
1 :
GS(14)@2017-04-30 15:22:15有人話一次不忠、百次不容。但李心潔就比較寬宏大量，就算老公彭順早年偷嗒靚模Liddy(李悅彤)，佢為咗頭家，佢選擇寛恕，結果譜出一段幸福家庭，呢段關係真係唔容易。2014年，《蘋果》踢爆導演彭順同o靚模Liddy喺圓方睇戲，其間佢哋仲情不自禁咁錫錫，咁事件曝咗光後，彭順就急飛大馬向老婆李心潔負荊請罪，李心潔為咗頭家，好快就原諒咗老公彭順，之後佢哋兩公婆仲齊齊發聲明：「「十二年的感情不是三言兩語可以說清楚的。目前一定很難過，難過是因為有愛，如果沒有愛或就容易處理了……我們會靜心聆聽自己的心走下去，讓時間告訴我們答案。」經過逾月來的靜思同沉澱，同年7年，李心潔復工替港視拍攝劇集《選戰》，之後佢嘅作品都多，15年就參與師傅張艾嘉嘅電影《念念》，工作量並不多，去年1月，心潔仲公佈成功懷孕，陀住彭順嘅孖B，同年7月心潔喺吉隆坡為彭順生咗一對孖仔，哥哥彭濟雲，弟弟彭子然，真係可喜可賀！另一邊廂，心潔嘅好姊妹楊采妮大前日都喺微博公佈好消息，就係佢都生咗對孖仔，哥哥叫叫Ignatius，弟弟就叫Aloysius。
難得生性暴龍哥創科眾籌夢，遭隱世肥報販秒殺！
https://goo.gl/hnEB7D「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170430/20006541
Next Page