東亞銀行嫌依家嘅業績未夠牙煙？ 中環客
來源: http://hkcitizensmedia.com/2016/08/19/%e6%9d%b1%e4%ba%9e%e9%8a%80%e8%a1%8c%e5%ab%8c%e4%be%9d%e5%ae%b6%e5%98%85%e6%a5%ad%e7%b8%be%e6%9c%aa%e5%a4%a0%e7%89%99%e7%85%99%ef%bc%9f/
醜婦終須見家翁，東亞銀行喺8月19日交易時段公布成績表，業績倒退三成七，東亞中國嘅壞帳比率升到2.8%。
雖然東亞中國聲稱近期批嘅貸款因為改咗風險模式，穩健咗好多，仲聲稱有九成四貸款有抵押品跟。只不過，中環客對近一兩年批嘅貸款質素好懷疑，中國越嚟越多廠執笠走佬，地產又做唔起，中環客好懷疑果批抵押品嘅價值，而近一兩年批出嘅貸款係唔係更穩陣，東亞中國要提供更多資料，否則好難信佢囉。
但最嚇親中環人係，東亞銀行夠薑話要同微眾銀行合作，加快發展流動平臺，進一步拓展金融市場同個人金融業務。以上呢堆業務係乜嚟？微眾銀行之前都講過，肯定係個人消費市場業務，實係無抵押貸款多。個人金融業務，更加唔駛講，唔通你覺得班土豪會存錢喺東亞中國？係都落嚟香港存喺東亞銀行香港喇，甚至搵外資銀行算喇。金融市場業務，係咪提供更多孖展俾散戶炒股？東亞中國同東亞銀行本身都唔係強於投資銀行業務，唔通你覺得佢地會大搞IPO咩？
換言之，東亞銀行管理層似乎嫌東亞銀行業務未夠牙煙，一於富貴險中求，向更牙煙嘅業務進發，依家美國聯儲局加息如箭在弦，一旦美國加息搞出乜出嚟，中環客都唔敢估，東亞銀行班大孖沙勇成咁，作為東亞銀行投資者就真係祝你好運嘞。
所以公布完業績後，東亞銀行股價即跌百分之二以上，好正常，俾著中環客都三十六著，走為上著，投資喺啲咁勇嘅銀行管理層身上，不如留定彈藥，得閒賭嚇英超，甚至留番下個月賭嚇馬仔，都分分鐘賺得多之餘無咁大風險。
相片來源：www.seniorliving.org
【《蘋果》專訪】霆鋒難忘霉髧墮飯盒：最有家嘅味道
1 :
GS(14)@2017-01-28 12:04:15■謝霆鋒笑言可能在片場長大，所以覺得最好吃是霉髧墮飯盒。
謝霆鋒由影帝到食神，前日他跟韓國樂隊CNBLUE主音鄭容和為主演的電影《決戰食神》在北角接受訪問，電影安排在下月10日上映。在公在私話題離不開食，雖然霆鋒鍾意煮好食好，對食物有要求，但最令他難忘的仍然是片場飯盒，甚有《喜劇之王》中尹天仇的感覺。
■片中霆鋒跟鄭容和都是煮食高手。
■霆鋒和陳奕迅（左）拍節目時曾經掃街。資料圖片
■霆鋒跟鄭容和（右）合演新片《決戰食神》，訪問話題亦離不開飲食。
喺片場長大
霆鋒說：「做咁多美食，最好食係乜嘢？我真係會答喺片場我哋收到嗰盒霉髧墮飯盒。無論係魚香茄子、滑蛋牛飯或者蒸肉餅飯，個發泡膠盒邊仲要熱到溶溶地咁樣，係最有家嘅味道，可能我哋都喺片場長大。」旁邊的鄭容和透過繙譯表示認同，令他非常回味。原來霆鋒對貼地的食物情有獨鍾，喜歡去大牌檔和掃街，蛋撻就喜歡吃酥皮：「覺得最好食都係嗰間啦，擺花街。」想不到他跟末代港督彭定康品味相同，他補充：「呢個又係真係睇邊間㗎咋，大部份嘅酥皮已經開始好油。」
難搵靚鴛鴦
經常光顧茶餐廳的霆鋒，鴛鴦、西多士都是指定必吃，他慨嘆好港式的鴛鴦已經越來越難找，西多士一定要有花生醬：「個餡起碼要有花生醬，咁佢要夠厚，要真係沾蛋漿再去炸，最好係多士側邊嗰啲絲係脆皮，同埋油唔可以太老，唔係嗰塊包會變黑。」至於港人至愛的燒味飯，霆鋒認為精髓在於薑茸，如果整得好已足夠撈一碗飯吃，連燒肉、义燒都不用。他亦認同最好吃的腸粉是深水埗鴨寮街那一檔，反而最難找是一粒完美的咖喱魚蛋。採訪：何永寧、阿仙攝影：林德雄
來源:
http://hk.apple.nextmedia.com/entertainment/art/20170128/19911168
【長洲七月】返工來回四個鐘 長洲人：一落船已經有家嘅感覺
1 :
GS(14)@2017-09-17 16:29:44第三代長洲人的Harmony（李端儀），平日上班更要花約四小時往返。
第三代長洲人Harmony（李端儀）剛剛誕下女兒，但土生土長的她自稱為「非典型長洲人」，即非由小至大都在長洲讀書工作，她平日上班要花約四小時來回往返長洲，更稱不少長洲人都是這樣生活。
Harmony笑言長洲人堅持住在這裏，當然有實際考慮，就是樓價依然比較低，而更重要的是長洲就是家，「很多香港人認為家是甚麼呢？就是自己的單位，但很多長洲人對長洲的感覺就是家的感覺，每當坐船靠近碼頭，下船的一刻，長洲人就已經有回家的感覺，我們對自己的地方很有歸屬感，我們會稱自己為長洲人。」長洲有很多人情味的故事，加上獨有的生活環境，不是單靠金錢就能堆砌出來，但當她開始「點點長洲」計劃，記錄及推廣長洲故事的時候，卻看見很多舊建築物被拆掉，尤其是近數年間的旅遊業發展，令很多店舖都消失了，大多都轉為針對旅客的生意，她感歎好像很多人情故事、小店都正在消失。
Harmony稱很多長洲人，都是這樣花大量的時間往返長洲。
長洲吸引的地方，就是充滿人情味的故事。
感歎還感歎，她亦說很難界定這種發展是好是壞，始終事情的出現都基於有這樣的需求，反而長洲人擔心的是，很多店舖都被一些大魚蛋、芒果糯米糍這類比較單一的小食取替了，這樣的發展就非多向性而是變得單一，這樣長洲人的選擇只會變得越來越少。在Harmony眼裏，長洲不只吃喝玩樂，不應走完一條大街就折返，她建議遊客可以放慢腳步，慢慢深入發掘長洲的故事，看清楚這小島真正美麗的地方。其實能代表小島的，不是任何東西，而是一種感覺。製作：怪奇2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170911/20148789
Next Page