前面介紹過1965年至2009年的樓價，現在將佢劃成圖。由於早期數字很細，相對上金額波動較細，為反映相同的升跌幅度，下圖用了半對數表(semi-log graph)，例如樓價由$100升到$1,000係十倍，由$1,000升到$10,000又係十倍，用相同的長度表示：
李四叔自傳附錄最早的數據是1965年，當年發生銀行擠提潮，連恆生銀行都被擠，因而引發樓價暴跌，到1967年內地文革波及香港，引發暴動，結束了這一回樓市周期。港島區樓價兩年由$51下跌到$41，大約兩成。
自1969年遠東交易所成立，打破香港交易所的獨市，大量資金擁入股市，目前香港各主要地產發展商大都是這時上市，然後在1973年因假股票引發股票暴跌。港島區樓價在六年間由$41升到$220，大約上升五倍；然後用一年時間由$220跌到$176，大約下跌兩成。
樓市之後漸漸恢復，1976年結束文革，1978年中國開放改革，均令到樓市鼓舞起來，股市上出現爭相收購擁有土地公司的熱潮，資金流入樓市造成地產價格上升，卻在1982年出現香港前途問題引發樓價暴跌。港島區樓價七年間由$220升到$,1049，大約上升六倍；然後用三年時間由$1,049下跌到$698，跌幅達三成多。
隨著中英簽署協議，樓價由極低估值回升，雖然經過87股災、89六四事件、91波斯灣戰爭等，樓價均略為下降再創新高，直到97回歸後遇上亞洲金融風暴，再加上特區政府大量拋售土地及公營房屋，樓市暴跌，直到03年沙士後見底。港島區樓價在十三年內由$698升到$7,729，升幅達十一倍；然後用了六年時間由$7,729跌到$2,834，下跌六成多。
目前運行的樓市周期，由2003年開始，以2009年計，已運行了六年多，雖經08年金融海嘯的沖撃，仍能在2010年升破高位，向1997年的高點進發。暫時計算是用了七年由$2,834上升到2010年中的$8,078，上升接近三倍。
筆者總結到幾個共通點：
1. 上升的時間長，下跌的時間短：大部份的跌市，都係兩三年內搞掂，除左1997-2003果次，長達五年。不過之前個升浪係十三年，之後的升浪到今日為止已經行左七年。即係可以話，如果跌市係五年，見底之後五年之內其實都係安全期。
2. 上升的幅度大，下跌的幅度細：每一次樓市大升市，升幅都係以倍計，就以2003年至今的升浪，中原指數由最低31.77，升到而家接近90點，差唔多都有三倍。至於以前的大茶飯時代，五倍六倍十一倍都試過。跌幅呢？最甘果次建華八年，樓價下跌達六幾，即係跌剩一半都無，其餘多數都係兩三成。順帶一提，大升市中會有一ｄ小調整，跌幅都係咁上下，例子有89六四事件、波斯灣戰爭、金融海嘯等，都係跌兩三成就收工。
3. 升 市在金融及信心危機下結束：每一次當行到玩串左個金融體系，再加上人們信心崩潰，升市就收工，例如銀行擠提、股市暴跌、香港前途問題、亞洲金融風暴之類。 即使金融海嘯咁大劑野，點解都殺唔死升市呢？筆者認為，當政府有辦法救得生經濟同金融體系，而人們信心未失時，基本因素尚好時，升市仍然行落去；如果基本 因素又唔掂，金融危機解決唔到，信心又唔掂，咁就會玩，科網潮時樓市都曾經升過兩成幾，由於後來證實科網熱潮係流野，政府又大把把咁掟地同掟居屋，咁個跌 市咪繼續囉！
4. 跌 市由極端事件結束：所謂「血濺街頭係入市時機」，聽落去真係好刻薄，命仔都保唔住，仲講乜野入市丫？每次樓市見底，都有震撼人心的事件發生，例如暴動、燈 火管制、移民潮、傳染絕症之類。當人們覺得自己的生活甚至生命都受到威脅時，為求自保股票樓掟得就掟，個市就會見底。如果遇到呢類事件，機會就在眼前，不 過人類行為自然會令我地背道而馳，我地到時亦未必有實力入市。
只要肯付錢，要請Big 4不難。
我剛發現，在06年的年報，主營地點是香港的數碼港；在07年的年報，主營地點是澳門；在08年的年報，「集團總部預期可於2009年第2季末遷至馬來西亞」，而04年才在馬來西亞開首間辦事處。
我這兩天一直想，Tan Ting Ting(陳婷婷)會不會是馬來西亞人，陳的廣東拼音是CHAN，普通話拼音是CHEN，Tan應該是福建拼音，在中港較少人用，反而新加坡、馬來西亞比較普遍