|
||||||
|
上個月，南韓人 為泡菜供應少，價格升而哄動，今個月，墨西哥人為粟米漲價而嘈吵，印度人為洋葱價格倍升而上街示威，泡菜、粟米、洋葱係韓墨印三國人民之最大、最實際嘅民 生問題，政府不能不理。然則，溫總理吩咐曾特首處理好香港民生問題，邊樣係呀，冇咁容易搵到喎，我地好少食泡菜、粟米、洋葱嘅啫，即使係米價上升，香港人 都唔會嘈到拆天。 食物係經濟學概念中所謂inferior good，其收入需求彈性細於一，即係話假如我地收入增加百分之一，對食物需求嘅增加會少於百分之一。最簡單嘅例子係香港人整體上幾十年來越來越有錢，以 前要買米缸，過年就在米缸貼上「常滿」揮春，但如今極少人在屋企有米缸，年青人更不知「常滿」為何物。與六十年代相比，香港人口多2倍以上，但每年食米進 口有冇比當年多咗2倍呢？梗係冇啦。 香港人有咗錢、多啲錢，唔會緊張食物價錢，緊張嘅，一定係樓價。樓價上升，年青人就驚買唔到樓，樓價 跌，幾十萬個家庭就驚住成為負資產，樓價升跌，牽動香港人心，溫總屢次要求曾特首解決香港民生矛盾，照左丁山睇，樓價就係最大民生矛盾，亦偏偏係香港最大 地主─特區政府未能解決得到嘅，曾特首任內只能設法㩒住樓價繼續飆上去，二○一二年嘅特首如要在二○一七年經過全民投票連任，就一定要搵一個長遠方法嚟解 決樓價不能急升，不能急跌呢個大矛盾。 下任特首是誰，尚未可知，有人話要一注獨贏買唐唐，當地產專家振英哥冇到，幾大膽噃。唐唐有冇辦法解 決樓價矛盾，目前唔敢講，如果佢飲紅酒之餘，諗到一招類似撤消葡萄酒稅咁精彩嘅方式來解決樓價與樓宇供應大難題，就抵佢做足十年特首。撤消葡萄酒稅雖然係 曾俊華做嘅，其實在唐唐做財政司司長之時，已有構思，只因佢係紅酒飲家，為免俾人講閒話，佢先至唔撤消酒稅，留番俾曾司長做啫。冇咗酒稅，香港好快成為世 界紅酒拍賣中心，創造五千個職位，成績真係唔錯o架。 |
||||||