投资香港地產：地產新形勢(四) 阿牛

Random Tags

戒菸行承贈小違紀聯新超今勇敢據了董不丁建 Shatin 過動男睇下等永立瑞思州分坪新公提在馬五常易造科日 2101 兩華摺埋促馮傷得郭熙終轉 beats 削私和衍采取髮相局級懷無 cnvsus 頭吧的臉小村旅遊局伺機泥菩薩槍做樓指行去妖孽善後訂價

市場上最近有好多理論，阿牛都喺唔喺好信：

1) 住宅樓難炒，啲資金去晒炒舖，炒寫字樓，同埋工廈：

冇錯，舖喺好穩陣，阿牛都承認，但喺貨疏同難炒嗰吓死呢。樓上幾百單位，樓下得一個街舖，你話有幾黔貴呢，不過正因為咁，亦都貨疏到冇得炒，唔可能做到你又炒，我又炒。而且炒舖屬高專業投資，要嘅錢又多，因為價碼大，按揭成數又少。

商廈同工廈，唔多得舖幾多，而且炒唔起尤自可，炒得起就分分鐘俾政府，『同炒同閹』，咁一齊攞去抽稅，就立即死亡。大家諗諗，寫字樓租金如果貴到外資要撤離，咁就影響香港嘅商業地位；你做政府，你會點？抽稅嗰吓嘢就已經抽緊，好似煮餸隻油鍋就已經燒滾鑊油，順便放多兩件落去炸炸，你話有幾困難喇。

* * * * * * * * * * * * * * * * * * *

2) 遲啲樓價更貴，因為賣家要加埋增加左嘅成本落樓價度：

即喺咁，你話要娶老婆，後生時唔娶，人到中年，娶個四十幾歲嘅老妻，成本仲重呀，因為你外父額外養多左個女二十年，多花嘅米飯錢，胭脂水粉，衣服鞋襪，住宿費，交通費，醫藥費，全部要計晒落啲禮金度。你娶嘅老婆越老，禮金就越貴，因為啲成本轉嫁晒到你身上。

無賴啲講句：我好驚呀！

* * * * * * * * * * * * * * * * * * * *

3) 抽額外稅，屬暫時性質，見到成效就遲啲會撤消：

你唔駛幻想喇，冇可能撤消嘅。有兩個理由。第一，就喺我地政府決定政策喺超慢超保守，尤其喺已經實施緊嘅嘢，喺冇人會提出取消嘅。以前留落嘅嘢，好地地，有問題又冇人要負責，因為喺歷史遺留落嚟嘅問題；但邊個手痕攪佢，有乜依郁，就孭鑊孭到應，頭上嘅烏紗就喺咁先喇。

今次曾蔭權先生，手起刀落，夠膽推出呢條例，阿牛都超讚佢，有膽色，有承擔。推出之後，以後睇怕都冇人敢取消。

第二，就喺推出之後，業界都仲死頂，扮冇嘢，話個樓市仲頂得住。淨喺得阿牛一個斬釘截鐵，話今次死梗，其他人都一喺睇唔通，一喺扮冇嘢。咁即喺話俾政府聽呢招唔夠重喇，可以繼續，甚或乎再出多一兩招，打擊吓添都仲得。

所以話呢，中左拳就扒低，大大聲呻吟，扮死喇，仲扮冇事爬起身，咪棧俾人打多兩拳。

4) 個市仲升緊喎：

冇錯，仲有高價成交陸續做到，但喺你揸緊車，要煞車，都需要一段距離喇；何況樓市咁大個市場。1997年嗰次，咁大殺傷力，都冧市後平穩左幾個月先急跌喇，何況今次。

就算今次抽稅免強捱得住，息口遲早都要加，而加息喺今次樓市嘅終極死刑，呢個已經喺市場共識。所以到息開始加喇，你話個市點頂吖？

阿牛擔心今次個市嘅壞消息出得慢，出吓一個出吓一個，唔得乾手淨腳，反而個市跌得唔夠急；咁跟住個調整就可能會無比咁漫長，阻住阿牛嘅下一步入市行動。

假如邊個認為樓市仲有得玩，就等如阿牛前日講過，你個女朋友走去嫁左第二個男人；你仲喺度講：唔喺喎，佢對我仲有好感㗎，擺酒都有請埋我，又或者佢第二日離婚呢，又或者佢老公死左呢，我仲有機會㗎......

你話呢！