📖 ZKIZ Archives

【馮仁昭四圍超】梁浸浸冧暈契媽阿嬌

1 : GS(14)@2016-07-12 03:19:39

阿嬌　互聯網圖片


鄭希怡（Yumiko）嘅得意囡囡梁子柔（梁浸浸）好多星級契媽，Twins嘅阿Sa同阿嬌都錫到契女燶。阿嬌噚日凌晨就擺咗條片上ig，梁浸浸行來行去，對住個鏡頭甜笑兼拍手仔萌到爆，Yumiko就叫佢整beautiful eyes，佢即眨眼放電say hi，阿嬌仲問佢鍾唔鍾意契媽，梁浸浸就點頭示意，被冧暈嘅阿嬌即啜佢面珠仔一啖。





來源: http://hk.apple.nextmedia.com/entertainment/art/20160711/19689303
PermaLink: https://articles.zkiz.com/?id=303297

阿嬌公開徵婚想生B

1 : GS(14)@2016-08-10 07:54:51

■阿嬌不介意姊弟戀，最重要是彼此價值觀相近。


鍾欣潼（阿嬌）、林峯、張敬軒、鄧紫棋（G.E.M.）及王菀之等，前晚在九展出席「香港流行音樂MV頒獎禮2015」，阿嬌直認恨生B：「我基因唔差，但要搵個靚仔老公先。我唔揀擇，但基本條件要有，為下一代着想，要四四正正，經濟有基礎更好，細過我唔緊要，最重要思想成熟，彼此價值觀相近。」提到鄭嘉穎離開無綫，林峯認為每人所選的路都不同。對於最近內地實施「禁韓令」，林峯認為應該多支持中港台藝人。G.E.M.雖然晒半球示人，但心繫千語BB的林峯也目不斜視。採訪：馬建華攝影：沈健程





來源: http://hk.apple.nextmedia.com/entertainment/art/20160810/19729731
PermaLink: https://articles.zkiz.com/?id=305274

阿嬌拒接花球　驚嫁唔出

1 : GS(14)@2016-08-18 06:04:28

■阿嬌笑言接到花球半年不結婚，3年內會嫁唔出。



蔡卓妍（阿Sa）、鍾欣潼（阿嬌）、周柏豪、J.Arie及鄭希怡（Yumiko）等昨在九龍灣為電影《原諒他77次》開鏡。戲中Yumiko與阿Sa等為J.Arie擔任姊妹，Yumiko接到花球後順勢推給阿Sa，阿Sa即搞笑謂：「幻覺嚟㗎箒。」



■（左起）阿Sa、Yumiko等在片中飾演J.Arie（右）的姊妹。

Yumiko直言希望阿Sa現實生活中能得到幸福，阿嬌則笑言不敢接花球：「人哋話接完半年都唔結，就3年都嫁唔出。」她又自爆被楊受成問有沒有男朋友，記者笑指可以考慮楊生的兒子楊政龍，阿嬌說：「老闆叫我唔好，佢話我會傷心。」採訪：盧妹攝影：仇志德




來源: http://hk.apple.nextmedia.com/entertainment/art/20160818/19740643
PermaLink: https://articles.zkiz.com/?id=306375

Balenciaga闊身裙易顯肥　阿嬌面尖靚樣搭夠

1 : GS(14)@2016-08-21 08:11:08

闊袍大袖可以完全遮身形，但如果僅露出的雙腳、手臂、面部，仍是圓潤浮腫，就未必做到理想的顯瘦效果。阿嬌日前出席電影開鏡儀式，穿Balenciaga今個早秋系列的螢光黃色鬆身長裙，配Sacai過季厚底靴，全身密實又鬆泡泡，勝在手臂被半掩，加上下巴尖尖的高顏值外貌搭夠，總算修飾到圓潤身形。更多時尚、美容新聞，即上：http://add.appledaily.com




來源: http://hk.apple.nextmedia.com/entertainment/art/20160821/19744773
PermaLink: https://articles.zkiz.com/?id=306753

賀「霸道總裁」生日阿嬌：永遠愛你的我

1 : GS(14)@2016-11-23 07:53:23

蔡卓妍(Sa)自從同「的士陳」分手，身邊一直未見有伴侶，不過華麗單身嘅阿Sa一向係圈中嘅開心果，人緣極佳，前晚開34歲生日P，好友Yumiko(鄭希怡)、Niki(周麗淇)、鍾欣潼(阿嬌)及何超蓮等都有去，仲喪post合照上網。靚靚嘅阿Sa著上紅黑格仔衫，露出膊頭，大晒型格成熟美，阿嬌就喺Instagram貼出扮錫錫嘅相，留言：「生日快樂!生日快樂!生日快樂!重要嘅事情要講三遍，祝我的霸道總裁幸福快樂，心想事成，永遠愛你的我。」而好姊妹Niki亦有攬緊阿Sa嚟錫。至於，一直被外界覺得同阿嬌好似樣嘅超蓮，佢喺Ig寫道：「Sasa生日快樂!love you…」馬天佑就笑阿Sa一見蛋糕個樣，佢就留言：「睇吓邊個個樣咁含羞答答就知邊個生日啦!Happy Birthday!」




來源: http://hk.apple.nextmedia.com/entertainment/art/20161123/19842559
PermaLink: https://articles.zkiz.com/?id=316674

【馮仁昭四圍超】阿嬌囂張講胸大

1 : GS(14)@2016-11-29 00:14:45

Twins澳門站巡唱前晚假金光綜藝館舉行，激瘦20磅嘅鍾欣潼（阿嬌）連甲組腳都幼埋，蔡卓妍（阿Sa）唱《我們的紀念冊》時眼紅紅：「我哋仲可以企喺度行番出嚟，真係唔容易！」完騷後阿嬌話之前荷爾蒙出問題，戒甜同食得清淡，所以瘦咗，問到胸圍有冇縮水？阿嬌笑話：「以前有逼爆感覺，自己都頂唔順，嫌大。」阿Sa話：「喺我面前講，好囂張呀！」撰文：馮仁昭




來源: http://hk.apple.nextmedia.com/entertainment/art/20161128/19847456
PermaLink: https://articles.zkiz.com/?id=317405

阿嬌36歲生日　阿Sa連講3次愛你

1 : GS(14)@2017-01-24 03:00:19

鍾欣潼（阿嬌）前日36歲生日，除咗同屋企人慶祝，當然唔少得多年好姊妹阿Sa蔡卓妍啦。前日阿Sa就喺微博留言話：「今天是小嬌嬌生日∼今天是小嬌嬌生日∼今天是小嬌嬌生日∼生日快樂，生日快樂，生日快樂、祝妳每天都幸福美麗∼每天都幸福美麗∼每天都幸福美麗∼最重要身體健康∼身體健康∼身體健康∼愛妳喔，愛妳喔、愛妳喔、重要的事情必須要講三次，我講完了。」到前晚，輪到成班朋友同阿嬌慶祝，相中阿嬌對住三個蛋糕許願，而好友阿Fi(薛凱琪)亦留言話：「 Want you to know how I love your lovely soul and kind heart，謝謝妳的可愛，祝妳一輩子的快樂，希望妳和妳愛的人都身體健康！」




來源: http://hk.apple.nextmedia.com/entertainment/art/20170123/19906199
PermaLink: https://articles.zkiz.com/?id=323824

阿嬌新歡有女友

1 : GS(14)@2017-03-23 06:27:22

■鍾欣潼被指搭上內地富二代秦奮，但原來他已有女友「喜哥」（小圖）。微博圖片



現年36歲的鍾欣潼（阿嬌）情路坎坷，前日被爆疑戀上內地超級富二代秦奮，甘做跟得女友陪打波，阿嬌被對方摸耳仔即甜笑，表現親暱似足熱戀。據知秦奮的身價比王思聰還高，因撞爛價值逾億元法拉利超跑而一「撞」成名，但有指秦奮有正印網絡紅人女友「喜哥」，阿嬌疑做第三者被網友炮轟。昨有網友在喜哥微博留言問她是否分手？喜哥宣示正印主權表示：「我們很好，謝謝關心」、「我很幸福」。阿嬌則透過經理人霍汶希否認跟秦奮拍拖：「只是朋友呢。」好姊妹蔡卓妍被問到知否兩人拍拖？有否見過秦奮？阿Sa只表示：「朋友。」採訪：皓騫




來源: http://hk.apple.nextmedia.com/entertainment/art/20170322/19965717
PermaLink: https://articles.zkiz.com/?id=328382

【馮仁昭四圍超】阿嬌破戒賴阿Sa為食

1 : GS(14)@2017-04-13 00:24:08

「Twins LOL世界巡迴演唱會」日前喺福州開騷，蔡卓妍（阿Sa）同鍾欣潼（阿嬌）換新大長裙登場。阿Sa話冇諗過巡足兩年：「監製話最好講國語，怕歌迷聽唔明廣東話，但最後發覺歌迷每首廣東歌都識唱。」而戒魚嘅阿嬌收到歌迷送福州魚丸，佢話：「見阿Sa食到咁好味，最後我都忍唔住破戒，食第一啖感覺真係好幸福。」撰文：馮仁昭




來源: http://hk.apple.nextmedia.com/entertainment/art/20170412/19987456
PermaLink: https://articles.zkiz.com/?id=330297

阿Sa養得起阿嬌

1 : GS(14)@2017-04-13 22:40:33

蔡卓妍（阿Sa）和鍾欣潼（阿嬌）昨日在尖沙嘴出席《原諒他77次》首映，阿Sa指拍攝時有壓力，不過相信大家會有共鳴，她說：「一段關係經歷時間唔同諗法，有磨擦，男女觀眾都有反思。」阿嬌之前指「找到分享愛情飯碗」，她重申：「我咪話佢（阿Sa）囉！」阿Sa說：「我畀到佢愛情感覺，我養得起佢。」阿嬌解釋：「當時一定要講一個，但我冇男伴，咁阿Sa都適合。」另外，前晚阿Sa和組合Shine在金鐘出席有份聲演的電影《藍精靈：迷失的村莊》首映，徐天佑被問到幾時生仔？他一臉尷尬說：「再計劃吓，想一仔一女。」採訪：盧妹、黃曉妍攝影：沈健程




來源: http://hk.apple.nextmedia.com/entertainment/art/20170413/19988407
PermaLink: https://articles.zkiz.com/?id=330427
Next Page
ZKIZ Archives @ 2019