曾俊華選舉開支公開杜琪峯捐11.8萬兼拍飯局片
1 :
GS(14)@2017-04-29 23:24:44■杜琪峯為了培訓新一代電影人，推動《鮮浪潮》計劃11年。
杜琪峯昨日到柴灣宣傳與ViuTV合作節目《鮮浪潮．語》，鮮浪潮已經去到第11屆，杜Sir說：「其實?家呢個發展緊嘅年輕導演，其實係好需要人支持，鮮浪潮除咗提供平台，亦都係畀咗啲教育佢哋，希望嚟緊繼續有呢個平台之餘，亦可以多啲座談會、分享會，又可以介紹投資者畀年輕人識，始終鮮浪潮只係一個平台。」
■游學修收學生價演出兩套短片。
游學修再演中學生
杜Sir覺得時代不同，他只希望可以為電影業做多少少，支持新一代：「今年好多嘢搞呀，希望可以開到部新戲囉。」同場游學修參與其中兩套鮮浪潮作品，是學生價，他說：「其中一套係講做中學生，愛情題材，又有對性好奇嘅題材，而且演藝師兄搵先肯拍，因為自己再做中學生冇乜說服力。」另外，ViuTV《404不存在的國落》打入「2016電視節目欣賞指數」五強，成績比開台作《跟住矛盾去旅行》更佳，監製莫至剛回應本報：「希望大家可以認知到，呢個世界唔係非黑即白，同埋都要多謝一拍即合兩位有深度嘅主持人楊偲泳、岑樂怡，導演、攝影師，仲有沈旭暉教授。」
難得生性暴龍哥創科眾籌夢，遭隱世肥報販秒殺！
https://goo.gl/hnEB7D「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170428/20004022
「香港成為中國電影一部份係必然」杜琪峯：不放棄拍純港片
1 :
GS(14)@2017-06-25 09:57:08■杜琪峯稱對港產片仍然有信念，熱情未曾退減。沈健程攝
【香港20年】【本報訊】香港回歸20年，政治體制同內地越走越近，港片漸變成稀有。回歸前杜琪峯監製、銀河映像創業作《一個字頭的誕生》，被視為預示香港人對回歸的抉擇，稍後的《黑社會》系列大膽借世襲及任命，有暗諷香港政治意味。展望香港電影未來，杜琪峯斷言「香港成為中國電影嘅一部份呢個必然嘅」，但他依然不會放棄拍攝純港片的機會，鮮浪潮會是港片另一出路。記者︰何永寧 譚倩宜
■劉青雲主演的《一個字頭的誕生》探討港人回歸焦慮。
■97年《一個字頭》上映時，不少觀眾將它解讀成是香港人面對回歸的抉擇。
■由電影談到政治再細說鮮浪潮計劃的變化，杜琪峯跟讀者分享他的睇法。
今年金像獎最佳電影《樹大招風》由三位鮮浪潮導演執導，電影的命題，三大賊王的結局是「偶然」或是「必然」。引伸香港電影在回歸20年後，港產片迷都會問，合拍片是否已經成為必然的結果。導演杜琪峯早前在觀塘寫字樓接受訪問，他提供了一個肯定的答案說：「香港成為中國電影嘅一部份呢個必然嘅，97後至到近年嚟更明顯，睇嚟再10年20年都會係咁樣。」港片買少見少，合拍片成行成市，但杜琪峯執言不會放棄拍港片。他笑言因為一離開深圳，踏出飛機那一刻，因為語言及文化差異，已經變成半啞：「唔識寫嘢喇，唔識去講嘢。唔係話人哋有問題，係我有問題。最重要我嘅信念會係對香港電影，嗰個熱情係香港，呢個係我認識嘅地方。」
■杜琪峯的《黑社會》系列有暗諷香港政治意味。
■杜Sir坦言想拍更多純本土製作的電影。
■杜琪峯與韋家輝創立的「銀河映像」電影公司，至今成立21年，見證着香港回歸以來的變化。
不藉合拍片挑戰政治問題
但他強調一項事實，既然合拍片是必然，就不可以藉此挑戰政治上的問題，他說：「呢個無謂嘅事嚟，如果係咁你何必要合拍呢。香港好多電影，只要唔涉及呢啲問題，都可以拍。反而我有一個想法，有機會會再多啲時間去拍香港電影，唔理送唔送審，乜都唔使理，拍我自己點睇，想表達嘅嘢，呢個係我追求同我必須要做嘅事。」不少人視杜琪峯為鮮浪朝電影計劃的教父，目前的收成可以視為一個必然的結果。杜琪峯10年前進入藝發局，搞鮮浪潮電影比賽，當時已預料至少三屆（共9年）才有成績，他笑說：「除非有天才。呢個步伐係我當日預測。剛巧10年，先至出現咗一班有唔同想法嘅後生仔。鮮浪朝做咗應該要做嘅事，三部後啲人話你叻，至係咋。」杜琪峯作為先導者，有責任為新一代提供平台同渠道，只要他們認為電影有發展的話，都會盡量去協助。
■杜Sir手中握着的，正是電影《黑社會以和為貴》內的「龍頭棍」。
■電影《一個字頭的誕生》是韋家輝執導的作品。
■今年有數位香港電影金像獎得獎者如黃進等，均是由鮮浪潮計劃出身。
《黑社會》被視為政治寓言
在97年前的電影《一個字頭的誕生》是杜琪峯、韋家輝統領的銀河映像創業作出品，因為電影探討宿命，有人解讀為香港人面對回歸的焦慮。杜琪峯解釋整個創作到導演，都是由韋家輝負責，「講97問題好、社會迷失冇前景，係影評人加上去。當然你令到人咁加上去，你嘅戲必然有一個催化作用」。銀河影像堅持的是獨立同創新題材，他們的作品經常被人覺得有政治寓言，在電影《黑社會以和為貴》中內地公安對古天樂就講過「我們不是不相信選舉，只是擔心選出來的人會擾亂秩序」的寓意就最清楚不過，杜琪峯說：「我只不過想從電影講出嚟，時代嘅轉變都會出現唔同嘅人同方法，一個世襲同一個競選出嚟係存在嘅，唔係我作出嚟。至於睇成香港寓言，如果起步唔係咁嘅遭遇，可能結局唔一樣。」
■「香港電影係中國電影一部份。」杜琪峯說。
■杜Sir跟韋家輝合作無間，他坦言有些想法也是受韋家輝影響。
■電影《黑社會以和為貴》亦被大眾指有不少政治寓言。
■鮮浪潮計劃為香港電影圈孕育了不少新力軍，如（左起）黃偉傑、許學文、歐文傑等。
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/news/art/20170623/20065654