| ||||||
| 自 從TOM仔第二代掌門人王兟同王雷雷相繼離任後，好耐都無新聞嘅TOM原來係籌備重整旗下業務，事關內地今年正式推出第三代流動電話（3G）服務，喺移動 網絡寬頻化嘅大趨勢下，手機同互聯網關係越嚟越密切，佢哋覺得互聯網站嘅經營模式，亦都會面臨重大改變，所以上個禮拜宣佈，將旗下體育主題網站重新定名為 鯊威體壇，而娛樂新聞頻道就夥拍alive not dead藝人及藝術家網絡社群網站。新任首席執行官楊國猛親自帶記者上北京實地了解，佢話睇準競爭對手嘅弱項嚟攻，主力加強娛樂同體育內容。點解揀娛樂同 體育？佢話因為移動互聯網嘅世界，係一個個人消費娛樂中心，所以先拓展呢兩個網站。 alive現身撐場 佢哋仲搵咗alive四子一齊出席北京活動，alivenotdead.com聯合創始人之一吳彥祖話，TOM擁有好強嘅技術，能有效為網站推廣藝術家嘅創意。答得咁得體，認真識做。至於合作要使幾多錢？楊總無透露，但兩個頻道仍以廣告收入為主。 | ||||||