📖 ZKIZ Archives

季季紅: 燒味功夫

1 : GS(14)@2011-12-11 14:09:46

入面有季季紅、鏞記、太興等等

http://programme.rthk.hk/rthk/tv ... 011-12-10&m=episode

每一口燒味，背後都有一種秘技。
每一種秘技，背後都有一位大師傅。
每一位大師傅，背後都有一個香港故事。
每一個香港故事，背後都流露著獨一無二的香港精神。

「叉燒」、「燒肉」、「燒鵝」---- 香港獨家秘製的「港式燒味」，是世界各地唐人街餐館內的必然鎮店之寶，令香港揚威海外。

「功夫」與「燒味」有何關係呢？他們背後都是年月苦練的汗水與淚水；他們背後都是誓要做到最好的堅持與執著；他們都代表著香港人奮發向上、不屈不撓、力求完美的香港精神。

在「燒味功夫」節目內，我們邀請到香港影帝曾志偉，走進地道的燒味工場，掲示「港式燒味」美味背後的秘密與故事。我們將會以中國功夫的各種拳腳招式，以及運用刀、劍等武器的技巧，套用於燒製燒味的技巧之中，以中國功夫作比喻。不畏洪爐烈火，剛柔並重，刀法如神，是為「燒味功夫」！

節目將會通過四種最經典的燒味：叉燒、燒鵝、燒肉、燒乳豬，首次為觀眾披露燒製各種「燒味」的獨門技法。

我們深入香港碩果僅存最古老，位於新界屯門逾百年歷史的「地底爐」工場，見證最原始、最正宗的燒製大豬過程。位於中環的另一間老字號，以燒鵝起家的酒家，六十年來，堅持每一日每一隻燒鵝都緊守著同一個水準，六十年如一日。而所選用的每一種材料，烤製的每一個細節與技巧，都堅持最高質素。另外，今年已八十歲的燒臘店老闆蘇慶，四十多年前帶著最正宗的燒味功夫來到香港打拼，叉燒做得出神入化。還有令人「吃了忘不了」的燒乳豬高手－袁錦發師傅，由於燒乳豬要趁皮脆肉暖入口才是極品，所以由乳豬燒製完成到斬件上枱，送到食客口中，時間不可超過二十五分鐘！

舊式燒味工場，環境酷熱、惡劣。燒味，需要一場革命！而燒味連鎖店的創辨人──陳永安，就為香港的燒味帶來一場翻天覆地改變。
秘製「港式燒味」背後深藏著怎樣的「功夫」呢？
「燒味功夫」將會是一次尋找香港精神的色、香、味之旅。
主持：   曾志偉
播出日期：   2011年12月10日星期六晚上七時三十五分至八時三十分無綫電視翡翠台
2011年12月11日星期日晚上九時至十時國家地理頻道
編導：   馮永泉
監製：   鄧婉媚(外判製作)
莫彩蓮(國家地理頻道)
鄭惠芳(香港電台電視部)

---

2 : 游浪潮(3792)@2011-12-11 14:21:11

看落好正，湯兄有無興趣黎個飯聚

---

3 : GS(14)@2011-12-11 14:59:44

我晚上不愛出街

---

4 : 亞力士(1473)@2011-12-11 17:26:09

咁咪午聚 好閒啫

---

5 : GS(14)@2011-12-11 22:32:22

4樓提及

---

咁咪午聚 好閒啫

有機會，有機會

---

6 : 龍生(798)@2011-12-11 23:15:28

太興最好食, 我好鐘意佢甜甜的叉燒, 平均一個星期都食一次

季季紅係邊? 有冇話邊間分店最正??

---

7 : GS(14)@2011-12-11 23:20:20

6樓提及

---

太興最好食, 我好鐘意佢甜甜的叉燒, 平均一個星期都食一次

季季紅係邊? 有冇話邊間分店最正??

睇番8179個網站啦，招股書都有講

---

8 : idsdown(1658)@2011-12-11 23:31:31

睇開飯, 4間得一間有好評..

---

9 : GS(14)@2011-12-11 23:32:25

6樓提及

---

太興最好食, 我好鐘意佢甜甜的叉燒, 平均一個星期都食一次

季季紅係邊? 有冇話邊間分店最正??

撈飯食好正

---

10 : 龍生(798)@2011-12-11 23:57:50

湯兄: 是呀, 無汁都好好食, 水準穩定, 抵佢賣咁鬼貴

idsdown兄, 咁就無謂去試了....要撞手神....

---

11 : passby(15493)@2011-12-12 03:02:52

味精先係大師父

---

12 : 如詩之山(2344)@2011-12-12 15:52:47

只食過太興既叉燒, 好味但好貴...

不過有時覺得太興既叉燒甜得有少少過火, 食得多有少少膩..

---

13 : tom2288(5941)@2011-12-12 17:02:44

季季紅只食藍地老店, 個人覺得隻豬要食, 人多叫一隻好d, 其他無所謂, 亦可以不試!

---

14 : 肥B(18468)@2011-12-12 17:05:05

NO LA, 我係孤寒L, 只會同同事大圍食飯先會去太興, 實在貴得不合理.....而家一個午飯套餐(碟頭加冷或熱飲), 都40或以上了....

最頂癮係「頂級午餐肉煎蛋飯」, , 盛為 $36 (上一年仲係呢口價, 而家唔知幾多呢?)

---

15 : honey(6546)@2011-12-12 17:25:56

14樓提及

---

NO LA, 我係孤寒L, 只會同同事大圍食飯先會去太興, 實在貴得不合理.....而家一個午飯套餐(碟頭加冷或熱飲), 都40或以上了....
最頂癮係「頂級午餐肉煎蛋飯」, , 盛為 $36 (上一年仲係呢口價, 而家唔知幾多呢?)

真係富貴人飯堂

---

16 : GS(14)@2011-12-12 21:33:21

10樓提及

---

湯兄: 是呀, 無汁都好好食, 水準穩定, 抵佢賣咁鬼貴

idsdown兄, 咁就無謂去試了....要撞手神....

最衰我媽媽話肥，唔想我地多買，不然我一定買多D

---

17 : GS(14)@2011-12-12 21:34:00

12樓提及

---

只食過太興既叉燒, 好味但好貴...

不過有時覺得太興既叉燒甜得有少少過火, 食得多有少少膩..

他D師父好勁，食早餐、晚餐個湯都是咁，味千相對淡

---

18 : GS(14)@2011-12-12 21:34:59

14樓提及

---

NO LA, 我係孤寒L, 只會同同事大圍食飯先會去太興, 實在貴得不合理.....而家一個午飯套餐(碟頭加冷或熱飲), 都40或以上了....

最頂癮係「頂級午餐肉煎蛋飯」, , 盛為 $36 (上一年仲係呢口價, 而家唔知幾多呢?)

有接50蚊的一湯一菜餐....好貴

去大家樂我想80%左右吧....

---

19 : GS(14)@2011-12-12 21:35:22

最頂癮係「頂級午餐肉煎蛋飯」, , 盛為 $36 (上一年仲係呢口價, 而家唔知幾多呢?)

大家樂見過同類28左右

---

20 : 肥B(18468)@2011-12-12 21:47:48

19樓提及

---

最頂癮係「頂級午餐肉煎蛋飯」, , 盛為 $36 (上一年仲係呢口價, 而家唔知幾多呢?)

大家樂見過同類28左右

That's y I said it not worth to eat sth that with the same Quality but need to pay ultimately more........

---

21 : GS(14)@2011-12-12 21:50:55

去泰興都是食個待應同埋裝修...so I won't eat it

---

22 : 龍生(798)@2011-12-13 00:11:04

午市八寶飯加凍飲

盛惠62蚊....

叉油雞飯連凍飲, 都54蚊

---

23 : 亞力士(1473)@2011-12-13 00:32:00

覺得隻豬要食,<------- 呢樣野 我幾時都覺得

---

24 : 龍生(798)@2011-12-13 00:48:10

我幾時都咁佩服亞力士巨細無遺的洞察力....

---

25 : hsts(1521)@2011-12-13 19:58:27

22樓提及

---

午市八寶飯加凍飲

盛惠62蚊....

叉油雞飯連凍飲, 都54蚊

八寶飯會唔會係頭頭尾尾....62蚊好貴呀

---

26 : GS(14)@2011-12-13 21:14:32

24樓提及

---

我幾時都咁佩服亞力士巨細無遺的洞察力....

唔知講乜...

---

27 : 游浪潮(3792)@2011-12-13 21:15:24

26樓提及

---

24樓提及

---

我幾時都咁佩服亞力士巨細無遺的洞察力....

唔知講乜...

亞力士兄乃食豬高手，湯兄不明白也不奇

---

28 : GS(14)@2011-12-13 21:17:17

講緊邊個身體部位...?

我明是咪肥妹?

---

29 : CHAUCHAU(1254)@2011-12-13 21:43:35

古時叫失貞操,現代叫隻豬比人食左

---

30 : GS(14)@2011-12-13 21:51:18

29樓提及

---

古時叫失貞操,現代叫隻豬比人食左

....我無野講

---

31 : CHAUCHAU(1254)@2011-12-13 22:00:31

如果唔係電話無得比bj ,湯肯定收硬

---

32 : GS(14)@2011-12-13 22:01:15

31樓提及

---

如果唔係電話無得比bj ,湯肯定收硬

算啦，你唔好扣我太多呀

---

33 : 龍生(798)@2011-12-14 04:14:26

又唔會係頭頭尾尾喎

太興呢樣好, 同翠華一樣, 夠均真

收得你錢, 俾你的野, 一定幾好

---

34 : GS(14)@2011-12-14 21:57:41

33樓提及

---

又唔會係頭頭尾尾喎

太興呢樣好, 同翠華一樣, 夠均真

收得你錢, 俾你的野, 一定幾好

是啊，他們真是按你要求畀你，那次我去買燒味回家真是選到你滿意

---

35 : CHAUCHAU(1254)@2011-12-15 17:25:56

28樓提及

---

講緊邊個身體部位...?

我明是咪肥妹?

純到脫左節,咁多高手都未學到師?

bj己象徵性比,聽你話,下次唔好再回咁笑死人既答覆

---

36 : CHAUCHAU(1254)@2011-12-15 17:29:32

32樓提及

---

31樓提及

---

如果唔係電話無得比bj ,湯肯定收硬

算啦，你唔好扣我太多呀

比bj我都要陪你扣金錢ga

---

37 : Ben(10970)@2011-12-15 17:57:30

24樓提及

---

我幾時都咁佩服亞力士巨細無遺的洞察力....

個人對亞力士的觀察力和表達力之高真是由衷佩服。

---

38 : idsdown(1658)@2011-12-15 20:19:20

36樓提及

---

32樓提及

---

31樓提及

---

如果唔係電話無得比bj ,湯肯定收硬

算啦，你唔好扣我太多呀

比bj我都要陪你扣金錢ga

原來係咁. 多謝!!!

---

39 : GS(14)@2011-12-15 22:28:27

36樓提及

---

32樓提及

---

31樓提及

---

如果唔係電話無得比bj ,湯肯定收硬

算啦，你唔好扣我太多呀

比bj我都要陪你扣金錢ga

殺人一萬，自損一萬

---

40 : CHAUCHAU(1254)@2011-12-15 22:34:34

哈哈哈

---

41 : GS(14)@2011-12-15 22:34:56

40樓提及

---

哈哈哈

唔畀你窒

---

01年港姐亞軍　羨慕楊思琦襟撈鍾沛枝退隱賣燒味

1 : GS(14)@2016-08-13 14:59:36

【上月　拍拖行街】■鍾沛枝上月與澳洲籍男友藍先生在中環置地廣場行街。DV圖片



現年34歲、01年港姐亞軍鍾沛枝，自從07年離開無綫後，恍如失蹤人口，在娛樂圈銷聲匿迹，之後做過國泰地勤、公關及美容等工作。退隱娛圈9年，鍾沛枝日前被拍到與拍拖3年的澳洲籍男友藍先生在中環置地行街；沛枝透露半年前已辭工，暫時幫屋企打理燒味飯店，但未準備嫁人，她笑說：「可能我未ready有小朋友，想咁樣單身，都幾自在。」



台灣《自由時報》日前有報道題為「人前風光人後哀傷那些年沒那麼幸運的港姐」，被指貌似朱千雪的01年港姐亞軍鍾沛枝榜上有名；另網上有篇文題為「落魄港姐轉當航空公司地勤」也是說鍾沛枝。在無綫默默耕耘7年，仍寂寂無聞，07年決意不當藝人，轉職做國泰地勤，現在閒時幫家人打理燒味飯店。



■01年港姐亞軍鍾沛枝辭任地勤後，幫忙打理家人開的燒味飯店。資料圖片

【選美出道】■鍾沛枝坦言羨慕同屆冠軍楊思琦（中）和季軍朱凱婷（右）工作機會多。資料圖片

【轉任地勤】■離無綫後，鍾沛枝曾任職國泰地勤，並為公司拍了多輯廣告。資料圖片


拖富男友行置地

日前下午3時許，本報記者拍到穿上藍色連身褲的鍾沛枝，與同穿藍色衫的男子在中環置地廣場行街，兩人沿途有傾有講，大部份時間都是window shopping，之後便乘港鐵離開。據悉該男子是鍾沛枝的男朋友，經常都會在沛枝的微博孖公仔般出現。事後記者致電沛枝，她透露男友姓藍，是澳洲華僑，屋企做生意；近年男友為她留港並自立門戶賣紅酒，沛枝笑說：「拍咗拖3年幾，佢好人嚟嘅……對比之前男朋友。佢唔算高大，但OK啦，我唔好着高踭鞋囉。」覓得筍盤，到問幾時結婚？她說：「佢有計劃，但有小朋友要犧牲好多嘢，可能我未ready，過多幾年啦。」盛傳當年沛枝做國泰地勤，底薪僅得7,000元，她說：「當年喺TVB人工，做港姐啲騷亦比一般藝人高，算幾好彩。」沛枝自爆當年決意離開的真相，她解釋：「我臨走嗰年啱啱係收費台開，我都有四、五個節目做，最尾嗰年仲爆騷，但自己想做翡翠台。因為收費台做咗又冇乜人知，嗰陣諗住又後生，就去咗國泰，仲拍得多咗廣告

---

栢芝買燒味被問候

1 : GS(14)@2016-09-02 05:49:40

■張栢芝日前在沙田街市買燒味時，與老闆閒話家常。讀者提供圖片



張栢芝近來留港，讀者方小姐日前就透過本報「爆相爆片」，分享她在沙田第一城街市發現栢芝的相片。當日下年一時半，方小姐見到栢芝在沙田第一城的街市買燒味，還跟老闆有傾有講。方小姐說：「栢芝應該係燒味舖熟客仔，因為個老闆見到佢，就話『嘩！好耐冇見你喎，近排冇喺香港咩？』栢芝就答『一路喺香港，不過冇報紙報道啫！』」當買完大袋燒味後，栢芝就轉去另一檔買潮州魚蛋，心情超靚的栢芝全程都笑笑口，方小姐還聽到栢芝上車之前，拿着電話跟對方說：「買齊晒啲嘢啦，而家返緊嚟！」撰文：小米




來源: http://hk.apple.nextmedia.com/entertainment/art/20160902/19757027

---

【紅磡搵食】燒腊老店留守四十年　歌星紅館開個唱訂燒味

1 : GS(14)@2016-10-02 13:56:27

金源燒腊的關老闆說，附近很多街坊老店都搬走了，偶爾會覺得寂寞。



37年前的10月1日，觀塘線正式通車。當年地鐵開通為鄰近的小店帶來人流，到今天觀塘延線將落成之際，卻為小租戶帶來加租的壓力。「紅磡和土瓜灣都是舊社區，很多店舖都做了幾十年，（我們）很應該去保護他們。」Eddie除了是紅磡一間咖啡店的老闆，亦是這裏的舊街坊。



燒肉（例牌）(a)，肉和脂肪的比例剛好，皮夠脆而且香，$70。

走入黃埔街，好幾幢住宅早就人去樓空。老字號如小寧波，在紅磡活了幾十個年頭，卻也執拾包袱準備離開，可以想像這裏的老店也不過是苟延殘喘。「如果收購拆樓我都不做了，這裏做得多久就多久吧。」金源燒腊的關老闆說。四十年前，金源已在寶其利街擺檔，那時候還是開放式的街市，滿街都是叫賣聲，當然衛生也不大好。時至今天，金源已經搬入地舖二十年，在紅磡可以說是無人不識，「這裏很有人情味，以前在街市幫燒肉的客人，仍然會回來（地舖）光顧。」不少在紅磡體育館辦演唱會的歌星，也會安排唱片公司到金源訂燒味。不論客人是明星還是地盤佬，關老闆都會親自給他們送燒豬，「我們會自己駕車，又會幫忙斬和安排拜神的事宜，簡直是一條龍的服務。」他笑說，雖然過了四十年，金源的燒味仍然在自家的廠房燒製，燒肉仍然脆口，叉燒一樣有邊。街道雖然比以前靜了許多，金源能留下來，只因他當年用上二百萬買下這個舖位，「那時候儲了八年、十年才儲到啊。」老闆安慰的說，幸好當年買下了這個舖位，才能在紅磡留守四十年。



有老店留守，卻也有新店進駐。紅磡這條小巷，就有一位HR高層放棄70萬年薪而選擇開咖啡店。「相比其它地區，這裏的租金便宜得多。」老闆李明遠說，他在台灣體驗過當地的咖啡文化，就一直很想回香港開一間咖啡店。店舖原本只賣多士和咖啡，就連咖啡豆也是他親自炒和烘焙，但開業初期生意卻一般。「有些街坊告訴我們，即磨咖啡味道較濃，他們比較喜歡甜一點（像港式咖啡）。」為了配合街坊的口味，他就改變炒豆的方法，令咖啡變得沒那麼苦澀。後來鄰近的店舖又提議他賣麵食，好讓街坊和學生也有份飽肚的午餐，「他們都很好，願意給我意見，我也樂於配合。」雖然菜單改了又改，但他仍然堅持要賣最好的食物。好像滷肉麵（即肉燥麵）上的肉和配菜都是他來自台灣的媽媽煮製，就連水餃皮和餡料都是自己做，吃下去難怪有種住家飯的味道。



李明遠說自己一直想將台灣的咖啡文化帶來香港，因而開了Forest Kitchen。

滷肉麵(b)，麵上的滷肉都是李來自台灣的媽媽烹調，肉會慢慢在口中融化，味道鹹鹹香香，$24。

(a)金源燒腊茶餐廳紅磡黃埔街20號地下(b) Forest Kitchen紅磡蕪湖街58號1號舖記者：黃映嫚攝影：伍慶泉、許先煜




來源: http://hk.apple.nextmedia.com/su ... t/20161002/19788139

---

【飲食籽】燒味檔老闆　豪花百萬玩Hi-Fi落場聽小鳳姐

1 : GS(14)@2017-02-18 00:51:52

燒味檔老闆黃仲倫落場就會回家飲住紅酒聽Hi-Fi。



【飲食籽：追源尋味】燒味檔老闆黃仲倫，人稱燒味倫，今年53歲，1995年已在塘尾道擺檔，檔口播着強勁音樂，不是為了招徠，只因他是Hi-Fi發燒友，家藏過百萬元音響設備。他，是非一般街市佬！「我不是一般街市佬，一般燒味佬有空會到澳門賭錢賭馬，我十幾年前已經戒煙，我好乖啊！收工便會返屋企，平時只會飲杯紅酒、玩Hi-Fi聽音樂。」倫哥說。他個子高高，身形瘦削，穿着白色圍裙，終日坐鎮切檔，拿着大刀斬叉燒、燒肉，忙個不停。「做燒味舖不會蝕錢，點會蝕錢！做得好食，自然會有人來，不會蝕錢，好快翻本的。」他自信地說。他16歲出來工作，笑說甚麼行業都做過，最後入行做燒味，做過廿間以上的酒樓及燒味檔，間中和太太擺滷味走鬼檔為生，由於經常過着擔驚受怕生活，最後決定入舖賣燒味。「以前後生覺得自己有料，想將燒味做得好味給人吃，一展抱負。最初好多人話我好夠膽，我自己得三萬，問朋友借了幾萬元，再問外母借少少錢，籌夠十幾廿萬就膽粗粗開始。」

十多萬裝隔音牆　坐大班椅飲紅酒聽音樂

店開朝八晚八，工場設在在隔籬，只有百多呎，卻有18種出品。兩夫婦和四名員工要密密做、密密燒，才能應付出品。儲到錢後，看準機會便投資房地產，買下現時燒味檔舖位，雖然做得辛苦，生活總算無憂。「最初生意不像現在般多，經過自己多年努力，生意一年比一年好，我將配方改良很多次，自己親力親為，不假手於人，不是的話，如何得到世間財！」由於家在附近，他每逢中午落場便回家聽音樂，放鬆一下。來到他家中，廳的角落有一個CD櫃，本地歌手徐小鳳、鄧麗君、呂方等等，甚至古典音樂及外國歌手都是他的收藏。「碟買來不是收藏，是用來聽的，不是等他升值。一隻要幾千元，十隻都要幾萬元，自己不捨得，買時很肉赤，但都要買隻來聽。」他特意花了十多萬為客廳裝厚身隔音牆，最愛坐在大班椅飲着紅酒聽音樂，視為一種享受。「我聽音樂計一計都有廿年歷史，曾經換過的喇叭不計其數，現在這組牌子是Goldmund及EMM Labs，都用了兩年，整組音響設備便要百多萬元。」表面風光，他說賺的都是血汗錢，一身油煙味，手腕關節又勞損，背後辛酸無人明白。「做燒味佬賺這些錢很辛苦，如果有下一世，我都不想做燒味佬！」他苦笑說。



這組牌子是Goldmund及EMM Labs，都用了兩年，整組音響設備便要百多萬元。

蔡楓華的CD亦是倫哥收藏，當時買入價為2,000元。

1981年徐小鳳三洋頭版，俗稱徐小鳳「鹹蛋黃」，當時買入價為5,500元。

齒留香旺角塘尾道22號地下



記者：何嘉茵攝影：伍慶泉、許先煜編輯：梁浩維美術：孔文彬




來源: http://hk.apple.nextmedia.com/su ... t/20170217/19930302

---

【飲食籽】不平凡燒味佬：馳名叉燒，我係No.1

1 : GS(14)@2017-02-18 00:51:52

老闆黃仲倫是非一般街市佬，他是Hi-Fi發燒友，家中收藏過百萬元音響設備。



【飲食籽：追源尋味】街市總是卧虎藏龍。在露天街市內，叫賣聲不斷，人來人往，賣菜的、賣魚的、賣雞的……穿着圍裙，忙着搬貨賣貨。遊走江湖，他們最懂得營銷之道，靈活變通。在旺角塘尾道街市的「齒留香」，和不少餐廳同名，卻是一間招積的燒味檔。每日中午總會出現人龍，要排足半小時先買到。

獨門醃製叉燒　人龍排足半小時

未深入認識燒味檔老闆黃仲倫時，你可能會覺得他很寸。在舖頭大大隻字寫着「馳名叉燒，我係No.1」、「再三回味，馳名熏蹄」，夠膽自認是「全區最優質叉燒」，檔口經常播着嘈到拆天的音樂。「我覺得坊間叉燒不好吃，沒有一間可以和我比。幾排幾排一齊燒，賣完便燒，基本上無停過手。」他大口氣地說。每到中午，檔口總是擠滿人，有不少是賣26元燒味飯，亦有不少師奶斬料加餸。食客譚先生是街坊，他說：「我最喜歡買燒肉和叉燒，叉燒有時會用來炒飯。」叉燒和熏蹄是店內招牌，其中叉燒每日賣六箱脢頭肉，消耗量大。「我燒叉燒比較特別，要做得好，就要用大火扯鬆，再猛火焗，其實道理很簡單，每個師傅都識得講，但怎樣稱得上是大火呢？大火要燒幾耐先夠鬆？怎樣才算鬆？鬆了又要再焗多久？所有步驟要掌握得好，這便是一種技術。」他續說，「好多師傅怕將叉燒燒燶，叉燒未夠鬆身便收火，燒得唔夠火候，那就不好味了。我比一般行家會燒多幾個字，起碼要多十多分鐘，要燒起碼一小時。」叉燒雖然用的是雪藏肉，但他有一招獨門醃料，始終不肯透露。「這是我的搵食架生，幫我打工的師傅都不會知道我的配方，因為我每朝會親手校好醃料。這個秘方是我每到一間酒樓打工，學習再自己改良而成，是獨一無二，其他行家絕對模仿不到。」叉燒半肥瘦，質感較坊間的軟腍，咬落有豐厚肉汁。舖內還有各款自製黑滷水和汁醬。熏蹄專用的白滷水，由於要味道穩定，所以每日浸一次就倒掉。滷水汁藥材味不重，浸後不肥膩，質感爽實，每日賣近百隻。



燒味檔以叉燒最好賣，打正旗號說自己是「馳名叉燒，我係No.1」。金牌叉燒，每斤$90

花雕豉油雞，小店自設工場，出品多達18款，其中每日以自製豉油浸雞。$98

熏蹄，專滷水汁藥材味不重，浸後不肥膩，質感爽實。每斤$80


熏蹄專用的白滷水，由於要味道穩定，所以每日浸一次就倒掉。

老闆倫哥對自己出品滿有自信。

每日中午總會出現長長人龍，要排足半小時先買到。

齒留香旺角塘尾道22號地下



記者：何嘉茵攝影：伍慶泉、許先煜編輯：梁浩維美術：孔文彬




來源: http://hk.apple.nextmedia.com/su ... t/20170217/19930297

---

【飲食籽】深水埗15蚊燒味飯盒　好老闆：份量一定要食得飽

1 : GS(14)@2017-10-30 00:49:42

方師傅在準備$15飯盒。



【飲食籽：識飲惜食】「單拼、雙拼一律十五蚊一盒。」在深水埗基隆街傳來一陣陣叫賣聲，記者驀然回首，赫然發現長長的人龍。「我嚟買飯，有叉燒、有雞、有鴨，買兩盒飯，（點解會排隊買？）啱食同價錢非常大眾化，（點抵法？）十五蚊一盒。」正準備拿飯的街坊陳先生向記者表示其排隊原因。



深水埗，是一個香港最多基層市民的社區，在八月尾，基隆街一家新開張的燒味店「朗益燒味工房」，為深水埗基層市民傳來福音，推出抗通脹價：不論單拼或雙拼，劃一價十五蚊一盒燒味飯。十五蚊一盒飯，對於基層市民來說，絕對是一大喜訊，但對於一般市民，一定會聯想到將貨就價等問題，經記者多番試食，發現其「抗通脹飯盒」相當足料及有質素，絕不是「唔夠餸飯」，燒味店負責人方師傅及馮小姐表示只是跟足老闆的宗旨：「令客人食得開心，一定要夠餸食飯」來做事。


「有冇錢賺㗎？」　店長反對變支持

方師傅是該燒味店的廚房部負責人，負責監督廚房部的所有出品及店舖日常運作，他表示，推出十五蚊一盒飯是老闆的意思，自己曾經反對，認為賺不了錢，會損害店舖利益，不過老闆堅持，並以道理說服他：「『希望幫到街坊，錢唔係話要賺到盡嘅，呢邊基層又比較多，同埋希望客人可以對我哋有歸屬感。』（點解起初反對十五蚊飯盒？）在員工角度嚟講，梗係會諗有冇錢賺啦，如果老闆冇錢賺，咁我哋可能連打賞都冇呀。」朗益燒味工房是元朗利興燒味集團第一間九龍區的分店。利興燒味在元朗各分店均有推出十五蚊飯盒，並曾在金融海嘯期間推出八蚊一盒飯，但朗益燒味工房跟在元朗區分店的管理方式有別，老闆不會親自主理朗益，而將管理職責全權交給兩位店長：方師傅及馮小姐，兩位店長變相也被視作半個老闆。曾於大集團工作的方師傅形容，跟現在的老闆工作比以往好得多，「待遇方面，呢個老闆比我在大集團工作時更好，又沒有集團的政策綑綁，直接跟老闆工作我更喜歡，佢會知道我點樣辛苦、點樣賣力，唔使我用把口講，直接跟老細做嘢，優點係你功夫夠嘅，老闆梗係會對你升職加薪啦，但缺點就係，冇得蛇王囉，哈哈。」雖然自己一日工作最少十二個鐘，並由開業至今也未曾放過假，但方師傅表示自己不是最辛苦，最辛苦的是早早在排隊、準備買飯盒的市民，「啲公公婆婆、幫襯我哋嘅客人好辛苦啊，因為條行人路又比較逼、又窄，有時又落雨，排隊時又唔可以阻到隔籬啲舖頭，如果唔係又會過嚟鬧我哋。」


長者基層客人多　唔夠錢可賒數

另一樓面部店長馮小姐同樣是從大集團轉到朗益燒味工房工作，她說起初確是不太習慣，後來發現無論老闆、同事或食客，都比以往有更濃厚的人情味，「那時候心理上非常掙扎，因為我之前在中環比較高檔次的餐廳工作，「那時候心理上非常掙扎，因為我之前在中環比較高檔次的餐廳工作，呢家就在深水埗這個比較多基層市民的地方工作，感覺比較低檔次，但做落，同事們好醒目，又好快上手，真係卧虎藏龍，一點就明，唔使我點樣操心；方師傅又好隨和，老闆對夥計又好，我估唔到深水埗嘅客人個個都會唔該前唔該後，好有禮貌，做落好開心，所以我想長做。」她憶述，在深水埗工作讓她遇到從未遇過的事：「每日都有一個執紙皮的伯伯，佢自己會帶住個不銹鋼兜嚟買飯，份量比飯盒更大，我哋見到呢個情況，都會吩咐師傅斬啲雞胸位或者髀位佢食，見到佢我都會想幫吓佢，畀啲好嘢佢食；另外，有時斬料都遇過有客人唔夠錢要賒數，我哋都俾佢先，等佢轉頭先返嚟畀錢，咁有啲人會返嚟畀錢，有啲就唔返嚟走數。」不只是方師傅，馮小姐起初也對老闆推出十五蚊飯盒提出反對，「我同方師傅起初都反對老闆呢個做法，因為十五蚊盒飯根本冇錢賺，計算所有成本後，根本冇得賺，所以我哋曾向老闆提出要賣十九蚊一盒先有得賺，但老闆堅持賣十五蚊，仲吩咐我哋，飯一定要足，份量一定要夠，要確保長者同市民一定夠食，並且食得飽，老闆仲同我哋講，畀人食之前，一定要過到自己，先可以出街畀人食。」她更形容，從未見過一位老闆會主動幫員工斬料畀客人，非常親力親為，值得繼續為他工作。無論遇上怎樣的情況，方師傅和馮小姐都會緊守老闆的宗旨，「幫助市民，畀飯畀人時，要問自己食唔食得夠飽，先賣出去。」朗益燒味工房深水埗基隆街363-365號B舖採訪：嘿文攝影：伍慶泉編輯：陳慧玲


每天要預備大量叉燒飯盒，師傅都做不停手。

$15飯盒準時每朝10時開賣，街坊已早到排隊。

師傅在燒烤後檢查燒鵝，即燒即賣。


燒鵝跟燒鴨都以同樣價錢優惠街坊。

方師傅把煮好的燒味掛在店面，準備開賣。

開賣引來大條人龍，市民需拿籌以作識別。


雖然只是$15飯盒，但絕對份量足夠兼超值。

客人以長者為主。



來源: https://hk.lifestyle.appledaily. ... e/20171027/20195427

---