中環在線：李寧借「超級丹」發圍 李華華
|
|
李寧（2331）上個月喺深圳搞咗個打羽毛球嘅「李寧蘇迪曼盃」，李寧總裁張志勇話，包括「超級丹」林丹在內嘅國家隊隊員，全部用「李寧製造」嘅球拍，成功衞冕，證明球拍質素。
據張總講，佢哋嘅球拍賣380至1980人仔不等，超級丹當然係用最貴嗰種，聽講當日有好多人特登買番塊拍，搵超級丹攞簽名。
張總話贊助國家羽毛球隊，係想用嚟做切入點，進軍好鍾意打羽毛球嘅東南亞市場，正式「走出去」。佢仲話下月喺新加坡開嘅分店，主打產品就係羽毛球。
香港又點呢？張總話年底前應該買到佢哋嘅產品，到時大家咪可以以試吓塊拍係咪真係咁勁。
|
Next Page