2009-04-16 AppleDaily
| ||||||
| 坐 咗監4年幾嘅創維數碼（751）創辦人黃宏生，有望年底提早放監。早排創維新產品記者會上，高層放風話黃宏生有望今年底提前假釋出獄，重新帶領創維打天下 咁話。黃宏生04年11月被廉署拘捕，06年中被高院裁定串謀盜竊同詐騙上市公司資產等4項罪名成立，判監6年。 就算今次佢唔提前假釋，扣除節日假期，出 年就期滿出獄。聽創維主席兼CEO張學斌講，黃宏生精神唔錯，好了解公司最新情況，因為佢定期每半個月審閱公司文件，仲堅持喺公司內部刊物寫專欄，鼓勵員 工喎。華華相信，黃宏生假釋後都有排忙，因為家陣創維業績麻麻，佢一度寄予厚望嘅手機業務，最後要以一蚊賣盤，搞到血本無歸，機頂盒業務分拆上市又遙遙無 期。睇嚟，黃宏生都要花一段時間搞番好間公司。 | ||||||