王維基掟錢搞「香港電視」，即使政府發牌又未有期，公司日日燒銀紙，佢照樣企硬。上星期六（二十二日），城市電訊集團喺灣仔會展請員工開P，「香港電視」一班台前幕後都有份出席。前景未明，但王維基表現毫不退縮，仲口口聲聲話唔介意接收埋俾ATV炒嘅人。
當晚公司搞周年party聯歡，筵開百六席，王維基冇慳住使。雞髀打人牙骹軟，呢一招，永遠work！最起碼，輸人唔輸陣！