無限創意 細路潛力圖玩唔厭
1 :
GS(14)@2016-08-09 07:10:49楊凱博當年拍保險廣告，一句對白但交足戲，面情十足反差好大，成為唔少人嘅改圖素材。歷年嚟都有唔少經典電影對白或者相片一放上網，就有人手痕發揮創意，娛樂大眾，以下呢幾位無見過都肯定聽過：譚真一：講起細路cap圖，點少得譚真一同郭富城喺2009年上映嘅電影《殺人犯》。譚真一喺套戲入面患咗「不老症」，城府好深，電影尾聲佢同城城攤牌自揭身份，有唔少經典對白，例如：「我又諗起你老婆喇！」、「我唔應該叫你爸爸，應該叫你做細佬先啱。」由於對白精警，成日都喺討論區俾人拎嚟回覆用。成功小子：「成功小子」（Success Kid）就咁聽名未必知係邊個，但張相就一定睇過。呢位可愛小朋友喺海邊，右手握拳充滿信心個樣，好快就俾外國網民拎去改圖。其實「成功小子」今年已經9歲，過咗咁多年都人氣不減，上年仲幫患腎病嘅爸爸籌咗至少37萬港元醫療費。禮賓府學生：上年禮賓府開放日前席，特首梁振英更新網誌，話率先畀一班小學生參觀，仲話啲小學生「亦爭着替我拍照」。不過咁，網誌配個張相圖文不符，其中一位小學生企喺梁振英前面專心望住塊葉，直頭當梁振英無到。有網民就借呢位小朋友恥笑特首，又改成漫畫等等，變成極好用嘅潛力圖。好假的肥仔：大台兒童節目《放學ICU》嘅其中一個環節，搵嚟幾位學生介紹書籍，其中一位圓頭耷耳嘅男同學，被網民指造作，講嘢仲抑揚頓挫，似玩緊朗誦比賽。
來源:
http://hk.apple.nextmedia.com/entertainment/art/20160808/19727238