QQ結緣 原擬與女友湖南築愛巢
1 :
GS(14)@2016-07-09 06:37:03■女友早前公開指自己受騙，林榮基認為她身不由己。
【銅鑼灣書店風波】【本報訊】由平凡寡言的書店店長，一夜間成為鎂光燈下的人民英雄，受訪這天一身黑色的林榮基，一面疲累。他直言，只想做回一個平凡的香港人，繼續與書為伴，享受閒時看書、行山的簡單生活。林榮基又首度披露與胡姓女友的相識經過，表示在未爆出銅鑼灣書店風波之前，曾經計劃返回女友家鄉湖南，買屋另組家庭，開展新生活。可惜最終事與願違，慨嘆與女友開花結果的願望，就有如重過平凡生活一樣，遙不可及。「嗰時凌晨1點，書店已經閂門，咁啱未熄QQ，佢喺QQ問我點解咁夜未走」。QQ原為方便讀者訂書，殊不知竟成了他的紅娘。林榮基謂，當時與太太感情已觸礁，2014年出售書店轉任店長後，長期在書店過夜，遇上南下東莞工廠打工的女友，未見其人，已成交心的忘年網友。
「處境相似，特別好傾」
兩個天涯淪落人，由「點解咁夜未瞓」開始，打開話匣子，「可能因為處境相似，特別好傾」。相隔兩地，卻是天南地北無所不談，大半年後相約見面，正式交往。對於女友受累，林榮基說：「而家講乜都冇用。」不過對於外界指控他與女友交往，只為哄騙她寄禁書自利，就顯得有點動氣：「我想講未發生咁多事之前，我哋已經喺湖南睇中屋，諗住我繼續喺香港做嘢，佢返番湖南安頓，絕對唔存在我利用佢。」林榮基強調，有誠意與女友在一起，對她付出真心。已屆花甲的林榮基，育有兩子，前妻本是銅鑼灣書店會計，雙方感情拖拉多年，兩年前協議分居。引爆炸彈之後，林榮基直言曾與前妻見面，「梗係俾佢鬧餐死，反而兩個仔就好撐我」。對於胡姓女友獲安排被訪，公開指控受騙，林榮基說沒有怪她，「我都經歷過，講乜其實冇意思，都係身不由己」。由於被跟蹤受保護，在港仍得東躲西藏，大半生與書為伴，林榮基直言由他一手創立的銅鑼灣早面目全非，只希望事件告一段落之後，可另開書店重過簡單生活。「不過我知應該短期內都唔係咁容易。」他苦笑。■記者呂麗嬋
來源:
http://hk.apple.nextmedia.com/news/art/20160708/19686472