2016自製長假攻略新春請兩天假玩九日
1 :
GS(14)@2015-05-09 08:10:38【本報訊】政府昨公佈明年公眾假期安排，17日假期中有多個單日假恰好連接周末，對5天工作制的打工仔而言，相等如3日連假；明年元旦、農曆新年、復活及聖誕等4個節日，只要多請2至4日假，便可自製4個達9至11日的悠長假期，是近兩年來最長。有旅遊達人提醒今年適逢極光大爆發，建議市民可趁長假追光。記者：梁御和
政府昨刊憲公佈2016年的17日公眾假期安排，最令打工仔欣喜若狂的是明年可以自製4個長假。如明年元旦在周五，只要在今年12月28日至31日請假4天，加上今年聖誕公眾假期、周六、日等，便可連成10日長假，橫跨聖誕及元旦。農曆新年則「最筍」，由於年初一、二、三等公眾假期恰好在周一至三，打工仔只要在初四、五請兩日假，便可連成9日長假。
佛誕 國慶 均為周六
而明年的復活及清明節亦可放長假，2016年復活節3日公眾假期分佈在3月25日（周五）、26日（周六）及28日（周一）；清明節則緊接下個周一，故只要在兩個公眾假期中間請假4日，即可變成長達11日的悠長假期，是近2年最長的。對上一次則要數到2013年尾的聖誕節，有12日。而明年聖誕的方式與今年類同，只要請假3日便可製成橫跨元旦的10日長假。另外，明年的勞動節、七一、中秋節及重陽節等單日假期，由於恰好定在周一或周五，連同周六、日例假便等如4個3日連假。最蝕底的則是佛誕及國慶，兩日均踏中周六，由於大部份公司也不會為此提供補假，對打工仔而言等如「冇放過」。
今年極光大爆發
旅遊達人兼專欄作家項明生建議市民利用4個長假出國旅遊，「睇啲一世人點都要睇一次嘅嘢」。他指今年高緯度地區適逢極光大爆發，利用今年聖誕至明年元旦長假到冰島、加拿大黃刀鎮或挪威北部坐船出海追光。「有朋友前年去3次都睇唔到，我上年去就見到，今年重要係極光大爆發，我估100%睇到」。農曆新年方面，他建議可到玻利維亞觀賞天空之鏡。他解釋由於簽證問題，以往港人入境時要「屈蛇」或用BNO扮英國護照，惟該國剛在去年5月開放特區護照落地簽證，「當地2、3月係雨季，落完雨就有機會睇到」。他又建議復活節假可到荷蘭欣賞鬱金香，或日本賞櫻花。明年聖誕則可到歐洲，坐河船沿萊茵河遊覽多個歐洲小鎮及聖誕市集，感受節日氣息。
識睇睇留言
Louis Lam：「年尾攞定假先（大包圍）。」
Pythony Wong：「幾時先肯統一假期，唔再分咩勞工假、銀行假呢？又幾時先肯真真正正咁以五天工作原則去定假期呢？五天工作袋咗好耐，但又唔改變假期的定立方法，變相呃人！」
Agnes Tsang：「一來我星期六要返工，這些計法唔啱我用。二來我不會旺季去旅行，機票費團費等都超貴，又周圍都係港人同陸人……」
Wong Vivien：「太好了，補償番2015嘅年初三、端午節同Boxing Day！！！」
來源:
http://hk.apple.nextmedia.com/news/art/20150509/19141431