ZKIZ Archives

梅媽媽抽水中環 左丁山

2011-10-20  AD

美國有人「佔領華爾街」，全球有好多城市人響應，香港亦不例外。左丁山星期一早上經過滙豐總行，地下有人搭帳篷在內瞓覺啩？中午到 FCC吃過午飯，行一個大圈去到花園道落番嚟，特登經過滙豐總行地下睇一睇，有婦人向左丁山遞傳單，仲以為係示威人士反地產、反金融霸權㖭，點知唔係，乃 係為一位梅媽媽大伸寃，梅媽媽是何許人也，大家心照，大概係趁住有人在滙豐樓下紮營，傳媒嚴陣以待，準備隨時直播之時，給予梅媽媽支持者最佳機會嚟發洩情 緒，控訴甚麼不公。唉，梅艷芳一代歌后，何其命苦命薄也。
「佔領中環」之人席地而坐，梅媽媽之人在周邊派傳單，相映成趣，示威者究竟反對乜？左丁 山睇到最大一張鋪在地上嘅橫額寫住「廢除強積金」，強積金為何與示威者有深仇大恨，左丁山諗唔通，大概係如果廢除強積金，就可以推行全民退休保障啩？呢樣 怕好難咯，曾特首在最後一份施政報告已對全民退休保障說不，唔通唐英年或梁振英明年會 say yes？佢地真係夠膽廢除強積金，推行退休保障？下注博一鋪都制唔過，社工/社會學教授不懂經濟學，根本不懂得錢從何來，頂多話加稅、加稅、向富人抽多啲 稅；實行一場 21世紀之「階級戰爭」，即是「佔領華爾街」之宣傳口號， 99%vs1%，要求分產，富人嘔番多啲出嚟！
美國之百萬富翁至億萬富 翁（ millionaires and billionaires）佔人口之極少數，現在成為眾矢之的，要佢地交多啲稅。根據 2009年數字，呢批人繳交咗美國聯邦入息稅（ income tax）之 20.4%，有 46%美國人不用交聯邦入息稅（即七千六百萬個家庭），故此要講「公平分額」（ fair share）喎，實在難以界定何謂公平。
香港納稅人超 過一百萬，但全港勞動人口超過三百六十四萬，粗略言之，近二百五十萬人唔駛交稅，納稅人之中，頭十萬人交嘅稅佔全年薪俸稅絕大部份，呢十萬人就係香港嘅 1%，香港示威人士講佔領中環，打出「打倒資本主義」口號，抬出馬克思肖像，實在左得交關，用馬克思主義搞經濟，大家好平均呀，人人食粥水，用糧票排隊買 麪包吖嗎！