ZKIZ Archives


賤人藥房: 陳孝廉、吳禝鋒、周祐正

1 : GS(14)@2011-09-28 22:07:15

你咁迫人,有無想過會傷害多少人? 正賤人、垃圾,你玩人玩得耐,今次等法庭收你,不過間藥房都唔係好野







講野咁得戚,有無反醒過自己幼稚、無知,如果是識相,就應該努力工作,不應騙人,再騙人都要把你公示於世

不要隱瞞,否則最受害是你本人

本案緣於尖沙嘴海防道一地舖的業主,在 09年底發現租客擅自更改店舖用途,由影碟店轉為經營海港大藥房,遂向租客興訟,最終租客同意於去年 10月底前遷出。
同區另一間藥行東主 X先生,眼見該舖生意好決定同時租下,去年 9月 9日在經紀協助下,與業主簽下臨時租約,以每月 55萬元承租。詎料租約未生效,噩夢便開始。
X供稱,去年 9月 20日晚上他收工駕車回天水圍寓所,其間遭一輛私家車從後撞向車尾。 X下車查看,即遭三名大漢包圍。其中一人是周,自稱「我哋係海港同源泰嘅人」,並阻止 X致電求救。
周拿出自己的手機交給 X,電話另一端傳來:「唔好同我爭海防道間舖,亦唔好開新舖,如果唔係我一定搞你!」但該男子拒絕透露身份。
由於 X知道吳經營區內海港、源泰及上官燕等藥店,翌日致電吳大興問罪:「你有膽做就有膽認。」吳答:「食得咸魚抵得渴,唔怕你報警。」

「發生乜事我控制唔到」

同晚兩人到附近餐廳講數,吳囂張聲言其生意拍檔細 B不許其他人在海防道擅自開新藥行:「除非你肯同我哋合作,否則發生乜事我都控制唔到!」雖然 X不知道細 B是誰,但猜想應是有勢力人士。
10月 4日,突然有十多人聚集在 X的藥行門外叫囂,又用手機拍攝店員及衝入店內滋擾, X報警求助,稍後吳被捕。同月 12日, X取消新舖租約,取回定金。
同月 14至 19日,再有大批人先後到 X的藥行購物,隨後又以各種藉口要求退款,不勝其煩。其中一人臨走前留言謂「你最好同我老細傾吓」。
兩日後,吳安排 X與陳在海港大藥房內的配藥室單獨會面,其間陳態度惡劣,自稱是新義安陀地。 X憑聲音認出陳正是上次以電話恐嚇他的人。陳稱吳是其兄弟,並指摘 X:「搞到我冇咗間舖,你哋一完租約就要走,如果唔係要畀一半股份我!」他限 X三天內答覆。陳更自稱是有錢蠱惑仔,警方也沒他辦法。警方同日拘捕吳及陳。
案件編號: DCCC1359/10

五招恐嚇藥行東主

1〉駕車撞向事主車尾,三漢包圍他及恐嚇
2〉派十多人到事主藥行門外叫囂,用手機拍攝店員,更有人衝入店內
3〉接連多天派一大班人先後光顧事主的藥行,稍後折返要求退款
4〉要求事主交出公司一半股份,否則找人斬他
5〉向事主展示有關社團擁有龐大武器庫的報道
資料來源:控方案情
2 : GS(14)@2011-09-28 22:08:16

再嚇人、呃人、騙人就要受制裁,政府唔收、網上收,自己做壞事還要嚇人,就正一低能、無腦,做錯老師無教你要點做?

人地畀了錢就有權做,你不能這樣的
3 : 200(9285)@2011-09-28 22:10:02

佢發冷呀?
4 : GS(14)@2011-09-28 22:12:07

心虛
5 : Sunny^_^(11601)@2011-09-28 22:41:01

使唔使呀,有錢未大家揾囉,一人一間都仲有生意啦
6 : 亞力士(1473)@2011-09-28 23:11:54

我估有私怨
7 : 龍生(798)@2011-09-29 00:02:29

未必...似係陀地古惑仔一味靠惡居多...

諗住嚇到人地驚左佢地, 咁就得米... 又或者真係有一定勢力

可惜...今日幾份主流報紙一齊拎黎做頭版....

這班古惑仔引爆了大炸彈呢....
8 : terryyim(13133)@2011-09-29 00:43:27

7樓提及
未必...似係陀地古惑仔一味靠惡居多...

諗住嚇到人地驚左佢地, 咁就得米... 又或者真係有一定勢力

可惜...今日幾份主流報紙一齊拎黎做頭版....

這班古惑仔引爆了大炸彈呢....


而家應該冇人保佢地,個個睇到實

幕後可能仲有人
9 : passby(15493)@2011-09-29 03:40:05

X知道吳經營區內海港、源泰及上官燕等藥店

重點
10 : GS(14)@2011-09-29 10:57:35

6樓提及
我估有私怨


大家都玩野..睇下邊個高招
11 : honey(6546)@2011-09-29 11:49:30


12 : honey(6546)@2011-09-29 11:50:12

事件好嚴重,政府一定要捍衛司法制度及商人利益,不能容許不法份子破壞香港營商環境
13 : GS(14)@2011-09-29 12:12:11

http://hk.apple.nextmedia.com/te ... 104&art_id=15657593

X先生聲稱去年 9月 20日晚上收工駕車返家時遭人撞尾,首被告即海港大藥房東主吳禝鋒翌日約他,叫他若有空到深圳傾合作計劃,並說:「你唔使驚,我哋食餐飯,飲吓酒傾吓偈啫。」 X先生懷疑撞車事件乃首被告所為,「佢之前做咁多傷害我嘅事,我唔敢去」,故藉口推說:「我要睇舖,你返香港我哋再傾。」
首被告代表律師卻說了另一個版本,指是 X先生在去年 6月本與尖沙嘴一舖位業主達成協議,以月租 55萬元租舖擴展業務,後來首被告以 60萬元較高價錢成功「截糊」, X先生因此心生不忿。 X先生否認。
14 : 龍生(798)@2011-09-29 17:05:41

係呀, 我意思就是這樣, 玩到咁大, 一定用非常手腕雷霆鎮壓...

呢班古惑仔會遇到意想不到的警力去對付他們...

係真又好, 假都好, 姿態都好, 都要擺下架....
15 : GS(14)@2011-09-29 17:32:32

大家都有D野
PermaLink: https://articles.zkiz.com/?id=276083

【文化籽】從《紙牌屋》學習對付賤人

1 : GS(14)@2016-03-14 01:44:48

【文化籽:西遊記】《紙牌屋》(House of Cards)新一季剛出街。今季,講選戰。為爭取連任,美國總統出賣老婆,背叛同僚,卑鄙到無朋友。誇張到邀請埋奸夫食早餐,仲可以保持微笑。在賤格的層面,大概只有香港特首可比擬。


我愛Netflix。Netflix登陸香港,即惠顧。頂,原來冇招牌作《紙牌屋》。第四季在now TV上架,香港版Netflix才肯施捨頭三季。第三季,去年被嘲笑成套師奶劇,配角的戲份比主角還多。今季撥亂反正,大賤佬Frank Underwood同老婆Claire Underwood全力救命,整整十三集得一條主線:美國總統競選。撞正希拉莉即將惡鬥特朗普,推出的timing比杜汶澤齣《選老頂》或《選老坐》更好。第三季大結局最後一幕,第一夫人因為頂唔順老公當自己臭四,離家出走。失去一個民望高企的靚靚花瓶,一度搞到總統陣腳大亂。好一個美國總統,趁全國直播,三扒兩撥令到老婆焗住愛回家。這一點,香港特首不用參詳。他的老婆一來沒民望,二不靚,如果肯離家出走,特首和特首個女相信會興奮得開香檳切燒豬燒炮仗。香港市民也是。香港特首最需要學習的,現時,是如何消除對手。第四季內,跟總統合作多時的夥伴,三番四次被欺瞞被搵笨,忍無可忍,反枱,高調參選。轉個頭,即被嚇走,黑材料都未使出。好勁咩?濕濕碎啦,在背叛同僚方面,看看夢熊大師的遭遇,香港特首絕對夠資格開班授徒,你不用替他擔心。值得注意的,最震撼我的,還是美國總統如何擊退正義使者Heather Dunbar。
Heather Dunbar這角色,上季已經登場。律師出身,守法、公正、誠實,出戰總統競選,最大原因是想掃個賤人出白宮。以為今季必定正邪不兩立大戰連場?慘!基於戲份需要回歸男女主角,Heather Dunbar的重要性大減,出唔夠幾場戲,已被鏟除。點死法?死在守法、公正、誠實。盡量不劇透:其中有場戲,一班幕僚勸Heather Dunbar講大話,唔好承認見過一個不該見過的人,顧全大局。Heather Dunbar起初抗拒,又有點心動。到聽證會,被質問,Heather Dunbar猶豫幾秒,遲遲未能作答。好想話未見過,又講唔出口。最後,還是忍不住說出致命的真相。不習慣說謊的人,要說謊,始終不自然。不用讀心神探也清楚。然後,我想起香港特首向着全世界講大話時的嘴臉,仿似呼吸空氣、用雙腳行路、食完飯搵牙籤撩牙,自然而流暢。《紙牌屋》這短短幾分鐘,看得想哭。這是《紙牌屋》最好看的地方。不像教育電視,教育得太多,會引致抑鬱。你以為它誇大了政客的黑暗,看看周圍,它原來反映現實。現實中,要對付一個好人,像Heather Dunbar,永遠比對付一個賤人,像Frank Underwood,容易。還要容易得多。前三季,Frank Underwood與他所代表的政權已經非常無恥。今季,無恥程度似刀削面可以不斷進化。你講法律,他將對自己不利的證據消滅(不是說七警);你講程序,他強迫負責安排器官移植的官員扭曲原判(不是說港視);你講倫理道德,他利用外母死訊刺激得票(不是說齊昕)。你點夠佢玩?離譜到有個刺客拎埋手槍近距離暗殺,都有個忠心耿耿的死士衝出來擋子彈。面對一條打不死的無敵大賤人,一般平民百姓,是否無計可施?至少可以鬥長命。男主角兼監製Kevin Spacey話要拍足十二季,我就放長雙眼等到第十二季,睇吓到時你仲死唔死。最緊要還有東西期待。期待遇到一個美女做性伴侶,期待看見利物浦或阿仙奴捧英超,期待《紙牌屋》最後一集。到最後,你可能娶了個姿色平平的太太,你可能見證曼城之後車路士又曼城,你可能轉了煲《太陽的後裔》。不打緊,賺了過程。活着才見證到過程。



撰文:方俊傑

觀塘長大,壹仔打滾,偏愛西片、西劇、中日韓美女。利物浦悲慘球迷,非西人一個。facebook專頁:方俊傑



編輯:陳國棟美術:楊永昌





來源: http://hk.apple.nextmedia.com/su ... t/20160313/19525811
PermaLink: https://articles.zkiz.com/?id=297850

【分手反目】魏駿傑鬧滕麗名賤人

1 : GS(14)@2016-09-09 05:36:47

愛到濃時可以糖黐豆,但一反面可以不認人兼口出惡言,圈中唱衰前度大不乏人。


魏駿傑 滕麗名

二人於07年分手,3年後有網友在微博重提魏滕戀及復合,即被魏駿傑火速以「這種賤人趁早撇低,否則後悔一輩子」回應。


林宥嘉 鄧紫棋

鄧紫棋(G.E.M.)前年與林宥嘉分手,事後G.E.M.以5宗罪數舊愛,包括拒認拍拖、分手利用她宣傳、玩失蹤,約了兩家人卻失約等。


汪峰 葛薈婕

汪峰與章子怡結婚後,仍與舊愛繼續糾纏,葛薈婕為汪峰未婚生女,分手後多次在微博罵汪峰「負心、虛偽」,更詛咒「你快點死」,前妻康作如亦力數他出軌。




來源: http://hk.apple.nextmedia.com/entertainment/art/20160909/19764816
PermaLink: https://articles.zkiz.com/?id=308341

Next Page

ZKIZ Archives @ 2019