講膠所手記：習近平真的受傷了？
1 :
GS(14)@2012-09-06 11:03:36http://www.sharpdaily.hk/article ... 7%E5%82%B7%E4%BA%86
昨日邊單新聞大？YY揀「習近平背脊受咗傷」！係咁嘅，噚日，正在訪華嘅美國國務卿希拉莉同新加坡總理李顯龍，原本約咗同國家副主席習近平見面，但前晚11點外交部突然宣佈，取消曬佢同所有外賓嘅Meeting，據《華爾街日報》話，習副主席係背脊受咗傷，《德國之聲》仲勁，話原因係習副主席辣㷫班中共元老叔父，因為7.1嗰陣胡錦濤南下香港，佢靜靜雞開咗兩次軍委會議冇話畀班叔父知，所以班叔父勁唔妥佢喎。
香港班商家佬噚日好多都要開緊急會議，因為由習近平被確認為接班人開始，好多同佢有關但唔會見光嘅官商合作（你可以話勾結嘅）正式展開，好多Project仲較好曬鬧鐘等十八大開始就公佈，當中好多係上市公司項目，一旦佢出事，成棚人同佢攬炒。
話時話，兩個鬼佬傳媒嘅報導併埋嘅話又好似好堅咁款，因為，「習近平搞非法集會繼而俾人篤背脊篤到傷咗吖嘛」！
YY