講膠所手記：特區政府──我最想返工嘅地方！
1 :
GS(14)@2012-05-17 00:11:17http://www.sharpdaily.hk/article/fin/20120516/90426
「思歪」未上場先強勢，繼兇大家如果立法會流會就會點點點後，噚日輪到撐問責高官加薪，下馬威停不了，但呢一嘢，亦似乎開始露底了。
「思歪」似被勝利冲昏頭腦
坦白講，香港問責高官有幾做得嘢，全亞洲都知，煲呔主政下成個政府架構離晒譜，請請埋埋唔知幾多無謂人浪費唔知幾多公帑，市民亦鬧爆唔知幾多年。
一直以嚟「思歪」嘅戲軌係推翻煲呔所犯嘅錯，等香港重新上路嘛！殊不知，竟然反高潮進一步浪費我哋嘅公帑喎。難怪家陣咁多人恨入政府，因為環境仲好過瓦努阿圖。
其實「思歪」由落場比賽到跑出，一路都包裝到係醒目仔一名，叻過煲呔、勁過唐唐，點解呢次咁失策嘅？難道佢已經畀勝利冲昏了頭腦囉？
YY