ZKIZ Archives


袁澧林樂做爛瞓宅女

1 : GS(14)@2017-06-10 13:30:45

「文青女神」袁澧林(Angela)昨日素顏到旺角出席化妝品牌活動,即場示範新妝,她表示平時不工作也會化妝,不過放假多數做宅女:「多數全日留喺屋企,冇嘢做就睇戲,買外賣食,我係晚睡晚起嘅人,可以瞓到晏晝1、2點,瞓十個鐘以上。」她又透露昨天是拍拖兩年的男友生日,親手整了一個芝士蛋糕送驚喜。提到Angela早前拍攝ViuTV劇集《瑪嘉烈與大衛系列前度》,有傳劇中演員廖碧兒因怕被她搶鏡,所以經常黑面,對此她說:「我哋冇乜對手戲,唔會嘅!佢好靚,我哋幾friend,去馬來西亞宣傳時成日一齊講無聊嘢。」採訪、攝影:羅慧敏




來源: http://hk.apple.nextmedia.com/entertainment/art/20170609/20049257
PermaLink: https://articles.zkiz.com/?id=335117

會師中環:做爛市死路一條

1 : GS(14)@2018-01-28 18:39:01

會計界競爭激烈已經唔係新聞,即使是Big4,一樣要和中小型會計師樓打泥漿摔角,齊齊減價做爛市搶客。就市價而言,如果要搶客,減兩三成核數費用為基本消費,某啲情況甚至會附送其他專業服務。這種做爛市的打法其實已存在一段時間,老闆的賺錢思維是:「減價唔緊要,最緊要喺其他地方賺返。」所謂其他地方,說穿了就係拎員工開刀,只要每人無償加班幾小時,條賺錢數就計好了。這種想法雖然離地,卻十分湊效,所以減價戰就開始漫延全行。然而減價總有盡頭,員工加班亦有極限,這種「七傷拳」的打法終有一天連自己都打死埋,對公司甚至行業的長遠發展都冇甚益處。「七傷拳」打法,前提係要盡量將成本壓低,但現今的經濟環境已不再容許這種做法。通漲不斷、會計人員薪金重拾升軌、香港寸金尺土等因素都對會計師樓帶來相當嘅壓力,面對如廝環境,老闆們實在應該考慮建構一個更具持續性的生意模式,尤其是如何在AI和區塊鏈的大趨勢下增加效率和服務價值。可惜就我所見,現時行業做法就係使用更多「七傷拳」減價搶客填數。其實,減價戰的後遺症已漸漸浮現,例如公司越搬越偏僻,由中環去金鐘再到銅鑼灣;又或者要員工經常OT嚇到人才鳥獸散。如果老闆們到現在仍沒感覺,到冇彎轉時才醒覺,就未免太遲了。神仙丁《審計搵丁》負責人
http://facebook.com/AuditSlave/本欄逢周五刊出



來源: https://hk.finance.appledaily.co ... e/20180126/20286352
PermaLink: https://articles.zkiz.com/?id=347533

Next Page

ZKIZ Archives @ 2019