|
||||||
|
前兩個禮拜講過，一間中資證券行負責ECM（股票資本市場部）嘅C小姐，涉嫌替新股圍飛而俾證監會查，查實好多新股都有圍飛o架喇，點解係得C小姐斷正俾證監捉到呢？華華近日就聽聞，呢單嘢，原來係同新科技有關！ 證監聽錄音踢爆圍飛 聽講，有位幫手圍飛嘅仁兄（即係人頭），喺隻新股上市後打電話去嗰間證券行落盤沽貨，唔知做咩喺電話度開口講話自己係人頭，錄晒音，證監攞嚟聽，斷正度，係100%！ 呢 單嘢暫時無得查證，但證監會最近曾經向業界建議，要求佢哋將電話錄音嘅儲存期由o依家嘅3個月增加到6個月，理由係科技進步，證券行已經改用數碼錄音，即 係唔使儲錄音帶，保留多幾個月嘅錄音唔阻地方，又方便證監會調查咁話，咁如果C小姐斷正嘅原因係堅嘅話，證監會呢個要求都啱嘅，方便調查嘛。 講開新股圍飛，不妨八多一單過大家知！缸湖中人話，呢家嘢來來去去都係嗰堆人做人頭，而搵人頭嚟講，不成文規矩係要畀番少少車馬費嘅，但亦有人諗住老馮咁一毛子都唔畀，而近期最孤寒之冠，就係嗰檔「今日書齋」……以上純屬缸湖傳聞，如有雷同，實屬巧合囉！ |
||||||