|
||||||
|
一位外交官為政 府服務三十五年後，退休享清福，但因為佢曾在北京留學，妻子係中國歌唱家，在廣東長大，於是夫妻兩人起碼講四種語言：英文、法文、普通話、廣東話，如此人 才，立即俾一個慈善基金睇中，禮聘佢做基金行政總裁，發展推廣及贊助與中國文化及香港社會有關嘅文化藝術教育活動。 外交官T變成行政總裁T 之後，請「蘋果」張老總與左丁山到Grissini食意大利餐，午飯時候，我地飲水嘅啫，但總裁T話：「食中餐要飲茶，食日本餐要飲清酒，食美國餐要飲可 樂，與英國人食餐就飲暖啤，食法國餐要有紅酒，我地食意大利菜，睇怕要飲杯白酒啩？」講得真係婉轉，張老總乃醒目之人，立即奉陪，左丁山自然無可無不可。 計 番年份，總裁T在北京大學讀書時，正值文革時期，於是問佢有冇受過苦，佢話：「冇嘅，我地係外國學生，不受批鬥。但我係漢學學生，只有興趣於中國研究，但 一啲來自歐洲嘅學生，思想形態仲左過紅衞兵，反而係佢地批鬥我與同類學生o忝！那是一個艱苦年代，北京地區每日只有一小時熱水供應，好似係下午五時至六 時，在嚴寒冬天，我地全日冇熱水洗面、洗澡，有熱水供應時間，公共浴室迫滿人，後來諗番起，真係好辛苦。」 諗起文革，就明白今天中國生活之 好，令好多過來人以為自己活在夢中。幸好十年浩劫之後，毛澤東壽元已盡，四人幫隨他滅亡，鄧小平好快就上台掌握全國，搞走資，中國人先至見得番一啲好日 子。宣傳電影「建黨偉業」當然唔講呢一筆，只係講建黨時期之光明面，最令人不解者，就係只講毛澤東第二位妻子楊開慧，湖南鄉下元配羅一秀完全抹過不提，好 難向真實歷史交代啫，唔怪得學生豪等人睇完之後，以為毛澤東只得一位老婆o忝。如果明年嘅愛國教育都係咁樣避重就輕嘅話，就難為了老師。與總裁T講起中港 文化之不同，左丁山口快快講：「香港勝在有ICAC！」總裁T又發揮佢啲外交官幽默：「唔知邊位女士先生講過，ICAC四個字母代表就係 Interference with Chinese Ancient Customs！」 |
||||||