|
||||||
|
昨日講「中大校 友」，封面故事係幾位退休校友之生活，余子平博士（崇基化學1966）在加拿大退休後，在中國大陸「植苗」，專門扶助幼少貧窮學生，在加拿大就參加防癌義 務工作；張建雄（新亞工管70）係銀行家，退休後居於上海，除任教城市大學EMBA，就到處遊山玩水，品嚐美食與紅酒；高靜芝（70聯合工管）係人事（現 稱人力資源）專家，退休後出任不少公職，忙到不可開交，現在係財務匯報局主席、嶺南校董會副主席；李明逵（新亞歷史72）曾任警察一哥，退休後成日教人入 廚煮食，一位朋友財務L最佩服佢，封佢為退休高官人辦；白耀燦（崇基歷史75）退休後瞓身舞台劇，「斜路黃花」（講辛亥革命前之香港仁人志士）係代表作， 其他不能盡錄。 退休生活多姿采，近年最流行之退休活動就係坐郵輪遊加勒比海、波羅的海、地中海及阿拉斯加。陳會長剛自波羅的海回來，話坐郵輪幾寧靜，幾好玩，最可惜係登機往丹麥之時，在赤鱲角機場俾行李車撞親隻腳，痛到入心，去到彼邦上咗郵輪都冇法子周圍行。 張 建雄筆名張總，最近就出版一本新書「張總郵輪看天下」，由中華書局出版，彩色精印，附各地圖片、照片，皆張總所拍攝，張總嘅「饞遊系列」、「紅酒系列」， 大家可能讀過，如果喜歡嘅話，呢本「郵輪看天下」就會讀得好輕鬆愉快。原來張總是海員之子，自小便在貨船上落，第一次坐船旅行係在1970年乘台北號去基 隆，四十年來坐郵船去過阿拉斯加、加勒比海、墨西哥、挪威峽灣、冰島、俄羅斯運河、多瑙河、蘇杭運河、下龍灣等等，皆留下腳毛，佢話坐船千篇一律，如要遊 得盡興，一定要上岸遊覽，事先做定功課，上岸先至覺得不枉一行。佢呢本書就記述西班牙葡萄牙之旅、南地中海之旅、南美洲之旅、三峽、印度之旅、非洲之旅 等，正是去到邊，食到邊，飲紅酒到邊，嘆足世界，難怪林行止序引毛尖之言，話張總「美食半生，敬吃精神可謂職業」。退休人生乘郵輪嘆世界，「張總郵輪看天 下」係最佳隨身書本。 |
||||||