📖 ZKIZ Archives

價值投資（１） 陸羽仁

http://blogcity.me/blog/reply_blog_express.asp?f=5YTPBH5B812303&id=303031&catID=&keyword=&searchtype=

歐元今早在亞洲市急彈0.5%，上番1.414的水平，今日係歐元大跌後第二個交易日，顯示佢正進入大跌後的反彈週期，有利股市穩定。

昨 日評級機構惠譽話德國銀行持有的希臘債務數量處於可控範圍，麥格理亦將德國商業銀行評級調升至「跑贏大市」，令市場對歐債危機的憂慮有所緩解，歐元略為反 彈，歐股造好。原油及金銀銅等大宗商品價格走高，亦推動能源及原材料股向上，美股昨日低開高走，結束連續三日的跌勢，不過臨收市前半小時，升幅回順超過一 半。

杜指收報12395點，升38點，標普500指數漲4點，造1320點。杜指期貨最新報12353點，較現貨低水42點。

美股昨日反彈，全賴大宗商品市場顯著造好帶動，在幾間大行唱好油價和商品後，商品在急跌後穩定下來，顯著反彈。杜瓊斯商品指數（DJ-UBS Commodity Index）漲1.44%，原油、金銀銅，以至小麥、咖啡、玉米同綿花的價格齊漲。原油價格升1.7%至每桶101.3美元，銀價更大漲逾4%。相關股份受惠向上，Chevron及Exxon Mobil分別升1%及0.8%；銅金生產商Freeport-McMoRan Copper & Gold漲2.6%。

美股連跌三日之後反彈，但臨尾大幅回順，主要原因係市場買意不強，比較虛怯。這兩個星期陸逐出爐的經濟數據，包括費城、芝加哥及裡士滿匡等地區的製造業、新屋開建、二手房屋買賣、領先經濟指點、工業生產、以至產能使用率等等，全部都差過預期，昨日公佈的4月份耐用品訂單報告顯示，當月訂單總額較上月急劇下跌3.6%，跌幅大大超過市場預期。唯一值得安慰的是扣除飛機與汽車産品等運輸產品，核心耐用品訂單只係下跌1.5%，經濟數據唔好，美股仍有壓力。

網友Sohoboy問及價值投資的問題，值得參詳。佢問「有一個價值投資的問題想請教一下。價值投資成日都話當自己係老細, run緊一盤生意。但係我地老散得到的唔係呢盤生意的一手料, 我地冇得去睇廠, 得到的只係三手、四手資料。公司背後的野, 我地都唔知, 仲以為『基本因素冇變』。就好似我個朋友為例, 佢買左中國無線, 2369, 佢的基本因素都係不外乎中國點樣人多, 手機需求點樣大, 再加基金(惠理)等支持, 2010年係人都知佢業績唔會太衰。不過股價由上年11月高位一直向下, 以為比人炒過龍或震下倉, 朋友想住『基本因素冇變』, 長線都ok。到11年頭幾個月公司仲話銷量有增長, 更加堅定朋友對佢的信心。到上星期, 公司話毛利率收窄, 發盈警, 股價一日跌成30%. 」

佢話「到呢個時候, 價值投資者緊係會話『基本因素已經改變』。不過無論之前係邊個位入股, 大部份都要輸錢, 連惠理基金都要輸。所以, 除左一D大藍籌之外, 一般散戶係咪唔好係二、三線股都抱價值投資的心態, 都係炒佢一年半載, 定返個止賺止蝕位好呢? 但係定止賺位, 又可能真係錯過一D好股票, 好似恆安(1044) 、康師傅(322) , 睇返過去, 先知原來真係有實力。」

我 同意公司價值難睇清，亦同意一般股民未必有完全了解一間公司運作的能力，但話價值投話投資，一方面是睇公司的賺錢能力，另一方面係睇公司股價平唔平，要公 司未來賺錢能力高，但股價要平，才是有價值的投資。若估計公司賺錢能力高，但股價貴，充其量是有投機的機會，並未算得上是好的價值投資。講價值投資，首先 要明白此道理。

所以可以先從睇公司股價開始，以Sohoboy講的中國無線為例，佢去年7至9月慢慢升，在10月約在3.7元左右的水平徘徊，約為09年盈利計35倍市盈率，這個歷史市盈率好貴，意味若不是炒作，就是市場預計佢生意好好，2010年盈利大增，才企到這些水位。10月底隻股開始再升，到11月中慢升上4.3元附近，即是40倍歷史市盈率，然後有一則消息公開。

在去年11月15日，中國無線副總裁兼財務總監蔣超透露，最近剛在香港設立辦事處的索羅斯基金，上周二由索羅斯兒子帶隊，在大摩安排下，一行四人拜訪該公司，逗留了近兩小時。對於對方有沒有興趣入股該公司，蔣超稱並不知情。

哈哈，公司主動傳出索羅斯可能入股的消息，隻股急升上12月初的5.8元高位，短短個幾月升鰦57%，市值升上131億，以09年盈利計市盈率54倍，以當時估計去年盈利計市盈率27倍，可以話係好高的數字，要好快的盈利增長才可維持。

當時睇住隻股咁升，當可得出一個結論，無論索羅斯係唔係入股，無論3G手 機興起係唔係令間公司做多好多生意，隻股都係升得比較急，股價比較貴，唔係幾乎合價值投資入股價要便宜的原則，呢鱓股份唔係唔可以買入，但咁高市盈率的股 份，買入要定止蝕位，因為佢跌起上來可以跌好多。好多人講價值投資，唔記得最重要的一個角度，要睇股價，如果你在10倍、8倍市盈率的水平買一隻股，同在 27倍市盈率水平買一隻股，有好大分別，27倍市盈率咁高，跌起來有好大空間可以跌喎。

(明天再續)

陸羽仁