林奇：等了這麼久，超大(00682)今天終於開始爆煲了嗎？多謝黎智英！當然還有深入調查的記者！繼霸王後，又一鉅獻！只是，超大狂跌後的市值還有155億啊！憑什麼呢？
難道是黃仕寧的東寧孖寶陰魂不散？還是拿什麼去拯救你的福記食品，其主席魏東竟死不瞑目？借屍還魂？依附超大之身？
一如霸王集團(01338)，醜婦是終須要見家翁的！不然，霸王又怎會與宏霸(00802)日日創52週新低呢？一睇「兩霸」的招股價同見頂價，弊傢伙，我又艇咗！
今天，市場流傳下一間會爆煲的已不是偉大的超大了。
究 竟下一間會唔會係財經演員黃偉康瞓身護航，與林奇打對台，好似同佢有親的忠旺(01333)吖？定係被核數師持保留意見的雅天妮(00789)？定係賣梳 賣到上市，但林奇次次返大陸卻睇見間間舖頭都門可羅雀的譚木匠(00837)呢？定係連主席都冇面見人的蒙古礦業(01166)呢？當然，超圾名單不能盡 錄，不然，我們的亞洲國際金融中心，肯定好大鑊！
林奇曾十問財政司長曾俊華，可惜爆煲事件還是每天在本港上演，光天化日，呃錢事件可謂無日無之。因為，人性總是貪婪的！特別是編寫得又美麗而又極其動聽的超級增長式的中國故事，特別是福建版本呢！
我們偉大的香港證監會呀！究竟要到什麼時候才能與國內看齊，令年年蝕本的上市公司會被除牌？至少都可以幫輕吓，杜絕某啲仆街的狼子野心吧！長期停牌都可以，就好似大凌咁，林奇一早講過，大凌復牌，絕非香港之福呢！
唉！天曉得呢！
都係嗰句：您不理財！財不理您呢！
鬼叫自己當初衰貪心咩！我知錯了，股票係唔能夠亂咁買的，雖然林奇成日都講，但係今日，我又上了寶貴的一課了！
延申閱讀
農作變「老作」 超大現真身
http://m.hkgolden.com/view.aspx?message=3039773&type=BW
印股票比炒股票更賺錢
http://www.am730.com.hk/text/article.php?article=57751&d=1491