|
||||||
|
黃紹開退休，出 任海通國際證券顧問。資深人物退休，仍任公司顧問，似乎漸成慣例。東亞銀行彭玉榮、陳棋昌兩位副行政總裁退休後，任東亞高級顧問，每日返工；新鴻基地產執 董黃奕鑑退休後，任新地高級顧問，似乎忙碌程度，與以前差不多；鄭海泉不再做香港上海滙豐銀行主席，亦會做顧問一段時間。講真，有人面，有經驗，有深厚業 務知識嘅行政人員係公司一寶，只不過因為年齡關係而要退位，對公司可能係「知識與經驗」之雙重損失，搵番佢地做顧問，對公司只會有利，不會有害。 知 識與經驗並非一朝一日之內，有錢就買到嘅。藝術Ｂ本來在三月放假去日本遊覽博物館，點知發生311事件，日本之旅被逼取消，跟住工作繁忙，長假期作廢。退 而思其次，復活節期間，到新近旅遊熱點，海南三亞作短期陽光海灘遊，住在豪華五星酒店Ritz Carlton，淨係聽個名，都假設呢間酒店有高級享受，優質服務嘅啦。一到埗，Ｂ太就讚嘆酒店設計與裝修夠高格調，令旅客非常舒服，與泰國最top嘅渡 假酒店相比，有過之而無不及，即刻鍾意晒。 點知第二日到西餐廳吃午餐，就好唔happy咯，兩人叫牛扒，一個要半熟，一個要七成熟，侍應捧 牛扒上枱後，實在係十成熟，切都切唔開，兩人向侍應投訴，侍應愛理不理，好似唔明白咁。唔好以為佢地講普通話唔掂噃，入酒店之時，佢地開腔講普通話，人地 以流利英語回答，大家溝通冇問題o架！投訴無效，食到一肚氣之後，Ｂ太要杯「西班牙忌廉咖啡」，嚟到之後，Ｂ太話：「西班牙咖啡係有一嚿呍呢拿雪糕嘅 噃。」侍應於是走入廚房，拿來一嚿雪糕，放在碟上，跟住將個碟打斜，倒咗嚿雪糕落杯咖啡，幾乎水花四濺，Ｂ太上身連忙仰後，免被咖啡水飛落自己件Ｔ恤度， 藝術Ｂ慨嘆曰：「呢間三亞Ritz Carlton硬件靚到一百分，服務軟件一團糟，要搵啲鬼佬經理教導監督吓至得！」搵鬼佬，崇洋呀？管理五星豪華酒店呢回事，確實係鬼佬先至有豐富知識與 經驗！ |
||||||