| ||||||
各大足球聯賽相繼開鑼，有電訊營業員乘機游說市民，購買「網絡電視盒」，聲稱可上網睇免費波兼送家居寬頻；不過實際使用時，畫面卻低清模糊、不時斷線。有腦場營業員解釋，直播球賽只是此等電視盒的附屬功能，畫面質素根本無法取代收費電視；揭示所謂睇波功能，只為推銷說辭。 黃先生酷愛睇波，五月底被「3家居寬頻」營業員上門推銷「網絡電視盒」，聲稱「直播晒歐洲各大聯賽，想睇邊場自己揀」，更指可附送家居寬頻，只須繳付每天八元「維修保養費」，即可永久觀看各大聯賽。「我見英超、西甲轉播權成日轉手，呢個盒一次過睇晒所有波，唔錯喎，於是就簽約。」黃記得，營業員保證電視盒實時直播，唯一只欠缺粵語旁述。 然而電視盒安裝以來，黃從未能順利睇波，「一係連唔到線，一係就得聲無畫面；畫面好矇，有時又窒窒吓。」黃遂向3香港投訴，惟對方卻指公司只負責提供家居寬頻，睇波並非服務範圍，拒絕受理。 跟進所簽為寬頻合約 合約條款註明黃登記的是月費二百七十八元的「家居寬頻服務」，並非營業員所講的「維修保養費」；「我以為買個電視盒，點知裝咗寬頻！」記者亦曾試用該電視盒，發現所謂直播各大聯賽，原來只是透過系統下載程式，連接到內地或外國網站，本質上只和以電腦或手機上網「偷雞」睇波一樣。 專家話無法取代收費電視 深水埗腦場的正都電腦助理產品經理李浩星直言，這種網絡電視盒早於年多前興起，其操作原理與平板電腦及手機相似，同樣使用安卓（Android）平台，讓用戶自行下載串流播放程式，上網收看電影及電視劇。「例如香港的myTV，大陸的PPLive、搜狐視頻等；總之係連上網站server下載返嚟睇，原理好似睇Youtube咁。」李指出，由於這些內地網站經常更新電影及國內劇集，香港用家下載後亦可「自由」收看電影，算是灰色地帶，「呢啲電視盒主打一定係電影同劇，因為畫質真係做到全高清；不過直播電視同睇波呢，就一定唔係賣點啦，我哋都唔會咁sell，其實大陸體育頻道好多未到高清水準，而且透過網絡睇一定會有delay，肯定會矇同會慢幾分鐘！」李坦言，無論直播訊號來自內地或海外，都不能保證永久有效，睇波用戶一多，隨時「塞車」斷線，「代替唔到收費電視！」有腦場中人亦質疑，當日3營業員所言只為「開單」手法，「呢啲盒根本有上網就睇得，深水埗都係賣幾百蚊一部，根本唔使簽約，可能佢氹你裝寬頻，掉轉啲說話嚟講。」 回應退錢解約 香港和記電訊發言人回覆本刊時承認，該職員在銷售過程中未有向客戶詳細解釋電視盒的實際功能，經了解後已安排與黃先生解約並退回已繳費用；公司亦已向有關員工發出警告信。 （趙振龍） 壹判官 營業員存心誤導，買電視盒變裝寬頻；消費者亦有責任睇清合約條款，切勿太蠢輕信人！劣劣劣（五個劣為最嚴重） | ||||||