📖 ZKIZ Archives


初三求籤 左丁山


2011-2-5  AD




 

年初一乃四絕 日,不拜年,年初二立春,兔年正式開始,於是吃過午飯之後,就去長輩屋企拜年問安,好快就在外「巡遊」完畢,回家刨馬,準備今日年初三入場跑馬,至於往車 公廟咯喎,今日肯定有十萬人入廟拜神,蔚為壯觀,我地唔會夠人逼,避之則吉,入馬場好過。不過今日確係入廟拜神好日子,下午三點之前嘅時辰都幾好,九點至 一點乃是吉時,下午三時過後至晚上七時係凶時,雖然話百無禁忌啫,拜神噃,祈福噃,點解唔揀吉時啫,劉皇發到車公廟求籤,你估唔識揀咩。

在 科學昌明時代,華人還要求籤問卜,洋人還會睇星座、抽啤牌,不能純以「迷信」嚟批評,其中有深厚文化原因,即使自己唔信,亦需尊重人地嘅行為。日本人入廟 求籤,求到上籤,當作運氣好,做事會積極啲,樂觀啲,求到下籤嘅話,佢地將籤文綁在廟內一棵樹,表示「知道了」,行事便會小心啲,謹慎好多,做事不敢犯 錯,此乃求籤之正確態度。假如求得下籤就心情不安,鎮日惶恐,不思茶飯嘅話,實在太消極咯。求籤之前,有心理準備嘅話,先至唔會失望。以左丁山為例,在車 公廟、黃大仙、泰國佛寺、日本佛寺及淺草觀音,皆曾求得下籤,每次都在廟堂前一拜二拜三拜,心裏講聲「知道了,弟子必將謹慎行事。」當作上天示警,行為不 敢衝動粗疏。

若求得車公廟上籤,最想做邊樣呢?最好就係財運亨通,投資順遂,買股賺多過蝕啦。過年前碰到地產A,乃新相識,但講吓講吓就知 道大家有不少共同朋友,大家都熟悉投資T,對佢佩服不已。投資T唔駛年年求上籤都買股票賺到笑,係朋友間之股神。乜唔係吖,佢每日對住電腦揀股票,唔駛租 寫字樓,唔駛返工,年年可以買一層豪宅,真是天下第一等營生也。地產A話:「T哥最令我佩服之處就係在股市賺錢,就在樓市買樓,唔會在股市輸番落去,我有 好多朋友在股海打滾,賺過大錢亦輸到冇晒,二十年來得個吉。T哥有時在熊市輸咗,但靠樓市補番數,故此長勝不敗。」左丁山好想學T哥嘅,只是多年來在車公 廟求籤,屢屢收到警告:「忌賭博,不宜投機!」


PermaLink: https://articles.zkiz.com/?id=22294

Next Page

ZKIZ Archives @ 2019