|
||||||
|
恒隆地產（101）噚日公佈中期業績，「大細陳」照例齊齊出動！接手做恒隆董事總經理大概半年左右嘅陳南祿，同埋老闆陳啟宗，繼續喺記者招待會上，鬼死咁肉麻咁互送高帽，連講新年願望，都要乘機讚吓對方，聽到華華打晒冷震。 咁「雙陳」合作半年大家各自有咩感想呢？大陳佢只係得一句，就係「好勁」或者「好極」。細陳即刻嗒晒糖，回大陳一句，喺恒隆工作感覺係「極好」。 到講新年願望嘅時候，大陳希望自己搵咗個得力助手返嚟之後，今年可以瞓番多啲。 細陳仲勁，佢話自己嘅新年願望係希望恒隆可以繼續騰飛，話集團呢啲道德水平咁高嘅公司，係商界成功嘅典範，佢個人非常佩服……雞皮起晒，華華唔能夠寫落去喇！ |
||||||