ZKIZ Archives


智取大市:長期負利率點玩

1 : GS(14)@2016-09-09 05:05:33

今次升浪,好多人話係由放水帶動,之但係由2009年到而家,其實已經不停放水,咁近排同之前又有乜分別?呢兩日值得留意嘅新聞,其中一單,係歐洲有兩間企業以低於零息發債,發債呢家嘢,同IPO一樣,事先一定要圍到飛先至定價,既然兩至三年期歐元企業債,能夠以負息定價,五年期債都可以玩到零息,都仲有大把人買,咁即係代表,市場認為,歐洲負利率將會長期維持落去。放水預期,一直都存在,不過,負利率將會維持若干年嘅預期,似乎未認真喺股市上反映晒,或許,今次升浪正在反映呢件事。如果市場當正負利率會有排延續落去,股價會演變去乜嘢程度?少啲想像力都唔得,而有幻想空間嘅話,自然能形成升市藉口,玩到癲一癲都有人信,到時就自然貴一貴都有人接貨有人搶。策略係點?睇圖睇動力見機行事,因為圖表最老實。晉佳
http://fb.com/advanceguy1




來源: http://hk.apple.nextmedia.com/financeestate/art/20160908/19763509
PermaLink: https://articles.zkiz.com/?id=308147

教你美酒節攻略!點玩先唔會蝕啅?

1 : GS(14)@2016-10-29 13:08:21

美酒佳餚巡禮今年場地更大,參展商更多,飲酒多要付款買品酒證,但只要熟讀攻略仍可一文不花,只用手指按like展商fb專頁,便能免費一嚐佳釀。參加工作坊也是平飲靚酒的捷徑。不過,就算要品嚐頂級佳釀,也只需花100元便可一嚐值3500元的100分酒,或150元品嚐全場最老的78年砵酒。記者:伍雅謙從近中環天星碼頭入口進場,便可見到法國、西班牙、意大利、美國等不同國家的攤位,街頭小食區也在附近,再直行便是日本酒區,之後便是接近金鐘出口的香港吧,可一嚐新式雞尾酒,美食也多集中這區。每張標準品酒券價值20元,試飲一杯最少要一張,部分或要更多。不過,要不花一元試飲清酒及梅酒可到日本區。喜和企業新引入清酒「四星大吟釀」,以飛驒山雪水及山田錦稻米釀製,米香悠長;另一款則是京都久美之浦酒莊的梅酒,以青梅釀製,梅酸配合較肥膩的豬腩肉串燒,實在一絕。入場人士只需到喜和「KIWA HK」fb專頁按Like,便可獲兩張品酒券,即時免費試飲上述兩款清酒,每日只限派發500張,手快有手慢無。飲酒也講求健康,品牌SARAYA從羅漢果提煉出甜味劑釀製梅酒,相比使用白砂糖的梅酒,卡路里減少30%,產品酒體濃郁,加冰後更易入口,一支售200元,兩支300元,入場人士只要按Like覓酒坊的fb專頁,便可免費試飲10毫升,但只限每日下午2時至5時。每年Riedel均舉辦工作坊,其實是最抵的試飲機會,因參加只需3張標準品酒券,工作坊以3種紅酒配搭3款朱古力,包括本港沒有發售的Lindt辣味朱古力,三款酒在其他攤位試飲需花約6張券。不過,工作坊往往每日中午時分便額滿。位於主舞台旁的尊尚區,需持尊尚品酒證才可入內,每張尊尚品酒券價值50元,雖然較貴,但可品嚐價值數千元以上的貴價靚酒。陳年佳釀價格不菲,一嘗滋味不易。應是全場年紀最大的酒品Kopke Colheita Port1938,在木桶內已達78年,近日才入樽出售,帶有堅果及芝士味道,入口香甜醇厚,零售價5400元,只需三張券即150元便可一嚐。此酒全球數量不多,君蘭酒業銷售及市場發展經理黃偉衡指,該公司亦只得一支,預計在周六晚會「開封」試飲,與眾同樂,預計只有10至20杯。至於WINE HIGH CLUB則帶來1982年的法國Pichon Lalande De Comtesse,一支零售價5,200元,3張品酒券便可飲用,該公司負責人何紹洪直言「開一支蝕一支」,並只有8支存貨,每日限試飲2支。今年Watson's Wine推介其中一支Robert Parker評為100分的靚酒,原本需3張尊尚品酒券,現只需2張即可試飲。該支紅酒為法國酒莊Chateau Montrose釀製的St Estephe2eme Cru2010,零售價3500元。Watson's Wine銷售營運及市務主管黃思敏稱,Montrose聘用了一級酒莊Mouton的總經理,屬於未來之星,加上2010年也是波爾多經典年份,酒品入口具藍莓、花香及無花果味道,丹寧充足,即使再擺放數十年仍適合飲用。




來源: http://hk.apple.nextmedia.com/news/art/20161029/19816180
PermaLink: https://articles.zkiz.com/?id=313908

魚樂無窮:新股遊戲點玩好

1 : GS(14)@2018-03-19 04:37:16

仍在歐遊的唐牛,雖說日日繼續望股價、睇新聞、刨通告,但明顯跟不上市場節奏。冇計,由於時差關係,睡覺時間正好為港股交易時段,即日鮮固然冇我份,就連吼位走上落的機會也欠奉。當然,遇上上星期「日升日跌」的市況,暫時抽離肯定無傷大雅,起碼不用被左一巴右一巴咁摑,更難得的是可用旁觀者的身份觀看全局。明顯地,市場消息現正主導後市走勢,風頭更蓋過企業成績表,講到尾即係冇得估。不過,如果倉位坐得舒適,波動市況其實難唔到你,掌握到即市動態的,更可透過短炒拉低平均成本,增添坐貨籌碼。論短炒,有概念的新股一定最好玩。何謂有概念的新股?細細粒容易食、認購熱爆令貨源歸邊乃基本要求,如果有埋名牌效應,更是如虎添翼。明日上市的賓士國際(1705),市傳公開發售超額認購逾2,600倍,上市市值只得4億元,更是經營港人最愛的天仁茗茶,大炒絕無難度,只是幅度問題。冇入飛抽或者分得唔多點算好?建議大家睇實首日上市表現,如果能夠企穩暗盤價樓上,證明市場消化力強,值得入場跟進。都係那句,新股只炒供求,能否贏錢要視乎閣下的心理質素及運氣了。唐牛
http://fb.com/tongcow88本欄逢周二、四刊出



來源: https://hk.finance.appledaily.co ... e/20180313/20330466
PermaLink: https://articles.zkiz.com/?id=349867

Next Page

ZKIZ Archives @ 2019